مشاهدة النسخة كاملة : طريقه عمل العجينه بانواعها
kareem_serry 11-05-17, 12:09 AM وصفات لصنع العجينة
الوصفات دي مجربة في البحر واثباتت نجاحا باهرا في صيد البوري
1- العجينه اللينه
وتستخدم لصيد البوري
وهي كوب من الدقيق
ملعقه من الزيت
ملعقة من السكر
يعجن الخليط بالماء حتي تصبح عجينه متجانسة
ويستدل علي ذلك بانه عند مسكها لا تعلق بالاصابع
2-العجينه المستويه
وتستخدم ايضا لصيد البوري
كوب من الدقيق - ملعقتان من النشا - ملعقة من الزيت ملعقه سكر
تخلط المقادير للحصول علي عجينه سايلة
ترفع علي نار هادئة مع التقليب المستمر حتي تصبح عليظه القوام
ومن المستحسن عند استخدام هذا النوع من العجينه ان يكون معك كمية من الدقيق
لانه من الممكن ان تسيح هذة العجينه عندها تستخدم الدقيق لضبط قوامها
3-عجينه على النار
1- كوباية دقيق 2- نفس الكوباية مياه ولكن أقل بحاجة بسيطة
3- ملعقة ونصف زيت ( ملعقة كبيرة )
طريقة التحضير :
توضع المياه مضاف إليها الزيت على النار حتى تبدأ فى السخونة وليس الغليان ... بمعنى أول ما تلمح المياه هتبدأ تسخن ويظهر على وش المياه فقاقيع هتضيف عليهم الدقيق .
وتقوم بالتقليب المستمر حتى تماسك العجينة ومن الممكن أن تبعد القدر عن النار لحظة لحين تماسكها وترجعها تانى على النار وتتحسسها بإيدك عشان تعرف إنها بقيت تمام .
بعد كدة تسيبها تبرد بدون ما تحفظها فى أى حاجة لحين ما تبرد تماما . لو حصل و حفظتها فى أى حاجة هتعرق ولو عرقت هتعجن وتلاقيها بتلذق فى أصابع إيديك أثناء الصيد .
4-العجينه القطنية
ودي بأى عجينه زى الحديد على السن
وهيه على فكرة انك تستخدم اى نوع من الانواع السابقه بس هتضيفلوا ( قطن )
ايوة قطن ويفضل قطن خشن ممكن تجيبه من عند المنجد او محل البويات بتاع دهان الخشب
ودة بتقطعه حتت صغيرة جداً وتعجنه مع العجينه بس بكميه مش كبيرة
وانسي العجينه فى الميه
Ahmed kouta 11-05-17, 05:55 PM الف شكر علي المعلومات الحلوة ديا بس بصراحة انا اول مرة اسمع عن موضوع العجينة بالقطن دي بس لية لا فكرة بردة نجربها ونحكم ان شاء الله
الله ينور عليك والعجينة القطن ممكن تتحط فى المشنقة علشان بتثبتها على شريط الرصاص فبتمسك كويس
وكمان فى اللباد بتاع العيش القيزر ( وليس الفينو لان عجينتة مختلفة) اللباد بتاع القيزر اول مبيلمس الميه بتلاقية زى الحديد على السنس او على الرصاص وبنفع فى السيجان و الجمبرور بيبقا ميه ميه مهما تحدف وتلم بتلاقى الطعم ماسك نفسه
adel_7768 11-05-28, 11:35 PM تسلم ايدك يا باشا ومنتظرين المزيد
مشكور يا كريم باشا
بس العجينة دي بتنفع مع البلطي؟ ولو مش بتنفع ايه اللي ينفع؟
kareem_serry 11-05-31, 09:19 AM مشكور يا كريم باشا
بس العجينة دي بتنفع مع البلطي؟ ولو مش بتنفع ايه اللي ينفع؟
سمير باشا العجينه دي تنفع مع البلطي بس البرغوت ودود الارض هما احسن حاجه مع البلطي عن تجربه.. انما العجينه مجرتهاش مع البلطي ..
انا بصطاد بيها ف البحر علي طول وشغاله تمام مع البوري والبطاطا;)
سمير باشا العجينه دي تنفع مع البلطي بس البرغوت ودود الارض هما احسن حاجه مع البلطي عن تجربه.. انما العجينه مجرتهاش مع البلطي ..
انا بصطاد بيها ف البحر علي طول وشغاله تمام مع البوري والبطاطا;)
اولا اشكرك على سرعة ردك
ثانيا البرغوت اصله طري و كنا بنصطاد في حتة حلوة ما شاء الله بس كنت ارمي الاقي الفلة بتنزل اروح شادد الاقي السلاحين فاضيين اجرب تاني نفس الكلام وبعدين قلت ارمي قريب مني يمكن اعرف ايه اللي بيحصل لاقيت السمك الصغير اوي الزريعة بينهش في الجمبري ويخلص عليه قبل الكبير ما يلحق ياكل حاجة فانا اتخنقت وبعدين الجمبري مقرف اوي في تطعيمه وبياخد وقت انتا اكيد عارف
فانا كنت عايز طعم يبقا جامد شوية ويستحمل العضعضة من الصغير عشان الكبير يلحق ياكل
ومعلش طولت عليك
kareem_serry 11-05-31, 09:42 AM ياباشا ماهو الشر الصغير ده مقرف حتي لو حتطله عجينه ماه هيعضعض فيها وممكن يمسك ف السلاح ويطلع معاك بس دود الارض جامد برده هو مقرف حبتين بس بيستحمل عن البرغوت وممكن تجرب الغله بس مش في كل الاماكن وهي صيدها صعب شويه عشان بتحتاج صبر وطوله بال بس سمكتها بتبقي محترمه ماشاء الله
انت كنت بتصطاد فين؟؟
في حتة كدة مش باينة عالخريطة ومالهاش مواصلات بس كان معانا عربية هو ناحية سيدي كرير كدة
يعني لو جبت الدود حيستحمل كويس.
طيب و الغلة دي بتتعمل ازاي؟
ياعم برغوت ايه و دود الارض اي انا اتقرفت منكم و انا بقالي 12 سنه بصطاد سمك عمري ما اتكلمت معا حد كده
اه يا كريم باشا انت اتجوزت و لا لسه علي قكره يا جماعه كريم فرحه قرب و هو مش عاوز يعزم حد ينفع يعني
علي فكره احسن طريقه للغله هي وضعها في بطرمان و غطيها بالميه و غلق البطرمان باحكام و اطرقها لمده ثلاثه ايام
mahmoud11144 11-05-31, 10:02 AM طيب و الغلة دي بتتعمل ازاي؟
الغلة يا ابو سمرة بتجيب شوية غلة بس مش كتير حسب الكمية الي انت عاوزها
بتحتها في شوية مية مثلا انت هتصتاد بكرة تؤم جايب طبق كبير وجايب فية شوية مية وحاطت الغلة فية وتسبها لتاني يوم هتلاقي الغلة كبرت وبكدة تكون سهلة في سن السنارة بس هي بتغيب شوية لما يجي لها سمك
واهم حاجة اوعي تنساني بحتة بوري كدة علي حتة بلطي ولا اقولك هاتلي السمك كلة
ههههههههههههههههههههههههههه...
kareem_serry 11-05-31, 10:04 AM في حتة كدة مش باينة عالخريطة ومالهاش مواصلات بس كان معانا عربية هو ناحية سيدي كرير كدة
يعني لو جبت الدود حيستحمل كويس.
هو يستحمل بس الحته دي تعبانه انا كنت بشوف ناس كتييييير وقفين ومره روحت اقولت اجرب لقتها كلها زريعه صغيره وخنقه عايز حته كويسه؟؟
لو معاك عربيه روح بحيره البرلس انا جربتها قبل كده وبصراحه شغاله تمام وفيها بلطي كبير الحجم اللي بيتقلي عارفه؟
طيب و الغلة دي بتتعمل ازاي؟
الغله دي عادي بتجبها من عند العطار وتنقعها في شويه ميه بليل قبل متطلع تصطاد بس بحيث انها مش تبوش عشان متتهراش معاك وفي نفس الوقت تبقي طريه شويه مش ناشفه عشان تعرف تحطها ف السلاح
kareem_serry 11-05-31, 10:09 AM اه يا كريم باشا انت اتجوزت و لا لسه علي قكره يا جماعه كريم فرحه قرب و هو مش عاوز يعزم حد ينفع يعني
هههههههه لا ياباشا لسه ان شاء الله انت اول المعزومين
اولا الف الف مبروك للاستاذ كريم
ثانيا اشكر الاخ يونس وحودة حبيبي وطبعا صاحب الموضوع الاستاذ كريم وحجرب انشاء الله الغلة والبرلس ههههههههه
و اقولك ايه النظام
بس الحتة اللي باروحها دي جميلة و الله وفيها شغل و احجام وكميات بس الطعم والسمك الصغير كانو معاكسينا
kareem_serry 11-05-31, 10:20 AM اولا الف الف مبروك للاستاذ كريم
ثانيا اشكر الاخ يونس وحودة حبيبي وطبعا صاحب الموضوع الاستاذ كريم وحجرب انشاء الله الغلة والبرلس ههههههههه
و اقولك ايه النظام
بس الحتة اللي باروحها دي جميلة و الله وفيها شغل و احجام وكميات بس الطعم والسمك الصغير كانو معاكسينا
شكرا يابوسمره وجرب وقولي عشان انا بقالي فتره مش بصطاد بس انا بحب صيد البحر اكتر
والبرلس جميله بس متشتغلش قيها بالغله لان مش كل الميات تنفع فيها الغله
Ahmed kouta 11-05-31, 10:35 AM طيب و الغلة دي بتتعمل ازاي؟
صباح الخير الاول طبعا انت بتصتطاد من المزرعة الي علي طريق الكافوري الي اخر الطريق بتاعها يا تنزل علي المطار او انك تنزل علي طريق الساحل عند قرية سيدي كرير احسن طعم للمنطقة ديا دود الارض بيمسك علي السن تمام ويستحمل معاك عضعضة السمك الصغير اما بالنسبة للغلة معتقدتش انها تنفع هناك لاني مسمعتش ان في دور غلة هناك خالص بالنسبة للغلة بتشتريها من العلاف وبتنقعها في الميا وتغليها لغاية قرب ما تستوي يعني بتبقي مستوية اكتر من نص سوا بشوية بحيس انها تبقي ماسكة علي السن بس بصراحة انا مليش في صيد الغلة . وعموما طالما انت قربت من كرير اوي كدة ادخل قرية سيدي كرير والبحر اجدع ممكن هناك تلاقي حتت تضرب معاك احسن من البلطي والطعم هناك برغوت ونطاط وممكن سردين والسمك هناك شراغيش وميرا ودنيس
صباح الخير الاول طبعا انت بتصتطاد من المزرعة الي علي طريق الكافوري الي اخر الطريق بتاعها يا تنزل علي المطار او انك تنزل علي طريق الساحل عند قرية سيدي كرير احسن طعم للمنطقة ديا دود الارض بيمسك علي السن تمام ويستحمل معاك عضعضة السمك الصغير اما بالنسبة للغلة معتقدتش انها تنفع هناك لاني مسمعتش ان في دور غلة هناك خالص بالنسبة للغلة بتشتريها من العلاف وبتنقعها في الميا وتغليها لغاية قرب ما تستوي يعني بتبقي مستوية اكتر من نص سوا بشوية بحيس انها تبقي ماسكة علي السن بس بصراحة انا مليش في صيد الغلة . وعموما طالما انت قربت من كرير اوي كدة ادخل قرية سيدي كرير والبحر اجدع ممكن هناك تلاقي حتت تضرب معاك احسن من البلطي والطعم هناك برغوت ونطاط وممكن سردين والسمك هناك شراغيش وميرا ودنيس
الف الف شكر يا احمد باشا ربنا يكرمك اخلص امتحاناتي بس و اجرب انشاء الله الحتت دي
|