موعدنا مع الإجتماع الثالث للرابطة. ( نأسف تم تأجيل الإجتماع ) [الأرشيف]

braveheart

11-05-15, 10:05 PM

بسم الله الرحمن الرحيم.

تم تحديد يوم الجمعــــة الموافق 27/5/2011 كموعد للإجتماع الثالث للرابطة الساعة السادسة مســـاءا و حتي العاشرة مساءا بكافيتيريا الربــــوة أمام موقف أتوبيسات زهراء مدينة نصر.

و سيحضر الإجتماع ( القنصل جمال نصر - و الأستاذ بدر - و الأستاذ أمير mero1x - و الأستاذ / عبد الله unknown - و الأستاذ / عصام عاصم essam assem - و الأستاذ أحمد عبد الغني rock - و الدكتور / محمد حسن dr_mohasan - و الأستاذ / شريف osha966 - و كريــــم braveheart ) بصفة أساسية .. و يشرفنا حضور السادة أعضـاء المنتدي الكرام.

صـــــــــور من الإجتماع الثاني للرابطة :

hesham[MaFya]a

11-05-15, 11:12 PM

يا باشا ليه الشرف انى اول من يرد على حضرتك و ان شاء الله اكون خلصت امتحانات و احاول اجى....شكراً

unknown

11-05-15, 11:15 PM

ان شاء الله هكون هناك

كريم الشامي

11-05-16, 02:08 AM

علي خير ان شاء الله ....

hema777h

11-05-16, 02:36 AM

جاااااااااي باذن اللة تعالي

Ahmed914

11-05-16, 03:28 AM

جاااااااااي باذن اللة تعالي

+++++++++1

rock

11-05-16, 05:53 AM

السلام عليكم... يكون ليا الشرف إني أكون معاكم إن شاء الله ... بس هو لونناقش موضوع المكان يبقي احسن ... تحياتي‏.

أبو شمس

11-05-16, 11:32 AM

يا ريت المكان يكون اقرب لان واحد زي حلاتي من سكان الهرم
و معندوش عربية يكون المشوار بعيد عليه
و هناك من هو ابعد من ذلك

Mohamed Mahmoud

11-05-16, 12:02 PM

يا ريت المكان يكون اقرب لان واحد زي حلاتي من سكان الهرم
و معندوش عربية يكون المشوار بعيد عليه
و هناك من هو ابعد من ذلك

عنيا يا ابو شمس المرة دى احنا نروح مع بعض

Mahmoud

11-05-16, 12:07 PM

بسام سعيد

11-05-16, 12:14 PM

ان شاء الله هكون هناك ويشرفني معرفة الناس الجميلة ديه

dr_mohasan

11-05-16, 12:16 PM

معاكم فى المكان والزمان المحدد بإذن الله , ومتشوق جدا لهذه الصحبة الرائعة

smsmn8888

11-05-16, 12:25 PM

يا جماعة انا نفسي اكون حاضر معاكوا بس ليه منحاولش نخليها في وسط البلد مهو انا مش شايف ان مدينة نصر ده وسط البلد هو انا قصدي ان اللقاء يبقى قريب من كل الناس يعني انا ساكن في 6 أكتوبر و المشوار هيكون سخن جدا في يوم اجازة بس انا هبذل كل جهدي اني اكون موجود ان شاء الله

نفس القصة بس الواضح ان هم خلاص اكتفو ومش عايزين ناس تاني علشان كدا حددو المكان دون نقاش مع العلم انهم قالو اخر مرة ان المرة الجاية هتكون في مكان تاني قريب للباقيون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:cool:

prosalos

11-05-16, 12:42 PM

أن شاء الله أتشرف بالحضور

البطل

11-05-16, 08:05 PM

السلام عليكم ياريت مكان وسط فى وسط البلد مثلا وبجد نفسي أكون معاكم وأتشرف بيكم

essam assem

11-05-16, 08:42 PM

باذن اللة جاى هو حد يجيلو فرصة يشوف الناس المحترمة دية ويتاخر اشوفكم على خير ان شاء اللة تحياتى للجميع

أبو شمس

11-05-16, 09:06 PM

عنيا يا ابو شمس المرة دى احنا نروح مع بعض

حبيب قلبي و الله واحشني
و الله مغرقني بذوقك
و مستنيك تكون فاضي و
نتقابل

unknown

11-05-16, 10:07 PM

smsmn8888

11-05-17, 12:52 AM

اود ان ابدى احترامى لجميع اخوتى هنا واهمس فى اذانهم اننى احضر من السويس لهذا الاجتماع اى اننى اقود حوالى الثلاث ساعات لأحظى بهذا الشرف فمن باب اولى ان نجد كل اخواننا القاهريين موجودين اليس كذلك؟؟؟
احمدباشا عبدالغنى بجد هزعل جدا جدا لو مجتش والله بمشيئة الله لازم تيجى حتى لو هعدى عليك اخدك من البيت :)

المقصود بسيط جدااا تم الاتفاق من قبل علي المكان تا في المقابلة السابقة وكان الرد ان المرة الجاية هيكون في وسط البلد او مكان تاني ولكن الواضح ان مافيش مرة جاية لانة تم الاتفق خلاص علي المكان من الاسبوع الماضي الواحد بصراحة كان نفسة يقابلكو بس الواضح انها مش هتفرق معاكو كتير بالتوفيق

mahmoud11144

11-05-17, 02:39 AM

انا اعتزر عن الحضور لسبب الامتحنات وامتحناتي يوم 28 يعني تاني يوم
وبصراحة انا حزين جدا جدا جدا جدا اني مش هبقي معاكو
وانا كان نفسي اتعرف علي احلي واجمل واغلي الناس في الدنيا
ولاكن مفيش نصيب...
ان شاء اللة معاكو الاجتماع الي جاااااااااااااااااااااااااااااااااااااااااااي

وارجو من حضرتك يا ستاذ كريم الصور للرابطة كلها متفوتش ولا واحد خالص
ورجاء بلغ سلامي واعتزاري لكل الحاضرين وخاصة الكبيييييييييييييييييييييييييييييييييير
سيادة وجناب القنصل

كفافى1

11-05-17, 03:11 AM

السلام عليكم
احنا قلنا الاجتماع الثالث سوف يكون فى وسط البلد فياريت بعد اذن جميع الأعضاء يكون الاجتماع فى اى مكان بوسط البلد ليكون فى متناول الجميع حضور الاجتماع وللجميع الشكر والعرفان
تحياتى
ياسر الكفافى

braveheart

11-05-17, 10:27 PM

عنيا يا ابو شمس المرة دى احنا نروح مع بعض

شـــــــكرا للمبادرة الطيبة ، و أتمني حضوركما معا الإجتماع بأمر الله.

اود ان ابدى احترامى لجميع اخوتى هنا واهمس فى اذانهم اننى احضر من السويس لهذا الاجتماع اى اننى اقود حوالى الثلاث ساعات لأحظى بهذا الشرف فمن باب اولى ان نجد كل اخواننا القاهريين موجودين اليس كذلك؟؟؟
احمدباشا عبدالغنى بجد هزعل جدا جدا لو مجتش والله بمشيئة الله لازم تيجى حتى لو هعدى عليك اخدك من البيت :)

بالفعل الأستاذ / عبد الله .. يأتي من السويس لحضور الإجتماع ، و يشرفنا هذا الحماس و هذه الروح التي نتمني تواجدها لدي كل الأعضاء و خاصة أن هذه الرابطة هي فائدة لهم جميعا في المستقبل.

المقصود بسيط جدااا تم الاتفاق من قبل علي المكان تا في المقابلة السابقة وكان الرد ان المرة الجاية هيكون في وسط البلد او مكان تاني ولكن الواضح ان مافيش مرة جاية لانة تم الاتفق خلاص علي المكان من الاسبوع الماضي الواحد بصراحة كان نفسة يقابلكو بس الواضح انها مش هتفرق معاكو كتير بالتوفيق

و الله يا أ / سمسم المرة اللي فاتت عملنا أستفتاء علي المكان ، و الغريب أن اللي أقترح مكان الربوة لم يأتي أصلا ... ، و كثر الجدال و لم يرتضي أحد في النهاية .. كما أجمع الكثير من الأعضاء أن وسط البلد زحمة و مش هيلاقو ركنة للسيارات لبعض الأعضاء.

و بالنسبة للإجتماع فهو يجري مرة كل شهر ، لو كان عند حضرتك مناسبة ( فرح أحد أصدقائك مثلا ) و كان ساكن في زهراء مدينة نصر ... هل كنت ستعتذر ؟ ، بالطبع لا .. إلا إذا كان أمر صديقك لا يعنيك !!
و ردا علي أننا لا يعنينا مجيئك ، فلا طبعا .. و يشرفني حضورك بكل تأكيد ، و خاصة أنك عضو مهم و قديم بالمنتدي.

السلام عليكم
احنا قلنا الاجتماع الثالث سوف يكون فى وسط البلد فياريت بعد اذن جميع الأعضاء يكون الاجتماع فى اى مكان بوسط البلد ليكون فى متناول الجميع حضور الاجتماع وللجميع الشكر والعرفان
تحياتى
ياسر الكفافى

تم الرد علي أستفسار سيادتك.

mrasool

11-05-17, 10:35 PM

dr_mohasan

11-05-17, 10:37 PM

dr_mohasan

11-05-17, 10:47 PM

نفس القصة بس الواضح ان هم خلاص اكتفو ومش عايزين ناس تاني علشان كدا حددو المكان دون نقاش مع العلم انهم قالو اخر مرة ان المرة الجاية هتكون في مكان تاني قريب للباقيون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:cool:
حضرتك تشرف الإجتماع , بس والله احنا كل مرة بنعمل استفتاء عالمكان وحضرتك عارف أن مش ممكن ابدا تقدر ترضى جميع الناس , علشان كدة بيتاخد رأى الأغلبية والباقى لازم يوافق على رأى الأغلبية , أنا والله فى شبرا يوم الجمعة وهاجى الإجتماع مخصوص قاطعاً مسافة حوالى 50 كيلومتر , ويوجد الأستاذ عبدالله بييجى من السويس مخصوص وبيرجع فى نفس اليوم , والأستاذ بدر بييجى من 6 أكتوبر يعنى مسافة حوالى 75 كيلومتر , إحنا لم نختار المكان جنب بيتنا علشان نريح نفسنا , بس هى دى نتيجة الإستفتاء اللى اتعمل ولازم نقبل بيها .
وعالعموم لما بيكون فيه حاجة مهمة حتى لو فى آخر الدنيا لازم نروحلها
هو احنا لما بنطلع نصطاد , بنطلع تحت بيتنا , ولا ممكن نروح أبعد مكان علشان احنا حابين كدة؟

أخيرا إحنا يشرفنا حضورك , ولو حضرتك فى مكان قريب منى أنا ممكن أعدى على حضرتك ونروح مع بعض , علشان يهمنا حضورك (ويفرق معانا)
خالص تحياتى

braveheart

11-05-17, 11:00 PM

حضرتك تشرف الإجتماع , بس والله احنا كل مرة بنعمل استفتاء عالمكان وحضرتك عارف أن مش ممكن ابدا تقدر ترضى جميع الناس , علشان كدة بيتاخد رأى الأغلبية والباقى لازم يوافق على رأى الأغلبية , أنا والله فى شبرا يوم الجمعة وهاجى الإجتماع مخصوص قاطعاً مسافة حوالى 50 كيلومتر , ويوجد الأستاذ عبدالله بييجى من السويس مخصوص وبيرجع فى نفس اليوم , والأستاذ بدر بييجى من 6 أكتوبر يعنى مسافة حوالى 75 كيلومتر , إحنا لم نختار المكان جنب بيتنا علشان نريح نفسنا , بس هى دى نتيجة الإستفتاء اللى اتعمل ولازم نقبل بيها .
وعالعموم لما بيكون فيه حاجة مهمة حتى لو فى آخر الدنيا لازم نروحلها
هو احنا لما بنطلع نصطاد , بنطلع تحت , بيتنا ولا ممكن نروح أبعد مكان علشان احنا حابين كدة؟

أخيرا إحنا يشرفنا حضورك , ولو حضرتك فى مكان قريب منى أنا ممكن أعدى على حضرتك ونروح مع بعض , علشان يهمنا حضورك (ويفرق معانا)
خالص تحياتى

الله ينور عليك يا دكتور ، و أنا نسيت تقول أنا ساكن فين ... أنا ساكن في جسر السويس يا جماعة عند فندق السلام ... يعني الربوة بالنسبة لي أسؤ بكثير من وسط البلد اللي بالنسبة لي أقرب و لكنني بأحترم رغبة الأعضاء.
تحياتي لكم جميعا.

mrasool

11-05-17, 11:04 PM

أنت تشرف الإجتماع , مرحباً بك دائماً

اشكرك يا دكتور وكلك ذوق :)

Ahmed914

11-05-17, 11:19 PM

يا ريت المكان يكون اقرب لان واحد زي حلاتي من سكان الهرم
و معندوش عربية يكون المشوار بعيد عليه
و هناك من هو ابعد من ذلك

كويس إن حضرتك من سكان القاهرة .... أنا فى الغالب هأحضر مخصوص من المنيا !!!!!!

Hany Ekram

11-05-17, 11:36 PM

اخواني اعضاء المنتدي المحترمين الذين لم يبخلو لي باي معلومة,

لم تشأ الظروف و اتشرف بكم في الاجتماعات السابقة و ذلك بسبب العمل و ضيق الوقت
و بما اني واح من اعضاء المنتدي المحترم و جب علي ان انبهكم بانه في نفس يوم اجتماعكم
يوم الجمعة 27/5/2011 ستكون هناك مظاهرات تسمي جمعة الغضب الثانية و الدعوات منتشرة بالفيس بوك
فوجدت انه من واجبي ان انبهكم و ان تاخذو الحذر و الحيطة في ذلك اليوم لان الله و حده يعلم
الي ما سوف تؤول اليه الامور في ذلك اليوم

و لكم مني كل التحية
أخوكم
هاني اكرام

smsmn8888

11-05-17, 11:42 PM

[QUOTE=dr_mohasan;97636][color="blue"]حضرتك تشرف الإجتماع , بس والله احنا كل مرة بنعمل استفتاء عالمكان وحضرتك عارف أن مش ممكن ابدا تقدر ترضى جميع الناس , علشان كدة بيتاخد رأى الأغلبية والباقى لازم يوافق على رأى الأغلبية , أنا والله فى شبرا يوم الجمعة وهاجى الإجتماع مخصوص قاطعاً مسافة حوالى 50 كيلومتر , ويوجد الأستاذ عبدالله بييجى من السويس مخصوص وبير

الف شكرا فعلا علي اسلوب ردك الغاية في الاحترام بس انا المقصود ان كان في كلام ان المعاد المقبل هيكون في مكان اخر تا فقط التعليق بتاعي بس القصة كلها ان الاتفاق تم من قبل طيب خلاص بقي لم ربنا يسهل انشاء اللة نبقي نسافر ونجي للربوة او اي مكان انتو بقي تختارو

dr_mohasan

11-05-17, 11:48 PM

كويس إن حضرتك من سكان القاهرة .... أنا فى الغالب هأحضر مخصوص من المنيا !!!!!!
حضور سيادتك يشرفنا

braveheart

11-05-18, 12:02 AM

انا عضو جديد بالمنتدى ومهتم ولكنى مش صياد وعمرى ما قمت برحلات صيد مع العلم انى اتمنى ذلك ولكنى اجهل الترتيبات الازمة و اتمنى التشرف بالتعرف على اعضاء المنتدى المحترمين ومش عارف اذا كان ينفع احضر الاجتماع دا ولا لا
تحياتى للجميع
محمد
القاهرة

طبعا يا فندم يشرفنا حضورك الإجتماع .. فالحضور لا يقتصر علي أحد بعينة.... و شكرا لمشاركتك.

كويس إن حضرتك من سكان القاهرة .... أنا فى الغالب هأحضر مخصوص من المنيا !!!!!!

شكر خاص لحضرتك و في إنتظارك إن شاء الله ، و تحية لأبناء المنيا و الصعيد.

Ahmed914

11-05-18, 12:04 AM

شكر خاص لحضرتك و في إنتظارك إن شاء الله ، و تحية لأبناء المنيا و الصعيد.

الشكر لحضرتك ولذوقك الرفيع .....

braveheart

11-05-18, 12:05 AM

احمد حسن ادريس

11-05-18, 11:32 AM

ربنا يجمعكم على الخير ان شاء الله

braveheart

11-05-18, 02:40 PM

السلام عليكم... يكون ليا الشرف إني أكون معاكم إن شاء الله ... بس هو لونناقش موضوع المكان يبقي احسن ... تحياتي‏.

الروك باشا .. أنت عارف أنني أول واحد مستبعد المكان ، و لكنها رأي الأغلبية و أنا أحترمها ، و طبعا أنت أساساي في التشكيل ... هههههههههه
تحياتي لك.

ربنا يجمعكم على الخير ان شاء الله

أشكرك شكرا جزيلا.

و أحب أن أضيف أنه تم الإنتهاء من عمل اللوجو الخاص بالكارنية ، و سيتم إطلاع الأعضاء المشاركين بالأجتماع عليه ، كما سيتم قبول طلبات الإنضمام للرابطة أثناء الإجتماع ... بالإضافة إلي الأستماع إلي أراء الأعضاء الجدد و أقتراحاتهم.

محمود صالح

11-05-18, 08:29 PM

braveheart

11-05-18, 08:46 PM

ان شاء الله اكون موجود
بس المرة اللى فاتت على المكان قولتم ان دة كان استفتاء وهنحاول ناخد بلنا من المكان المرة الجاية
فياريت بناءن على طلب عدد من الاعضاء ورغبتهم فى ان المكان يكون فى وسط البلد نظرا للمشاقة على الناس فى بعد المكان وهو اية الهدف من المكان البعيد دة
واكون شاكر لو حد اهتم ورد على مشاركتى

سيدي الفاضل .. لقد تم مسبقا إجراء أستفتاء و تم الجدل كثيرا بخصوص هذا الأمر و لم يرضي أحد .. كما أنه هناك إحتمالات بقيام ثورة غضب ثانية في ميدان التحرير يتم الدعوة لها من الأن علي صفحات الفيس بوك.

و شكرا لمشاركتك.

الأفوكاتو

11-05-18, 09:08 PM

Ahmed Zakaria

11-05-18, 09:30 PM

السلام عليكم ورحمتة الله وبركاته

تحياتي لكل اعضاء المنتدي الكرام واعضاء رابطة الصيد في مصر
انا يشرفني انكم تقبلو حضوري اجتماعك اذا سمحتولي لاكون صديق وعضو لهذة الرابطة الجميلة
خالص تحياتي للجميع

braveheart

11-05-18, 09:37 PM

طيب اشمعني كافتريا الربوة بالذات ، ممكن تكون بتاعت الأستاذ بدر ؟ واهو الراجل بيسترزق منها بالاجتماع كل شهر ههههههههههه
لو المشاريب علي حساب أستاذ بدر يبقي الواحد يجي هههههههههه
اعذرني يا استاذ كريم انا بهزر بس مش عارف ليه عاوز ادبس الأستاذ بدر ؟
تقبلو هزاري ، وربنا يجمعكم علي خير ان شاء الله ، والمرة الجاية أكون معاكم باذن الله
خالص تحياتي للجميــــــــــــــــــــــــــــع

ههههههههه ... و الله يشرفنا حضورك و أ / بدر قال لي أنك هتيجي إن شاء الله ... و إحنا في إنتظارك.

السلام عليكم ورحمتة الله وبركاته

تحياتي لكل اعضاء المنتدي الكرام واعضاء رابطة الصيد في مصر
انا يشرفني انكم تقبلو حضوري اجتماعك اذا سمحتولي لاكون صديق وعضو لهذة الرابطة الجميلة
خالص تحياتي للجميع

تشرفنا يا فندم.

Bora

11-05-18, 09:40 PM

السادة اعضاء ادارة المنتدي الكرام برجاء في الاجتماع المقبل دراسة هذة الفكرة ولكم جزيل الشكر

http://www.egypthunt.net/showthread.php?p=98315#post98315

ايه رايكم لحاملي رخص سلاح ومسدسات 9 مم نعمل مسابقة لمدة يوم في احد النوادي بالقاهرة او الاسكندرية بالتنسيق مع ادارة النادي والجهات المختصة والجهات الامنية تحت اشراف ادارة المنتدي ويكون الاشترك بمبلغ رمزي ............مثلا لكل عضو 150 جم مثلا .... وتكون الجائزة الاولي مثلا اي شئ يقترحة الاعضاء ومن الممكن انت تكون الجوائز حتي العشرة الاوائل

لانه لو تم اشتراك 100 عضو معني ذلك 100 × 150 = 15000 جم

انا عن نفسي بقترح الجائزة الاولي ممكن عمرة او موبيل بلاك باري حاجة محترمة او نوكيا e7 الجديد + شهادة تقدير من المنتدي

ولكن الهدف من ذلك ليس الجائزة ولكن روح التجمع والادارة والتنسيق ومن الممكن لو نجح هذا الموضوع يكون بصفة دورية كل شهر او ثلاثة أشهر او....

ما رايكم ...........ارجوا الافادة .... وتصحيح الفكرة بخبراتكم ولان الهدف من ذلك ليس الربح ولكن تجميع الاعضاء علي حافز جيد ومن الممكن ان يتم ايضا ............توافر خلال تلك المسابقة معرض من خلال تجار السلاح المحترمين لعرض الجديد وبسعر مخفض .......

Ahmed Zakaria

11-05-18, 09:49 PM

تشرفنا يا فندم.

شكرا ليك
طيب انا شايف خلاف بسيط كده علي المكان - عموما انا هجي من المعادي لو اي حد يحب يجي معايا يشرفني من المعادي او اي مكان قريب او في طريقي او لو حتي مش في طريقي هروح اجيبو
تحياتي

braveheart

11-05-18, 09:52 PM

mrasool

11-05-18, 09:53 PM

ان شاء الله اكون موجود ويشرفنى انى اتعرف على اعضاء الرابطة المحترمين
بس انا مش عارف موقف زهراء مدينة نصر فين
برجاء تحديد العنوان بالشارع الرئيسى حتى يتثنى لى الوصول
ولكم جزيل الشكر

braveheart

11-05-18, 09:55 PM

شكرا ليك
طيب انا شايف خلاف بسيط كده علي المكان - عموما انا هجي من المعادي لو اي حد يحب يجي معايا يشرفني من المعادي او اي مكان قريب او في طريقي او لو حتي مش في طريقي هروح اجيبو
تحياتي

مبادرة طيبة من حضرتك ... مشكور و الله عليها.

mrasool

11-05-18, 09:56 PM

شكرا ليك
طيب انا شايف خلاف بسيط كده علي المكان - عموما انا هجي من المعادي لو اي حد يحب يجي معايا يشرفني من المعادي او اي مكان قريب او في طريقي او لو حتي مش في طريقي هروح اجيبو
تحياتي

الله على الروح الحلوة :)

braveheart

11-05-18, 09:57 PM

ان شاء الله اكون موجود ويشرفنى انى اتعرف على اعضاء الرابطة المحترمين
بس انا مش عارف موقف زهراء مدينة نصر فين
برجاء تحديد العنوان بالشارع الرئيسى حتى يتثنى لى الوصول
ولكم جزيل الشكر

حضرتك ساكن فين يا فندم ؟ برجاء التوضيح للإفادة.

mrasool

11-05-18, 09:59 PM

انا فى النزهة الجديدة

braveheart

11-05-18, 10:07 PM

انا فى النزهة الجديدة

بص حضرتك توصل أخر عباس العقاد عند أنبي ، أنبي دي علي شارع أسمة ذاكر حسين ... حضرتك لما توصل أخر عباس تخش شمال من ذاكر حسين دة ... و علي طووووووووول لغاية الدائري ... هتلاقي موقف زهراء مدينة نصر علي شمالك ... و كافيتيريا الربوة بجوارة.

في طريقة تانية أنك تروح من ناحية مطار ألماظة و تنزل طريق السويس ... و علي طول لغاية لما تلاقي نفق ... تخش من يمينة و متدخلوش ... ساعتها هتلاقي صانية كبيرة أمامك و الربوة علي يمينك تري الصينية.

أختار سيادتك أيهما أسهل.
تقبل مروري و يشرفنا حضورك.

Bora

11-05-18, 10:08 PM

لا يوجد مانع من حضور سيادتك و عرض المقترح علي أعضاء الرابطة و مناقشتة معهم ، و بعد ذلك
سيتم طرح الموضوع علي إدارة المنتدي ... علما بأن إدارة الرابطة ليست إدارة المنتدي.

والله انا نفسي احضر ولكن انا من الاسكندرية وظروف الشغل حضرتك عارف ولكن انتوا الخير والبركة

braveheart

11-05-18, 10:10 PM

والله انا نفسي احضر ولكن انا من الاسكندرية وظروف الشغل حضرتك عارف ولكن انتوا الخير والبركة

بارك الله فيك ... و شكرا لك.

بدر

11-05-18, 10:11 PM

بص حضرتك توصل أخر عباس العقاد عند أنبي ، أنبي دي علي شارع أسمة ذاكر حسين ... حضرتك لما توصل أخر عباس تخش شمال من ذاكر حسين دة ... و علي طووووووووول لغاية الدائري ... هتلاقي موقف زهراء مدينة نصر علي شمالك ... و كافيتيريا الربوة بجوارة.

في طريقة تانية أنك تروح من ناحية مطار ألماظة و تنزل طريق السويس ... و علي طول لغاية لما تلاقي نفق ... تخش من يمينة و متدخلوش ... ساعتها هتلاقي صانية كبيرة أمامك و الربوة علي يمينك تري الصينية.

أختار سيادتك أيهما أسهل.
تقبل مروري و يشرفنا حضورك.

وطبعا لما تلاقى نفسك تهت تعرف انك وصلت خلاص ههههههههههه
يا استاذ كريم انت الاسهل تروح تجيب الراجل من بيتة هههههههههه
مجهود مشكور منك يا كريم
وتحياتى واحترامى لكل الاعضاء ونشوفكم على خير ان شاء الله

braveheart

11-05-18, 10:13 PM

وطبعا لما تلاقى نفسك تهت تعرف انك وصلت خلاص ههههههههههه
يا استاذ كريم انت الاسهل تروح تجيب الراجل من بيتة هههههههههه
مجهود مشكور منك يا كريم
وتحياتى واحترامى لكل الاعضاء ونشوفكم على خير ان شاء الله

أخي العزيز ... الناس أفتكرت النهاردة إننا متخانقين بسبب المشاركة في موضوع أمير الأخير ... ينفع هههههههههههههههه.
شوفت تعليق الأفوكاتو ... قابل بقي .. هههههه
الشكر لله .. و تحياتي لك.

Bora

11-05-18, 10:16 PM

بارك الله فيك ... و شكرا لك.

ياريت ياباشا تعرض الفكرة علي الجميع يمكن نعمل حاجة حلوة بجد ............ زي الناس برة مصر احنا مش اقل منهم ...... والله احنا اجدع منهم اوي ....

فكرة جديدة

http://www.egypthunt.net/showthread.php?p=98356#post98356

braveheart

11-05-18, 10:18 PM

ياريت ياباشا تعرض الفكرة علي الجميع يمكن نعمل حاجة حلوة بجد ............ زي الناس برة مصر احنا مش اقل منهم ...... والله احنا اجدع منهم اوي ....

فكرة جديدة

http://www.egypthunt.net/showthread.php?p=98356#post98356

من عنيا يا فندم حضرتك تأمر ... سيتم مناقشة الإقتراح بالإجتماع إن شاء الله.

Bora

11-05-18, 10:23 PM

من عنيا يا فندم حضرتك تأمر ... سيتم مناقشة الإقتراح بالإجتماع إن شاء الله.

ايه رايكم الاجتماع يكون on line علي النت والذي خارج القاهرة يقدر يشارك

Consul

11-05-18, 10:26 PM

الأفوكاتو

11-05-18, 10:41 PM

بارك الله فيكم يا شباب...المشاريب المره دي علي حسابي...المرة إللي فاتت حبيب قلبي الأستاذ بدر قام بالواجب وزيادة...وحاسب على 7...واضح إن المرة دي هأحساب على 8 مشاريب بالكتير...إيه رأيكم يا شباب...ولا إنتم شايفين إني أعمل جمعية المره دي...طمنوني علشان لو كده أجيب معايا دفتر الشيكات...ولا أريح دماغي وأجيب معايا ترموس الشاي والقهوة كفاية...منتظر ردكم...يا مسهل يا رب...خالص تحياتي...

واضح كدة يا جماعة اني جيت ادبس أستاذ بدر روحت مدبس سيادة القنصل من غير ما اقصد
مااااااااااشي يا أستاذ بدر نفدت المرة والقنصل انقذك لكن مسيري ادبسك بردو
خالص تحياتي للجميــــــــــــــــــــــــع

braveheart

11-05-18, 10:55 PM

ايه رايكم الاجتماع يكون on line علي النت والذي خارج القاهرة يقدر يشارك

و الله المقترح محل بحث ، بس في الوقت الحالي خلينا نطلع من النت لللايف و دة من أهم أهداف الرابطة ... هههههه
تحياتي لك.

بارك الله فيكم يا شباب...المشاريب المره دي علي حسابي...المرة إللي فاتت حبيب قلبي الأستاذ بدر قام بالواجب وزيادة...وحاسب على 7...واضح إن المرة دي هأحساب على 8 مشاريب بالكتير...إيه رأيكم يا شباب...ولا إنتم شايفين إني أعمل جمعية المره دي...طمنوني علشان لو كده أجيب معايا دفتر الشيكات...ولا أريح دماغي وأجيب معايا ترموس الشاي والقهوة كفاية...منتظر ردكم...يا مسهل يا رب...خالص تحياتي...

الأب الروحي للمنتدي سيادة القنصل ... تحياتي لك .. و بالنسبة لترمس الشاي فدة تقيل علي حضرتك يا فندم و الله أنا هتحملة .. أقترح أنك تجيب دفتر الشيكات أخف و أسهل أنا مش عاوز أتقل عليك ... ههههههه
تحياتي لك.

واضح كدة يا جماعة اني جيت ادبس أستاذ بدر روحت مدبس سيادة القنصل من غير ما اقصد
مااااااااااشي يا أستاذ بدر نفدت المرة والقنصل انقذك لكن مسيري ادبسك بردو
خالص تحياتي للجميــــــــــــــــــــــــع

شوفت بقي ... رغم أنك قناص محترف ... بس منشنتش صح المرة دي ... هههههههه
بس هيروح مننا فين ... الجيات أكثر ... تحياتي لك.

الأفوكاتو

11-05-18, 11:02 PM

قناص محترف ..... يااااااااااااااااااه ، دي كلمة كبيرة اوي اوي
يا فندم انا عمري ما مسكت بندقية في حياتي ههههههههه أنا كبيري مسدسات
خالص تحياتي يا كريم باشا

هشام سمير

11-05-18, 11:05 PM

بالتوفيق ان شاء الله لكل الاخوه الافاضل وان شاء احول انى اكون موجود

braveheart

11-05-18, 11:06 PM

قناص محترف ..... يااااااااااااااااااه ، دي كلمة كبيرة اوي اوي
يا فندم انا عمري ما مسكت بندقية في حياتي ههههههههه أنا كبيري مسدسات
خالص تحياتي يا كريم باشا

منا عارف يا سيدي ... بس أنا بخوفة منك ... كنوع من الترهيب بس يعني ... ههههههههه
و بمناسبة المسدساااااات ... أنا مش هسيبك الإجتماع الجاي إلا لما أعرف منك سر الكهف إيــــــــاه ... ههههههههههههههههههه

braveheart

11-05-18, 11:07 PM

بالتوفيق ان شاء الله لكل الاخوه الافاضل وان شاء احول انى اكون موجود

سيسعدنا حضورك الكريم إن شاء الله يا هشام باشا .. و نراك علي خير بإذن الله ... تحياتي لك.

mrasool

11-05-18, 11:16 PM

بص حضرتك توصل أخر عباس العقاد عند أنبي ، أنبي دي علي شارع أسمة ذاكر حسين ... حضرتك لما توصل أخر عباس تخش شمال من ذاكر حسين دة ... و علي طووووووووول لغاية الدائري ... هتلاقي موقف زهراء مدينة نصر علي شمالك ... و كافيتيريا الربوة بجوارة.

في طريقة تانية أنك تروح من ناحية مطار ألماظة و تنزل طريق السويس ... و علي طول لغاية لما تلاقي نفق ... تخش من يمينة و متدخلوش ... ساعتها هتلاقي صانية كبيرة أمامك و الربوة علي يمينك تري الصينية.

أختار سيادتك أيهما أسهل.
تقبل مروري و يشرفنا حضورك.

طريق ذاكر حسين دا تمام اوى
تسلم يا فندم
ان شاء الله نتقابل فى الاجتماع
وشكرا جزيلا

braveheart

11-05-18, 11:24 PM

طريق ذاكر حسين دا تمام اوى
تسلم يا فندم
ان شاء الله نتقابل فى الاجتماع
وشكرا جزيلا

الشكر لله يا فندم منتظر حضور سيادتك.
نراك علي خير.

braveheart

11-05-23, 01:55 PM

سيتم بدأ الإجتماع تمام السادسة مساءا إن شاء الله ... و سينتهي العاشرة مساءا ..
و شكرا لكم.

بدر

11-05-23, 02:02 PM

سيتم بدأ الإجتماع تمام السادسة مساءا إن شاء الله ... و سينتهي العاشرة مساءا ..
و شكرا لكم.

اخبار الوزة اية يا كريم باشا هههههههههههه
تحياتى واشوفكم على خير ان شاء الله وعلى فكرة لزم التنوية انة يوجد رسم دخول لحضور الاجتماع 5 جنية لكل عضو تدفع للاخ كريم هههههه

braveheart

11-05-23, 02:04 PM

اخبار الوزة اية يا كريم باشا هههههههههههه
تحياتى واشوفكم على خير ان شاء الله وعلى فكرة لزم التنوية انة يوجد رسم دخول لحضور الاجتماع 5 جنية لكل عضو تدفع للاخ كريم هههههه

أنا كلت الوزة ... هههههههههههههه
أقابلك علي خير ... و أنا غيرت أسم الموضوع لـ ( موقعة الوزة ) ... ههههههههههه
أخدت شهرة جامدة بصراحة.
صباخ الفل يا بدر باشا.
تحياتي لك.

بدر

11-05-23, 02:07 PM

أنا كلت الوزة ... هههههههههههههه
أقابلك علي خير ... و أنا غيرت أسم الموضوع لـ ( موقعة الوزة ) ... ههههههههههه
أخدت شهرة جامدة بصراحة.
صباخ الفل يا بدر باشا.
تحياتي لك.

طيب هات اى حتة منها نتصور جنبها للذكرى هههههههه

dr_mohasan

11-05-23, 02:13 PM

أنا كلت الوزة ... هههههههههههههه
أقابلك علي خير ... و أنا غيرت أسم الموضوع لـ ( موقعة الوزة ) ... ههههههههههه
أخدت شهرة جامدة بصراحة.
صباخ الفل يا بدر باشا.
تحياتي لك.
وزة إيه اللى أكلتها يا أخ كريم ؟؟؟؟
لااااااااااااااااااااااااااااااااااااااااااااااااا ااااااااااء
بلاش هزار فى الحاجات دى الله يخليك
المواضيع دى حساسة ومش مستحملة تهريج
كله إلا الوزةِ
ههههههههههههههههههههههههههههههههه

braveheart

11-05-23, 02:18 PM

طيب هات اى حتة منها نتصور جنبها للذكرى هههههههه

هههههههه .. ممكن أجيب الهيكل ولا مينفعش ؟؟!! ههههههههه

وزة إيه اللى أكلتها يا أخ كريم ؟؟؟؟
لااااااااااااااااااااااااااااااااااااااااااااااااا ااااااااااء
بلاش هزار فى الحاجات دى الله يخليك
المواضيع دى حساسة ومش مستحملة تهريج
كله إلا الوزةِ
ههههههههههههههههههههههههههههههههه

هههههههههه ... صباح الفل د / محمد .. بقي ينفع بعد الحوارات الكبيرة اللي حصلت علي الوزة أكلها لوحدي يعني .... ههههههههههه

لا متخفش .... الوزة في الحفظ و الصون.
صباح الفل.

dr_mohasan

11-05-23, 02:21 PM

هههههههه .. ممكن أجيب الهيكل ولا مينفعش ؟؟!! ههههههههه

هههههههههه ... صباح الفل د / محمد .. بقي ينفع بعد الحوارات الكبيرة اللي حصلت علي الوزة أكلها لوحدي يعني .... ههههههههههه

لا متخفش .... الوزة في الحفظ و الصون.
صباح الفل.

صباح القل ا/كريم

أهو أنا مش بيخوفنى فى الدنيا قد كلمة (فى الحفظ والصون) دى .... ههههههههههه
أنا خايف الحفظ والصون ده يطلع جوة بطنك
عالعموم ربنا يستر
أشوفك يوم الجمعة بأمر الله

braveheart

11-05-23, 09:21 PM

صباح القل ا/كريم

أهو أنا مش بيخوفنى فى الدنيا قد كلمة (فى الحفظ والصون) دى .... ههههههههههه
أنا خايف الحفظ والصون ده يطلع جوة بطنك
عالعموم ربنا يستر
أشوفك يوم الجمعة بأمر الله

ههههههههههه ... لا متخفش هجيبهالك يوم الجمعة إن شاء الله.
ألقاك علي خير ..
تحياتي لك.

osha966

11-05-24, 03:15 AM

انشاء الله نجتمع على خير ...ونلتقى بالأخوة الأعزاء

sayedlabib

11-05-24, 09:28 AM

ان شاء الله اجتماع موفق لكن نظرا لظروف يوم الجمعه القادم ولا احد يعلم ما هى تداعيات الامور فارجو من سيادتكم عدم جعله فى وسط البلد رغم انى من سكان عابدين بوسط البلد حيث ستقام مظاهرات اعتقد انها ستكون كبيرة فى ميدان التحرير ولذلك فان كافتيريا الربوة بعيدة عن عدم الاستقرار فى وسط البلد هذا تنويه لمن لا يعلم عن امر التظاهرة وكان يريد الاجتماع بوسط البلد وشكرا لسيادتكم

braveheart

11-05-24, 11:48 AM

انشاء الله نجتمع على خير ...ونلتقى بالأخوة الأعزاء

نراك علي خير أ / شريف.

ان شاء الله اجتماع موفق لكن نظرا لظروف يوم الجمعه القادم ولا احد يعلم ما هى تداعيات الامور فارجو من سيادتكم عدم جعله فى وسط البلد رغم انى من سكان عابدين بوسط البلد حيث ستقام مظاهرات اعتقد انها ستكون كبيرة فى ميدان التحرير ولذلك فان كافتيريا الربوة بعيدة عن عدم الاستقرار فى وسط البلد هذا تنويه لمن لا يعلم عن امر التظاهرة وكان يريد الاجتماع بوسط البلد وشكرا لسيادتكم

يا فندم دة كان رأينا من الأول ... إحنا مش نايمين علي ودانا ... ههههههههههه
شكرا لمشاركتك ، و بالفعل نحن علي دراية بالموقف ، و كافيتيريا الربوة بعيدة كل البعد عن الأحداث.
تحياتي للجميع