نخلي بالنا من فرز البندقيةعند الشراء

[عماد النجار]

رسالة بحب اوجهها لكل واحد عايز يشتري بندقية
البنادق بيبقي فيها فرز اول وتاني وثالث وخامس

وزي مانتو عايزين تقولوا قولوا يعني مش المهم بس تكون
ماركة لالازم تفحص البندقية من كل حاجة وانا هابدا احط بعض النقط للمبتدئين او الي معندوش خبرة وبردو الي عندو نقط تانية يضفها طبعا علشان كلنا بنتعلم من بعض

1- المظهر الخرجي
تاكد ان البندقية مظهرها الخارجي لايوجد بة اي عيوب مثل الخدوش في الخشب اوتجريح في الماسورة وان المسامير لاتوجدبها اثار مفك وكمان تاكد من ان البرشام والمناطق المحيطة بة غير مطروقة بمطرقة (علشان السوست الاصلية بتتغير )

2-ميكانيكية الاداء
اولا طبعا لازم تجرب البندقية تكسر وتعمر البنقية
لازم البندقية تبقي ناعمة (مااحسش اي خشونة اثناء الكسر )وماسمعش صوت احتكاك بين الحديد وبعضة او الخشب والحديد
ثانيا احكام القفل للبندقية بعد التعمير( صوت قفلت المسورة كل مايكون محكم والميكانيكية للغلق ثلثة يبقي هوي ده الكلام)

3-الخلو من عيوب الصناعة
طبعا البنادق فيها فرز اول وثاني وثالث واكثر يبقي نخلي بالنا من
ا-خراطة الماسورة تكون في المنتصف(السنتر تماما من الاولسية) ودي بتبان بمجرد النظر
ب-لايوجد اي اعوجاج بالماسورة وبتبان بالنظر في الماسورة من الداخل( لازم نشوف الخشخان لاخرة)
ج- الخشخان ليس بة اي عيوب او نقر
د-تاكد ان الامان يعمل (في حالة وجودة
ه- تاكد ان الناشينكان يتحرك بسهولة وان البكرة شغالة تمام

4- عيوب التخزين
ودي عيوب بتكون من كتر تخزين البندقية او لان المخزن احيانا بيكون غير صالح او من سوء طريقة التخزين
ا-الجلبة الداخلية احيانا تتاثر بالحرارة العالية او الجفاف حسب المادة المصنوعة منهاوممكن تتاكد من ان الجلب الداخلية بحالة جيدة عند النفخ من فوهة الماسورة لو الجلبة جيدة لن تجد تنفيس ولو الجلبة بها عيب ستجد تنفيس
تاكدمن عدم وجود صدا ء علي البندقية او مجموعة الزناد او داخل الماسورة
اتمني ان اكون افدت وارجوا اضافة معلومات اخري

[galal khalifa]

احب اضيف ان الشركات بتضع كارت صغير او ليبول علية علامة Cq وعلية الرقم بتاع الفرز زي شركة جامو علي سبيل المثال

[smsmn8888]

شكرااا لك جداااااااا يااستذنا ودي كلها اشياء بسيطة ولكن موثرة جدااااااااااااا

[galal khalifa]

الهدف الرئيسي من الموضوع دة انا التجار تبطل سرقة العميل
ونمنعهم من دة حتي للاعضاء في المنتدي

[وليد الشيمى]

جزاك الله خيراً يا استاذ جلال على التنبيه المهم ده

[galal khalifa]

السلام عليكم
انا عايز اقول حاجة مهمة جدا في موضوع الفرز دة انا بشيغل في شركة مصرية المانية مكسيكية ولما اتناقشت مع مهندسين خواجات وحاولت اني افهم موضوع الفرز الثاني والثالث وخلافة عرفت ان مش معني ان المنتج فرز تاني انة وحش
او بة عيوب خطيرة ازاي ممكن تكون قوة البندقية مثلا 250م/ث
ولكن عند الاختبار تطلع 210او اقل او يكون النيشنكان الخلفي
مرحل من مكانة او الجلبة الداخلية فيها مشكلة لان جميع اجزاء
السلاح تخضع معايير قياسية ( ايزو 9001 ) بس دة طبعا
مش معناة ان كل شيئ تمام لاني الشهادات دية بتتباع التجار المصريين الشطار مش كلهم وطبعا ميشيل اول واحد بيروح يشتري مش من المصنع والمعلومة دية اكيدة مش من المصنع عن طريق موزع معتمد وحط تحت معتمد الف خط بيقولة انا عايز صفقة نص كم البندقية بحوالي80 او 90 دولار والكمية
1000 من انواع كدذا وكذا طبعا الموزع هايفرح ويقول زباين
فل الفل واحنا بنشرب المية الساقعة في القلة والزير معلش ياجماعة انا متغاز جدا جدا جدا من الموضوع دة لان القرش هنا بيجي بالعافية واحنا بنتحرم من اي حلم حتي ولو بسيط

[msgm]

تسلم يا عمدة على الموضوع المفيد جدا جدا

[عماد النجار]

الله ينور عليك يا استاذ جلال كلا م مظبوط 100 في 100 بس احنا في مصر طبعا الموضوع مختلف لان التجار بيهمهم في المقام الاول الربح علي حساب اي شيء لذلك ممكن يستورد من الفرز التاني واحيانا اي فرز اخر المهم البندقية تكون شكلها جديد ومغري للزبون حتي لو فيها عيب المهم يكون غير ظاهر ولو اكتشف الزبون العيب يغيرهالوا ومفيش مشكلة
وانا عن نفسي حضرت موقف بيع بندقية مستعملة علي انها جديدة في احد المحلات وانا كنت شاكك في البندقية لان السوستة كانت ضعيفة شوية لكن كانت البندقية فبريقة وبعد مالزبون مشي صاحب المحل قالي كويس اني لقيت كرتونة ليها قلتلة ليه قلي صاحبها جيبها كدة
وان كنت بقصد في عنوان الموضوع فرز البندقية اننا نفرز البندقية (يعني نفحصها)
قبل الشراء مش بقصد ان الفرز التاني وحش او فيه عيوب خطيرة وياريت تيجي علي الفرز التاني بس الي مستغربلة ان شركة محترمة ذي ديانا بتسرب بنادق بها عيوب صناعة للبيع
وطبعا العالم الثالث الهو احنا نشتري باضعاف التمن وبعيوبها........................... وعجبي

[galal khalifa]

عبارة ها اقولها لك هنا او في العالم التجارة شطارة ود مفهوم خطأ يقول الله تعالي " ومن يتقي الله يجعل لة مخرجا ويرزقة من حيث لايحتسب "
ومن يتقي الله يجعل من امرة يسرا" صدق اللة العظيم
ياعمدة هي البركة قلت لية عرفت

[mada6680]

طيب مين يا جماعة اكتر محل موثوق فيه من الناحية ديه والواحد يشترى من عنده وهوا مطمن؟

[galal khalifa]

ممكن تجيب من عند فتح الله هوة دة المكان المضمون حاليا بس لازم تفاصل لانهم غالين شوية ولو عايز تعرف الاسعار ممكن تكتب للاعضاء وهما مش بيبخلوا في الافادة لكل الناس

[sokar_jax]

انا واحد صحبى جاب واحدة من الامارات وطلع فيها عيب فى المكان البيطحط فية الرش وماكتشفهاش الا لما جبها مصر

[عماد النجار]

علشان كدة عملت الموضوع ده وياريت كل واحد يتاكد من النقط الي ذكرتهاعند الشراء وبالتوفيق للجميع