بسم الله الرحمن الرحيم
عايزين نعمل استفتاء حول انواع الرش المستخدمة في مصر والي بيستخدمها الاعضاء ومدي الفاعلية علي الطيور
وارجو من الجميع المشاركة لتعم الفائدة
وهابدا بنفسي اولا :
1 ماستر بوينت من جامو (سرعة فائقة -دقة- اختراق عالي )
2 برو ماجنم من جامو (سرعة متوسطة - اختراق متوسط - دقة عادية)
3 ماتش الماني هوبي او ديابلو (دقة عالية _سرعة متوسطة- اختراق متوسط)
طبعا انا بتكلم بشكل عام يعني مع توحيد البندقية والهدف والمسافة

بسم الله الرحمن الرحيم
الاخ الكريم عماد بك
موضوع هايل وكان نفسي اطرحه من زمان وكمان بعد اذن حضرتك نضيف معطي من معطيات المقارنه وهوه سعره في مصر يمكن ده يفيد اعضاء المنتدي وكمان نوع البندقيه اللي كل واحد بيعمل بيها الاختبار وسرعه طلقتها بالاضافه الي حاله سوستتها وجلبتها وكمان ايه اللي بنضرب عليه ومن كام متر ومدي التاثيرحتي يكون اختبار غايه في الدقه

وانا متاكد انه لو كل الاعضاء اشتركوا او علي الاقل الاعضاء دائمي الكتابه سوف يكون لدينا بعد اسابيع قليه مرجع كامل

وعموما انا حبدا الاختبار من بكرهبس كنت عايز اضيف لكلامك معلومه بعد اذنك وهيه ان شكل الطلقه يعتمد عليه نقل طاقتها الحركيه لجسم الهدف فمثلا الماتش هيه اكتر طلقه ممكن تعمل تدمير متوسط العمق لان سطحها المسطه تقريبا 5 مم في عيار .22 وده بينقل كل الطاقه الحركيه لمساحه الاصابه وهي 5 مم وما حولها
اما الماستر بوينت او اي ماجنم لانه مدبب فكل الطاقه بتكون في النصف مم الذي تصتدم به الطلقه في الهدف فيعم ذلك علي الاختراق العميق
مثال عملي : البندقيه وبيلي باتريت السرعه 920 قدم ثانيه الهدف لوح خشب قديم 25 سنه وده يفرق لانه كل ماكان قديم وبعيد عن العوامل الجويه كل ما كان انشف بكثير الطلقات المستخدمه
1: جاموا ماتش
2:جامو هانتر
3:جاموا ماستر بوينت
النتيجه: مع سمك الخشب 3.5 سم
الماتش اخترقته كليا وفتحه الخروج كبيره واخدت كمان جزء من الخشب في حجم العشره قروش بتاعه زمان مش الجديده هههههههههههههههههه وطبعا الدقه في الاصابه عاليه
الهانتر تقريبا نفس تاثير الماتش او اقل شويه ونفس دقه الاصابه او اقل بسيط مع ملحوظه ان الهانتر تقريبا الطلقه بقاياها اتفرفتت
الماستر بوينت: اختراق كلي وكمان دخلت في الحائط حوالي نصف سم وفتحه الخروج اقل بكثير من الاتنين اللي فاتو
فاتوا ودقه الاصابه اقل بمعدل سم عن نقطه الهدف
وتفضل بقبول اول تجربه عملتها مخصوص علشانك
ملحوظه المسافه بين الهدف وفوهه البندقيه 7 متر دي اكبر مسافه في البيت واللهي يا باشا

صباح الفل عليك يا عمدة وكمان صباح الخيرات عليك يا عمرو
كلام جميل وعملي وممتاز والغريب ان الي كتبوا الموضوع
اتنين بيعملوا في نفس المجال ودة معناة ان طريقة التفكير
واحدة ومنسقة
وانا شخصيا عن تجربة من اكتر من 20 سنة وانا بضرب ب الهوبي ماتش لدرجة اني لما خلص من عندي قعدت مرتين في الصيد مش مضبوط وغيرتة باهانتر بتاع شركة جامو وجبت
البرو ماجنوم وضربت بية بس الملاحظة عن طريق التجربة
ان الماتش ثابت جدا لانة خاص بالرماية ودة بردة بيعتمد علي قوة البندقية وخاصة البنادق الجديدة لما لها من سرعة فائقة
لاني بستخدم حاليا رش ماتش هوبي ( لقيتة اخيرا ) ومع
ذلك الطلقة بتخرج من الناحية الاخري .
الهانتر كويسة جدا وسريعة بس ليست بدقة الماتش
الماجنوم والبرو ماجنوم رائع ولكن استخدام ممكن مع
الارانب مع ثعلب صغير مع حاجة حجمها كبير شوية وطبعا
كل دة اجتهاد شخصي وممكن يكون صح او خطأ واشكر الاخوةالذين تناولوا هذا الموضوع الرائع

شكرا للاستاذ عمرو والاستاذ جلال علي المشاركة في الموضوع المهم ده وانا حبيت اطرح الموضوع للمناقشة لكي يستفيد الجميع وافضل من التشتت بين انواع الرش المختلفة فيكون الموضوع مرجع للجميع للاستفادة
وان فعلا واجهتني مشكلة تغيير انواع الرش ويمكن يكون في ناس مش فارق معاها الموضوع بس لو جربو يصطادو والهدف يصاب وما يقعش رغم ان البندقية بتكون مدمرة اكيد هيعيدو النظر وهيفكرو في نوعية الرش المستخدم ودة حصل معايا في صيد الحمام ولقيت ان نسبة كبيرة من الحمام بيقع بس لما يطير مسافة كبيرة رغم ان البندقية قوتها جبارة والرشة بتخترق جسم الحمام وتخرج من الظهر وكنت باستخدم رش (سوبر دوم الماني )لكن لما غيرت لماستر بوينت كانت النتيجة مختلفة كان الحمام بيقع بسرعة ولسة ماجربتش الماتش بانواعة وانا عندي (هوبي ماتش) كمان (ديابلو ماتش)ولسة ما جربتهمش وناوي اسمع نصيحة استاذ جلال واجرب الماتش رغم ان اشرف (القناص)كان لي وجهة نظر وهي ان الماتش بتاع رماية ولايصلح للصيد وبالذات الطيور القوية وعايز اوجة سؤال لكاريزما وخالد ولكل الاعضاء الي بيصطادو طيور كبيرة ذي البط والعقاب وبينزلو الصور للمنتدي ياريت نذكر نوع الرش والمسافة والبندقية طبعا وشكرا للجميع

الموضوع هايل ومفيد للجميع والهدف منة زي ماانت قلت الاسيفادة وتفادي عيوب الرش .
وفعلا ياعمدة الرش الهوبي هو الاول في العالم بالنسبة
للرماية بس خلينا نفكر بطريقة عملية زي ما احنا متعودين
في الصيد لما تكون الرشة الهوبي بتخترق لوح خشبي من
نوع ( موسكي او السويدي ) يبقا ها تعمل اية في الحمامة
والرحلة الي فاتت كان معايا العميد / يحي وفي فرد حمام
ذكر بري واقف علي الارض مسافة30 متر واكترممكن40 كمان
وضربت علية وكان وقف بجنبة عارف لما طوبة تكون واقفة
علي سيفها وتقع دة الي حصل ولما الصياد الصغير / سيف
الدين جاب الحمام لقيت الضربة واخدة الجناح والجنب وخارجة من الناحية التانية دة مش معناة ان بقيت الرش مش ها
يعمل كدة بس الماتش قوة اصتدامة بالجسم اقوي يعني ( بتكسر الطير ) علشان كدة انا بحب الهوبي الماتش وجربت الجامة الماتش والديابلو الماتش بس مش بكفائة الهوبي ولو انت فاكر لما منا في بدر وقلت لي انك عندك هوبي قلت انا عايزة فعلا ياعمدة انا عارف قيمة الرشة دية وجرب وقولي

بس انا ملاحظ ان الهوبي رشاية خفيفة وطرية جدا
ومش موجودة من ضمن مجموعة ال field في موقع rws
ولكن موجود الهوبي ضمن مجموعة sport
والغريب ان السوبر دوم موجود في مجموعة ال fieldولكنة منجحش معاية او انا ما اقتنعتش بية نهائيا ووزنة 13.4 جرين (موجود علي العلبة)
فهل الهوبي رغم خفة وزنة هيكون الافكت اقوي ولا اي رايك يا استاذ جلال
علي العموم بعد الي قولتة هاجرب
رغم ان الهوبي لما كنت بحط زيت للبندقية وانت شفت البندقية بتعتي كانت الطلقة بتتقسم اتنيت يعني بلاقي الخشبة الي بضرب علية فيها مكان ضربتين لكل ضربة وعملت كدة بردو مع محمد سيد ب الماجنوم 350 كانت الطلقة بتتقسم بردو بس دة من وجود زيت مع قوة البندقية والخشخان راس الرشاية بتنفصل عن المؤخرة علي شان كدة انا بانصح بعدم وضع كميات زيت كتير في البندقية او شحم لان دة فعلا بيبرجل النشان

هوة فعلا مش موجود علي النت او اي موقع لان انتاجة توقف
من فترة اما موضوع الانقسام دة انا مالاحظتوش ولا مرة خلال استخدامي للهوبي

http://www.rws-munition.de/en/sports_airgun/sportline.htm?navid=37
دة رابط rws ,والصفحة المحتوية علي الهوبي يا استاذ جلال وبعض الانواع الاخري من r w s
بالاوزان وقلي اية رايك في الانواع التانية وخصوصا سوبر دوم لانه عندي والديلبلو

االه ينور يا استاذ موقع جميل ومجهود رائع وكل عام وانت بخير

الله يكرمك يا باشابس انا شايف باقي الاعضاء ما بتتكرمش وتكلمنا عن تجاربها مع انواع الرش
اية محدش بيستعمل رش والا اية هههههههههههههههههههههههههههههههههههههههههه

صراحة .. أنا ما إستعملتش غي ال rws superdome و h&n match و أفضلهم بالنسبالي ال superdome

الاخ العزيز محمد السيد
لاخلاف علي ان الرشة Superdome من الانواع الرائعة
بس في شئ مهم جدا
اولا لازم نكون عارفين قوة البندقية الي معانا علشان نوفق ليها الرشة الي تستعمل فيها ولانك ابو الهندسة طبعا في علاقة
بين الوزن وقوة الدفع يعني علي سبيل المثال الرشة البور ماجنوم وزنها ثقيل لو حربناها علي بندقيتن ماجنوم 350 و
و ديانا بردة34 ياترا قوة الاختراق هتكون متساوية طبعا
لا هي دية النظرية الوزن في مقابل القوة

في رش مصري جديد اسمة كينج هوتقليد الماجنوم وان جربتة الحقيقة كويس بالنسبة للمصري والي بيحبو الرش الرخيص

نجرب نجيبة ونقول عامل ايةمع البنادق ونكتب علية

انا شايف ان الماتش اقوى رش ممكن لاى بندقية هاى باور دقة عالية واصابة مميتة اية الى الواحد محتاجة اكتر من كدة
اما البنادق التعبانة اى رش يقضى والسلام

وجهة نظرسليمة لان البنادق الحديثة سريعة جدا وبتسرق الطير والش الماتش بيقفل الطير في مكانة

بالنسبة للرش المصري عن تجربة شخصية أفضل نوع هو المارسمان وعموما أنا من رأيي ان اختلاف الرش المستخدم يختلف معه النشان لذلك انا أضبط على المارسمان واستخدمه لانه مناسب لصيد الطيور في مصر

طيب يجماعة يرت حد يقول اسعار الرش المصرى والرش المستورد و ومين الى بيبيع بارخص سعر علشان الكل يستفاد