الاخوة الاعضاء المحترمين
يوم الجمعة السابقة الموافق 13/2/2009 زهبنا الي رحلة صيد في سرابيون ودية مدينة تبعد عن القاهرة 110 كم في طريق الاسماعلية بس بالنسبة لي شخصيا شفت حاجة اهم من الصيد ودية المرة الاولي الي اشوف بندقية وهي ( webley eclepse ) يا جماعة بندقية مش رائعة بس بل ساحرة ايضا جميلة جدا تجميع نشان ما شفتهوش قيل كدة قوية
فيها شئ جميل وغريب تحب البندقية اول ما تمسكها
طبعا الاخوة كلهم عايزين يعرفوا هي مع مين من غير ماتفكر اول ماتسمع او تعرف لازم تكون مع الاخ العزيز المهندس طلعت بخيت دايما لما نطلع نصياد يجيب تحفة جديدة
وانا عايز اشكرة جدا جدا علي احترامة وادبة وذوقة ولما رجعت البيت قعدت علي النت لمدة يومين ادور علي البندقية دية ادخل شبكة امريكا وانجلترا علشان اشوف معلومات عن الساحرة الي شوفتها واخيرا وبعد عناء لقيت لها صورة
علي موقع في امريكا وهوة www.soldusa.com وقعدت ادور تاني الي وصلت الي www.you tube.comومنها الي البحث عن air gun fun بندقية جميلة

معلش يا جماعة الرابط هوة www.youtube.com والبحث عن airgun fun

اسف للخطأ وعزرا مجددا
اسم الرابط www.youtub.com ثم airgun gun

حبيبي وأخي العزيز الغالي عليا جدا
أستاذ جلال (أبو سيف الصياد البطل الصغير)
والله ماعارف أقولك أيه000000
أنا أحب أعتذر أولا عن تقصيري فترة كبيرة وعدم مشاركتى رغم أني كنت بادخل المنتدي سرقه وكان بيبقي نفسي أشارك في المواضيع الجميله ولكن لأسباب يعرفها المقربون مني وتعلمها أنت جيدا كنت في حالة نفسيه سيئه هي ماجعلتني أنقطع هذه الفتره عن المشاركه0
وطبعا أنا مش هاصدع دماغ أغلي ناس عليا وهم أنتوا ياأحلي وارجل وأجدع ناس (أعضاء المنتدي الكرام )
عموما أخويا جلال النهارده بمشاركته دي سحبني مره أخري ورماني تاني في حضن حبايبي اللي كنت مكسوف منهم جدا بسبب قلة مشاركاتي كما ذكرت سلفا
سامحوني 00000000000
وألف ألف شكر ليك ياجلال ربنا يجعلك دايما كبير 000 شأن ومقام وخبره ومحبة لأنك فعلا كده
ِ

البندقية تحفة فنية .. ما شاء الله عليها ..

البندقية تحفة فنية .. ما شاء الله عليها ..

مشاء الله عليك أنت يامحمدياوردة المنتدي وأجمل الصيادين ;)

اخي وحبيبي المهندس طلعت
انت الكبير ياعمي وخبريك في انواع البنادق لايضاهية احد ودية حقيقة بشهادة الكل مش انا
وانا سعيد جدا بالمشاركة دية ومهما رحت بعيد احنا ها نجيلك ونجيبك لان معرفتك كنز لايفني

استاذ طلع بخيت ..
مبروك عليك السلاح الجديد ونفسى تجمعنا سوا رحلة صيد
وياترى اصتطدوا ايه يوم الجمعة اللى فات

مشاء الله عليك أنت يامحمدياوردة المنتدي وأجمل الصيادين ;)



الله يسلمك يا م\ طلعت ...
شرف ليا شهادتك دي..

الاخوة الاعزاء اعضاء المنتدي
وليد - محمد - الكبير المهندس طلعت ياريت وقبل ما موسم الصيد يخلص نطبق موضوع ان احنا نتجنع ونروح محافظة فيها واحد من المنتدي ونقضي يوم صيد جميل ودة ها يكون فرصة للتعارف بين الناس وايضا تقارب بين الافراد

صراحة .. أنا مرتبط بالكلية . و الدراسة .

بس ممكن أحاول إن كان فيه نصيب .

رتبوها و بلغوني ...و الإقتراح جميل جدا يا أ\ جلال

استاذ طلع بخيت ..
مبروك عليك السلاح الجديد ونفسى تجمعنا سوا رحلة صيد
وياترى اصتطدوا ايه يوم الجمعة اللى فات

أستاذ وليد الله يبارك فيك وشرف ليا ولكل المجموعة انك تشرفنا في رحلة صيد .
أما بالنسبة لصيد الجمعة الماضيه فكان حمام ويمام وقمري وفاتنا نصور الرحلة بس أنشاء الله الرحلة اللي هانتشرف بوجودك فيها لازم نصورها.

اقتراح جميل يا استاذ جلال ... انا موافق

هي تمنها كام وموجوده في مصر وموجوده فين

صباح الفل يافادي
انت فين ياريس مختفي لية وفين السوستة الي انت قلت عليها
البندقية الويبلي الاكلبس غير متوفرة في مصر واذا وجدت ممكن يصل سعرها الي 5000 جنية وهي تستاهل لانها تحفة نادرة
وساحرة

انا موجود بس انت عارف الشغل ساعات بتجي فترات علي الواحد مش بيعرف يتنفس اهو حاجه حضرتك اخبارك ايه واخبار الناس هنا ايه يارب تكونو بخير

وبعدين انت من جنبي ما تيجي نظبط يوم ونصتاد مع بعض

يا حبيبي انا مقيم في القاهرة بس بروح المنصورة علشان اولاد
اختي واولاد عمي قاعدين عندك وان شاء الله في اول سفر ليا
هاتصل بيك واقابلك

مصنعي الوبلي اطلقو عليها الخسوف اي تتكرر كل 50 سنه مره!!!!!!!!!!!!!!!!!!!!!!!

ياجامد قوي لان البحث عن معني الكلمة هو الدليل علي مالمراد بها من الصانع