رسالة عامة لكل الاعضاء هام

[محمود توحيد]

السلام عليكم ورحمة الله وبركاتة
اعضاء المنتدى الكرام الصيادين المهرة

اريد من سيادتكم كل من يعرف اسعار البنادق دى يقول عليها لانى ليا اصحاب اشتروا من محلات معروفة ومشهورة واضحك عليهم فى البنادق بال200و ال500 جنية لانهم مبتدئين وتوقعاتكم كيف ستكون الاسعار الفترة القادمة

انواع البنادق:
1- الكرال بانواعها
2-النوريكا سبورت
3- البام 21 22
4-الديانا 52 48

وفى النهاية ارجوا من الادارة الطيبة ان تعرض الاسعار الجديدة كل شهر للقضاء على الجشع اللى فى التجار الطماعين

والسلام عليكم ورحمة الله

[محمود توحيد]

ارجوا من الاعضاء الكرام ان يشاركوا ولو بكلمة وتكون ثورة من المنتدى للقضاء على الجشع والحفاظ على هذه الهواية التى تجرى فى دمنا من تقلصها اكثر من كدا

اخوكم المخلص محمود توحيد

[dr_mohasan]

السلام عليكم ورحمة الله
أخى العزيز محمود توحيد , أنا أعرف سعر النوريكا سبورت لأنى اشتريتها من شريف أبو ضيف من 10 أيام كان 1500 والكرال الدبشك الأسود كانت 1450 , وهو عادة بيعمل خصم لأعضاء المنتدى
خالص تحياتى

[dr_mohasan]

أخى العزيز أ/أدهم
انا باقول أسعار انا شفتها فعلا واشتريت بيها , مش سمعت عنها , وبدون مصلحة طبعا , لأنى مش عايز ابيعها مثلا ف بغالى فى ثمنها , وحتى لو الأسعار دى غالية يبقى ده برضه فايدة لصاحب الموضوع انه يعرف سعر استرشادى ولما يدور ويلاقى سعر أحسن يبقى هو الكسبان طبعا
ملحوظة , يوجد كثير من الموضوعات التى كتبها الزملاء عن سوء المعاملة فى محل فتح الله وعدم تمكنك من تفحص ما سوف تشتريه جيدا , ده غير الطريقة السيئة جدا فى المعاملة والتحدث الى الشارى
وأنا طبعا لا أرضى على نفسى هذه المعاملة حتى لو هاوفر 1000 جنيه , ده غير ان شريف بيضمن الحاجة بتاعته لمدة 3 شهور ضد عيوب الصناعة وقد حدث أن أحد الزملاء فى المنتدى قام بإرجاع بندقية كرال بعد الشراء عندما اكتشف عيب صناعة
انا طبعا ليس لى مصلحة فى الموضوع , ولكن دائما هذه المناقشات تفيد صاحب الموضوع حتى يتمكن من اخذ أكثر من رأى وبالتالى يستطيع الشراء بعد تكوين فكرة جيدة عن الأسعار والمحلات
خالص تحياتى أستاذ أدهم الصياد وبالتوفيق للأستاذ محمود توحيد

[dr_mohasan]

شاكر لتعليقك , ولكن كمل جميلك وأوصفلى مكان محل الصياد (اللى ذكرته فى تعليقك) فين بالظبط وهل له علاقة بالأهلية اللى فى العتبة ؟
مع الشكر والتقدير

[dr_mohasan]

اعتقد ان يتبعة وموجود في شارع ذكي بالتوفيقة وسط البلد
ألف شكر يا باشا

[koktal]

اعتقد ان يتبعة وموجود في شارع ذكي بالتوفيقة وسط البلد



يا راجل معقولة فى محل اسلحة فى التوفيقية!!! دا انا كذا مرة اعدى ولا شوفت اسلحة ولا حاجة........
حاجة غريبة فعلا!!!!!!!

[ZuniCorn]

ياريت نضيف برضة للستة :
نوريكا جت .. السعر الحالي
شكرا

[محمود توحيد]

الله ينور على الاعضاء لما بيكونوا ايد واحدة يلا كل اللى عندة كلمة فى قلبة يقولها علشان الكل يستفيد
وتكون فعلا ثورة ضد المغالاه والغش

اخوكم محمود توحيد

[محمود توحيد]

الله ينور على الاعضاء لما بيكونوا ايد واحدة يلا كل اللى عندة كلمة فى قلبة يقولها علشان الكل يستفيد
وتكون فعلا ثورة ضد المغالاه والغش

اخوكم محمود توحيد