أنواع الرش من شركة Gamo

[emam]

بسم الله الرحمن الرحيم
السلام عليكم
أخواني أعضاء المنتدي منزل شوية صور في المرافقات عن أنواع الرش من نمرة 1 إلي نمرة 3
أرجو أن تحوذ علي أعجابكم
نبدأ بنمرة 1 ويتابع نمرة 2

[emam]

متابعة
الصور ديه لنمرة 2

[emam]

متابعة
أما الصور ديه لنمرة 3
ملحوظة الصورة فيها معلومات عن الرشة

[emam]

الصور الأخيرة أنا مش عارف ديه نمرة 1 ولي 2
أرجو الأفاده وشكرا

[msgm]

تسلم يا إمام على الموضوع المفيد

[emam]

تشجيعك لية هو الدافع وراء هذا المجهود
جزاك الله خير

[msgm]

الله يسلمك و ده أقل حاجة نقدر نعملها إننا ندعيلك بالخير

[وليد الشيمى]

انا سمعت عن رش بكعب بلاستيكى... حد عنده معلومة عن الرش ده وبكام وبيتباع فين؟؟

[galal khalifa]

الرش الي بتسأل علية من الصلب ومكسي بلاستسل ودة غالي العلبة فيها 100 واحدة ب 100 جنية وموجودة عند فيح الله وصيامكو بس دية علشان تضرب بيها ثعالب او ارنب او حباري بجع يعني عايزة طير كبير لانها جامدة جدا جدا جدا

[osama hanafy]

تسلم ايدك علي الموضوع الجامد اوي
والمجهود الرائع دة

[emam]

تسلم ياغالي ومشكور علي مرورك الحلو

[msa_79]

سؤال يا جماعه ايهما افضل الرشه المدببه ام المسطحه
وشكرا

[galal khalifa]

الاخ العزيز msa_79
تحية طيبةبص ياسيدي كل نوع من الرش لة استخدامة فمثلا
الرش المسطح المعروف باسم Match لها استخدامها وهي خاصة بالرماية
الرش المدبب والمعروف باسم ProMagnum او Magnum يستخدم لصيد الارانب او التعالب ودة لما لة من قدرة علي الاختراق داخل جسم الهدف
الرش البومبي المعروف باسم hunter ودة من اكثر الانواع شيوعا بين الصيادين ويستخدم لصيد معظم انواع الطيور
وطبعا في انواع كتيرة جدا جدا من الرش بس ماتنزلش مصر
دة علي حسب علمي واستخدامي وممكن اكون غلط او صح

[msa_79]

شكرا جدااا يا استاذ جلال بس انا لاحظت اني لما بضرب اليمامه بالرشه المدببه الرشه مش بتعمل فيها جرح قوي يعني بتدخل فيها وتطلع من الناحيه التانيه وبتعمل جرح صغير جداااا وفي نفس الوقت الرشه المسطحه بتبهدلها جامد يعني مره رشه قسمت يمامه نصين من تحت لقيت مصارينها واقعه منها بس اللي فهمته من كلام حضرتك ان افضل الرش لصيد الطيور الصغيره زي اليمام والحمام الرشه البومباي المره الجايه اشتريه واجربه واشوف النتيجه
وشكرا مره تانيه

[galal khalifa]

جرب نوع الجامو hunter
وهاتلاقية عند فتح الله وها يقولك 35 جنية قولة ازاي احنا بناخدةب20 جنية ولسة واخدينة بالسعر دة وعلي فكرة وللامانة الي دلني علي النوعية دية والطريق دة الاستاذ / اشرف باهب
والمهندس طلعت بخيب لاني كنت بضرب برش مش موجود حاليا في مصر ولا في اي حتة وهوة هوبي Match
وبعد لما خلص جالي احباط نفسي فعلا لانة نوع مميز وفعال جد وخاصة مع الحمام البري

[وليد الشيمى]

السلام عليكم استاذ جلال
انا سالت عند الاهلية ( ميشيل عازر ) على الرش البلاستيك ... قالى انه وحش وبيبوظ البنادق... ايه رائيك فى الكلام ده
وعلى فكرة .. بدون تقليل لجهدك فى هذا الموضوع الرائع .. انا اشتريت رش جامو من فتح الله وكان الضرب مش مظبوط.. روحت لتوتو بن زكى عوض وقالى اوعى تضرب برش جامو لانه اسوأ الانواع رش بيعوم اثناء الضرب ومش بيخلى فيه دقى فى التصويب وبيبوظ السلاح

[وليد الشيمى]

الاخ msa-79
احد محلات صيانة الاسلحة وهو خبير فى الرماية قالى اوعى تضرب برش مدبب لانه بيعوم اثناء القذف .. المسطح او الملفوف افضل

[galal khalifa]

الاخ العزيز / وليد لو لاحظت اني قلت لك اني عندي احباط
لما الرش الهوبي بتاعي خلص ومافيش حاليا الا الجامو وهوة الي متوفر بس دة مايمنعش ان شركة جامو شركة جامدة وكويسة
حتي الويبلي الي موجود مضروب ووحش بس كل واحد من المحلات عايز يبيع الي عندة فابيقول اي كلام وشكرا

[msgm]

إسمحولي أتدخل و أتناقش معاكم

الجامو الهانتر . ممتاز جدا ..
و ال millbro الإنجليزي
و الرش الصلب ولا بيبوظ البندقية ولا حاجة .. و البياع الي قال كده لازم قول على أي أساس قال الكلام ده .. عن تجربه و لا رأي شخصي خاص بيه . و لا إستنتاج
..و إلا الشركة الي صنعته كانت بتهرج ..

.. و يا سلام لو رش هانتر و هاي باور من شركة ديانا ينزل ..
أنا متوقع أنه يكتسح السوق إن كان سعره زي الجامو

[galal khalifa]

اتفق مع الاخ محمد السيد في رائية يعني الرش المصري هوة الي كويس دة كلام البائع مش كلام علمي

[msa_79]

علي فكره انا فعلا حاليا بستعمل رش جامو اللي سنح مسطح معرفش هل ده الهانتر ولا لا بس انا شاريه من عند فتح الله العلبه 250 ب 20 جنيه ةقبل كده كنت بستعمل الديابلو الالماني وهيا بصراحه ممتازه واثقل من الرشه الجامو وبتسبب جرح جامد في الطائر عشان كده بخليها للحاجات الكبيره لو ربنا يعني رزقني بحاجه كبيره
والرشه الجامو ممتازه برده بس هيا اخف شويه من الديابلو ة
وشكرا للاستاذ جلال ولكل اللي افادوني بس عايز اعرف هل الرش الجامو الهانتر هو الرشه الجامو المسطحه ولا غيرها

[galal khalifa]

الخوة الاعزاء الرش الجامو محترم واحسن نوع فية الهانتر وانا جربتة هوة معقول جدا وجربت انواع الرش كلها بس بالنسبةلي
الهوبي الالماني مالوش حل بس حاليا نادر جدا

[msgm]

الأخ msa_79

الرشة المسطحة .. هي الماتش .

و الي راسها نصف كرة "" بومبيه "" هي الهانتر

[msa_79]

ايون كده فهمت نورتوني يا جماعه معلش انا صياد جديد لسه عمري 4 شهور في الصيد

[galal khalifa]

بكرة ياريس تكون جامد وتتفنن في الصيد وتقعد تقول لنا
عن رحلاتك

[msa_79]

انا طلعت رحلات كتير ومصورها بس الصيد بسيط بس فيه تطور كل مره عن اللي قبلها
ده انا عملت عزمه لاهلي واخواتي علي يمام 31 يمامه بس طبعا مش في طلعه واحده احسن تفتكروني محترف ولا حاجه

[galal khalifa]

علي فكرة يا msaفي اوقات احسن صياد يرحع من غير صيد دة رزق المهم في الصيد المتعة

[mostafa_eldabee]

بارك الله فيك ... معلومات مفيده لمبتدئ مثلى ...

[walther]

الصور الأخيرة أنا مش عارف دي5:ه نمرة 1 ولي 2
أرجو الأفاده وشكرا

بسم الله الرحمن الرحيم الرش ده عباره عن انبوب عيار 6,35 مم بيطحط في البندقيه ولما تضرب بيكون زي الخرطوش يفرش بس طبعا اقل لان مابيكونش جواها اكتر من 15 الي 20 بليه صغيره
والبنادق دي مش موجوده في مصر وممنوعه
والبندقيه دي باضافه جزء صغير في مكان وضع الطلقه ممكن تضرب عيار 5:5

[حسام عبادي]

إخواني
الصوره الأخيره نوع من أنواع الخرطوش بيستخدم مع أنواع بنادق رش الماسوره بتاعتها بتشيل رش نمره 2 وفيها مكان مكان تاني للذخيره دي (shot shell) مثل Gamo Viber Express ودي سألت عليها هنا في مصر عند فتح الله لقيتهم مش عارفينها بس عمومآ متهيألي الحصول عليها وحيازتها مش سهل لأانها تعامل معامله الخرطوش
ودي معلومات عن البندقيه http://www.gamousa.com/product.aspx?ProductID=71

[ramy100]

صورة الرش الاخيرة نمرة 2 وانا لسة مشترى علبة منها انهردة بـــ 20 جنية والموضوع هيال وانا استفدت كتير بس احسن نوع فى نمرة واحد اى نوع..........؟؟؟؟؟؟؟

[katshab]

تسلم ايدك يا امام مجهود رائع والله
جزاك الله كل خير