الاخوه الافاضل
السلام عليكم ورحمه الله وبركاته
اخوكم عضو جديد فى المنتدى ولى عندكم بعض الاسئله
انا عندى بندقيه جامو اتوماتيك نمره 1 ومحتاج اعرف اماكن لصيد اليمام واى الاوقات مناسبه للصيد وهل فيه رحلات جماعيه من اعضاء المنتدى على غرار رحلات صيد الاسماك التى ادمنها من 30 سنه ولو فيه ممكن انضم لرحله مع اعضاء المنتدى وللعلم انا باصتاد من مزارع الريف الاوربى حيث امتلك مزرعه صغيره هناك والصيد ليلا على الكشاف وفيه حاجه غريبه هناك انه ممكن تاخد صيد وفير وايام لا تجد شيئا على الشجر هل لذلك اسباب

الاخ العزيز حسين
اهلا بيك عضو في المنتدي طبعا في اماكن كتيرة جدا للصيد مثلا الفيوم فيها يمام وحمام وعنز وهناك الاسماعلية والصالحية
وبني سويف واحنا مكونين مجموعة وبنطلع كل جمعة مدينة بدر او الشروق و بنضرب هناك وانا برحب بيك في اي يوم لو حابب تطلع معانا
النقطة التانية الصيد بالليل جميل جدا وسهل بس انت بتقول ان في اوقات الطيور فيها كتير وفي اوقات مافيش دة علي حسب
المزارع الي انت فيها لو فيها رش مبيدات ممكن الطير تهج لحتة تانية او من كتر الضرب عليها هجت لمكان اخر ونامت فية علي حسب نوع الطير وممكن تقلي اية انواع الطيور الي بتلاقيها باليل في الشجر

الاستاذ حسين تليفوني 0127717179

استاذ/ جلال
شكرا جزيلا على دعوتك الكريمه
اولا انا بالنسبه للصيد البرى مبتدئ ولست على درايه بالطيور لكن معظم الصيد يمام وده من علىشجر الجزورين واحتمال عدم وجود طيور هو فعلا كتر الصيد من نفس المكان
وان شاء الله يكون لى نصيب فى طلعه معاكم واى استفسار لصيد الاسماك بجميع طرقه وجميع امكان الصيد فى مصر الخاصه بالاسماك انا فى الخدمه
ولك جزيل الشكر على ردك ودعوتك الكريمه

الاستاذ حسين
شكرا علي رسالتك وعلي فكرة انا كنت بطلع مع اصدقائي
البحر الاحمر وبناخد مركب من وادي الدوم او من السادات وبنطلع البحر لمدة يوم او يومين بس دة لما كان شغلي واقامتي في السويس ولمل رجعت القاهرة رجعت تاني للصيد البري وعلي فكرة اي خدمة او استفسار عن الصيد البري لاتتردد في
التصال بي اي وقت 0127717179