بخصوص البنادق الرخيصة !

[the_knight5000]

سلام عليكم

لما بنزل عند بتوع ادوات الصيد بلاقي بنادق عادية كدة بس بيكون مكتوب عليها اسعار في حدود 100 و 150 و 200 و كدة ... يوم ما لقيت 500 كان دة حاجة غريبة !!

لكن هنا بقي فالمنتدي انا شايف اضعاف اضعاف الاسعار دي ... و مركات و انواع ... انا بسال بقي ايه البنادق الرخيصة دي ... و هل بتستخدم فالصيد و لا دي لعبة يعني !! و ايه الفرق الشاسع اللي يعمل فرق السعر دة ؟

هو سؤال من مبتدئ صحيح بس بجد انا نفسي اعرف !؟
شكرا جدا

سلام

[syrian_hunter]

السلام عليكم أخي الكريم ..
أنا مش محترف وخبير في البنادق الهوائية لكن ممكن أشرحلك سبب الفرق الكبير في الاسعار بواسطة تشبيه بسيط جدا .
ايه الفرق بين سيارة صينية المنشأ وبين سيارة مرسيدس .
هذا هو الفرق باختصار .

[galal khalifa]

السلام عليكم
اولا مافيش بندقية ب 100 جنية
ثانيا ياريت يقول لينا فين المحلات دية
ثالثا وان وجد تبقي البندقية دية اما صيني اما بيبي جان
نرجو الافادة

[the_knight5000]

سلام عليكم

انا سالت الراجل و قاللي لا ب 100 صح و فيه اقل لو عايز !!!!!!
انا هحاول اصورها و اوريهالكو ... بس ايه البيبي جان دة ؟!

شكرا
سلام

[smsmn8888]

مستعمل استعمال سئ

[galal khalifa]

السلام عليكم
معلش يا استاذ القصد baby gun ,وهوة عبارة عن بندقية او مسدس للتدريب وياريت نعرف المحل دة فين واسمة اية
ولو الاسعار كدة وانت في البداية اشتري واحدة اتدرب عليها وبعدين اشتري واحدة قوية لان علبة الرش الالماني ب 60 جنية

[aktham]

ممكن تقولى فين المحلات الى بتبيع بالاسعار الرخيصة دى

[galal khalifa]

مافيش حد بيبع رخيص بس في بنادق رخيصة وبنادق غالية يعني المعادي المصري والصيني ب 500 جنية والاديان والباتريوت ب 6000 جنية المهم انت امكانياتك المادية اية علشان تستمتع بالهواية

[طلعت بخيت بسكالس]

نرجو حقا من الأخ الكريم زيادة بالأيضاح حتي يتمكن الأعضاء فعلا من المساعدة والشرح بصورة وافيه

[salahfareed]

بصرحه 100ج دى ماشوفتهاش ولا فى المستعمل اوى حتى لكن في ب350ج حاجه كدة بتضرب رش بللى وبخزنه اسفل الماسورة 20 رشه ومداها بالكتير 15م انا اعتبرتها لعبه اطفال ولا تصلح حتى لتعليم التنشين