مشاهدة النسخة كاملة : كيفية تلوين طبنجات الصوت
Eng Badran 11-04-28, 02:08 PM السلام عليكم ورحمة الله وبركاته
الاخوة الاعزاء كل سنه وانتم طيبين معرفش بمناسبة ايه بس مش مشكله كل سنه وانتوا طيبين وخلاص
احنا عايزين نفتح موضوع لكيفية تلوين المسدسات الصوت لان اللون الطبيعي لطبنجة الصوت بيكون فضي مش اسود ولكن يتم طلائها او دهانها بالاسود وبعد فترة الدهان ده بيروح وبيكون المسدس مترقع ابيض في اسود زي كلاب افلام الكرتون
انا عندي طبنجة صوت قديمة ماسورتها مكسورة واعتقد مفيهاش امل انا عارف ان ممكن يكون ليها حل بس للاسف معنديش حد بتاع مخرطة يكون بيفهم وعنده طولة بال ووقت عشان اقعد معاه واشرحله ونبتدي ننفذها
انا ممكن اخلي الطبنجة دي فأر تجارب نجرب عليها واللي عنده فكرة بس ياريت يكون متأكد منها يقول ونجرب مفيش مشاكل
واللي عارف ورشة ياريت يعرفنا ويقولنا مكانها وياريت لو يوصله مشوار يساله
وشكرا جزيلا
المهندس
احمد بدران
بسام سعيد 11-04-28, 02:16 PM بارك الله فيك اخي العزيز م/ احمد بدران
ياريت نلاقي حل للموضوع ده لاني انا قالب الدنيا على حل لعملية دهان المسدسات الصوت والكل بيقول علشان انتمونيوم مينفعش تدهن طيب هي كانت مدهونة اذاي اصلا انا مش عارف
يارب نلاقي حل
ahmedragab 11-04-28, 02:48 PM اخى العذيذ انا عندى فكرة بس معرفش حتنفع ولا اية بس انا شايف عندك استعداد للتجربة ممكن تجيب فرخ صنفرة حديد ناعم هوة اسمه كدة وتقوم بصنفره جميع اجذاء المسدس حتى يصبح لونن واحد وهو اللون الابيض او السلفر ثم تقوم بشراء علبه اسبراى دوكو لون اسود من نفس المحل بتاع فرخ الصنفره وهو بيكون محل لبيع مستلذمات الحديد والبوهيات ثم تقوم برش جميع اجذاء المسدس والموضوع دة كله يكلف حوالى اقل من ٢٠جنية وانا سمعت واللة اعلم انة فى ورش بتنكل المسدس وبيكون كله لون النيكل وده اجمل طبعا وده فى القاهرة لكن فين بالضبط ممكن اسال واقولك ان شاء الله فى اقرب وقت
Eng Badran 11-04-28, 05:01 PM اخي العزيز احمد رجب
جربت ما قلته
الاسبراي الدوكوا بيقشر في اول يوم بالزبط حتي لو حطيت الطبنجة في فرن البتوجاز
واسبراي التلاجات او بتاع العربيات برضو جربته بس بصراحة مش حطيته في الفرن
ده بيقشر برضو ولكن بعد شهرين تلاته بيثبت شوية عن الاسبراي العادي
انا عايز طلاء صبغ مش رش وبوية لاني جربت كل انواع الرش والبوية بصراحة مفيش حاجة نفعت
kimokono 11-04-29, 02:57 AM - كان فيه موضوع مع فيديو لطلاء المسدسات بالترسيب الحرارى فى المنتدى من فترة ممكن ندور عليه .
- تحياتى
Abkreno_007 11-04-29, 04:49 AM اعتقد الطلاء بالكهرباء هو اقوى طريقة لدهان المعادن
الينك بتاع الدهان \
http://www.egypthunt.net/showthread.php?t=6084&page=2
محمد ياقوت 11-05-12, 09:44 PM اخى العزيز لى صديق ضابط فى الجيش سألتو عن الموضوع ده وافادنى بان هناك نوع اسبراى اسود (حرارى) يتم عمل دهان للمسدسات من خلاله وهوتوفر فى محلات المون الكبيره بشرط يكون (حرارى) وانشاء الله يكون فعال وارجو ان اكون افادتك
SIGSAUER P226 11-05-12, 11:25 PM يا جماعه انا سالت قيل كده استاذ شريف صاحب محل صيانه فى شبرا
100 شارع شبرا و قالى حسب نوع المسدس فى مسدس لو لونه اتغير المعدن يتاكل و قالى هاته اشوفه و اقولك بالظبط هينفع ولا لا
Ahmed El Sarky 11-05-15, 07:24 PM انا دهنتو دوكو بتاع العربيات اسود مط
اسبراي دوكو السيارات نوعه red fox تيواني المنشاء سريع التصلب حوالي 10 ثواني و ده عن تجربة و النتاءج راءعة
ahmadkader 11-05-15, 10:21 PM الاسبراي الدوكوا بيقشر في اول يوم بالزبط حتي لو حطيت الطبنجة في فرن البتوجاز واسبراي التلاجات او بتاع العربيات برضو جربته بس بصراحة مش حطيته في الفرن
ده بيقشر برضو ولكن بعد شهرين تلاته بيثبت شوية عن الاسبراي العادي انا عايز طلاء صبغ مش رش وبوية لاني جربت كل انواع الرش والبوية بصراحة مفيش حاجة نفعت
اسبراي دوكو السيارات نوعه red fox تيواني المنشاء سريع التصلب حوالي 10 ثواني و ده عن تجربة و النتاءج راءعة
لو على إسبراى العربيات الجاهز ده مكانش حد غلب ، المسدس يا إما يتصبغ ، يا إما يتطلى ، غير كدا يبقى مسكنات و هتروح بسرعة زى ما تفضل المهندس بدران و قال و كلنا جربنا موضوع السبراى ده و مانفعش
osama2011 11-05-16, 03:18 AM انا شايف ان المسدس لما لونه ببروح بيزيد جمال
unknown 11-05-16, 12:38 PM اسبراي دوكو السيارات نوعه red fox تيواني المنشاء سريع التصلب حوالي 10 ثواني و ده عن تجربة و النتاءج راءعة
اى اسبراى مش هيثبت على السلاح لأن السبيكة بتاعة اسلحة الصوت صعب انه يثبت عليها رش الا اذا تمت معالجتها بمواد كيمائية الأول وهى دى اللى بحاول اعرفها حاليا
smsmn8888 11-05-16, 01:46 PM لو على إسبراى العربيات الجاهز ده مكانش حد غلب ، المسدس يا إما يتصبغ ، يا إما يتطلى ، غير كدا يبقى مسكنات و هتروح بسرعة زى ما تفضل المهندس بدران و قال و كلنا جربنا موضوع السبراى ده و مانفعش
100% صحححححححححححح
يارجالة بقول عن تجربة . ولو سمحتم الي جربه يقول مش نطخ ونقول مينفعش النوع ده و خلاص و نعوم وررا بعض واسف لاني حاولت الافادة بعد تجربة و شكرا . ملاحظة الاسبرايي ده خامته اكريلك
Eng Badran 11-06-01, 01:50 AM يا اخي اقسملك برب العزة والجلالة جربت كل ما يلي ذكرة
1-سبراي دوكو الاسود الماط بعد اتباع الطريقة الصحيحة لدرجة اني سنفرت المعدن نفسه واتجرح من كتر السنفرة ونضفته بكل حاجة وكان جاف تمام ومش عايز اقولك كنت شايف صورتي فيه
2- سبراي دوكو الفرن الي هوا بتاع التلاجات ده - وعملته برضو بالطريقة الصحيحة عند واحد متخصص عشان محدش يقول انت مش عرفت تعمله بنفسك
3- جميع اقلام التلوين جربتها -
مفيش ولا حاجة ثبتت علي السلاح نهائي مفيش الا الدهان بتاع التلاجات الفرن ده ثبت عليه شهر واحد بس وبدأ يقشر والمشكله انه كان بيقشر اكنك لازق علي المسدس ستيكر يعني قوي جدا ولكن بيفصل عن الجسم خالص
لازم يتم معالجة المعدن نفسه بمواد كيميائية زي ما تفضل الاخ الكريم ان نون وقال الخلاصة
Eng Badran 11-06-01, 01:54 AM يا جماعة
في حاجة مجاتش علي بالنا خالص
ايه رايكم في دهان البوية بتاع الحيطان ؟
مش ده ممكن يتخفف ونحاول ندهنه بس المشكله ده هنحكمة ازاي ؟ لانه مش هينفع طبعا نجيب فرشة وندهن بيها .. هل في حد عنده خبرة في الموضوع ده ؟مع العلم ان مواصفات الدهان تكون كالتالي
1 قابل للتخفيف
2 ماط وليس لامع
3- يفضل امكانية وضعة في مسدس الرش الخاص برش الدهان
طب قولي ايه رايك في المعادي بعد طلاها زي ماقولت و لاحظ تحمله لخدوش المفصل بعد شهرين استخدام
superman2 11-06-01, 08:32 PM طب قولي ايه رايك في المعادي بعد طلاها زي ماقولت و لاحظ تحمله لخدوش المفصل بعد شهرين استخدام
تحفة .. عملتها بايه دي ؟؟ وبتقول بقالها شهرين ؟؟؟
والله لاحاجة اقل و لا ازيد من فكها بالكامل و تنضيفها بسلك المونيا ناعم ثم تطهيرها بالتنر و اسعمال الاسبراي سابق زكره 3 اوجه بين كل وجه حوالي ربع ساعة.
sayedlabib 11-06-03, 02:37 AM على فكرة الريد فوكس افضل الوسائل الموجودة لكنه فعلا مش بيثبت كتير
http://www.bosny.com/redfox.html
sayedlabib 11-06-03, 02:40 AM واظن ده كمان الافضل لانه حرارى بس المهم هاتلاقيه فين هو على فكرة انتاج نفس شركة الريد فوكس
http://www.bosny.com/hiheat.html
aboelhassan6000 11-06-14, 01:42 AM صباح الخير على كل اعضاء المنتدى الجامد الى لسة مسجل فبة من ساعة تقريبا...موضوع الدهان اللى الكل عمال يطخطخ فية من زمان حلة كالاتى : التلوبن شفتة اثناء ماكان احد اصدقائى العربان (المطاريد )بيشيل رقم سلاح (بحرفنة شديدة طبعا) وعشان يرجع اللون دون ان يلاحظ احد ذلك بيعمل اية ؟؟ الاول نجيب القطعة المراد تلوينها وتسخينها (بلمبة لحام ) لدرجة الاحمرار وبعد ذلك نضعها اونطفيها فى زيت سيارة محروق ونتركها حتى تبرد فى الزيت وبعدها بقدرة قادر تلاقيها اخذت نفس اللون الاسود ولا تقشر ولا حاجة لان دة مش دهان واللون الاسود مش ها يتشال حتى لو حبيت تشيلة بالسنفرة ...... على فكرة لازم ناخد بالنا اثناء التسخين وما يزيدش عن اللازم لان الانتيمونيا خامة ضعيفة وممكن تسيح ولازم نلاحظ ان الطريقة اللى اتكلمت عنها بتم مع السلاح الحى ، وللعلم الطريقة دى بتفيد ايضا فى زيادة صلابة المعدن وبيسموها اهل الخبرة ’ تقسية المعدن ’اى زيادة قسوة صلابتة ...للعلم اخوكم محامى مش حداد .. جربوا وادعولى وفى انتظار الرد .
YOSSEF EL MASRY 11-06-14, 02:24 AM اخواني الاعزاء
السلام عليكم
بالنسبة لجميع انواع الدهان التي يتم رشها لايوجد اي جدوي منها سوء كان الدهان اسبري او خلافة
بالنسبة لموضوع التسخين والاطفاء في الزيت هذا الموضوع يستخدم مع الحديد فقط وهو نوع من التلوين يستخدم في الورش لتلوين الحديد
اما عملية التقسية فيستخدم فيها مادة خاصة بالتقسية لمعدن حديد موصف
اي ان لكل تركيب خاص من الحديد مادة خاصة في التقيسة
يبقي الصلاء بالاكسدة وهو كما نراة مثلا علي اكر ابواب الغرف الموكسدة باللون الاسود او المسامير الصلب الموكسدة السوداء
هذا واللة اعلم
شكرا
aly_kamal 11-06-15, 09:52 PM فيه سبراي حراري لطلاء المعادن موجود عند بتوع المون ده انشاء الله يكون اكيد لانه مخصص لدهان المعادن فقط
bodygard 34 11-06-28, 03:45 PM جربوا الطلاء الالكتروا ستاتيك
صباح الخير على كل اعضاء المنتدى الجامد الى لسة مسجل فبة من ساعة تقريبا...موضوع الدهان اللى الكل عمال يطخطخ فية من زمان حلة كالاتى : التلوبن شفتة اثناء ماكان احد اصدقائى العربان (المطاريد )بيشيل رقم سلاح (بحرفنة شديدة طبعا) وعشان يرجع اللون دون ان يلاحظ احد ذلك بيعمل اية ؟؟ الاول نجيب القطعة المراد تلوينها وتسخينها (بلمبة لحام ) لدرجة الاحمرار وبعد ذلك نضعها اونطفيها فى زيت سيارة محروق ونتركها حتى تبرد فى الزيت وبعدها بقدرة قادر تلاقيها اخذت نفس اللون الاسود ولا تقشر ولا حاجة لان دة مش دهان واللون الاسود مش ها يتشال حتى لو حبيت تشيلة بالسنفرة ...... على فكرة لازم ناخد بالنا اثناء التسخين وما يزيدش عن اللازم لان الانتيمونيا خامة ضعيفة وممكن تسيح ولازم نلاحظ ان الطريقة اللى اتكلمت عنها بتم مع السلاح الحى ، وللعلم الطريقة دى بتفيد ايضا فى زيادة صلابة المعدن وبيسموها اهل الخبرة ’ تقسية المعدن ’اى زيادة قسوة صلابتة ...للعلم اخوكم محامى مش حداد .. جربوا وادعولى وفى انتظار الرد .
اخي العزيز
هذه الطريقة لاتنفع مع مسدسات الصوت لاختلف خواص المعدن المصنع منه
افضل الطرق هي الاكترو ستتك (مثل طلاء الابواب الالمنيوم)
فرج محمد 11-09-22, 01:42 PM طيب هل ممكن محلات السلاح تقوم بهذه العملية ويكون اضمن ام لا
محمد حافظ بك 11-09-23, 10:54 PM طيب هل ممكن محلات السلاح تقوم بهذه العملية ويكون اضمن ام لا
عندنا في اسكندرية ممكن في المحل تنكل السلاح بس لكن معتقدش تلونه لون تاني
Ahmedxd 22-08-03, 10:37 PM تقريبا انا الوحيد في مصر اللي بعرف اللون السلاح وبصراحه الموضوع سهل جدا ومش مكلف حاجه كمان انا موصلتش للموضوع ده بساهل تعبت علي معرفت اللي عايز يعرف الطريق او يجيبلي الطبنجه بتعتو اعملها يكلمني علي رقمي 01091193555
|