أنا انضحك عليا يا رجالة

[أبو عزه]

انا اشتريت بندقية كرال ماجنوم 5.5 من الزقازيق و الراجل قاللي ب1200 جنية وصاحب المحل مارضاش بأقل من كدا و هيا كويسة و كل حاجة بس فية حاجة قلقاني . ان الكرتونة بتاعتها شكلها مش زي الكراتين اللي أنا شفتها ف الموقع دة هيا عبارة عن كرتونة عليها صورة البندقية بي من غير الوان و مكتوب عليها kral air rifle spainبس كدا ..... لو سمحتوا ممكن حد يوضحلي دي تبقي غلطة مصنع ولا دي فرز تاني و لا اية الحكاية :):):):)
صياد مبتدئ

[غاوى صيد]

انت شاريها من عند العراقى ولا مين ؟

[M.AbdelKader]

Kral Air Rifle Spain ديه غريبة حبتين... لأن حسب معلوماتى المتواضعة الكرال تركى مش أسبانى
المهم حاول تتأكد أنها جديدة و كل حاجة سليمة... ممكن تكون محطوطة فى كرتونة قديمة بس و غلطة من عند الراجل أو كده... و لو فى إمكانية روح للى إشتريتها منه و شوف إيه النظام
و اسأل خبراء المنتدى هيفيدوك أكتر منى طبعا :)

[sameer]

لالالا عادي ما فيهاش حاجة دي علبتها ما تخافش انا شاريها برضه كده

[أبو عبدالله المصرى]

دى العلبة القديمة بتاعتها ما تقلقش
عبارة عن كرتونة عادية و مكتوب عليها بالاسود

[Peace Missile]

اعتقد انه طالما البندقيه نفسها سليمه مفيش مشكله انا نفسى كنت شارى الكرال بتاعتى من غير كرتونه بس الحمد لله مفيش فيها ادنى مشكله ...

[drbokl]

ما تقلقش انا شاريها من ابو ضيف فى العرض وبنفس الكرتونة دى

[mlikhunter]

الكرال تجي بكرتونه وبغير كرتونه المهم هي تمام ومافي مشاكل فيها

[أبو عزه]

بالظبط يا صديقي من عند العراقي

[أبو عزه]

والله شكرا يا جماعة طمنتوني طيب السعر تمام و لا زيادة شوية شكراااااا

[dr_mohasan]

والله شكرا يا جماعة طمنتوني طيب السعر تمام و لا زيادة شوية شكراااااا
سعرها كان عند شريف ابو ضيف 1450 عندما كنت عنده يوم السبت الماضى

[sameer]

لا السعر كدة تمام و مبروك عليك

[hosam ibrahem]

مبروك عليك ربنا يكفيك شرها

[الجزار]

مفيش قلق ان شاء الله

[braveheart]

السعر مناسب و دي كرتونة الكرال و متقلقش ... تقبل مروري.