يا ترى المشكله فى ايه

[well12m]

السلام عليكم جميعا اخوانى الاعزاء اريد الاستفسار عن موضوع الا وهو

انا معايا بندقيه نوريكا مارفيك نمرة 2 وبستعمل رش ماتش المانى
ولكنى اكتشفت الاتى ضربت يمامه ثم طارت لمسافه عشرين متر وسقطت بعدها لما مسكتها كانت الرشه مخترقه الصدر والمسافه كانت تقريبه عشر امتار ولكن ازاى طارت والرشه كانت مخترقه الصدر هل نوع الرش غير كافى لاسقاطها فى مكانها ام سوسته البدقيه ضعيفه مع العلم انى مغير جلبه جديدة
هل المشكله الان فى السوسته ولا الرش واذا كان الرش ما هو افضل نوع لاسقاط الطائر فى مكانه بدون ان يطير ولا حتى متر ؟

[DeCo]

دى بتعتمد على قوة البندقية والمكان الى الطائر اصيب فيه ؟هيا البندقية جديدة ولا مستعملة؟
ولو مستعملة بقالها اد ايه ؟ ارجو التوضيح واتمنى التوفيق ؟
والله الموفق والمستعان..............................

[well12m]

البندقيه مستعمله ولكن بحاله جيدة جدا ومغير جلبه جديدة الاصابه كان فى الصدر تماما الرشه كانت مخترقه الصدر وليست اصابه سطحيه

[tiesto]

الرصاصه عدت من الصدر طلعت من الظهر ؟( سرقه اليمامه يعنى)
عشان ممكن ده اللى يكون حصل

[braveheart]

سيدي الفاضل دة يدل علي قوة البندقية لا أكثر و لا أقل ... و كمان بسبب قرب المسافة كما ذكرت 10 متر .. و كونها تطير و تموت ده معناها إنها أتسرقت .. من حلاوة الروح يعني طارت ... و دي حاجة عادية .. المشكلة لا في الرش و لا البندقية و الحمد لله.

[سيدخالد]

بتحصل كتير لاتستغرب كما قال الاخ القلب الشجاع اتسرقت وبتاخد الرشه وتطير واحيانا كمان تقع على احد الاسطح او مكان بعيد المهم انك تنشن على راس اليمامه لانها بتفتك بها فى الحال

[well12m]

شكرا لكل الردود ولكن الرشه لم تعدى للجهه الاخرى اخترقت الصدر واستقرت فى البطن

[darwish]

ا/well12m
حاول تركز على إصابة الهدف فى الجناح مثلا
العمود الفقرى
الرأس
مع تحياتى

[well12m]

طب لو استخدمت رش السوبر بوينت او الماجنم هيكون التأثير اسرع فى الاطاحه بأى طائر

[unknown]

الطير اتسرق

[dr mohamed kamal]

شكرا لكل الردود ولكن الرشه لم تعدى للجهه الاخرى اخترقت الصدر واستقرت فى البطنالواضح من كلام حضرتك ,هو أن البندقية ضعيفة بدليل أن الرشة لم تخرج من الظهر ,غير سوستة للبندقية وحتصبح مدفع ,وتقفل أى صيد ,تحياتى للجميع

[ابو مروان]

يا سادة يا افاضل مشكورين على ردكم ولكن احنا بنتعامل مع كائن حى لة روح ودى حلاوة الروح لازم يحصل رد فعل اما الاصابة المميتة فى الحال فهى فى الراس ودى صعبة شوية لا تشك فى بندقيتك ابدا ثق بها لان لو الشك دخل قلبك فى سلاحك ستهتز ثقتك فية خير مثال الار بى جى السلاح دة كان لا يستخدم بعد الحرب العالمية التانيو لكن الجندى المصرى اعاد لة الحياة من جديد لثقتة بة ومهارة الجندى ثق بنفسك وثق بسلاحك المهم يا سيدى الفاضل ان الطير بيموت انا كان عندى رمسيس نمرة واحد اليمامة كانت بتاخد الرشاية واروح اجيبها بعد خمسين متر_ههههههه

[well12m]

الواضح من كلام حضرتك ,هو أن البندقية ضعيفة بدليل أن الرشة لم تخرج من الظهر ,غير سوستة للبندقية وحتصبح مدفع ,وتقفل أى صيد ,تحياتى للجميع

شكرا لك ويا ترى سعر السوسته ديه كام ومتوفرة عند مين ؟

[said ali]

حضرتك ممكن تجرب البندقيه على هدف ثابت ومش حى
ومن مسافه معقوله يعنى من10/7 متر
والافضل تجربها على علبه صاج(علبه سمن)
وتكون مليانه ماء وتشوف الرشايه هتعمل فيها ايه
هتعدى من جنب واحد ولا من الجنبين ولا مش هتعدى اصلا
وبكده هتقدر تحدد قوتها

تحياتى

[well12m]

حضرتك ممكن تجرب البندقيه على هدف ثابت ومش حى
ومن مسافه معقوله يعنى من10/7 متر
والافضل تجربها على علبه صاج(علبه سمن)
وتكون مليانه ماء وتشوف الرشايه هتعمل فيها ايه
هتعدى من جنب واحد ولا من الجنبين ولا مش هتعدى اصلا
وبكده هتقدر تحدد قوتها

تحياتى

فى حاله انها عدت الجانين تكون سليمه وفى حاله لا تكون محتاجه سوسته ظ\؟

[said ali]

فى حاله انها عدت الجانين تكون سليمه وفى حاله لا تكون محتاجه سوسته ظ\؟

لو عدت من الجنبين بتكون تمام
وممكن تحط علبتين
انا كنت بجرب البى اس على 3علب
بس لو عدت من الجنبين لعلبه واحده مليانه ميه
ببتكون معقوله جداا
ومش محتاجه تغيير

تحياتى
واستأذن لانى خارج للصيد

[well12m]

بس دة فى حاله الرش السوبر بوينت لانه مدبب فاختراقه اسهل انما الماتش اللى معايا صعب اختراقه جانبين صح ولا انا غلط؟