هل البنادق نمرة اتنين بتضرب رش نمرة واحد؟

[m.elshinawy]

السلام عليكم ورحمة الله وبركاته
انا عندى بندقية كرال ماجنوم 5.5 وهى طبعا بندقية نمرة اتنين وسرعتها 214م/ث وقريت ان عند استخدام رش نمرة واحد او 1.77 بتوصل سرعتها 300م/ث
المهم نزلت وجيبت رش نمرة واحد وجيت علشان اجرب لقيت الرشاية صغيرة جدا وبحطها من الناحية الى ورا الاقى الرشاية اتزحلقت وطلعت من بوز البندقية
عايز اعرف هل انا فهمت غلط لما سمعت ان بنادق نمرة اتنين بتضرب رش نمرة واحد؟
وشكرا

[saskon]

لأ طبعا مينفعش تضرب نمرة واحد. المقصود ان لما تكون البندقية نفسها نمرة واحد تكون سرعتها 300م/ث :)

[سيدخالد]

اخى الكريم بندقية نمرة 1 يعنى تستخدم عيار 4,5 وبندقية نمرة 2 تعنى انها تستخدم عيار 5,5وطبعا لايصح الا الصحيح ورجع الرش بنمرة 2

[sameer]

هوا ماينفعش عشان حاجتين اولا الفتحة اللي بيتحط فيها الرشاية واسعة وحتقع منها الرشة نمرة واحد ثانيا حتى لو خدت بالك وماوقعتش الرشة من الناحية التانية الهوا حيتسرب من الماسورة وسرعتها مش حاتجيب

[memo2224]

اخى الكريم متحولش تجرب الفكره دى
وفعلآ انت فهمت غلط زى مقال الاخ saskon
البندقيه الكرال فى منها نمره 1و2 والنته قريته ده ينفع لو البندقيه بتعتك نمره1
ومتحولش تجرب انك تضرب رش نمره واحد فى البندقيه نمره 2
لان الرشه ممكن تلف وتسد الماسوره
وتحياتى

[hazeeeeem]

لأ طبعا مينفعش تضرب نمرة واحد. المقصود ان لما تكون البندقية نفسها نمرة واحد تكون سرعتها 300م/ث :)

+++++++++++1
بالظبط كده

[m.elshinawy]

شكرا يا جماعة على الردود الجميلة والظاهر فعلا انى فهمت غلط وعلشان كدة رجعتلكم علشان اعرف ايه الصح من المنتدى الرائع ده واعضاءه المحترمين

[sherifsn]

صديقي
الكرال سرعتها 240 م/ث وليس 214.
شكراً

[osama2011]

كما أفادك الأخوة الأعضاء

[ابو مروان]

الزملاء افادو حضرتك انك فهمت غلط ورايهم سليم تماما بس البندقية نمرة 2 بتضرب رش نمرة واحد هاتقولولى ازاى؟؟؟؟؟؟؟ لوجبت الرشاية نمرة واحد وجيت عليها من ورا ووسعتها _احنا كنا بنعملها باسنانا زمان بس دة غلط طبعا لان الرصاص سام _كنا بنوسع الرشاية من ورا لحد لما تبقى على قد الماسورة بتاعت النمرة 2 وما تصقتش منها وكانت بتضرب وكنا بنعمل كدة لما يكون معانا واحد سلاحة نمرة اتنين والرش يخلص كنا بنديلة رش نمرة واحد ويعمل كدة_الشعب المصرى ما بيغلبش_هههههه

[braveheart]

لأ طبعا مينفعش تضرب نمرة واحد. المقصود ان لما تكون البندقية نفسها نمرة واحد تكون سرعتها 300م/ث :)

هوا ماينفعش عشان حاجتين اولا الفتحة اللي بيتحط فيها الرشاية واسعة وحتقع منها الرشة نمرة واحد ثانيا حتى لو خدت بالك وماوقعتش الرشة من الناحية التانية الهوا حيتسرب من الماسورة وسرعتها مش حاتجيب

صديقي
الكرال سرعتها 240 م/ث وليس 214.
شكراً


ده ملخص الكلام اللي كنت هقولة ... شكرا للأعضاء الكرام