حد يفيدنى عاوز اجمع صنارة كويسة

[ghareeb saad]

حد يساعدنى فى اختيار نوع بوصة كويسة ومكنة كويسة بدل ما بتوع المحلات ينصبوا علينا
وياريت تقولولى الانواع والاسعار

[kefafy]

السلام عليكم ورحمه الله وبركاته
حضرتك عاوز الصنارة عشان تصتاد منين ؟
بص الصيد 3 انواع
1- صيد من الشاطى ( هيبقا هتحتاج عود طويل علشان كل مالعود طول هيقدر يحدف مسافة ابعد يعنى بنتكلم على عود ميقلش عن 4 متر ومكنه عليها خيط كتير )
2- صيد تسقيط ( يبقا مش محتاج عود طويل لانك يا هتسقط من على مركب ياما من على كوبرى فتحتاج عود بالكتير 180 سنتى و ميكونش عود رقع (ميكنش طرى يعنى)
3- صيد الجر ( ودة هنا فى الغردقة او فى اى مكان بحرى يبقا هتحتاج مكنة جر وعود جر وفى انواع اقتصادية وكويسة كمبتدا زى الاموتو )
مركات الاعواد و المكن المتواجدة حاليا
1- الصينى ويفضل تبدا بيه لو مبتدا
2- الاموتو وبردو بيصنع فى الصين بس حاجة انضف شوية
3- الديوا اليابانى
4- الشيمانو الايطالى
5- البن الامريكى
طبعا بالنسبة للاسعا هنا فى الغردقة الحاجة غلية شوية
انت تروح المحل بعد متكون حددت انت هتستخدم الصنارى فى اى نوع من الصيد
وتقولة عاوز عود طولة 4 متر او عود 180 سنتى (حسب مذكرنا اعلاة)
وعاوز مكنة يكون قلبها نحاس (اى نوع صينى او كورى مش هتفرق) والحلة بتاعتها تشيل 300 متر خيط 30اذا كنت هتصطاد فى الحلو , او 150 متر خيط 60 اذا كنت هتصطاد فى المالح
وشوية سنون وتقلات مقاسات مناسبة للمنطقة الى انت هتصتطاد فيها
وانشاء الله لما تشتريهم كلمنى وانا هقولك بقا ازاى تظبط فرامل المكنة عشان تبقا مناسبة لسحبة السمكة وانا تحت امرك فى اى وقت
واسف للاطالة
اخوك
احمد