رجاء من السادة الاعضاء الاختيار .....

[Abo Yousof]

السلام عليكم ورحمة الله وبركاته

السادة الاعضاء المحترمين

أرجو من حضراتكم بخبراتكم وتجاربكم ومعلوماتكم الجبارة ترشيح احدى البندقيتين لي


الأولى كرال التركي وسعرها عند ابو ضيف اليوم فرع المهندسين بمناسبة الافتتاح 1250 جنيه وهي السوداء الفايبر وهي مخفضة من 1450 جنيه


والثانية هي نوريكا 73 وسعرها عنده ايضا 1350 جنيه بس مش عارف ليها تخفيض ولا لا


وانا سمعت وقرأت عن البندقيتين ما بين مؤيد ومعارض مما ادى الي زيادة حيرتي

فأرجو منكم بارك الله فيكم الافادة عشان آخذ قرار اليوم او غدا إن شاء الله

وإن كان لأحد ترشيح بندقية أخرى في نفس السعر وتكون نمرة 2 لا يبخل عليّ بالنصيحة

وجزاكم الله خيرا جميعا

[dr_mohasan]

والله يا أخ أبويوسف أنا حاليا بسال نفسى نفس السؤال , ولكنى اجد نفسى أميل قليلا ناحية النوريكا وذلك بسبب انها صناعة اسبانى , متجربة ومحدش قال عليها اى تعليق سلبى ولا عملت مشاكل مع حد
أنا ان شاء الله هانزل اشترى ومتشكر ان حضرتك عرفتنى ان النوريكا موجودة عند شريف
بالمناسبة , هى نمرة واحد ولا 2 ؟؟؟

[Abo Yousof]

بالنسبة لتعليقات من اقتنى الكرال في باقي المواضيع مشجعة لشرائها ولكن انا منتظر التعليقات الخاصة بالمقارنة

وبالنسبة ان النوريكا اللي سألت عليها كانت نمرة 2

شرفني مرور حضرتك يا دكتور

[Mohamed Mahmoud]

طبعا النوريكا بما انها اسبانى اعتقد احسن بكتير جدا

[Batman]

+++ 1 1 1
طبعا بدون اى تردد النوريكا افضل .
الدقه و الصناعة و جوده الخامات و الاسم اهم من القوه فقط.
- الكرال مشاكلها بالجمله - اى نعم لها حلول - لكنى مش جايب بندقيه جديده استمتع بها و كل شويه اوجع دماغى بكيفيه اصلاح و تلافى عيوبها مره السوسته تكسر / النشنكانات الخلفيه لا تثبت / المسامير الدبشك الاماميه بتفك . . . . . !! طبعا دى وجهه نظرى الخاصه.
تقبل تحياتى . . .

[Batman]

والله يا أخ أبويوسف أنا حاليا بسال نفسى نفس السؤال , ولكنى اجد نفسى أميل قليلا ناحية النوريكا وذلك بسبب انها صناعة اسبانى , متجربة ومحدش قال عليها اى تعليق سلبى ولا عملت مشاكل مع حد
أنا ان شاء الله هانزل اشترى ومتشكر ان حضرتك عرفتنى ان النوريكا موجودة عند شريف
بالمناسبة , هى نمرة واحد ولا 2 ؟؟؟

اختيار موفق - مبروك مقدما .

[Abo Yousof]

جزاكم الله خيرا يا جماعة على الاهتمام

وبكدة حصل اجماع على النوريكا ... ولكن حد له رأي آخر

[Batman]

جزاكم الله خيرا يا جماعة على الاهتمام

وبكدة حصل اجماع على النوريكا ... ولكن حد له رأي آخر

اى اراء اخرى ؟؟؟ حضرتك طلبت المفاضله بين الكرال و النوريكا و كل الاعضاء قالتك النوريكا لان دى ببساطه الحقيقه !!
لو حضرتك مقتنع بالكرال ، يبقى خلاص حضرتك حر طبعا - بس مش حتجد احد يقولك الكرال افضل من النوريكا حتى اصحاب الكرال الافاضل نفسهم .
تحياتى . . .

[msa_79]

اخي العزيز استاذ ابو يوسف
طبعا مع احترامي لرأي جميع الاعضاء انا لن اقترح عليك بندقية معينه ولكني سوف اعطيك معلومات تفيدك في اختيارك
لا يوجد بندقية خالة من العيوب حتي البنادق الديانا الالماني تحوي علي بعض العيوب ولكنها اقل بالطبع من غيرها.
لا يوجد بندقية لا يحدث بها اعطال او لا تحتاج الي صيانة والامر يتوقف علي استعمالك وصيانتك الدائمة لها فانا رأيت بندقية بي أس الناشينكان الخلفي فيها مكسور وغير موجود في المحلات مع انها بي أس صناعة انجليزي.
الان سوف اخبرك بمميزات وعيوب كل بندقية:
النوريكا 73 مميزاتها انها صناعة اسباني وطبعا هذا يعني جودة الخامات والدقة في التجميع
عيوبها انها بندقية ضعيفة ليست هاي بور وهي أيضا قديمة الصنع مما يعني انك سوف تحتاج الي تغيير الجلبة الخاصة بها في الغالب لانها ستكون جافة من طول مدة ركنها.
الكرال مميزاتها انها بندقية قوية هاي بور نيشانها فسفوري سريع التجميع خامتها جيدة ايضا.
عيبها هو انكسار السوستة بعد فترة وستحتاج الي تغييرها وهو امر في منتهي السهولة ممكن تعمله بنفسك وممكن توديها ورشه(افضل تعملها بنفسك عشان تتعلم فك وتركيب البندقية لأنك لازم تفك بندقيتك كل فتره عشان تشحمها من الداخل وده في أي بندقية)
وتقبل احترامي

[braveheart]

سيدي الفاضل ... لقد أوضح سيادة الأستاذ / msa_79 كافة العيوب و المميزات بالنسبة للمقارنة ببين هاتيت البندقتين بالتحديد .. و لكنني سأضيف علي كلامة بعض الأشياء للتوضيح ... و لك الأختيار في النهاية.

مسألة أختيار بندقية تتوقف علي أشياء كثيرة ... و أهمها علي الأطلاق الجانب المادي أو المقدرة المادية و الذي يحدد ماركة البندقية و بلد الصنع .. ثم نوع الطريدة ( أي ماذا ستصطاد ببندقيتك ) و الذي يحدد عيار البندقية سواء كانت نمرة 1 أو 2 أو 3 .

لو كانت المقارنة بين نوريكا جيت أو مارفيك نمرة 2 و كرال ماجنوم نمرة 2 ... لأخترت لك النوريكا بالطبع ... حيث انهم جميعا هاي بور 250 م /ث لنمرة 2 تقريبا .. بالإضافة لجودة الصنع الأسبانية و الدقة.

و لكن بمقارنة كرال مع نوريكا 73 ... أعتقد أنني أرشح الكرال لأنها هاي بور ... و بالنسبة للدقة فلا مانع من تركيب تليسكوب 3:7 *20 ... فهو سيفي بالغرض تماما.

و بهذا ستكون قد جمعت بين القوة و الدقة في أن واحد ..
تقبل مروري.

[Abo Yousof]

اخي العزيز استاذ ابو يوسف
طبعا مع احترامي لرأي جميع الاعضاء انا لن اقترح عليك بندقية معينه ولكني سوف اعطيك معلومات تفيدك في اختيارك
لا يوجد بندقية خالة من العيوب حتي البنادق الديانا الالماني تحوي علي بعض العيوب ولكنها اقل بالطبع من غيرها.
لا يوجد بندقية لا يحدث بها اعطال او لا تحتاج الي صيانة والامر يتوقف علي استعمالك وصيانتك الدائمة لها فانا رأيت بندقية بي أس الناشينكان الخلفي فيها مكسور وغير موجود في المحلات مع انها بي أس صناعة انجليزي.
الان سوف اخبرك بمميزات وعيوب كل بندقية:
النوريكا 73 مميزاتها انها صناعة اسباني وطبعا هذا يعني جودة الخامات والدقة في التجميع
عيوبها انها بندقية ضعيفة ليست هاي بور وهي أيضا قديمة الصنع مما يعني انك سوف تحتاج الي تغيير الجلبة الخاصة بها في الغالب لانها ستكون جافة من طول مدة ركنها.
الكرال مميزاتها انها بندقية قوية هاي بور نيشانها فسفوري سريع التجميع خامتها جيدة ايضا.
عيبها هو انكسار السوستة بعد فترة وستحتاج الي تغييرها وهو امر في منتهي السهولة ممكن تعمله بنفسك وممكن توديها ورشه(افضل تعملها بنفسك عشان تتعلم فك وتركيب البندقية لأنك لازم تفك بندقيتك كل فتره عشان تشحمها من الداخل وده في أي بندقية)
وتقبل احترامي

جزاك الله خيرا استاذي الفاضل على التوضيح
وشرفني مرورك

[Abo Yousof]

سيدي الفاضل ... لقد أوضح سيادة الأستاذ / msa_79 كافة العيوب و المميزات بالنسبة للمقارنة ببين هاتيت البندقتين بالتحديد .. و لكنني سأضيف علي كلامة بعض الأشياء للتوضيح ... و لك الأختيار في النهاية.

مسألة أختيار بندقية تتوقف علي أشياء كثيرة ... و أهمها علي الأطلاق الجانب المادي أو المقدرة المادية و الذي يحدد ماركة البندقية و بلد الصنع .. ثم نوع الطريدة ( أي ماذا ستصطاد ببندقيتك ) و الذي يحدد عيار البندقية سواء كانت نمرة 1 أو 2 أو 3 .

لو كانت المقارنة بين نوريكا جيت أو مارفيك نمرة 2 و كرال ماجنوم نمرة 2 ... لأخترت لك النوريكا بالطبع ... حيث انهم جميعا هاي بور 250 م /ث لنمرة 2 تقريبا .. بالإضافة لجودة الصنع الأسبانية و الدقة.

و لكن بمقارنة كرال مع نوريكا 73 ... أعتقد أنني أرشح الكرال لأنها هاي بور ... و بالنسبة للدقة فلا مانع من تركيب تليسكوب 3:7 *20 ... فهو سيفي بالغرض تماما.

و بهذا ستكون قد جمعت بين القوة و الدقة في أن واحد ..
تقبل مروري.

تسلم يا أخي على الاضافة وهذا ما يميل له قلبي
وانت عارف ثقافة معظم الشعب المصري عايز يجمع بين كل المواصفات والاوبشن وبسعر قليل
عشان كده انتشرت السلع الصيني في مصر وخاصة السيارات

[Abo Yousof]

دا كمان يا جماعة انا اول مرة هاشتري بندقية وامسك بندقية رش واتعلم النيشان واصطاد والكلام ده

مع اني ضربت ببندقية خرطوش قبل كده عندنا في البلد في الافراح :)

[Batman]

دا كمان يا جماعة انا اول مرة هاشتري بندقية وامسك بندقية رش واتعلم النيشان واصطاد والكلام ده

مع اني ضربت ببندقية خرطوش قبل كده عندنا في البلد في الافراح :)

- هو طبعا كل بندقيه لها عيوب و مزايا - و عند المفاضله البندقيه الى اعطالها و سلبياته اقل يبقى هى الافضل - الكرال ميزتها فقط القوه و السعر المنخفض - لكن الساده الخبراء اكدوا كثيرا ان القوه مش كل حاجه - الدقه و الجوده اهم .
- لانك مبتدأ و دى اول بندقيه لك ، لو ميال للكرال يبقى لازم تكون على علم بكل ما ذكره الاخوه من سلبيات و اعطال و مستعد و متقبل لمعالجتها و ده محتاج وقت و مصاريف اضافيه على المده الطويل .
- ايضا لو السعر عامل هام لك -القى نظره على الصينى البام 21 هاى باور - تقليد للديانا - اغلى شويه من الكرال - لكنها عيوبها اقل من الكرال . . بالتوفيق لك و تحياتى . . .

[Abo Yousof]

استاذ Batman جزاك الله خيرا على الاهتمام والافادة

هو الامر محير جدا بس انا استخرت الله عز وجل وشرعت في اقتناء الكرال كتجربة

وهي مش هاتبقى اخر مرة يعني اشتري الايام جاية إن شاء الله ... بس اهم حاجة يبقى في يمام وحمام وكل البروتين

[Abo Yousof]

شكر وتقدير لكل الاعضاء اللذين اهتموا بالموضوع وقدموا ما عندهم من نصائح ومعلومات

وفعلا انا سعيد جدا بأنضمامي للمنتدى والتعرف على الاعضاء المحترمين مثلكم

حقيقي جزاكم الله خيرا

واذّكركم بحديث النبي صلى الله عليه وسلم الذي رواه الامام مسلم عن ابي هريرة رضي الله عنه ( ......... والله في عون العبد ما كان العبد في عون أخيه .............)

[amer ibrahim]

لا يمكنك مقارنة بندقية هاي بور ببندقية ضعيفة... مقارنة ليست عادلة، وأنا رأيي إن النوركيا أفضل.

[Batman]

استاذ batman جزاك الله خيرا على الاهتمام والافادة

هو الامر محير جدا بس انا استخرت الله عز وجل وشرعت في اقتناء الكرال كتجربة

وهي مش هاتبقى اخر مرة يعني اشتري الايام جاية إن شاء الله ... بس اهم حاجة يبقى في يمام وحمام وكل البروتين

مبروك مقدما و ان شاء الله يعطيك خيرها و يكفيك شرها .

[Consul]

أخي الحبيب أبو يوسف...بارك الله فيك وفي الأخوة الأعزاء الأحباء جميعا...ومع تقديري وإحترامي لآرائكم وتعليقاتكم جميعا...فإسمحوا لي أن أرشح لأخي الحبيب نوريكا سبورت...بما أنه مبتدئ ويريد أن يتعلم ويتدرب ويتقن ويكتسب مهارات في الرماية والصيد...النوريكا سبورت من ضمن مجموعتي الشخصية والمحببة والقريبة من نفسي جدا...بندقية رشيقة وخفيفة ( 2.7 كجم ) حجمها جميل ومتوازنة في مسكتها ونيشاناتها فوسفورية دقيقة وسريعة التجميع وخامتها ممتازة وشكلها جميل وسرعتها في عيار 5.5 ( نمرة 2 ) 160 م/ث سرعة ممتازة للصيد على مسافات 20-30 متر وممكن أكثر حسب مهارتك ( عملية جدا ) وأغلب الصيادين لا يزيدون على هذه المسافات وتستمر وتعمر معك وتظل تستعملها ولا تستغني عنها حتي مع البنادق الهاي باور...كانت تباع لدي ميشيل عازر قبل الأحداث الأخيرة بـ 1250 جنيه وممكن تفاصل فيها وتأخذ علبة رش جامو ماتش هدية كمان...بصراحة أفضلها لك عن النوريكا 73...والكرال لا أنصحك بها في الوقت الحالي للتدريب لأنها تريد معاملة خاصة ودرجة مهارة معينة ولا تصلح لمبتدئ...أرجو أن أكون قد أفدتك برأيي...وأنت صاحب القرار...خالص تحياتي...

[Abo Yousof]

أخي الحبيب أبو يوسف...بارك الله فيك وفي الأخوة الأعزاء الأحباء جميعا...ومع تقديري وإحترامي لآرائكم وتعليقاتكم جميعا...فإسمحوا لي أن أرشح لأخي الحبيب نوريكا سبورت...بما أنه مبتدئ ويريد أن يتعلم ويتدرب ويتقن ويكتسب مهارات في الرماية والصيد...النوريكا سبورت من ضمن مجموعتي الشخصية والمحببة والقريبة من نفسي جدا...بندقية رشيقة وخفيفة ( 2.7 كجم ) حجمها جميل ومتوازنة في مسكتها ونيشاناتها فوسفورية دقيقة وسريعة التجميع وخامتها ممتازة وشكلها جميل وسرعتها في عيار 5.5 ( نمرة 2 ) 160 م/ث سرعة ممتازة للصيد على مسافات 20-30 متر وممكن أكثر حسب مهارتك ( عملية جدا ) وأغلب الصيادين لا يزيدون على هذه المسافات وتستمر وتعمر معك وتظل تستعملها ولا تستغني عنها حتي مع البنادق الهاي باور...كانت تباع لدي ميشيل عازر قبل الأحداث الأخيرة بـ 1250 جنيه وممكن تفاصل فيها وتأخذ علبة رش جامو ماتش هدية كمان...بصراحة أفضلها لك عن النوريكا 73...والكرال لا أنصحك بها في الوقت الحالي للتدريب لأنها تريد معاملة خاصة ودرجة مهارة معينة ولا تصلح لمبتدئ...أرجو أن أكون قد أفدتك برأيي...وأنت صاحب القرار...خالص تحياتي...

سعادة القنصل شرفني مرورك واهتمامك وطبعا رأي سيادتك اكيد صائب وحضرتك ترى مالا اراه

بس انا عايز اعرف سعرها ايه عشان اشوف لو كانت في متناول اليد أم لا

[haaahahhha]

مع احترامي لاراء الجميع ولكني ارشحلك النوريكا من حيث الدقة ومتانة الخامات وجودة الصناعة والنوريكا طبعا غنية عن التعريف

وتقبل مروري...

[khaledabdelnaby]

موضوع محير فعلا

[SHAWKYGHAZY]

الكرال الكسر + سوسته جامو أصلى + تليسكوب (صغير الحجم للثبات مثل 3*7-20 ) مع تثبيت مسامير الدبشك = بندقية قوية خفيفة الوزن ودقيقة للغاية لو قلنا التكلفة لكل ده 1500 جنيه

دي وصفة الأستاذ عادل السحرية

[Batman]

عرض جميل و معقول لنوريكا 73 - نمره 2 - سرعه 180 م/ث :

http://www.egypthunt.net/showthread.php?p=73986#post73986

[Batman]

سعادة القنصل شرفني مرورك واهتمامك وطبعا رأي سيادتك اكيد صائب وحضرتك ترى مالا اراه

بس انا عايز اعرف سعرها ايه عشان اشوف لو كانت في متناول اليد أم لا

النوريكا سبورت فى حدود 1600 .

[Abo Yousof]

جزاكم الله خيرا جميعا على المساعدة

وقد منّ الله عليا وبعد الاستخارة واشتريت الكرال خلاص

شكلها وقوتها اغرتني فتوكلت على الله واشتريت

فشكر وتقدير لكل من شارك في هذا الموضوع