عايز اعرف اماكن الصيد في القاهره

[osamaboha]

السلام عليكم انا عايز اعرف اماكن الصيد في القاهرة او الجيزة بس تكون مفيهاش سكان كتير او بعيده عن المناطق السكنية


لان انا كنت بنزل اصتطاد كل يوم جمعة في ميدان باب اللوق والمناطق المجاوره لها يعني عند قصر عابدين والامكان دي يعني

وكنت الحمد لله باجي بحصيلة حلوة يعني مره جيت ب(11 يمامه+7حمام بري بسكن العمائر العاليه مش بتاع حد يعني) غير المرات الاخري بس للاسف المناطق سكنية ومش عايز يحصلي مشاكل بسبب الصيد فيها

بس للاسف كنت نفسي اشارك صور الصيد في المنتدي بس الكسل بقي ..كنت باجي تعبان مش بقدر اعمل اي حاجة

انا ساكن في السيده زينب

[سمسم]

باب اللوق و محدش كان بيكلمك انا دايس المنطقة دى كلها لبش و زحمة و حرس ازاي يا باشا؟؟؟؟؟

[osamaboha]

باب اللوق و محدش كان بيكلمك انا دايس المنطقة دى كلها لبش و زحمة و حرس ازاي يا باشا؟؟؟؟؟

شوفت بقي ازاي كان ربنا سترها معايا ...وكان فيه ضرب هناك انا كنت هناك ناحية باب اللوق وكان الدنيا خربانه والمتظاهرين كانو بيضربو في الجيش وكانت مجزره الصبح وكنت والله العظيم مزنوق بالعربيه الصبح النهادرة مش عارف اخرج من الضرب بس الحمد لله خرجت



بس محدش جاوب علي سؤالي المهم اين اماكن الصيد في القاهره

[hazeeeeem]

بالنسبه للاماكن على حد علمى عندك :
المناطق السكنيه الهاديه والصيد فيها كويس :
-الشروق
-القاهره الجديده
-العبور
المناطق الزراعيه :
-جزيرة الدهب
-البراجيل
-خط الوراق كله
-جزيرة الوراق (اماكن واماكن).

دول اللى انا متذكرهم وطبعا فى اماكن كتير جدا عن دول
وليه تعقيب على حاجه لفتت نظرى فى كلامك الا وهى الحمام البرى
اعتقد ان الحمام اللى موجود فى الاماكن دى (وسط البلد وما شابه) ابدا ما يكونش برى
لأن الحمام البرى نادرا ما يسكن اماكن بها كثافة سكانيه كهذه المناطق
ممكن يسكن الاراضى الواسعه سواء مزارع او غيطان كبيره وساعتها كمان الفلاحين بيعتبروه بتاعهم
وبيعملولو ابراج يسكنها وده احنا بنسميه الحمام البرجى وممكن نضربه وممكن برضو الفلاحين اللى فى المزارع دى تمنعنا لانهم بيعتبروه اصبح بتاعهم وبياخدو الزغاليل ليهم
اما بالنسبه لمسكنه الاساسى فاهو بعيد عن الناس خاااالص ،، يعنى انا مثلا كنا بنروح نصطاده من العين السخنه
وسط الجبال والصحرا وكده .

فا انا اقصد من كلامى ان بناقص تضرب على اى حمام مشكوك فى امره ونتقى الشبهات .

والله الموفق

[سمسم]

شوفت بقي ازاي كان ربنا سترها معايا ...وكان فيه ضرب هناك انا كنت هناك ناحية باب اللوق وكان الدنيا خربانه والمتظاهرين كانو بيضربو في الجيش وكانت مجزره الصبح وكنت والله العظيم مزنوق بالعربيه الصبح النهادرة مش عارف اخرج من الضرب بس الحمد لله خرجت



بس محدش جاوب علي سؤالي المهم اين اماكن الصيد في القاهره

ربنا يكرمك و يسلم طريئك

بص يا باشا

انا رحت حدائق الاهرام و اكتوبر و الشروق

الحدائق فيها بس مش كتير

اكتوبر زفت
الشروق فيها بس بردو مش كتير و البوابين اكتر من اليمام و بيغتتو و يقوللولك احنا مربينهم

[hazeeeeem]

الشروق فيها بس بردو مش كتير و البوابين اكتر من اليمام و بيغتتو و يقوللولك احنا مربينهم

مربيين اليمام !!!!!
لأ طبعا دول بيستهبلو

[osamaboha]

ربنا يكرمك و يسلم طريئك

بص يا باشا

انا رحت حدائق الاهرام و اكتوبر و الشروق

الحدائق فيها بس مش كتير

اكتوبر زفت
الشروق فيها بس بردو مش كتير و البوابين اكتر من اليمام و بيغتتو و يقوللولك احنا مربينهم

ههههههههههه..حلوة البوابين اكتر من اليمام ...ربنا هيفرجها ان شاء الله

[Baso]

ربنا يكرمك و يسلم طريئك
الشروق فيها بس بردو مش كتير و البوابين اكتر من اليمام و بيغتتو و يقوللولك احنا مربينهم

خلاص انت تنظم رحلة لصيد البوابين الأول وبعد كده تصطاد يمام وحمام براحتك

[سمسم]

خلاص انت تنظم رحلة لصيد البوابين الأول وبعد كده تصطاد يمام وحمام براحتك

:d ماشي يا باشا مانتا ليك حق تتريق منتا من مدينة السادات ة الخير كتيييييييير عندك
انا بأقر طبعا
هاهاهاهاهاهاهاهاهاهاهاها

[mdfd5]

بالنسبه للاماكن على حد علمى عندك :
المناطق السكنيه الهاديه والصيد فيها كويس :
-الشروق
-القاهره الجديده
-العبور
المناطق الزراعيه :
-جزيرة الدهب
-البراجيل
-خط الوراق كله
-جزيرة الوراق (اماكن واماكن).

دول اللى انا متذكرهم وطبعا فى اماكن كتير جدا عن دول
وليه تعقيب على حاجه لفتت نظرى فى كلامك الا وهى الحمام البرى
اعتقد ان الحمام اللى موجود فى الاماكن دى (وسط البلد وما شابه) ابدا ما يكونش برى
لأن الحمام البرى نادرا ما يسكن اماكن بها كثافة سكانيه كهذه المناطق
ممكن يسكن الاراضى الواسعه سواء مزارع او غيطان كبيره وساعتها كمان الفلاحين بيعتبروه بتاعهم
وبيعملولو ابراج يسكنها وده احنا بنسميه الحمام البرجى وممكن نضربه وممكن برضو الفلاحين اللى فى المزارع دى تمنعنا لانهم بيعتبروه اصبح بتاعهم وبياخدو الزغاليل ليهم
اما بالنسبه لمسكنه الاساسى فاهو بعيد عن الناس خاااالص ،، يعنى انا مثلا كنا بنروح نصطاده من العين السخنه
وسط الجبال والصحرا وكده .

فا انا اقصد من كلامى ان بناقص تضرب على اى حمام مشكوك فى امره ونتقى الشبهات .

والله الموفق

فين بالتحديد في القاهرة الجديدة و الشروق عشان انا ساكن في مدينة الرحاب في القاهرة الجديدة و ممنوع الصيد و الجيش و الأمن منتشرين في كل حتة و الناس هنا بقت جبانة اوي و دورت على حتة فاضية من الناس و يكون فيها يمام او حمام و للأسف مش لاقي

[osamaboha]

للاسف اليومين دول الواحد خايف يتعرض للمسائله لقدر الله ....يجي يقولك انت بتزعج السكان بقي وشغلانه...وفي ناس اللي هما الهاي دوول عارفهم ..يقولك حرام عليك تصتاد اليمام دا بيوحد ربنا ...وانا اقنعهم واقولهم الرسول لم ينهي ولم يحرم اليمام او الحمام البري مادام سميت بالله عند الصيد او الذبيح