عندى مشكله مع ماسورة البندقيه الصينى

[ابو مهند]

عندى بندقيه صينى نمره 2 جمليه جدا وغيرتلها السوسته وطلقتها قويه بس فيه مشكله تتلخص فى ان الماسوره بتتحرك لاعلى واسفل على الرغم من ربط المسمار الى بيربطها بجسم البنقيه كويس وكمان عليه مسمار غفير وغيرت الجلده الى فى الماسوره حولين مكان الرشه وبردو فيه حركه مما يؤدى الى اختلاف النشان ياريت الى عنده حل للمشكله دى يقولى ولكم جزيل الشكر

اخوكم ابو مهند
عضو جديد بالمنتدى

[altidore]

اخى ابو مهند انا عندى بندقيه صينى برضو اول ما اشتريتها عملت معايا نفس الحركه الماسوره كانت بتلوق يعنى بتتحرك فى مسمارين فى الماسوره من الشمال واحد صغير وواحد كبير شيل الصغير واربط الكبير كويس وان شاء الله مش هتتهز تانى انا عملت كده واشتغلت معايا تمام

[ابو مهند]

شكرا اخى الكريم على الرد بس انا عملت كده فعلا وكانت بردو بتلق لغاية ما واحد زميلى قلى على فكره عملتها بقت تمام 100% والفكره تكمن فى القفل بتاع البندقيه فيه طرف ثابت فى الماسوره وطرف تانى متحرك فى البندقيه انا رحت بالبندقيه ورشه لحام وخليت الراجل زود القفل الثابت الى فى الماسوره بالحام ورحت ظبطه شويه بالمبرد ودلوقت بتفل تمام مافيهاش اى هزه والنيشان اتظبط تمام وعلى العموم انا بشكر حضرتك على الرد

[محمود شلبي]

مش متخيل البوش جى منين بس فعلالف المسمار الكبير وثبت بالمسمار الصغير
هى البندقيه بزرار قبل الكسرمن الجنب

[ابو مهند]

ايوه البندقيه ليها قفل على الشمال لازم تضغط عليه قبل الكسر والبوش كان مابين القطعه الثابته فى الماسوره والجزء المتحرك الى بتخل جوا جسم البقيه فى الفتح والقفل والجزء ده شغال على سوسته

[altidore]

العفو ياباشا على ايه ده واجبى ومبروك عليك بندقيتك

[ابو مهند]

اللله يبارك فى حضرتك بس علة فكره البندقيه عندى من حوالى 5 سنوات بس العيب ده ظهر قريب والحمد لله ربنا هدانا للطريقه وبقت تمام وان شاء الله ناوى اجيب واحده تانى تساعدها ان شاء الله هتكون كرال التركى ناس كتير نتشكر فيها وكمان سعرها معقول

[ابو مهند]

الحمد لله النهارده اول صيد بعد اصلاح البندقيه تم قنص جوز يمام للاولاد نور ومهند