مشروع إنشاء دليل لأفضل أماكن الصيد في مصر

[سمسم]

على فكرة الموضوع ده قديم يعنى مش اختراعى ((( للامانة))))
الموضوع ده لم يستكمل ولكن نريد تفعيله و يا جماعة انا ملاحظ ان محدش بيقول اماكن الصيد اللى بيروحها لحد تانى و بيخبي المعلومة كأن اليمام هيخلص.

لما احنا عمالين نقول كلنا اخوة و كلنا ايد و احدة و الكلام الحلو ده طيب لما و احد يبقي عارف معلومة عن مكان صيد بيخبيها ليه يا جماعة ده ((((((( رزق))))))))

انا بطلب من الاعضاء القدامى اللي يعرف مكان للصيد ياريت و يبقي مشكور جدا لو يقوله لاخوانه الجدد و القدامى بردو بالتفصيل كده و بالراحة .

و الف شكر

[سمسم]

هو الناس راحت فين؟؟؟؟؟؟؟؟؟

[essam assem]

واللة فكرة هايلة ياريت خبراء الصيد فى المنتدى تفيدنا فى الموضوع دة وانا بضم صوتى لصوت حضرتك واياريت كمان يتعمل جدول لرحلات صيد لاعضاء المنتدى

[سمسم]

والله ياريت بدل ما معظم المنتدى على السوق بيبيعو و بيشترو مسدسات صوت و الهواية مبقاش ليها مكان
5 مشاهدات بس

[سيدخالد]

موضوع جميل يا سمسم بدل ما الناس تتوه فى صحراء مصر انا اعرف ناس جلها ضربة شمس من البحث عن اليمام اكيد عرفهم يا سمسم هههههههههههههههههههه

[mahmoudalaa]

والله ياريت بدل ما معظم المنتدى على السوق بيبيعو و بيشترو مسدسات صوت و الهواية مبقاش ليها مكان
5 مشاهدات بس

علي رايك المواضيع كلها يا مسدسات صوت يا سيلف ديفنس

[prosalos]

يا جماعه فكره ممتازه و لكن نرجوا أن تكون أماكن آمنه فى اليومين السود دول.

[BooGY]

انا هبدأ باول مكان
انا من المنوفية مركز قويسنا قرية ميت برة
البلد عندنا على فرع دمياط وهى والبلاد اللى جنبنا مليانة يمام وصقور وبوم وفراخ غيط فى النيل والترع اللى جنبنا واهلا باى عضو يحب ينزل يصطاد عندنا وعلى فكرة هى قريبة جدا من مدينة بنها مواصلة واحدة بس بالعربية او القطار وده رقم تليفونى للى يحب ينورنى فى اى وقت 0184221960

[saskon]

انا هبدأ باول مكان
انا من المنوفية مركز قويسنا قرية ميت برة
البلد عندنا على فرع دمياط وهى والبلاد اللى جنبنا مليانة يمام وصقور وبوم وفراخ غيط فى النيل والترع اللى جنبنا واهلا باى عضو يحب ينزل يصطاد عندنا وعلى فكرة هى قريبة جدا من مدينة بنها مواصلة واحدة بس بالعربية او القطار وده رقم تليفونى للى يحب ينورنى فى اى وقت 0184221960

هيا فى طريق قويسنا شبين ولا فين؟