بسم الله الرحمن الرحيم ..
السلام عليكم ورحمة الله وبركاته ..
أخبار الصيادين حبيايبنا إيه ..!
أتمنى تكونوا بصحة و سلامة دوما . إن شاء الله .
شفتوا يا جماعة الأسعار بقت عاملة إزاي .!؟!؟؟؟
قصدي طبعا أسعار السلاح مش أسعار السلع الغذائية
موضوعنا ده مطروح للمناقشة :--
يعني مثلا ahmedzz كلمني إمبارح و بيقول لقى ال350 ماجنوم في الفيوم ... تخيلوا صاحبها طلب فيها كام .
مستعدين للصدمة .. قالي ahmedzz أنه طالب 5500 جنيه .. آه والله ..
كمان ما فيش منها في القاهرة لا عند ميشل ولا فتح الله و لا هندسة الأسلحة ..
قمة الإستغلال ...
دا بس مش على ال350 ماجنوم .. دا على كل البنادق ..
المارفك نوريكا الي مع القناص بقت ب 2800 من عند فتح الله ..
كذالك التل المجري . كانت ب 800 .. أصبحت ب 1900
و حجة المحلات دي . أن غلاء الأسعار بسبب أن الإستيراد موقوف ..وعجبي
لكن الحقيقي . أن البضايع المتلتلة في المخازن من زمان عايزين يخلصوها و يخلصوا منها . لأنها صدأت و ريحتها فاحت .
و يجبروا الناس أنهم يشتروا الموجود.. " عاجبك عاجبك .. مش عاجبك ****""
طيب . إيه الحل ..
يعني نشتري بنادق مصدية و متخزنة من 6 إلى 10 سنين ... يا إما ما فيش ..
و على فكرة مافيش حاجة إسمها إستيراد مقفول .. !!
إيه العمل ..؟؟!
walther
08-09-24, 09:13 AM
يا باشا صباح الخير الاول
ما تزعلش نفسك كده لان الغلطه مش غلطه اصحاب المحلات الغلطه غلطه الدوله اللي بتمنع اي حد يشتري السلاح ده من الخارج او عن طريق النت ولو حد اشتراه من النت واتبعت يارب يلاحق علي المصايب اللي حتجيله من اول المباحث لحد المخابرات الحربيه مرورا بامن الدوله طبعا.
علشان كده المحلات استغلت ده وبدات تغلي الاسعار والحجه واحده اصل الاستيراد مقفول ودي اخر حته ولو اتباعت المستورد معندوش منها تاني ............... وطبعا الزبون يسخن ويشتريها بالثمن اللي اتقال من البائع وانته بتبوس ايده ماهي اخر حته وبعد كده مااااااااااااافيش وهيه عجباك ههههههههه........ معادله مفهومه للاستغلال في بلد كل واحد بيقطع حته منها ويقول دي بتاعتي
المهم لو عايز تشتري انا ليه علاقه بكذا محل سلاح في الاسكندريه محاميهم بقي وبيعملوا واجب بجد وانا تحت امرك وانزل معاك واساعدك في الاختيار ورقمي 0123406474
walther
08-10-10, 05:19 PM
باشااااااااااااااااااا
انا جيبت شويه اسعار احسنهم الرش الجامو الهانتر ب 4 جنيه العلبه ال 100 وكلمتك مش بترد ايه النظام؟؟؟؟؟؟؟؟؟؟؟
السلام عليكم ورحمة الله وبركاته
أعتذر عن عدم الرد .
طبعا عارفين كلنا بهدلة الدراسة في الكلية
المهم أتمنى كلنا نكون بصحة و ألف عافية ..
و السعر ممتاز و . حأتواصل مع الزملاء و أرجع أكلم حضرتك تاني
venatic13
08-10-15, 09:51 PM
طيب الحمد لله اني جيبت بندقيتي قبل هذا الغلاء الفاحش
ويارب يوفق الجميع
ب سؤال ايه الفرق بين الرش الجامو هانتر ومرسمان
طلعت بخيت بسكالس
08-10-16, 09:29 AM
الأخ العزيز / vinatec
تحية طيبة وبعد
بالنسبة للرش فهذه قصة كبيرة نبدأها ببساطة ونقول أن الرش المرسمان رش مصري زمان كان مستواه رائع جدا أما دلوقت فقد أصابه ماأصاب أغلب منتاجاتنا المحلية أما الرش المستورد فأنواعه كثيرة والشركات المنتجه له أكثر وهم يتباروا فيما بينهم لأنتاج رش متزن مايخلفش معاك فى الضرب وكمان رش لكل أنواع الضرب يعنى مسابقات الرماية غير الصيد والصيد يعنى قوة بندقيتك قد أيه وهتصتاد أية يعنى محتاج رشه وزنها كام وشكلها أيه وهناك دراسات قوية ومستديمة تقوم بها الشركات الكبرى بغرض تغطية هذه الأهداف
وشكرا لسؤالك الكريم
ل
الفرشكه
08-10-16, 11:42 PM
الله يعين على صاحبى هذه الهوايه من غلاء الاسعار وتضيق عليهم من هذه الهوايه وربنا يعنا وشكرا للكم اخواتى على الموضوع الجيد منقشت المواضيع الخاصه بالصيدين شكرا لكم
venatic13
08-10-17, 01:37 PM
طيب ممكن تقولي اسم رش كويس لبندقيت نوريكا 56
وبصطاد حاجات عاديه يعني يمام وكده
walther
08-10-20, 04:42 AM
االسلام عليكم ورحمه الله وبركاته
انا اقولك يا باشا علي نوع كويس لبندقيتك ال نوركا 56 وعلي فكره دي تاني بندقيه اشتريها بعد الرمسيس القديم اللي اشتريتها من 24 سنه وكانت تحفه.
عيب النوريكا 56 انها ضعيفه نسبيا هي اول بندقيه في سلسله النوريكا سرعه طلقه النمره 1 190 متر في الثانيه وسرعه طلقه نمره 2 160 متر ثانيه.
بس هيه تمام وتصطاد اللي انته عايزه من الصيد العادي واحسن رش ليها ممكن الجاموا الهانتر والماتش بس لو عايز تستعمل مصري حاول يكون نوع كويس وافضلهم حاليا من حيث الوزن والميزان اي عدم الخلف في الضرب نوع اسمه ( الميزانه ) وده انا جربته بنفسي هوه مقارب للجامو يعني مش اوي بس كويس ممكن من 5 طلقات مع ثبات البندقيه يجي 2 في نفس المكان بس الافضل برده من وجهه نظري الجاموا الهانتر والماتش لان الماتش طلقه اصلا للرمايه وهي باعتراف شركه جاموا افضل طلقه في الميزان بتاعها وبتنفع برده في الصيد
واي استفسار انا تحت امرك اخوك .............. عمرو ابوالعلا
الاسكندريه
طلعت بخيت بسكالس
08-10-21, 08:54 AM
أجدت وأحسنت والله يا أستاذ عمر أنا كنت بصدد أني أقوله علي النوعين دول بالضبط وممكن كمان نضيف لهم الرماية المصري والديابلو الألماني ( Ruond kopf )
walther
08-10-22, 06:33 AM
السلام عليكم
ربنا يخليك يا (طلعت بك) ولله طبعا النوعين اللي حضرتك اضفتهم برده ممتازين سواء المصري وله الالماني ولا اضافه من بعد اضافتك
علي فكره حضرتك وحشنا وياريت نسمع صوتك وكمان نتقابل عن قريب ان شاء الله وسلامي للجميع.
venatic13
08-10-23, 07:19 PM
شكرا جزيلا walther
ومشكور عهلي المعلومات بس انا عندي
اعتراض
البندقيه الحمد لله مش ضعيفه .. بالعكس البندقيه محترمه جدا جدا
sokar_jax
09-05-03, 07:16 AM
ياعم هات من برة مصر واللة مافيش حد بيتكلم وانا جبت بندقتين قبل كدة من الامارات ومفيش حد قلى حاجة
walther
09-05-04, 03:44 PM
بسم الله الرحمن الرحيم
اعتراضك سيدي ليس له محل من الصحه
برجاء مراجعه موقع شركع نوريكا وحتلاقي ان ال 56 اضعف بندقيع انتجتها شركه نوريكا
والنوريكا عموما باعلي موديل فيها اضعف من بنادق اخري كتير مثل الديانا والويبلي
ملحوظه انا امتلك نوريكا 56 ونوريكا مارفيك جولد وديانا 52 و ويبلي باتريوت طبعا شتان بين القوه فالمارفك اللي هيه ضعف ال 56 في القوه و 3 اضعافها في الطاقه الحركيه للمقذوف تعتبر بيبي بالنسبه للويبلي باتريوت
اما كلام الاخ سكر عن انك تجيب بندقيه من بره فياريت متجربش علشان لو جربت حتحتاج لمحامي كويس ومش حيعرف يعملك حاجه
برجاء عدم الفتوي من غير علم لان فيه ناس ممكن توقع في مشاكل جامده لو سمعت الكلام ده يا اخ سكر ولو كانت الحكايه عدت معاك فدي ممكن تعمل مشكله لحد تاني
ملحوظه لو دخلت بندقيه من بره يبقي بري وماشافوهاش