استفسار عن كولت 8 مم

[s.elrefaey]

السلام عليكم و رحمة الله و بركاته
اخوتي الاعزاء في المنتدى
انا مبتدئ في المنتدى و في عالم السلاح عموما
و معروض عليا مسدس صوت كولت 8 مم مستعمل
و بصراحه مش عارف ان كان النوع ده كويس ولا مش كويس و مش عارف ايه مميزات و ايه عيوبه وكمان سعره 1200 و مش عارف ان كان ده سعر كويس و لا غالي
فاطلب من اصحاب الخبره الافاده عن هذا المسدس
و الف شكر و ارجو ان يكون سؤالي بداية تعارف و صداقه لكل الاخوه في المنتدي

[jamayka]

طب هو اسمه الحقيقى ايه و اسم الموديل ؟؟ الكولت مسدس حى يا ريت تقولنا هو يشبه اى موديل من الكولت

[s.elrefaey]

للاسف انا لسه ما شوفتوش لكن هاشوفه بكره ان شاء الله
لكن معنى ردك ان الكول مفيش منه صوت

[jamayka]

دا حسب معلوماتى و لو فرضنا ان الكولت فى منه صوت فأعتقد ان سعره هيكون اضعاف اضعاف السعر ده

[s.elrefaey]

حتى و لو مستعمل

[jamayka]

يا سيدى احنا فى فترة السلاح النركى فيها (اللى بيعتبر ارخص حاجة فى السوق) وصل اكتر من كده المنطقى ان حاجة زى الكولت دى عملة نادرة و ملهاش تمن حضرتك بس اسأل على اسم المسدس او هات صورته عشان نقدر نفيدك و للأمانة كل اللى اكلمنا فيه دا افتراضات لحد ما نعرف الموديل بالظبط ... صح ؟؟

[s.elrefaey]

انا متشكر جدا على معاونتك ليا
باذن الله بكره اكون جبتلك الموديل او الصوره
و اتمنى انها تكون بداية صداقه

[jamayka]

يا باشا تحت امرك والله انا بعتبر الناس هنا اخواتى و مجرد محاولة انى اساعد حد هنا بتسعدنى

[scorpion007]

على العموم هوه تقريبا هيكون برونى 96 و ده مش كويس لان السوسته بتاعه الشاكوش بتتلف بسرعه و عن تجربه و على فكره هوه لازم تشد الاجزاء اول مره زى اى دابل اكشن بس لو نزلت الشاكوش لوضع الامان و فيه طلقه فى الماسوره الزناد مش هيضرب الشاكوش غير لما تسحب الشاكوش تانى بايدك للخلف

[scorpion007]

بالنسبه للسعر مبالغ فيه جداااااااااااااااااااا انا كنت جايبه قبل 25 يناير بفتره سنه تقريبا ب 600 جنيه جديد من عند عازر

[Egyptian_Destroyer]

المسدس ده شوفته قبل كده في منه موديل نابليون و بروني و اماركس و كلها شكل الكولت 1911 مسدس شكله تحفه لانه شبه الكولت العيار 8 ملي سعة الخزنه 10 طلقات و قطع غياره مش متوفره .... السعر في الغالب عالي لانه مفيش منه كتير بس الحقيقه في نظري ميستهلش :(
علي فكره زر الخزنه بيبقي من اسفل :(