المساعد الشخصي الرقمي

مشاهدة النسخة كاملة : طلب معلومات عن الصيد في العين السخنة


Ahmed kouta
11-03-29, 11:02 AM
صباح الخير يا شباب انا ان شاء الله طالع طلعة صيد في السخنة بعد بورتو السخنة بشوية ياريت من الاخوة الافاضل الي عندهم معلومات عن الادوار الي هناك والسمك الي موجود هناك وانواع الطعوم انا معلوماتي عن هناك انها مارينا يخوت ولسان اخرة فنار . ياريت كمان اية اخبار مقاس شعر الصيد المناسب و مقاسات السنون المناسبة . وشكرا مقدما علي المساعدة

Ahmed kouta
11-03-29, 03:59 PM
اساتذة الصيد في البحر الاحمر فين حد يلحقني

Astromic
11-03-30, 12:51 AM
نصيحة مني متروحش على مكان معروف مسبقا في السخنة بالذات, انت عندك كذا مكان بعد بورتو السخنه, اختار اي مكان داخل لسان في الميه و ارمي فيه و جرب و ربنا هيرزقك انشاءالله,

اما العده فاعمل حسابك على شعر 50 من نوعية كويسة للمكنة, و 40 للارمه, و السلاح (السنون) ده حسب الموسم, عندك من نمرة 3 لغاية 0/1, غَير فيهم و شوف الي هيمشي معاك اكتر و خليك عليه, و الطعم طبعا الجمبري السويسي لسهولة الحصول عليه, و خد معاك بردو سبيط او اصتاده من هناك و ده هيطلعلك المتاقل الكبيرة لو موجوده...
و متنساش الصور (:

Ahmed kouta
11-03-30, 02:51 PM
نصيحة مني متروحش على مكان معروف مسبقا في السخنة بالذات, انت عندك كذا مكان بعد بورتو السخنه, اختار اي مكان داخل لسان في الميه و ارمي فيه و جرب و ربنا هيرزقك انشاءالله,

اما العده فاعمل حسابك على شعر 50 من نوعية كويسة للمكنة, و 40 للارمه, و السلاح (السنون) ده حسب الموسم, عندك من نمرة 3 لغاية 0/1, غَير فيهم و شوف الي هيمشي معاك اكتر و خليك عليه, و الطعم طبعا الجمبري السويسي لسهولة الحصول عليه, و خد معاك بردو سبيط او اصتاده من هناك و ده هيطلعلك المتاقل الكبيرة لو موجوده...
و متنساش الصور (:

متشكر اوي علي الافادة ان شاء الله هنزل الصور بعد الرحلة بس ليا سوال هوا دلوقتي موسم اية في السمك هناك اصل معلوماتي ضعيفة جدا عن البحر الاحمر

Ahmed kouta
11-03-30, 09:48 PM
اساتذة القروش فين حد يساعد

Astromic
11-04-04, 12:33 AM
السخنة قليل قوى لما يجيلها اسماك مهاجرة,,, لكن الي هتصطادة غالبا هي اسماك مقيمة, مثل القراد و الحفار و الخرمان و ممكن تلاقي شعور و كوشر حسب المكان و رزقك...

Ahmed kouta
11-04-04, 10:57 PM
طلعت السخنه يوم الجمعه والغريب انو كميه سمك خرمان واحجام حلوة اوي ومكنتش تاكل علي الكالماري او حتي الجمبري ولا سمكه بحر احمر طلعت معايا بس الحمد لله راجع بشويه بطاطا و شراغيش و ابو نقطه يا ريت حد يفهمني اخوكم مبتدا في البحر الاحمر وشكرا لردودكم جميعا

Astromic
11-04-05, 04:38 PM
طلعت السخنه يوم الجمعه والغريب انو كميه سمك خرمان واحجام حلوة اوي ومكنتش تاكل علي الكالماري او حتي الجمبري ولا سمكه بحر احمر طلعت معايا بس الحمد لله راجع بشويه بطاطا و شراغيش و ابو نقطه يا ريت حد يفهمني اخوكم مبتدا في البحر الاحمر وشكرا لردودكم جميعا

غير لمكان, روح لحته تانيه فيها المياه جاريه شويه.
و جرب تجر من الشط برابلات صغيرة,,,السمك لو شبعان ذي ما بتقول مش هيجي على الطعم ذو الريحه لانه لا يستعمل حاسة الشم وقتها, و لكنه لن يقاوم حركة الرابالا في المياه...

elesessyatef
11-04-07, 01:01 AM
ياشباب السلام عليكم
فبه مناطق كتيره قي السخنه اولا عندك الملف اللي قبل القري هتلافي صخره كبيره ده *1 وأبو الدرج الفنار
وبعدين الملفات دي اقرب الاماكن وبعدين فيه حد يبقي معاه احلي طعم للخرمان وميعرفش يصتاده
ايوه لأن احلي طعم للخرمان هو سمكه ابو نقط بس ليها طريقه
واي خدمه لكل احبابنا
عاطف السيسي
0141842700

Astromic
11-04-07, 05:46 PM
ياشباب السلام عليكم
فبه مناطق كتيره قي السخنه اولا عندك الملف اللي قبل القري هتلافي صخره كبيره ده *1 وأبو الدرج الفنار
وبعدين الملفات دي اقرب الاماكن وبعدين فيه حد يبقي معاه احلي طعم للخرمان وميعرفش يصتاده
ايوه لأن احلي طعم للخرمان هو سمكه ابو نقط بس ليها طريقه
واي خدمه لكل احبابنا
عاطف السيسي
0141842700

و متنساش لما تطلع خرمانة صغير قطعها و طعم بيها و هتلاقي الاحجام الكبيرة اشتغلت.

Ahmed kouta
11-04-14, 10:51 PM
و متنساش لما تطلع خرمانة صغير قطعها و طعم بيها و هتلاقي الاحجام الكبيرة اشتغلت.

متشكرين يا شباب علي المعلومات الهايله ديا يا تري احنا في موسم سمك ايه اليومين دول نفسي اطلع الجمعة الجايه ان شاء الله ونفسي في سمك بحر احمر محترم

Ahmed kouta
11-04-15, 06:36 PM
فين الاقي طعم طازه في القاهره جمبري او كاليماري

Astromic
11-04-16, 11:39 PM
فين الاقي طعم طازه في القاهره جمبري او كاليماري

اي محل ادوات صيد ممكن يجهزلك الي انت عاوزه, بس ابقى قوله قبلها بكام يوم عشان يجيبلك طازة.

Ahmed kouta
11-04-16, 11:45 PM
اي محل ادوات صيد ممكن يجهزلك الي انت عاوزه, بس ابقى قوله قبلها بكام يوم عشان يجيبلك طازة.
الف شكر يا باشا علي المعلومات الطازه ديا يا تري عندك فكره علي موسم ايه في السمك اليومين دول

kefafy
11-04-21, 03:46 PM
السلام عليكم ورحمه الله وبركاته
لو بالنهار احدف جوا بسن صغير ورصاص تقيل وغماز كبير يدوب يرفع الرصاص وده عشان تقدر تحدف لجوة مسافة على وش الميه والطعم يكون عجينة ( يفضل قلب العيش القيزر مش الفينو) وده عشان الخرمان او الجمبرور
وبالليل
استخدم خيط 60 وثقل كبير ويكون حر لحد المدور وتحدف مسافة كبيرة وطبعا مفيش غماز , و احدف ويكون الطعم كليمارى ومعلق راس سردينة صغيرة وقافل عليها بحتة كليمارى (يعنى حتة كليمارة مربعة صغيرة وراس السردين ثم حتة تانية كليمارى صغيرة)اسمها سندوتش وتركن المكنة دى على جنب لحد ميجى رزقها
وتكون مجهز خيط اخر خيط ميقلش عن 50 واربط فيه لبارة كليمارى (صينى او يابانى مش هتفرق صدقنى) واقعد اتسلى عليها طول الليل , ابدا احدف ولم احدف ولم لان الاضائة هناك كويسة والبحر عالى والقمر فى اواخره وانشاء الله ربنا هيرزئك بكام حتة تقيلة بس يبقا المقاس الوسط ( لا الكبير ولا الصغير)
وربنا هيرزقك باذن الله
ومتنساش قاعد الصيد الاساسية
السمك بيطلع على اصغر سن مناسب و ارفع خيط مناسب

Ahmed kouta
11-04-21, 03:58 PM
السلام عليكم ورحمه الله وبركاته
لو بالنهار احدف جوا بسن صغير ورصاص تقيل وغماز كبير يدوب يرفع الرصاص وده عشان تقدر تحدف لجوة مسافة على وش الميه والطعم يكون عجينة ( يفضل قلب العيش القيزر مش الفينو) وده عشان الخرمان او الجمبرور
وبالليل
استخدم خيط 60 وثقل كبير ويكون حر لحد المدور وتحدف مسافة كبيرة وطبعا مفيش غماز , و احدف ويكون الطعم كليمارى ومعلق راس سردينة صغيرة وقافل عليها بحتة كليمارى (يعنى حتة كليمارة مربعة صغيرة وراس السردين ثم حتة تانية كليمارى صغيرة)اسمها سندوتش وتركن المكنة دى على جنب لحد ميجى رزقها
وتكون مجهز خيط اخر خيط ميقلش عن 50 واربط فيه لبارة كليمارى (صينى او يابانى مش هتفرق صدقنى) واقعد اتسلى عليها طول الليل , ابدا احدف ولم احدف ولم لان الاضائة هناك كويسة والبحر عالى والقمر فى اواخره وانشاء الله ربنا هيرزئك بكام حتة تقيلة بس يبقا المقاس الوسط ( لا الكبير ولا الصغير)
وربنا هيرزقك باذن الله
ومتنساش قاعد الصيد الاساسية
السمك بيطلع على اصغر سن مناسب و ارفع خيط مناسب
يا باشا مش عارف اقلك اية والله انت النهاردة خليت قسم صيد السمك ينور دة انا بقالي شهر فاتح الموضوع ربنا يبارك فيك ايوة كدة خلي المنتدي يسخن

kefafy
11-04-21, 04:09 PM
انا اسف والله انى اتاخرت بس صدقنى من غير حلفان انا اول يوم انهاردة اعرف ان فى سمك :)
كنت مفكر منتدى الحمام و اليمام بس

abdoweb
11-07-10, 04:03 PM
ياعم المنتدى مليان سمك
بس انت ارمى
:)

Sami
11-07-10, 11:02 PM
والله معلومات زي الفل من أعضاء زي الفل
عايز أسألكم في حاجة . أنا جيبت من اسكندية (أنا أصلا من القاهرة) صنارة 6 متر من غير ما أعرف أي حاجة عن الصيد هي صناعة كوري واشتريت لها مكنة و 2 بكرة خيط 35 وعلبة سلاح مكتوب عيها رقم 18 وجبت تقلات وغمازات بصوا أنا أعتمدت على أمانة البائع لأني مكنتش عارف أي حاجة عن الصيد . دلوقتي يا جماعة هل أنا محتاج أغير حاجة لو رايح السخنة و يا ريت حد يقولي محل قريب من مدينة نصر أو أي محل محترم بيبيع سلع جودة عالية وسعر مناسب