المساعد الشخصي الرقمي

مشاهدة النسخة كاملة : ما هو حكم القانون المصرى فى حيازة المسدسات الصوت والذخيرة بتاعتها؟


silent_lover
11-03-27, 08:17 AM
السلام عليك ده أول موضوع ليه فى المنتدى وأنا أسف حبدأ ببعض الأسئلة:
1:ما هو حكم القانون المصرى فى حمل وحيازة مسدس صوت؟
2:واقعيا:ماذا يفعل ظابط الشرطة لما يلاقينى شايل مسدس صوت؟
3:هل من حقه أنه ياخد منى المسدس ولا أيه؟
4:هل يختلف الأمر أذا كان المسدس ماسورته مفتوحة أو مسدودة؟
أسف على الأطالة وأرجو من الأعضاء المحترمين الأجابة على أسئلتى فى أقرب وقت

silent_lover
11-03-27, 08:19 AM
برجاء الرد يا جماعة عايز أتأكد قبل ما أجيب المسدس

pooforever_2010
11-03-27, 12:35 PM
بضم صوتى
لو حد يعرف يفيدنا

younisst
11-03-27, 05:26 PM
1- مفيش قانون مصر بيمنع حمل سلاح صوت حسب معلوماتى واللى عنده غير كده يفيدنا
2- الا يتم الضرب به فى تجمع وعمل ارهاب ورعب للمواطنين
3- فى الاول الظابط لو عجبة المسدس كان ممكن يعمل حوار وقصة عشان ياخده بس دلوقتى لو حصل كده اديله بالجزمة .
4- عقوبة حمل سلاح صوت ماسورة مفتوحة قضية طبعا لانه ساعتها هايتحسب عليك سلاح حى بدون ترخيص وتصنيع سلاح .

doos99
11-03-27, 10:34 PM
1- مفيش قانون مصر بيمنع حمل سلاح صوت حسب معلوماتى واللى عنده غير كده يفيدنا
2- الا يتم الضرب به فى تجمع وعمل ارهاب ورعب للمواطنين
3- فى الاول الظابط لو عجبة المسدس كان ممكن يعمل حوار وقصة عشان ياخده بس دلوقتى لو حصل كده اديله بالجزمة .
4- عقوبة حمل سلاح صوت ماسورة مفتوحة قضية طبعا لانه ساعتها هايتحسب عليك سلاح حى بدون ترخيص وتصنيع سلاح .

يا ريت يكون فيه طريقه احسن للرد يعنى ايه اديله بالجزمه يا ريت يكون فيه احترام متبادل

sokacome
11-03-27, 11:20 PM
يا ريت يكون فيه طريقه احسن للرد يعنى ايه اديله بالجزمه يا ريت يكون فيه احترام متبادل

خالص احترامنا لاخوتنا بالشرطة وما حدث كان قدر (قدر الله وما شاء فعل ) المهم نغير ما بانفسنا:p

dr_mohasan
11-03-27, 11:44 PM
يا ريت يكون فيه طريقه احسن للرد يعنى ايه اديله بالجزمه يا ريت يكون فيه احترام متبادل
أضم صوتى لحضرتك , هذه اللهجة يجب أن نتركها لبعض فئات المجتمع الأقل تعليما و ثقافة ومستوى اجتماعى , أما أعضاء المنتدى فجميعهم من الإخوة المحترمين المثقفين و ويجب ان يكون التعامل بيننا على قدر مستوانا الإجتماعى والعلمى والثقافى , أعتذر لحضرة الضابط بالنيابة عن نفسى وعن كل الإخوة المحترمين فى المنتدى.

silent_lover
11-03-28, 06:10 AM
يا ريت يكون فيه طريقه احسن للرد يعنى ايه اديله بالجزمه يا ريت يكون فيه احترام متبادل

أنا أسف ياجماعة لو كنت عملت مشكلة بس أنا سمعت أن اليومين دول أى حد معاه مسدس صوت حى مش بتفرق بيتاخد منه وبيتظبط من الجيش والشرطة

doos99
11-03-28, 01:27 PM
أضم صوتى لحضرتك , هذه اللهجة يجب أن نتركها لبعض فئات المجتمع الأقل تعليما و ثقافة ومستوى اجتماعى , أما أعضاء المنتدى فجميعهم من الإخوة المحترمين المثقفين و ويجب ان يكون التعامل بيننا على قدر مستوانا الإجتماعى والعلمى والثقافى , أعتذر لحضرة الضابط بالنيابة عن نفسى وعن كل الإخوة المحترمين فى المنتدى.

اشكرك يا د.محمد ويا اخى احنا هنافي المنتدي اخوه و لا يوجد بين الاخوه اعتذار و خالص اترامي و تقديري و شكرى ليك و لكل اعضاء المنتدي المحترمين امثالك

doos99
11-03-28, 01:28 PM
أنا أسف ياجماعة لو كنت عملت مشكلة بس أنا سمعت أن اليومين دول أى حد معاه مسدس صوت حى مش بتفرق بيتاخد منه وبيتظبط من الجيش والشرطة
لا يا اخى انت ما عملتش مشكله و لا حاجه انت من حقك تسال و اعضاء المنتدى يجاوبوك

مؤنس محمد
11-03-28, 01:59 PM
يا ريت حد من الاعضاء يفدنا بصورة قانونية ممكن نشيلة ولا لا

ابو مروان
11-03-28, 02:31 PM
.زميلى العزيز_بعد التحية
اولا_القانون المصرى لا يجرم حيازة المسدسات الصوت او زخيرته ولكن يجرم اعمال الارهاب بة والبلطجة فمن الممكن ان تضاعف العقوبة فى السرقة لو ان الشخص يحمل سلاحا ولم يفرق القانون بين السلاح الصوت او الحى
ثانيا _من الناحية الاجرائية فى حال تم ضبطك حاملا لمسدس صوت فالظابط يقوم بعمل محضر حمل سلاح نارى وزخيرة حتى لو كان المسدس صوت حيث انة ليس من اهل الخبرة وتكون هذة القضية جناية ويتم مصادرة السلاح وارسالة لجهة مصلحة الادلة الجنائى لبيان نوع السلاح ومواصفاتة وكذا الزخيرة وبيان ان كان السلاح مششخن (حى)من عدمة ةوكذللك الامر بالنسبة للزخيرة
ثالثا_راى الشخصى ان لا تحمل المسدس الصوت خارج منزلك او مزرعتك ولا تتعامل بة تعامل مباشر مع احد لانة سوف يظن انة سلاح حى ولا قدر اللة ان كان معة سلاح حى فلن يتردد بضربك لا قدر اللة المسدسات الصوت تستخدم فلى الاماكن النائية بضرب عدة طلقات لردع من تسول لة نفسة سرقتك او فى المدن فى وجود حالات الانفلات الامنى ممكن ان تطلق عدة طلقات من شرفة المنزل لارهاب اللصوص ويفضل ان لا يكون جسدك ظاهرا
رابعا_البلطجى او اللص جبان بطبعة واى شىء يخيفة اللهم احفظ ارواحنا واموالنا واكفلنا فى كفللك الذى لا يروم ولا تقلق اخى العزيز فان اللة حافظ مصر انها بلدا امنا

doos99
11-03-28, 03:15 PM
.زميلى العزيز_بعد التحية
اولا_القانون المصرى لا يجرم حيازة المسدسات الصوت او زخيرته ولكن يجرم اعمال الارهاب بة والبلطجة فمن الممكن ان تضاعف العقوبة فى السرقة لو ان الشخص يحمل سلاحا ولم يفرق القانون بين السلاح الصوت او الحى
ثانيا _من الناحية الاجرائية فى حال تم ضبطك حاملا لمسدس صوت فالظابط يقوم بعمل محضر حمل سلاح نارى وزخيرة حتى لو كان المسدس صوت حيث انة ليس من اهل الخبرة وتكون هذة القضية جناية ويتم مصادرة السلاح وارسالة لجهة مصلحة الادلة الجنائى لبيان نوع السلاح ومواصفاتة وكذا الزخيرة وبيان ان كان السلاح مششخن (حى)من عدمة ةوكذللك الامر بالنسبة للزخيرة
ثالثا_راى الشخصى ان لا تحمل المسدس الصوت خارج منزلك او مزرعتك ولا تتعامل بة تعامل مباشر مع احد لانة سوف يظن انة سلاح حى ولا قدر اللة ان كان معة سلاح حى فلن يتردد بضربك لا قدر اللة المسدسات الصوت تستخدم فلى الاماكن النائية بضرب عدة طلقات لردع من تسول لة نفسة سرقتك او فى المدن فى وجود حالات الانفلات الامنى ممكن ان تطلق عدة طلقات من شرفة المنزل لارهاب اللصوص ويفضل ان لا يكون جسدك ظاهرا
رابعا_البلطجى او اللص جبان بطبعة واى شىء يخيفة اللهم احفظ ارواحنا واموالنا واكفلنا فى كفللك الذى لا يروم ولا تقلق اخى العزيز فان اللة حافظ مصر انها بلدا امنا
كلام صحيح و لكن الشخص الذي يحمل مسدس صوت لحمايه نفسه ليس معناه اطلاق النار عمال علي بطال لان هناك تهمه في القانون المصري تسمى اطلاق نار في منطقه اهله بالسكان وترويع الامنين حتى لو كان صوت
وثانيا حيازه مسدس صوت في اماكن عامه و دور العباده ممنوع قانونا

mohamed_koko
11-03-28, 10:37 PM
mr. doos 99 . ty for answer , ana bagad bat3lam mn klmak dah 7agat kater wa mn el montda . and i'm really happy to know all info here in this site and ty site team work and ty all

GOLDER
11-03-28, 10:51 PM
طيب بالنسبة لحال البلد دلوقتى لو انا شايل مسدس صوت و ماشى بيه فى الشارع لغرض الحماية ممكن يبقى فيه مشاكل ؟

GOLDER
11-03-28, 10:58 PM
انا لقيت الرد دا فى موضوع قديم فى المنتدى بواسطه الاستاذ اسامه حنفى
رد: هل في مشكلة في حمل مسدس صوت في مصر ؟
السلام عليكم ورحمة الله
اسمح لي اخي الكريم اني اجاوب علي سؤالك
اولا: لا يوجد ادني مشكلةفي حمل مسدس صوت سواء في المنزل او السيارة لان حيازتة مش مجرمة والدليل انة ينباع بدون ترخيص
ثانيا : عند شرائك لمسدس الصوت توجة لاقرب قسم ليك وحرر مذكرة بحمل مسدس صوت ينكتب فيها موديل المسدس ومواصفاتة ودي بتحل محل الرخصة في المسدس الحي ومحدش يقدر يخدة منك لانة بينكتب في المذكرة انة صوت
ثالثا : لايجوز تفتيش سيارتك اخي الكريم الا باذن النيابة لانها منقول يعامل معاملة السكن الخاص والتفتيش بيكون في اللجان اللي علي الطرق السريعة اللي بين المحافظات وبعضها لان بيكون معاهم اذن مسبق
رابعا واخيرا:اللي ممكن يعرضك للمسالة القانونية في حمل مسدس الصوت انك تستخدم في الاماكن العامة او الايهام بانة حقيقة واستخدامة في الترويع
علي فكرة اخي الكريم انا محامي ومتاكد من كلامي

oloosa
11-03-29, 02:23 AM
شكرا للافاده

zero_sector
11-03-29, 02:31 AM
ياريت والله يا جماعه وياريت حضرت الظابط اخونا الكريم يرد علينا
وعايز اعرف بخصوص موضوع المذكره ده سهل عملها ولا فيها مشاكل

silent_lover
11-03-29, 07:33 AM
انا كنت عاوز أعرف بس المسدس الصوت فى مشكلة فى حيازته قانونيا و واقعيا

silent_lover
11-03-29, 07:41 AM
و بخصوص المذكرة بتاعة حيازة المسدس ديه أرجو توضيح أجراءات أصدارها وكيفية الحصول عليها أنا من أسكندرية وعاوز أطلعها برجاء التكرم وتوضيح الأمر لنا

GOLDER
11-03-29, 01:19 PM
يا جماعة انا نزلت مخصوص النهاردة نقطه بورسعيد علشان اسأل على موضوع المذكرة
و قابلت هناك رائد قمه فى الذوق قال لى : فعلا فى مذكرة بتتعمل علشان مسدسات الصوت
يا ريت حضرتك تشرفنا بكرة فى قسم باب شرق علشان زى ما حضرتك شايف دا مقر مؤقت لينا و احنا بننقل دلوقتى هناك

ابو مروان
11-03-29, 02:58 PM
يا ازملائى الاعزاء الناحية النظرية شىء والناحية العملية شىء اخر مثال للتوضيح
هل الملوخية مجرمة وفق القانون المصرى؟
طبعا لا مثلا لو شخص يحمل كيس صغير بة ملوخية ناشفة وتم تفتيشة بو اسطة الشرطة وما حدش يقوللى ان دة غير قانونى لان الظابط لا يحمل اذن النيابة لا ن الكلام دة ما كانش بيحصل الظابط بيمسكك الاول وبعدين يطلع اذن النيابة اية اللى بيحصل الظابط فى محضر الظبط بيقول عثرنا مع المتهم على كيس بة نبات اخضر جاف يشبة نبات البانجو المخدر ويتم تحريز الملوخية وتحرر جناية حيازة مخدرات الفيصل فى الموضوع الطب الشرعى ومصلحة الادلة الجنائية تقول بانجو والا ملوخية لان الظابط موش خبير والا وكيل النيابة يعنى القضية بتفضل ماشية لحد لما التقرير يحسمها قس على ذللك المسدس الصوت زى ما ذكرت قبل ذللك_يعمى القضية هاتتعمل هاتتعمل هاتاخد براءة اكيد ولكن بعد اية ؟؟؟؟ المذكرة اللى هاتعملها هاتشيلها فى جيبك؟؟؟؟ ما كانش حد غلب كان الواحد عمل مزكرة لمسدس صوت وشال واحد نفس المواصفات حى او عدل الصوت لحى الظابط هايعرف منين ؟؟؟؟؟ الفيصل بردة الطب الشرعى بعد عمل القضية وعرض على النيابة اللى بتحرك القضية لجناية حيازة سلاح نارى وزخيرة بدون ترخيص(يا زملائى انا محامى_وشوفت كل هذة المشاكل قبل كدة من الناحية العملية ) القانون شىء وتطبيقة فى الواقع امر تانى
تقبلوا تحياتى

GOLDER
11-03-29, 04:18 PM
يا استاذ ابو مروان الكلام دا كان قبل الثورة انما مستحيل يحصل دلوقتى
انا كنت بروح اقسام علشان ليا صحاب ظباط هناك و كنت بتعامل كويس علشان انا تبع عضو مجلس الشعب فلان او تبع الرائد علان بس دلوقتى انت بتدخل القسم بتتعامل بكل احترام من غير ما يقول لك مين حضرتك ولا بتشتغل اية ؟
فاحنا لازم نثق فى الشرطة بتاعتنا دلوقتى علشان البلد تهدا

silent_lover
11-03-29, 05:36 PM
جولدر باشا ياريت تقولنا أيه اللى طلبوه منك ولازم تروح بالمسدس ولا لأ

silent_lover
11-03-29, 05:45 PM
ممكن توضحلنا لو سمحت أيه المطلوب ولازم نروح بالمسدس ولا لأ

GOLDER
11-03-29, 05:46 PM
لا الحقيقة نسيت اسأل يمكن علشان اللخمة اللى كانو ملخومين فيها
بس انا رحت و معايا المسدس
بكره بأذن الله حعرف كل حاجة و ان شاء الله حعمل رد بكل الاجراءات

silent_lover
11-03-29, 06:01 PM
مشكور يا باشا ربنا يكرمك

Astromic
11-03-30, 01:39 AM
يا ريت صاحب التعليق بتاع "اديله بالجزمة" يحاول يغير من اسلوبه لان ضابط الشرطة في خدمتك انت, و الي فات ده كانت ظروف و ضغوط عليه زي الشعب بالضبط, انا متأكد انها زله لسان و لا تقصدها, و اكيد انت و كل الاعضاء و الشرفاء من المصريين لو شافوا اي بلطجي في الشارع بيقل ادبه على اي ضابط, بيتدخل و يدافع عن الضابط, و ده الي احنا غيرناه في الثورة, احنا قربنا بينا و بين الشرطة, مش بعدنا عنهم اكتر من الاول....

اما بالنسبه للموضوع الاصلي, اعتقد انك لازم تروح و معاك فاتورة الشراء فقط, و يفضل السلاح كمان تاخده معاك لكن وانت داخل نبه الي في البوابه انت داخل تعمل ايه و معاك ايه, ابقى قولنا عملت ايه...
اما لو شاريه استعمال من غير فاتورة, فمش عارف بالضبط الاجراءات هتكون ايه.....

GOLDER
11-03-30, 03:21 PM
انا رحت النهاردة قسم باب شرق و سألت جوه عن مذكرة حمل مسدس صوت
الرائد اللى هناك قال لى لا الصوت مش محتاج اى حاجة و عادى جدا
قولت له انا امبارح رحت نقطه بورسعيد و سألت رائد هناك و قال لى ايوة فيه بس احنا بننقل دلوقتى قسم باب شرق تعالى بكره
رد عليا بأن دا مسدس صوت و مفيهوش اى قلق و عادى انك تشيله
و انا مروح عديت على نقطه الابراهيمية و دخلت سألت الظابط اللى جوه قال لى مدام القسم قال لك مفيش مشاكل يبقى مفيش مشاكل
فحنعمل اية دلوقتى ؟

pooforever_2010
11-03-30, 03:33 PM
يا ريت يكون فيه طريقه احسن للرد يعنى ايه اديله بالجزمه يا ريت يكون فيه احترام متبادل
بضم صوتى
مننساش يا جماعه ان كل جهازفيه الكويس والوحش
ده بتبقى عيله واحده وفيها افراد غير الباقى خالص
لازم نغير لغه الحوار فعلا عشان نتقدم
اسف لاخى الكريم

Eng Badran
11-03-30, 07:02 PM
لا يجرم القانون حمل ( مصدر صوت علي شكل مسدس )
ولكن القانون يقضي بتغليظ العقوبة اذا تم استخدامه في سرقة او اكراه او اغتصاب او اي نوع من انواع التهديد ( الغير مشروع ) . وبالطبع يجرم استخدامة في انتحال شخصية ضابط شرطة .
اذا قابلتك لجنة وطلب منك الضابط ان تنزل للتفتيش . اخبرة انك تحمل طبنجة صوت واخبرة بالسبب ( يعني تكون شايل فلوس او تكون مروح متأخر في حتت مقطوعة ) ولو اصر الضابط علي اخذها منك , اطلع علي مأمور القسم الذي ينتسب له الضابط واخبرة بما حدث معك . وفي العادة لو انت شكلك محترم وابن ناس فالضباط بيكون عندهم نظر فيك ومش بيفتشوك ولا بيشوفوا بطاقتك , انا طول عمري بمشي باسلحة ومن غير اسلحة وعمر ما حد وقفني وقالي هات رخصة السلاح اللي معاك , بس يعني مش لازم تلبسه في الحزام وتبينه يعني

silent_lover
11-03-31, 08:30 AM
مشكورين جميعا على الرد وياريت حضرة الظابط دووس يوضح لنا أيه الصح فى كل اللى أتقال
معلش هو أدرى مننا لأنه ظابط وشكر جدا يا جماعة تعبتكم معاية ويا رب نكون كلنا أستفدنا