المساعد الشخصي الرقمي

مشاهدة النسخة كاملة : ترخيص السلاح

nerazzurro
11-03-25, 12:48 PM
السلام عليكم

كنت عاوز اعرف ايه المطلوب لترخيص سلاح حي وايه افضل نوع يكون سعره مش غالي اوي ؟

انا مش خبير الصراحه في الاسلحه وكنت هجيب مسدس صوت بس ساعة الخطر ملوش اي لازمه

بانتظار افادة الخبراء
mahmoudflight
11-03-25, 04:05 PM
السلام عليكم ... انا كنت في قسم مدينة نصر امبارح للسؤال عن نفس الموضوع لاني مهتم جدا مثلك .. المطلوب كالاتي : فيش لغرض ترخيص سلاح - شهادة طبية نظر و باطنة - صورة المؤهل - صورة الرقم القومي - ايصال كهرباء حديث - عدد 4 صورة شخصية - و اخيرا الجزء الاهم و العائق الاصعب الا و هو مبررات الترخيص يعني ارفاق مستندات تثبت املاك يعني ارض زراعية , عقارات , سيارات ... الخ و هما طبعا يحددو و يقيمو الممتلكات دي تستاهل الترخيص و لا يقولولك مع السلامة مرفوض .... في حالة صدور الموافقة الموضوع كله ياخد حوالي شهر و نصف ... ارجو اني اكون افدتك
nerazzurro
11-03-25, 05:04 PM
ده حوار كبير شكله يعني الناس العاديه اللي معاه عربيه و شقه مثلا مينفعش يرخص لازم يبقى واحد مليونير واراضي وعقارات علشان يرخص سلاح للدفاع عن النفس

عامة انا هروح نجرب مش هيخسر

طيب متعرفش الانواع و الاسعار يا باشا ؟ والف شكر على ردك
waleedrahmy
11-03-25, 05:41 PM
السلام عليكم ... انا كنت في قسم مدينة نصر امبارح للسؤال عن نفس الموضوع لاني مهتم جدا مثلك .. المطلوب كالاتي : فيش لغرض ترخيص سلاح - شهادة طبية نظر و باطنة - صورة المؤهل - صورة الرقم القومي - ايصال كهرباء حديث - عدد 4 صورة شخصية - و اخيرا الجزء الاهم و العائق الاصعب الا و هو مبررات الترخيص يعني ارفاق مستندات تثبت املاك يعني ارض زراعية , عقارات , سيارات ... الخ و هما طبعا يحددو و يقيمو الممتلكات دي تستاهل الترخيص و لا يقولولك مع السلامة مرفوض .... في حالة صدور الموافقة الموضوع كله ياخد حوالي شهر و نصف ... ارجو اني اكون افدتككلام سليم..........بس انسي الترخيص دلوقتي خالص حتي لو تنطبق عليك شروطه..........علي الاقل لما البلد تهدي ممكن تحاول بعد كده
mahmoudflight
11-03-25, 08:07 PM
و الله بالنسبة لاسعار السلاح الحي ماعنديش فكرة عنه لاكن اليومين دول بجمع معلومات ... و لا شكر على واجب
مصراويي
11-03-25, 08:13 PM
يا رب بقتحو الترخيص ويسهلوه شوية
Ahmed914
11-05-09, 04:47 PM
من واقع ما قمت بعمله فى إجراءات الترخيص حتى الآن فقد تم الآتى :-
1- أستخراج شهادتى باطنة ونظر من المستشفى الجامعى " شهادة الباطنة يذكر بها سليم الأطراف ولائق طبياً " .
2- موافقة رئيس قطاع خبراء وزارة العدل " نظراً لطبيعة عملى " , وموافقة صادرة من وكيل الوزارة بالمنيا " .
3- إستخراج فيش جنائى .
4- قمت بإستكمال أوراق بملف لدى قسم الشرطة يتضمن :
4-أ - بيان بالأب والجد للأب والجد للأم والإخوة والأخوات وأزواج الإخوات والأعمام والأخوال .. مع ذكر الوظيفة ومحل الإقامة .
4-ب- دفع مبلغ وقدره سبعون جنيهاً لدى أحد البنوك , ويفضل أن يكون لديك حساب بأحد البنوك .
4-ج- جواب موجه إلى قطاع التدريب والكائن بالمحافظة .
5- يكون معاك ثلاث أو أربع صور للبطاقة الشخصية وخمس أو ست صور شخصية أحتياطى !!!
المرحلة الثانية :-
عمل التحريات بمعرفة قطاعات الأمن العام - الأداب - المخدرات .
دراسة التحريات ومبررات الترخيص .
المرحلة الثالثة :-
بعد الموافقة إن أراد الله سبحانه وتعالى , يصدر للمتقدم تصريح بالشراء .
وسيتم موافاة الأعضاء بباقى التفاصيل تباعاً .....
Ahmed914
11-05-09, 05:08 PM
بالمناسبة أنا لسه فى المرحلة الثانية ... وبكره هروح قطاع التدريب إن شاء الله وبإذنه .