كيف تصبح قناص ماهر؟؟

[سيدخالد]

السلام عليكم ورحمه الله وبركاته

لكي تصبح قناص ماهر عليك بإتباع هذه الخطوات وتفهمها جيدا وتطبيقها بكل دقه

1_ تمسك البندقيه بشكل صحيح *


2_ تلصق دبشق البندقيه بالكتف جيدا .. ( دبشق البندقيه = مؤخره البندقيه


3_ تلصق خدك الأيمن بالجانب الأيسر من جسم دبشق البندقيه .

4_ تغمض عينك اليسري .


5_ تنظر بعينك اليمني علي فتحه النيشان .


6_ عندما تنظر بعينك اليمني علي فتحه النيشان سوف تري سن نمله الدبانه.


7_ تجعل سن نمله الدبانه في منتصف فتحه النيشان بالظبط .


8_ يجب أن يكون سن نمله الدبانه في منتصف فتحه النيشان بالظبط وأن رأس سن نمله

الدبانه متساوي في الإرتفاع مع رأسي فتحه النيشان بالظبط .


9 _ تصوب في النصف العلوي للهدف الذي تريد أن تصيبه برصاصتك


10 _ يجب أن كون أصبع السبابه ملامس للزناد برفق دون أن تظغط علي الزناد .

11 _ بعدما تطبق الخطوات السابقه جيدا يجب عليك قبل أن تظغط علي الزناد أن

تقول ... بسم الله ... ثم تقوم بكتم أنفاسك .

12 _ ثم تتوكل علي الله وتضغط علي الزناد . وإن شاء الله سوف تجد رصاصتك في قلب الهدف الذي أخترت .


ومهما كان الهدف ضئيل الحجم ثق بإنك تستطيع إصابتهبشرط أن تكون تراه .

وأن تتبع تلك الخطوات السابقه جيدا وتنفذها بدقه .


وهكذا تكون قد أصبحت قناصا ماهرا ..

تحياتي للجميع .

[lastworld]

شرح جميل
منتظرين منك المزيد
تحياتى

[hazeeeeem]

جزاكم الله خيرا

[rock]

معلش سامحنى .... هو فيه حاجتين ... تنظيم النفس وده لازم ... والحاجه التانيه مش شرط ان سن نملة الدبانه يبقى مساوى فتحة الشيز خالص ... انا بضرب بالهنتر ونيشانى الخلفى نازل عالاخر ... وبشوف فى فتحة الشيز سن نملة الدبانه فقط ومش بساوى .... موضوع رائع ومتزعلش من المناقشه ... تحياتى .

[mahmoudalaa]

موضوع رائع وننتظر المزيد

[dr_mohasan]

موضوع رائع يستحق أن يثبت

برجاء الإفادة عن مدى جودة البندقية الكرال لأنى ناوى أتوكل على الله واشتريها يوم الجمعة بإذن الله
وهل فيها مشاكل واضحة؟
وشــــــــــــــــــــــــــــــــــــــــــــــــ ـــــــــــــــــــــــــــــــكرا

[hazeeeeem]

معلش سامحنى .... هو فيه حاجتين ... تنظيم النفس وده لازم ... والحاجه التانيه مش شرط ان سن نملة الدبانه يبقى مساوى فتحة الشيز خالص ... انا بضرب بالهنتر ونيشانى الخلفى نازل عالاخر ... وبشوف فى فتحة الشيز سن نملة الدبانه فقط ومش بساوى .... موضوع رائع ومتزعلش من المناقشه ... تحياتى .

الله ينور عليك يا استاذ احمد
والله انا كنت عايز اشير لنفس النقاط اللى حضرتك اشرتلها
وكل احترامى وتقديرى للاخ الاستاذ سيد خالد ع المجهود الممتاز .

والله الموفق

[بدر]

موضوع رائع يستحق أن يثبت

برجاء الإفادة عن مدى جودة البندقية الكرال لأنى ناوى أتوكل على الله واشتريها يوم الجمعة بإذن الله
وهل فيها مشاكل واضحة؟
وشــــــــــــــــــــــــــــــــــــــــــــــــ ـــــــــــــــــــــــــــــــكرا

الاخ الفاضل
دكتور محسن
على بركة الله بس انصحك فية موضوع كان معمول فى المنتدى بعنوان
كل ما تريد معرفتة عن الكرال التركى
الموضوع دة كان عاملة اخ فاضل الاستاذ عادل وكان موضح فية كل حاجة
وانا بالرغم من انى اشتريتها بس نسيت الموضوع بس كل كلمة قالها مضبوطة 100 فى 100
بخصوص ان قوة رد فعل البندقية بيفك باستمرار المسامير الامامية ولكن تم التغلب على هذة المشكلة بوضع معجون مخصوص
السوستة ناشفة جدا ودة هيبان فى التعمير يعنى لازم صحتك تكون حديد او لما تخرج مع اى حد من الاعضاء ماتستعجلش على الصيد سيبهم يصطادو يمامة او اتنين وبعدين سعادتك بالهنا والشفا تاكلهم وبعدين تبدا فى الصيد ههههههه
وفية ناس بتقول ان السوستة بتنكسر بعد 100 رشة ودى حاجة نسبية يعنى ممكن تحصل وممكن لا وانت ونصيبك علشان كدة فية ناس بتنصح اول ماتجبها تغير السوستة بواحدة جامو اصلية لانها نفس المقاس وبتركب عليها
وفى الاخر لازم تكون مقتنع انها كويسة على اد فلوسها
تحياتى واسف على الاطالة

[قناص الاردن]

الف شكررررررر اخي الكريم

[صائد البوم]

الموضوع جميل ويا ريت لو حد عنده خبرات في ضرب الخرطوش يفيدنا عن المدي المناسب للبناد
ق عن تجربه وكيفيه الصيد علي الطاير واصوله وكل ما يتعلق به اي اضافه هتكون مفيده ان شاء الله بس تكون مؤكده وياريت اجود انواع الخرطوش الموجودفي مصر خصوصا ال 12م والاسعار بعد الثوره

[سمسم]

الف الف الف شكر تسلم على الشرح الوافي
سؤال
لو الواحد عاوز يروح مكان يتعلم فيه النشان و الرماية تنصحو يروح فين؟؟؟؟؟؟؟؟

[hazeeeeem]

الف الف الف شكر تسلم على الشرح الوافي
سؤال
لو الواحد عاوز يروح مكان يتعلم فيه النشان و الرماية تنصحو يروح فين؟؟؟؟؟؟؟؟

انت معاك بندقيه ايه ؟؟

[سيدخالد]

الكرال التركى بندقية جميلة وناشانات فسفورية و240م/ث وكمان من حسن حظك شريف ابو ضيف عامل عليها عرض خاص ب1050 وهى فى السوق بتعمل 1600 فتوكل على الله

[dr_mohasan]

الاخ الفاضل
دكتور محسن
على بركة الله بس انصحك فية موضوع كان معمول فى المنتدى بعنوان
كل ما تريد معرفتة عن الكرال التركى
الموضوع دة كان عاملة اخ فاضل الاستاذ عادل وكان موضح فية كل حاجة
وانا بالرغم من انى اشتريتها بس نسيت الموضوع بس كل كلمة قالها مضبوطة 100 فى 100
بخصوص ان قوة رد فعل البندقية بيفك باستمرار المسامير الامامية ولكن تم التغلب على هذة المشكلة بوضع معجون مخصوص
السوستة ناشفة جدا ودة هيبان فى التعمير يعنى لازم صحتك تكون حديد او لما تخرج مع اى حد من الاعضاء ماتستعجلش على الصيد سيبهم يصطادو يمامة او اتنين وبعدين سعادتك بالهنا والشفا تاكلهم وبعدين تبدا فى الصيد ههههههه
وفية ناس بتقول ان السوستة بتنكسر بعد 100 رشة ودى حاجة نسبية يعنى ممكن تحصل وممكن لا وانت ونصيبك علشان كدة فية ناس بتنصح اول ماتجبها تغير السوستة بواحدة جامو اصلية لانها نفس المقاس وبتركب عليها
وفى الاخر لازم تكون مقتنع انها كويسة على اد فلوسها
تحياتى واسف على الاطالة
أشكرك يا باشمهندس , ولا تأسف على الإطالة وانما انا الذى أأسف على عدم الإطالة أكثر من ذلك لأنى أحب قرائة تعليقاتك جدا فى أى مكان فى المنتدى , فما بالك وأنت تخصنى بالرد , أشكرك جزيلا

[dr_mohasan]

الكرال التركى بندقية جميلة وناشانات فسفورية و240م/ث وكمان من حسن حظك شريف ابو ضيف عامل عليها عرض خاص ب1050 وهى فى السوق بتعمل 1600 فتوكل على الله
أشكرك جزيلا وجزاك الله خيرا يا أستاذ سيد , وبارك الله لك فى الكرال

[Mohamed Mahmoud]

موضوع اكتر من رائع شاكرجداااااااااااااااااااااااااااااااا

[وائل طولان]

احسنت وبارك الله فيك

[fidodido]

جزاك الله عنا كل خير

[fidodido]

جزاك الله عنا كل خير

[braveheart]

ممتاز ... فعلا هكذا تصبح صيادا ماهرا.

[pooforever_2010]

اصلى باشا ممتاز والله انا بفكر اجيب بندقيه واحاول اتعلم الصيد
وكنت فاكر الموضوع صعب بس بعد شرحك الوافى
ان شاء الله ربنا حيسهلها
وشكرا اخى الكريم

[tamer19019]

معلش سامحنى .... هو فيه حاجتين ... تنظيم النفس وده لازم ... والحاجه التانيه مش شرط ان سن نملة الدبانه يبقى مساوى فتحة الشيز خالص ... انا بضرب بالهنتر ونيشانى الخلفى نازل عالاخر ... وبشوف فى فتحة الشيز سن نملة الدبانه فقط ومش بساوى .... موضوع رائع ومتزعلش من المناقشه ... تحياتى .

الكلام دة تمام فى حالات معينة فقط
1-المسافة قريبة فى حدود10/15 متر
2-الهدف كبيرحمام/يمام لاكن عصافير لا اعتقد للاسباب الاتية

الطلقة تقوم بعمل انحراف علوى بزاوية25درجة يعنى الطلقة مابتخرجش فى خط مستقيم لاكن تعلو هذا الخط ب25درجة وكلما بعدت المسافة بين الهدف والقناص ذاد البعد عن نقطة الاصابة لذلك قانون ضرب النار
شعاع البصر المار بفتحة الشيز ملامسا سن نملة الدبانة اسفل منتصف الهدف وطرفى الشيزمساويان لسن نملة الدبانة عشان الاصابة تكون دقيقة وتعمل حساب سرعة الرياح واذا كانت من امامك او من خلفك او من الاجنابارجو ان اكون اضفت جديدا

[hosam ibrahem]

الله ينور علي الموضوع المفيد

[a.helwan]

موضوع جميل .. جزاك الله خيرا يا اخي

[hoka]

مع الاحترام الشديد لصاحب الموضوع بس انت كاتب العنوان ازاى تبقى قناص واللى انت قلته ده ميخلنيش صياد اصلا علشان ابقى قناص
نقاطك يدوبك بتقول ازاى امسك بندقيه فقط
ياريت حضرتك تغير العنوان وتخليه ازاى تمسك بندقيه وليس قناص
سلام عليكم

[AizO]

جزالك الله كل خير

بس انا كنت اعرف ان فى وقت التصويب بيكون النيشان اسفل منتصف الهدف

ايهما اصح ممكن اعرف ؟؟؟

[creed]

يا جماعه ازاي اصطاد اليمام من غير ما يجري,, يعني لو اليمام علي الشجره اول ميشوف يمامه جمبه اضربت هيجري... ارجو الافاده

[BERETTA M92FS]

الله ينور عليكم كلكم

[Mohamed Mahmoud]

موضوع رائععععععععععععععععععععععععععععععععع

[أبو شمس]

تسلم علي المجهود الطيب
و اذا كان هناك خبير الكلام بالنسبة له بسيط لدرجة السخرية
هناك من يجد هذا الكلام رااااااااااااااااااااااااااائع بالنسبة له
و يا ريت الخبير الساخر نشوف اعماله
متشكر لك جدااااااااااااااااااااا يا ابو السيد علي المجهود الطيب

[koktal]

2_ تلصق دبشق البندقيه بالكتف جيدا .. ( دبشق البندقيه = مؤخره البندقيه


أولا شكر على هذا الموضوع الجميل لكن لى توضيح بسيط ..

وهو لصق مؤخرة الدبشك جبدا بالكتف .. كلام غير سليم .. وسيؤدى إلى إنحراف الطلقة بأى شكل ..
فيجب أن تلامس الدبشك برفق ولين بالكتف .. لأنها ليست بندقية حيه كى تقوم بضغطها فى الكتف ..
وكف اليد اليسرى يكون مفتوحا عند تثبيت البندقية فى الصيد أفضل من الكف المنغلق ..

التعامل مع البندقية الهوائية كالتعامل مع المرأه الرقيقه الحساسة .. أسف على هذا التعبير ..
وشكرا .. تحياتى للجميع ..

[محمود صالح]

السلام عليكم
اولا اشكر ا/ سيد على المعلومات القيمة والمفيدة
ثانيا اظن ان موضوع فتحة الشيز مع سن نملة الضبانة فى موضوع العلو او انخفاضها يرجع الى تضبط البندقية نفسها من الصياد ودة عن طريق البكرة اللى موجودة وبترفع وتنزل النشان
بس طبعان افضل وضع هو ان يكونو فى سوى واحد
ولو اسفل من مستوى الشيز بتمكن من رؤية الهدف ومكان الاصابة لان سن النملة يكون اسفل منتصف الهدف
وتة اللى انا اعرفة والله اعلم يمكن يكون مش مضبوط بس كان بيجيب معاية نتيجة مضبوطة
ولاكن استعمالى الاغلب بالسكوب وننتظر الرد من اهل الخبرة الكبار

[صياد قديـــــــــــم]

السلام عليكم ورحمة الله وبركاته
ادعو الله ان يوفقنى واياكم فى الصيد الحلال
اتمنى ان اكون عضو نشط معكم دائما ونكون اخوة واصدقاء وممكن نطلع رحلات صيد مجموعات ان شاء الله.
عايز اوصل معلومة مهمة لكل هواة الصيد البرى وهيا معلومة مهمة جداااااااااااااااااااااااااااااااااااااااااااا
اكيد الكثير منكم بيعرف موسم صيد الدقانيش ومنها (الاكحل/السمنى/الرزى/المطوق/العضيض وهو اكبرهم حجما) عايز اوصل معلومة لكل صياد ان صيد الدقانيش حراااااااااااااااااام شرعا ودينا لان رسولنا الكريم صلى الله عليه وسلم نهى عن قتل اربع (النملة والنحلة والهدهد والصرد) والصرد هوا الدقناش زى ما احنا بنسميه وليه حرمه رسولنا الكريم ؟؟؟؟؟؟؟؟ عشان بيتغذى على الثعابين والسحالى والفأران احياينا فهو زيه زى الصقر فى الصيد وانا عن نفسى بسميه صغير الصقر وكنت بطلع اصطاده زمان قبل ما اعرف ان الدقناش هوا الصرد اللى حرم الرسول الكريم قتله او أكله.
والله الموفق والمستعان.... كل عام وانتم بخير/سامى توفيق.

[عادل عبده]

موضوع ممتاز تسلم ايدك