مبروك يا جماعة اسعار الاسلحة ولعت

[باشـــا]

نزلت من كام يوم ادور على بندقية كويسة اشتريها لفيت على كام محل واتصلت على كام محل كلهم اسعارهم ولعت جدا فسألت لماذا قالو:
اولا الاستيراد واقف
ثانيا الجنية المصرى وقع امام الدولار
ثالثا الزبون بيشترى ومش بيقول لأ
فقولت له طيب المتوقع فى الفترة القادمة ايه؟
قالو وبالاجماع الاسعار هتولع اكتر وربنا يسترها انشاء الله:mad:

[trainman]

يا جماعه يا ريت للمره المليون الردود تبقى بصيغه أكثر إحتراماً و اللى ميعرفش يرد بأسلوب كويس يسكت (فليقل خيراً أو ليصمت).

[amrrashed]

الحمد لله انى اول واحد رديت عليك بالله عليك يا شيخ ما ناقصه اشاعات اسمعنى انا بقى
اولا الاستيراد مش واقف ولا حاجه وتقدر تتاكد من اى حد محترم مش بيشتغل الناس علشان يغلى وياريت تقولنا انت سالت فين ثانيا الجنيه موقعش قدام الدولار انما حصل انخفاض طفيف مش وقوع دى كلمه كبيره اوى ثالثا الزبون الحمد لله بيقول لا لاى مروج اشاعات واى تاجر حرامى والامن ابتدى يرجع زى الاول وبتهيقلى اصلا بنادق الرش ملهاش دعوة بموضوع مسدسات الصوت بس هما هاصو فى الهيصه واللى بيقولك الاسعار هتولع دا لمواخذه يعنى وحضرتك حاله من الاتنين يا ما بتبيع حاجه هنا وعايز تغلى تمنها ياما تاجر وداخل باسم تانى انما قسما بالله الاسعار ابتدت تنزل تانى وكفايه بقى حرام عليكو الاشاعات والكدب الىل بتعملوة فىالناس

كلام مظبوط بس من غير اخر جملة

[Mahmoud]

كلام مظبوط و انا اتفق معاك ، اصبح الشعب المصري الان واثق في مواقفه لا يستطيع احد ان يضحك علينا مرة اخرى لم نعد نسمع الخطأ و نسكت اتفق على انه من الضروري ايجاد الطريقة المثلى للاعتراض و شجب الاراء غير البناءة لكني لا اتفق تماما مع من يعترض على الحق لمجرد الاسلوب ، كفانا كتمان للحق ، كفانا رؤية الغلط بيحصل و نسكت علشان مش عارفين ننقي الفاظنا ، احنا لازم نتعلم الديمقراطية في التعبير و الاسلوب المتحضر في الاعتراض بس مش معنى كده اننا نشوف الغلط و نسكت لمجرد صعوبة انتقاء الالفاظ وفقنا الله و وفق الشعب المصري كله ، و اعضاء المنتدى الكريم لما فيه خير المصريين جميعا

[أبو شمس]

الحمد لله انى اول واحد رديت عليك بالله عليك يا شيخ ما ناقصه اشاعات اسمعنى انا بقى
اولا الاستيراد مش واقف ولا حاجه وتقدر تتاكد من اى حد محترم مش بيشتغل الناس علشان يغلى وياريت تقولنا انت سالت فين ثانيا الجنيه موقعش قدام الدولار انما حصل انخفاض طفيف مش وقوع دى كلمه كبيره اوى ثالثا الزبون الحمد لله بيقول لا لاى مروج اشاعات واى تاجر حرامى والامن ابتدى يرجع زى الاول وبتهيقلى اصلا بنادق الرش ملهاش دعوة بموضوع مسدسات الصوت بس هما هاصو فى الهيصه واللى بيقولك الاسعار هتولع دا لمواخذه يعنى وحضرتك حاله من الاتنين يا ما بتبيع حاجه هنا وعايز تغلى تمنها ياما تاجر وداخل باسم تانى انما قسما بالله الاسعار ابتدت تنزل تانى وكفايه بقى حرام عليكو الاشاعات والكدب الىل بتعملوة فىالناس

و انا اوافقك الراي و يا ريت يكون في شوية ضمير في تعامل كل واحد
و انا من الناس اللي بتابع المنتدي بقي لي اكتر من 8 شهور و حتي قبل ما اشترك في المنتدي
و قد لاحظت عدة اشخاص هدفهم الاساسي هو الاتجار و ليس متعة الهواية
انا بدخل علي مواضيع المنتدي كلها بصفة يومية و لا اشترك كثيرا و لكني اري و اترجم
البنادق الرش او المسدسات الرش او غيرها هي اشياء لإشباع هواية و ليس بطن او ضمبر
اذن من السهل الاضراب عنها و لا نتحول الي سفهاء او لعبة في يد غيرنا هدفه الاساسي
الربح
كلنا مصريين و في الفترة الماضية قد ناشدنا التغيير فيا ريت كل شخص يبدا ينفسه ثم اسرته
ثم الانطلاق الي المجتمع
اسف لو كلامي ممكن يزعل اي شخص
بس اعمل اية اصلي صعيدي

[Ahmed Nada]

السلام عليكم
أولا أنا جديد فى هذا المنتدى وأكثر ما أعجبنى فيه هو الروح الرائعة للأعضاء و الحرص على نقل الخبرات للأعضاء الجدد أو كل من يطلب النصيحة من منطق المساعدة وبدون أى أغراض
ثانيا لقد لاحظنا جميعا استغلال التجار - الشديد - الفترة السابقة و طريقة المعاملة الجافة خاصة لأى شخص عنده خبرة بالأسعار وكذلك نشر الاشاعات من نوعية البضاعة القليلة و الحق اشترى و الاستيراد واقف وغيره فبالتالى هذا ليس غريب أن نسمعه الآن
ثالثا وأخيرا من حق الجميع عرض رأيه وعلينا افتراض حسن النية ومعارضة هذا الرأى أو الفكرة لمن يرى أنها بعيدة عن الصواب بدون اهانة أو تجريح لصاحب الرأى كما تعودنا أن نرى فى هذا المنتدى لأنه يضع صاحب الرأى فى موقف المدافع و يفقد معنى الموضوع الأصلى وفى النهاية عدم ايصال الرأى الصحيح

[حازم6/10]

انا شايف ان الموضوع واخد اكثر من حقة ، والاسعار عالية علشان الاقبال ومفيش رقابة
لازم نتصرف بحكمة شوية وخاصة ان مرحلة الجايةهتكون استقرار والاوضاع احسن من الاول
عايزين نهدى شوية على موضوع الشراء دة

[rock]

بشروا ولا تنفروا

[braveheart]

الحمد لله انى اول واحد رديت عليك بالله عليك يا شيخ ما ناقصه اشاعات اسمعنى انا بقى
اولا الاستيراد مش واقف ولا حاجه وتقدر تتاكد من اى حد محترم مش بيشتغل الناس علشان يغلى وياريت تقولنا انت سالت فين ثانيا الجنيه موقعش قدام الدولار انما حصل انخفاض طفيف مش وقوع دى كلمه كبيره اوى ثالثا الزبون الحمد لله بيقول لا لاى مروج اشاعات واى تاجر حرامى والامن ابتدى يرجع زى الاول وبتهيقلى اصلا بنادق الرش ملهاش دعوة بموضوع مسدسات الصوت بس هما هاصو فى الهيصه واللى بيقولك الاسعار هتولع دا لمواخذه يعنى وحضرتك حاله من الاتنين يا ما بتبيع حاجه هنا وعايز تغلى تمنها ياما تاجر وداخل باسم تانى انما قسما بالله الاسعار ابتدت تنزل تانى وكفايه بقى حرام عليكو الاشاعات والكدب الىل بتعملوة فىالناس

الله ينور عليك ... مفيش كلام بعد كدة.

[ahmadkader]

حتى لو الأسعار غليت ، ماينفعش إننا نشجع الظاهرة دى بقولنا "مبروك" ، و الكلام ده بالنسبة لأى سلعة مش فى السلاح بس ، إذا أى سلعة غليت يبقى المشترى الواعى من حقه يمتنع عن شراها ، و خصوصا بقى إذا كانت غير أساسية فى حياتنا اليومية. و إذا كانوا تجار السلاح متفقين مع بعض على رفع السعر ، من السهولة إننا نتفق مع بعضنا على عدم الشراء ، و إذا كانت النت عرفت تجمعنا على الثورة على الفساد ، يبقى ممكن تجمعنا فى محاربة إستغلال التجار

[braveheart]

حتى لو الأسعار غليت ، ماينفعش إننا نشجع الظاهرة دى بقولنا "مبروك" ، و الكلام ده بالنسبة لأى سلعة مش فى السلاح بس ، إذا أى سلعة غليت يبقى المشترى الواعى من حقه يمتنع عن شراها ، و خصوصا بقى إذا كانت غير أساسية فى حياتنا اليومية. و إذا كانوا تجار السلاح متفقين مع بعض على رفع السعر ، من السهولة إننا نتفق مع بعضنا على عدم الشراء ، و إذا كانت النت عرفت تجمعنا على الثورة على الفساد ، يبقى ممكن تجمعنا فى محاربة إستغلال التجار


كلام سليم... أخبار الخناجر و السيوف إيه يا أحمد باشا .. ؟!! لسة موجودين .. أنا اللي كلمتك و قلت لك إني ساكن في الألف مسكن و أخذت رقم تليفوني ..

[goodzila]

الاسعار زادت بسبب جشع التجار انما الاستيراد واقف ديه الحجه بتعهم مش اكتر

[ahmadkader]

كلام سليم... أخبار الخناجر و السيوف إيه يا أحمد باشا .. ؟!! لسة موجودين .. أنا اللي كلمتك و قلت لك إني ساكن في الألف مسكن و أخذت رقم تليفوني ..

يا مرحب أخبارك إيه يا فندم ، للأسف كل الكمية اللى عندى إتباعت ، قريب إن شاء الله فيه كمية جديدة و هبعت لحضرتك رسالة لما تنزل ، شكرا

[smsmn8888]

يا جملعة احنا قلنا مفيش احسن من المقاطعه يعني هنموت لو مروحناش محل سلاح لمدة شهر حرام بجد لازم نقاطعهم علي الاقل شهر دول شوية كلاب والجشع مليهم والاستغلال في دمهم صدقوني لازم يتعلمو الادب

[braveheart]

بشري للجميع ... تم بحمد الله عودة الأستاذ شريف أبو ضيف ... و سيقوم الأعضاء بتجهيز زيارة إلي محلة الموجود في 41 أ ش بشبرا ... و هي مبادرة طيبة من الأعضاء الكرام و ستفيد في شن حملة لا لغلاء التجار و جشعهم التي ننادي بها ... فالأن يوجد البديل و هو عضو من أعضاء المنتدي الكريم.

[osha966]

ا جماعة الأستيراد مش واقف ولا حاجة كلنا بنشتغل فى الأستيراد وكل حاجة شغالة .التجار هم أصحاب هذه الأشاعات عشان الناس المترددة تسارع بالشراء .والجنيه ما وقعش أمام الدولار المشكلة فى التجار المستغلين دى فرصتهم ..والمشكلة كمان فى الزبون المسروع المش بيقول لا .يعنى عندك شريف أبو ضيف مستورد بضاعة جديدة ونازل بأسعار كويسة جدا...

[ahmed-zayed]

فعلا الناس عندها حق التجار عندهم حالة من الجشع الرهيب
هو قبل الاحداث كان كام واحد فى مصر بيفكر يجيب سلاح
والسؤال هو ليه مسدس الصوت يوصل الى 2000 و 1500 جنيه
الحقيقة لو الناس تقلل الاقبال على محلات السلاح شوية ممكن نرجع نشوف الاسعار القديمة تانى
وربنا يسهل

[mostafa_hunter122]

يا جماعه بالله عليكو نهدا بس شويه كده ونفكر باعقل اولا الراجل صاحب الموضوع دا اكيد ميقصدش لانى انااعرف الاستاذ حسام وهو راجل محترم ثانيا ممكن يكون هو سمع كده فعلا من تجار جشعين قصدهم يبيعو وخلاص بس هو المفروض مكنش يساعد فى ترويج اشاعه زى دى بس حصل خير والموضوع يا جماعه بسيط ومكنش فى داعى لكل دا وتقبل مرورى استاذ حسام على موضوعك والسلام عليكم

[elhosseiny]

طبعاً الإستيراد مش واقف، أنا شخصياً مستورد ماكينات صناعية و الحمد لله كله ماشى تمام، يبقى الإشاعة دى مالهاش أساس من الصحة.
ثانياً بحكم إنى مستورد برضه فرق سعر الدولار كله عبارة عن 3%، يعنى الحاجة اللى سعرها ألأف هتبقى بألأف و تلاتين جنيه (يعنى تلاتين جنيه زيادة بس مش أكتر لكل ألف جنيه)
يعنى برضه مفيش مبرر لأى شىء
ثالثاُ، معظم اللى كانوا عايزين يشتروا سلاح للحماية هديوا كتير دلوقتى لما الهوجة خلصت، يعنى مفيش اللى بيدفع عمال على بطال
يعنى من الأخر صاحب الموضوع بيتكلم كلام غير منطقى بالمرة

[BooGY]

يا جماعة احنا ادينا الموضوع اكبر من حقه وردودكم الكتير خلت له اهمية موضوع زى كان كفاية فيه رد او اتنين بينوا انه غلط واشاعة مغرضة وخلاص علشان الاعضاء الجدد اللى معندهمش خبرة وبس واحنا عملنا اكتر من دعوة للمقاطعة عادى خليهم يغلوا كمان وكمان وكمان ويبقوا يشوفوا مين بقى اللى هيشترى باسعارهم دى

[mostafa_hunter122]

يا جماعة احنا ادينا الموضوع اكبر من حقه وردودكم الكتير خلت له اهمية موضوع زى كان كفاية فيه رد او اتنين بينوا انه غلط واشاعة مغرضة وخلاص علشان الاعضاء الجدد اللى معندهمش خبرة وبس واحنا عملنا اكتر من دعوة للمقاطعة عادى خليهم يغلوا كمان وكمان وكمان ويبقوا يشوفوا مين بقى اللى هيشترى باسعارهم دى

عندك حق اخى الكريم

[fidodido]

انا مش هتكلم

[lastworld]

كفايه اشاعات بقى!!!!!!

[a.helwan]

لا حول ولا قوة الا بالله ..................

لاتعليق .!!!

[mostafa_hunter122]

خلاص يا جماعه بقى خلصنا من الموضوع دا وانش اء الله الاخ الكرييم الاستاذ حسام مكنش قصده ورجاء ليه قفل الموضوع او حذفه

[باشـــا]

الاسلام عليكم جميعا
اولا انا بشكر الاستاذ مصطفى على مرورة الكريم
وعلى فكرة انا مش تاجر. انا واحد عادى لسه متعلم الصيد من 5 شهور او بمعنى صحيح انا اول مرة امسك بندقية من 5شهور تقريبا
ثانيا انا كنت ببيع بندقية ذى الاستاذ محمد اسماعيل ما قال ولما مجبتش السعر اللى انا عايزة قررت انى اسيبها لابنى يلعب بيها فى الشارع واجيب واحده انشاء الله محترمة
ثالثا انا نزلت العتبة فى هناك كذا محل سألت فيهم لقيت اسعارهم غالية ولما سألتهم لماذا قالو مثل ما شرحت لحضراتكم فى اول الموضوع
رابعا دينى الاسلام علمتنى انى لما اشوف واحد بيغلط بدون قصد اشفق عليه واخد بيده مش زى ما بيقولو فى المثل ( العجل لما بيقع تكتر سككينة ) اعزكم الله.
خامسا اللى عايز يكذب كلامى ويقول ان لاسعار بترخص يفرجنا عرضة
وشكرا خاص للاساذ محمد اسماعيل وكل من اساء الظن بى او اخطأ فى حقى
والسلام عليكم ورحمتة الله وبركاتة

[mostafa_hunter122]

حصل خير يا استاذ حسام والموضوع بين اخوه يعنى مفيش مشكله ولا حاجه وبعدين مبروك علىابنك ياس يدى وابقى طمنى عليك ايه الاخبار

[mostafa_hunter122]

اما بالنسبه للعروض يا استاذ مصطفى عندك الاستاذ شريف ابو ضيف اهو لسه راجع للمنتدى وعامل عارض الكرال بندقيه هاى بور محترمه وغنيه عن التعريف عاملها بتهيقلى ب1050 ومععها علبه رش ماجنوم هديه وطبعا استاذ شريف غنى عن التعريف هنا والكرال هى الاخرى غنيه عن التعريف بيبعها جديده بالسعر دا يعنى بصراحه الموضوع رخص فعلا اهو

[avensis2010]

" يا أيها الذين أمنوا إذا جائكم فاسق بنبأ فتبينوا أن تصيبوا قوماً بجهالة فتصبحو على ما فعلتم نادمين" صدق الله العظيم

[avensis2010]

مافيش حاجة بتودي في داهية غير الإشاعات والأكاذيب و أفتكر بعد الثورة لا أحد يستطيع أن يخدع الشعب المصرى لأنه شعب يقدر يميز الطيب عن الخبيث, والحق عن الباطل

[أميجو]

أسعار السلاح فعلا إتجهت تلك الايام للهبوط والوصول إلى معدلاتها الطبيعية

[باشـــا]

الاخ ةمحمد اسماعيل بيحب يتفرج على الام بى سى اكشن ياعم شعب ايه اللى يضحك عليه واشاعات ايه وافلام ايه دا مكنتش حتة بندقية بمليم وخلااااااااااااص مش هبيعها. ايه ياعم فى ايه دا انتا كرهتنى فى الصيد والبنادق انتا غاوى حوارات وشعارات روح اوعد فى التحرير يومين
سبحان الله على ده انسان
وبعدين انا قولت انى روحت سألت فى المحلات هما اللى قالولى ان الاسعار هتغلا المفروض ترد تقول رأيك بإحترام وبإختصار وانا ملاحظ ان اى حد بيبع حاجة بتخش تهاجمة هو حضرتك هنا قلب الهجوم يا عم ارجع اقف فى الدفاع حبة واسكت شوية كفاية ازيه للناس

[احمد هاشم]

السلام عليكم
ياجماعه وحدو الله وكفايه بقى الكلام الى ملهوش لزمه دى الواحد بجد زهق من الموقع
الله يرحم الادارة السابقه

[hetata]

السلام عليكم
ياجماعه وحدو الله وكفايه بقى الكلام الى ملهوش لزمه دى الواحد بجد زهق من الموقع
الله يرحم الادارة السابقه

الشعب يريد اسقاط الادارة ههههههههههههههههههههههههههههههههههههههههه