المساعد الشخصي الرقمي

مشاهدة النسخة كاملة : كل شئ عن سوستة بنادق الرش

braveheart
11-03-17, 03:48 PM
نظرا لأهميتها الشديدة لكل مستخدمي بنادق الرش ( ضغط الهواء ) فوجدت أنه من المناسب عمل موضوع خااااص بالسوستة .. و أتمني من كل الأعضاء زوي الخبرة المشاركة ليستفيد الكل بإذن الله.

فمثلا ... نجد الكثير من البنادق تقليد لبنادق مشهورة .. فالـ Bam 22 الصيني هي تقليد ديانا 52 الألمانية ... كما نجد أن الكرال ديفيل ( الكسر ) التركية تقليد الجامو شادو 1000 الأسبانية ... و الكرال ديمون ( العتلة ) تقليد الجامو cf-x .

و السؤال : هل بتغيير سوستة الكرال بسوستة الجامو مثلا ... فإن الكرال تسجل نفس سرعة الجامو ؟

و لو الإجابة لا .. فلماذا ؟

و ماهي أسعار السوست في السوق ؟
و ما أماكن شرائها ؟
و ما هي أوجة الإختلاف بين السوست من حيث الطول و عدد الحلقات و الكثير من المواصفات الأخري ؟

أرجو من كل من يعرف أي معلومة عن هذا الجزء المهم في البندقية أن يشارك بما يعرف.

و شكرا لكم جميعا.
juDge911
11-03-17, 04:51 PM
وانا برده مستنى الرد.......
braveheart
11-03-17, 06:26 PM
42 مشاهدة و محدش رد غير عضو واحد !!!!

عموما في إنتظار أراء الخبراء ... و شكرا لكم
adel152
11-03-17, 06:44 PM
الأخ العزيز braveheart
مواصفات البندقية الكرال والجامو من حيث السرعة متقاربة جدا
الكرال الكسر 5.5 سرعتها 240 متر/ث والجامو الشادو 1000 5.5 سرعتها 230 متر/ث
الكرال الكسر 4.5 سرعتها 310 متر/ث والجامو الشادو 1000 4.5 سرعتها 305 متر/ث
وهذه السرعات تنطبق على الكرال العتلة والجامو CFX .

وكما ذكرت من قبل مع تغيير سوسستة الكرال بجامو لم الاحظ أى تغيير فى القوة (السرعة).
انا اشتريت السوسستة الجامو الأصلى من أسكندرية ب100 جنيه من محلات الحاج محمد فتح الله.
السوسستة الكرال التركى والجامو الأسبانى لها نفس عدد الحلقات 35 حلقة ونفس الطول ولكن السوسستة الجامو مصنعة من نوع حديد أكثر ليونة من الكرال سوسستتها ناشفة جدا.
http://www.egypthunt.net/showthread.php?t=4437&page=10
تحياتى
tamer_tatow
11-03-17, 06:53 PM
بالنسبة للسؤال الاول تقريبا الكرال سرعتها بتزيد بشكل ملحوظ
اسعار السوست بالنسبة لسوستة الجامو اللي بتتركب للكرال 100 جنيه للسوستة و 25 جنيه للجلبة
اماكن الشراء اكيد في عند ورش التصليح ولو في اسكندرية عليك وعلي الحاج محمد فتح الله او الاستاذ نبيل فتح الله في محطة مصر
السؤال الاخير بتاع اوجه الاختلاف انا مش عارف بالظبط بس تقريبا كدة ح يبقي نوع المعدن اللي بيستخدم في صناعة السوستة نفسه كلما كان اكثر ليونة كلما كان اقوي وقدرة علي التحمل اعلي والله اعلم
tamer_tatow
11-03-17, 06:55 PM
أ/ عادل باشا لامؤخذة يا ريس ما اخدتش بالي انك رديت طبعا لا يفتي ومالك في المدينة
adel152
11-03-17, 07:03 PM
أ/ عادل باشا لامؤخذة يا ريس ما اخدتش بالي انك رديت طبعا لا يفتي ومالك في المدينة

يااستاذ تامر والله حضرتك كلك زوق. والعبد لله هاوى وبكتب عن التجارب الى مريت بيها وكلنا هنا أخوة ومافيش أى اختلاف فى الرد زى ماحضرتك شايف. وربنا يديم المعروف.
خالص تحياتى لحضرتك.
braveheart
11-03-17, 07:09 PM
الأخ العزيز braveheart
مواصفات البندقية الكرال والجامو من حيث السرعة متقاربة جدا
الكرال الكسر 5.5 سرعتها 240 متر/ث والجامو الشادو 1000 5.5 سرعتها 230 متر/ث
الكرال الكسر 4.5 سرعتها 310 متر/ث والجامو الشادو 1000 4.5 سرعتها 305 متر/ث
وهذه السرعات تنطبق على الكرال العتلة والجامو cfx .

وكما ذكرت من قبل مع تغيير سوسستة الكرال بجامو لم الاحظ أى تغيير فى القوة (السرعة).
انا اشتريت السوسستة الجامو الأصلى من أسكندرية ب100 جنيه من محلات الحاج محمد فتح الله.
السوسستة الكرال التركى والجامو الأسبانى لها نفس عدد الحلقات 35 حلقة ونفس الطول ولكن السوسستة الجامو مصنعة من نوع حديد أكثر ليونة من الكرال سوسستتها ناشفة جدا.
http://www.egypthunt.net/showthread.php?t=4437&page=10
تحياتى

بالنسبة للسؤال الاول تقريبا الكرال سرعتها بتزيد بشكل ملحوظ
اسعار السوست بالنسبة لسوستة الجامو اللي بتتركب للكرال 100 جنيه للسوستة و 25 جنيه للجلبة
اماكن الشراء اكيد في عند ورش التصليح ولو في اسكندرية عليك وعلي الحاج محمد فتح الله او الاستاذ نبيل فتح الله في محطة مصر
السؤال الاخير بتاع اوجه الاختلاف انا مش عارف بالظبط بس تقريبا كدة ح يبقي نوع المعدن اللي بيستخدم في صناعة السوستة نفسه كلما كان اكثر ليونة كلما كان اقوي وقدرة علي التحمل اعلي والله اعلم

شكرا لكم ... معلومات مفيدة جدااا ... شكرا أستاذ / عادل ... و شكرا أستاذ / تامر ... ألف شكر لكم.

بس أنا من القاهرة .. عاوز أعرف مكان كويس لشراء كرال 5.5 جديدة و سعرها كام لو فايبر بني و مكان قطع الغيار الأصلية ... و لكم جزيل الشكر.
adel152
11-03-17, 07:48 PM
شكرا لكم ... معلومات مفيدة جدااا ... شكرا أستاذ / عادل ... و شكرا أستاذ / تامر ... ألف شكر لكم.

بس أنا من القاهرة .. عاوز أعرف مكان كويس لشراء كرال 5.5 جديدة و سعرها كام لو فايبر بني و مكان قطع الغيار الأصلية ... و لكم جزيل الشكر.

استاذ تامر لسه شارى بسعر معقول.
braveheart
11-03-17, 08:07 PM
أشترتها منين يا أستاذ تامر ؟
professional sniper
11-03-17, 08:12 PM
ماشاء الله موضوع جميل , ولكن لا خبرة لى فيه , واتمنى ان تفيدونى ان اجعل بندقيتى b2-2a كالجديدة.
ولكم جزيل الشكر ...
tamer_tatow
11-03-17, 08:38 PM
أشترتها منين يا أستاذ تامر ؟

اشريتها من اسكندرية من عند نبيل فتح الله محطة مصر 1150
sayed allaa
11-03-17, 08:53 PM
ماشاء الله موضوع جميل , ولكن لا خبرة لى فيه , واتمنى ان تفيدونى ان اجعل بندقيتى b2-2a كالجديدة.
ولكم جزيل الشكر ...

انت ممكن تغير السوست و الجلب هما دول روح البندقية
و فكهم كده و خدهم معاك و شوف ايه اكتر قطع غيار تتناسب معاهم اصلية طبعا
بس كده انا الصراحة مش هفتي
انا معرفش ايه نظام سوستها ولا الجلبة كام حلقة او اسطوانة عشان انا مفكيتش ولا واحدة قبل كده او ليا استعمال عليها ده مش معناه انها وحشة لكن انا مجربتهاش بس ده احسن حل
انك تفكهم و تاخدهم معاك و تدور و تشوف سوستة بنفس السمك و القطر و عدد الحلقات
و الجلب كذلك تدور على حاجة تكون اصلية بنفس المواصفات
بس كده
لكن لو غلبت اوي بقى و ملقتش حاجة يبقى مفيش قطع غيار غير الصيني الصيني او المصري المصري بقى
و نصيحتي ليك
انك تحل البندقية و تزيتها و تشحمها و هتحس بفرق كبير منغير ما تغير حاجة
و جرب و فكها و اعمل اللي قولتلك عليه زيتها و شحمها و احتمال لو انت لاحظت انها ضعفت اوي عن الاول يبقى هية بدأت تسرب هواء
بس انت حلها الاول و نضفها و شحمها
و اي سؤال تاني انا في الخدمة
braveheart
11-03-19, 07:15 PM
شكرا لكم جميعا
professional sniper
11-03-19, 08:09 PM
انت ممكن تغير السوست و الجلب هما دول روح البندقية
و فكهم كده و خدهم معاك و شوف ايه اكتر قطع غيار تتناسب معاهم اصلية طبعا
بس كده انا الصراحة مش هفتي
انا معرفش ايه نظام سوستها ولا الجلبة كام حلقة او اسطوانة عشان انا مفكيتش ولا واحدة قبل كده او ليا استعمال عليها ده مش معناه انها وحشة لكن انا مجربتهاش بس ده احسن حل
انك تفكهم و تاخدهم معاك و تدور و تشوف سوستة بنفس السمك و القطر و عدد الحلقات
و الجلب كذلك تدور على حاجة تكون اصلية بنفس المواصفات
بس كده
لكن لو غلبت اوي بقى و ملقتش حاجة يبقى مفيش قطع غيار غير الصيني الصيني او المصري المصري بقى
و نصيحتي ليك
انك تحل البندقية و تزيتها و تشحمها و هتحس بفرق كبير منغير ما تغير حاجة
و جرب و فكها و اعمل اللي قولتلك عليه زيتها و شحمها و احتمال لو انت لاحظت انها ضعفت اوي عن الاول يبقى هية بدأت تسرب هواء
بس انت حلها الاول و نضفها و شحمها
و اي سؤال تاني انا في الخدمة

ربنا يبارك فى حضرتك استاذى الكريم ويجازيك عنى كل خير ولك منى جزيل الشكر على هذه الافاده.
خالص تحياتى ,,,
FPE a.abdo
11-03-20, 04:57 PM
معي بندقيه نوريكا 56 نمرة 2
قمت بالضغط علي الزناد قبل رد الماسورة والذراع مكسور
اشعر الان ان بها تغير في الحركه واصوات غريبه مع الكسر كي اضغط البندقيه بالهواء
رجااااااااااء الاهتمام