تسجيل الدخول

مشاهدة النسخة كاملة : مش لاقي البام 22

BASiC
11-03-15, 09:35 AM
امبارح بعد الشغل قلت بلاش كسل وانزل اشوف في المحلات بنفسي عشان في التليفون مبخدش عقاد نافع ......المهم نزلت العتبة عند ميشيل عازر (الأهلية) لقيت المحل مهوي مفهوش ولا بندقية كلو مسدسات صوت (على فكرة أنا بدأت أكرها) و عملت عبيط وسألتهم على البام على اساس ان ممكن يجيبهالي من المخزن ولا حاجة .. للأسف مفيش بنادق خالص ....طيب هتيجي أمته الاسبوع الجاي (مع انني كنت مكلمهم الاسبوع اللي فات وقاللي نفس الكلام ) تمام طيب في يوم محدد أجي فيه ....لأ ممكن بكرة ممكن بعده ممكن اخر الاسبوع الجاي معرفش .....رحت وأخذ بعضي ومشيت رحت لاحمد المنسي لقيت واحد قاعد قدام المحل وناس كتير بتتفرج على مسدسات الصوت في الفاترينة ....لسه هدخل المحل قاللي (ايوة ) سألته على البام قاللي مفيش وراح لافف وشه كاني بقول كلام قبيح .....مشيت من عنده رحت للسجلابي ...أييه ده ....!!! بنادق احمدك يا رب .....أخيرا دخلت المحل وكان منزل الأبواب الحديد ما عادا باب الدخول وسألت على البندقية ...مفيش ..!! راح الأمل .... بس شفت عنده بنادق تاني اللي عرفتهم منها الكرال التركي بدبشك فايبر بني .

دلوقتي أنا مش عارف أجيب البندقية دي منين يا ريت لو حد جابها قريب يقوللي منين ويقوللي السعر ......
أبو عبدالله المصرى
11-03-15, 01:22 PM
يبقى فتح الله شارع رمسيس
و أستحمل ...... مدام ليلى ربنا يعينك
adel152
11-03-15, 01:59 PM
أستاذ basic
رأيى تصبر شوية لأن فى أحساس ببعض الأستقرارحاليا لو الحالة دى استمرت خاصة بعد يوم 19 اى بعد الاستفتاء أعتقد الأولوية التانية بعد الامن هو الأقتصاد وده معناه فتح الاستيراد أن شاء الله حتى تتحرك حركة العمل فى البلد.
الشئ التانى ان فى ناس كتير جدا اشتروا مسدسات صوت وبنادق رش للحماية مش لهواية الصيد وأول ما الناس دى تحس بأستقرار أمنى كتير منهم حيعرض البنادق دى للبيع وحتكون بأسعار كويسة لأنها مالهاش لازمه عنده.
تقبل مرورى
وخالص تحياتى
BASiC
11-03-15, 03:11 PM
يبقى فتح الله شارع رمسيس
و أستحمل ...... مدام ليلى ربنا يعينك

شكرا على المعلومة يا أ/ أبو عبد الله
بس هوة حضرتك تعرف عاملة كام عنده ....؟؟؟عشان بتصل بيهم مبيردوش
BASiC
11-03-15, 03:20 PM
أستاذ basic
رأيى تصبر شوية لأن فى أحساس ببعض الأستقرارحاليا لو الحالة دى استمرت خاصة بعد يوم 19 اى بعد الاستفتاء أعتقد الأولوية التانية بعد الامن هو الأقتصاد وده معناه فتح الاستيراد أن شاء الله حتى تتحرك حركة العمل فى البلد.
الشئ التانى ان فى ناس كتير جدا اشتروا مسدسات صوت وبنادق رش للحماية مش لهواية الصيد وأول ما الناس دى تحس بأستقرار أمنى كتير منهم حيعرض البنادق دى للبيع وحتكون بأسعار كويسة لأنها مالهاش لازمه عنده.
تقبل مرورى
وخالص تحياتى

شكرا ليك أ / عادل
فعلا في ناس كتير اشترو في الفترة اللي فاتت واتنصب عليهم في أسعار خيالية ..... وطبعا لو باعو هيبيعو بالسعر الفعلي .....
بس انا لما سألت على السعر قبل وبعد الثورة لقيتو 1800 جنيه يعني متغيرش .......
سؤال : هوة فتح الاستيراد معناه ان أي حد ممكن يجيب بنادق ولا برضو التجار بس اللي معاهم رخصة ...؟؟؟؟
dr mohamed kamal
11-03-15, 03:51 PM
أخى العزيز ,من واقع خبرتى بالجمارك ,ممكن أى شخص يستورد أى حاجه بشرط أن يكون مسموح بإسترادها و تكون للإستعمال الشخصى {أى قطعة واحده فقط} فى العام وهذا لايتطلب موافقات إسترادية من وزارة التجارة الخارجية,تحياتى
BASiC
11-03-15, 06:27 PM
أخى العزيز ,من واقع خبرتى بالجمارك ,ممكن أى شخص يستورد أى حاجه بشرط أن يكون مسموح بإسترادها و تكون للإستعمال الشخصى {أى قطعة واحده فقط} فى العام وهذا لايتطلب موافقات إسترادية من وزارة التجارة الخارجية,تحياتى

ذ / محمد كمال شكرا لردك
لاكن فيه ناس كانت عايزة تدخل بنادق رش لمصر وبسبب منعها كانو بيدخلوها مفككة عشان متتمسكش ......... وكمان فيه موضوع كان معمول كان جايب مقالة عن احباط محاولة تهريب بنادق رش ......!!! هية دي مخدرات .....!!!
يعني بناء على كلام حضرتك أنا لو جبت بندقية من بره عن طريق أي شركة شحن زي dhl. مثلا هتوصل البندقية عادي وهدفع رسوم الشحن والجمارك وهتوصلني البندقية ولا هيقولولي العصفورة طارت مع الجمارك في التفتيش .
وسؤال بسبط كمان ممكن أعرف بنادق الرش دي من اني شريحة في الجمارك (يعني جماركها كام في المية )
وشكرا
braveheart
11-03-15, 06:30 PM
متابع للأهمية .................
مصراويي
11-03-15, 07:09 PM
و أنا كمان متابع
braveheart
11-03-15, 07:11 PM
و أنا كمان متابع

الله .. أنت متابع بردو .. و كمان معاك رمسيس نمرة 1 ... د أنت بتراقبني بقي ... هههههههههههههه
drmaged40
11-03-15, 08:47 PM
البام موجودة عند فتح الله و انا لسة شاريها النهارده ب 2000 جنية و خلاص الدفعة اللى عندة قربت تخلص المدام قالت انهم مش هيجيبوا تانى غير لما يعوضوا خسارة الفرع اللى اتسرق ...........لو عايز يريت بسرعة
BASiC
11-03-15, 09:07 PM
2000 ؟؟؟؟؟ البندقية دي كانت قبل الأحداث بتتباع ب 1750 جنيه في ناس كانو شارينها ب 1800 وبعد الأحداث كانت معروضة ب 1800 فتح الله دول حرامية ..؟؟؟؟؟؟ وبعدين لو مش هيجيبو تاني هيعوضو خسارة الفرع اللي اتسرق ازاي هيبيعو ايه عشان يعوضو ؟؟؟؟؟ لا حول ولا قوة إلا بالله
drmaged40
11-03-15, 09:27 PM
انا ادبست خلاصو كنت عارف بس الست اللى كانت هناك مرضيتش تنزل جنية ......و كانت عايزة تبيعها ب 2200 فى الاول ............و لما قولتلها 1800 اتشلت و قالتلى دا احنى عندنا ظروف نهب و سرقة فقلتلها يعنى تعوضى من على قفايا ..........و بعدين محل ميشيل عازر قالى هاجبهالك يوم الاثنين على 2000 بدون فصال ........و فى الاخر دى ارزاق
BASiC
11-03-15, 09:43 PM
دا انا كنت لسة عند ميشيل عازر امبارح قاللي مفيش ومش عارف هتيجي امته هوة بوشين ولا ايه ...؟؟؟؟
اييه ده التجار دول قلة ضميرهم بتخلي الواحد يخرج عن شعوره ..

وكمان انهي فرع في فتح الله اللي اتسرق ده .....

والله الكلام ده اشتغالات وكمان هما اصلا سارقيننا في الأسعار الي بتتضاعف 10 مرات مش هاين عليهم يحافظو على صورتهم (ولا هيحافظو على ايه مهما مفضوحين بالنصب العلني أصلا)
لو حسببو كسبو قد ايه زيادة عن هامش الربح اللي المفروض يبيعو بيه هتلاقيهم بيجيبو رأس مالهم أضعاف وكل ده ليه ..؟؟؟
انا متأكد ان محلات السلاح وتجارة أسلحة الصيد دي مافيا بتتحكم في الشعب زي الحديد والأراضي والبلطجية اللي في الشارع والحكومة والنظام البائد الي سابلنا اسوأ شئ ممكن يتعمل في الدنيا وهوة بذرة الطمع وقلة الضمير اللي زرعها في الشعب المصري او على الأقل جزء كبير منه .......ربنا يكفينا شر الطمع وقلة الضمير ....
adel152
11-03-17, 06:58 PM
ياجماعة شوية صبر.
الى وصل التجار للمراحل دى الأحتكار والمحسوبية. اول ما ربنا يصلح الحال مش حيبقى فى أحتكار ولامحسوبية وده حيخلق تنافس طبيعى فى السوق وبالتالى كل الأسعار دى حتتغير غصب عن اى تاجر جشع لأنه لو تمسك بسعر معين المنافسه حتخلق 1000 تاجر غيره بأسعار معقولة.
BASiC
11-03-17, 07:29 PM
عندك حق يا استاذ عادل .....وبالنسبة للصبر أنا صابر غصب عني عشان أنا لغاية ذلوقتي مش لاقيها
مصراويي
11-03-17, 09:16 PM
يا ريت نحارب الغلاء بالاستغناء المؤقت... وغصب عنهم حيقللو الأسعار
professional sniper
11-03-17, 09:58 PM
السلام عليكم ورحمة الله تعالى وبركاته
والله ياجماعه والواحد معدش عارف التجار دول ملتهم ايه فى محل عندنا هنا فى العريش بيبيع البندقيه البام 22 ب 3330 ج , يعنى الواحد مبقاش عارف يعمل ايه يعنى من 1800 إلى 3330 ربنا ينتقم من هؤلاء التجار الجشعين , والله المستعان .
AMR EBID
11-03-17, 10:27 PM
السلام عليكم ورحمة الله تعالى وبركاته
والله ياجماعه والواحد معدش عارف التجار دول ملتهم ايه فى محل عندنا هنا فى العريش بيبيع البندقيه البام 22 ب 3330 ج , يعنى الواحد مبقاش عارف يعمل ايه يعنى من 1800 إلى 3330 ربنا ينتقم من هؤلاء التجار الجشعين , والله المستعان .

يا ريت نحارب الغلاء بالاستغناء المؤقت... وغصب عنهم حيقللو الأسعار

امال لو ديانا 52 ؟