مسدسات ال co2

[hunterxhunter]

انا بس كنت عايز أسال عن مسدس الغاز Co2 بكام و هل يحتاج الى ترخيص ولا لا؟وما هي افضل الانواع وما ارخص الانواع و متوسط سعرها كام و ايهما اقوى مسدس الغاز co2ام السوستة و نفس الكلام على بندقية الرش نمرة واحد و لكم جزيل الشكر

[hunterxhunter]

ارجو الرد على سؤالي و شكرا

[mohamed_salam]

السلام عليكم
بالنسبه لاسعار مسدسات الغاز CO2 فهيه مش محدده اليومين دول يعنى ممكن تلاقى مسدس بـ 1000ج و هوه هوه بـ 1500 و برده تلاقيه بـ 1750 المسئلة اليومين دول غير محدده و نصحتى استنى شويه او اشترى مستعمل على الاقل صاحبه مش هيطمع لو عنده اكترمن حته
اما لخصوص الترخيص فلا يحتاج و لكنه يعامل معامله مسدس الصوت فى كونه مجرم حملة فى الاماكن العامه ظاهراً
يعنى لو معاك و مش مبينه عادى خالص لا تجريم عليه و طبعا فى ساعة الجد محدش هيقولك انت طلعته ليه عالشان عنصر الخطر يحول موقفك الى دفاع شرعى بمسدس غير مجرم ولا يحتاج لترخيص
و بالنسبة لافضل الانواع تقدر تقول انها شركات و كل شركه ليها موديلات و كل موديل ليه مواصفات و المعيار كالتالى :
الشركة ( تعبر عن الكفائه و العمر و قطع الغيار)
الموديل ( يعبر عن مواصفات القوه و نوع العيار و سرعته و عدد الرشات و نوعها)
- شركة whalter
طبعا شركة محترمه جدا و كفائة و عمر افتراضى بس قطع الغيار قليله و غاليه
و الموديلات فى منها القوى و الضعيف بس كلها محاكاه للحى فى قوة الارتداد و الميكانيزم بس مش فى قوة الصوت فلازال ده ضغط هواء مش بارود
- شركة ديانا
مش موجود عادتا فى مصر
- شركة جامو
محترمه و هيه اسبانى و تقدر تقول انها محققة القوة و العمر المتوسط فى موديلاتها و حققت قوة و سرعة للرشة مماثلة للـولتر الالمانى
- كرال التركى
الصراحة ردىء جدا و متوفر زى الرز و فنش يااااااااااااااع و قوه كبيرة بس مش دقة خالص و طبعا اللى اشترى و استخدم هيشهد لهم بالاعطال فى رنج من 4 : 6 شهور بالكتير
طبعا ده راى شخصى و انا مش محترف بس رايي نتيجة مراجعة كذا عرض لمحترفين من على اليوتيوب بخصوص الموديلات دى
و اخيرا بخصوص ايهم اقوى السوسته ولا الغاز اقدر اقولك ان المعيار هوه الموديل فمعظم موديلات الغاز اكبر قوة طبعا بس فيه موديلات فعلا مش سريعة و لو بتقول سوسته فكده انت بتتكلم عن الانجليزى و ده بيضرب رشه رشه و قوته عادتا 110متر/ثانيه تقريبا و طبعا فى موديلات منه فى الجامو مثلا
و انا شخصياً امتلك جامو V3 اكبر سرعة 125متر/ ثانيه و بسيط فى صيانته و دقيق بشكل ملحوظ

[ahmedabutaleb]

محمد باشا ازيك عامل ايه بصراحه رد خبير

[hunterxhunter]

الف شكر فعلن رد خبيير و افدتني كتير (:

[hunterxhunter]

بس انا ممكن اعرف هل في حاجة تمنها من 500 لـ 800 انا كنت اعرف زمان انو ارخص من الاسعار الي بتقول عليها و كمان انا كنت عايز اجيب واحد فا عايز حاجة في الحددود دي

[mohamed_salam]

اشكرك اخى الكريم على ردك المحترم و المبالغ فيه فانا لا خبير ولا حاجه
و بخصوص القيمة المحدده فوالله ده صعب جدا فى الجديد بس اخوتنا فى المنتدى ممكن يكون عندهم مستعمل بحالة كويسة فى الحدود دى
يا اساتذتنا الكرام فيه حد عنده مسدس لاخونا بس حالة كويسة و سعر كويس و مالكومش دعوة باسعار اليومين دول.

[mohamed_salam]

محمد باشا ازيك عامل ايه بصراحه رد خبير

ربنا يخليك أ احمد ايه الاخبار معاك و ياترى ناوى الجمعة اللى جايه و لا ايه؟

[hunterxhunter]

استاذ mohamed salam انت راجل جدع والله ربنا يخليك يا باشا

[ahmed-zayed]

سؤال يا جماعة عن اسعار ال Gamo V3 قبل الاحداث واليومين دول وسؤال عن قوته وسرعة الرش

[mohamed_salam]

استاذ mohamed salam انت راجل جدع والله ربنا يخليك يا باشا

شكرا على المجامله و ربنا يباركلك

[mohamed_salam]

الموضوع مغلق من المستخدم

[ahmed-zayed]

بالنسبه لسعره قبل الاحداث كان فى حدود 1050ج
و السرعة 125متر فى الثانيه
بس سعر اليومين دول مش عارف
فيه بيقول 1350
و غيرهم 1600
حاجه زى الـ :mad:
و افتره و الله
عندك حق يا محمد بجد حاجة تقرف الاسعار بقت نااااااااااااااااااااااااااااااااااار
وعلى العموم انا حستنى لحد ما الاسعار تنزل لانى فى المقام الاول شاريه علشان التدريب على الرماية يعنى مش محتاجه حالا
وشكرا على الرد

[darkshaft]

الف شكر عال معلومات،تب gamo v3،هال ممكن استخدامه كاسلاح للدفاع عن النفس??،و يعمل اي لو استخدم طد بني ادام??.

[boody]

يا ريت حضرتك تقولنا المسدس اللى مع حضرتك دة سعره كام وانبوبة الغاز بتاعتة سعرها كام وبتخلص فى كام رشة