((عاجل جدا)) انفلوانزا الطيور>> ارجو الرد !!!!!!

[Black_Hand]

السلام عليكم, انفلوانزا الطيور بيقولو انها منتشرة فى مصر , النهاردة طلعت اصتاد انا و صديق لى و اصتادنا اربع يمامات و غرابين , وكنت بمسك اليمام بورق جرايد من غير ما المسة خالص لانى قلق من انفلوانزا الطيور و فى يمام و حمام كتير فى مصر حامل للمرض , يعنى الصيد اصبح غير امن و انا خايف اكون تعرضت للاصابة , ارجو الافادة و سرعة الرد من الاعضاء لان دة موضوع مهم جدا و الاخ msgm خبير اليمام لازم يقول لنا رأية فى الموضوع .
هل يجب ان تاكل ما تصيدة ؟؟؟؟؟
انا لمل بطلع اصتاد لا اكل الصيد بتاعى لكن بوزعة على البوابين و الغلابة علشان ياكلوة يعنى بصتاد من اجل متعة الصيد فقط , هل كدة حرام ولا اية ؟؟؟؟
ارجو الرد من الاعضاء لان دة معلومات مهمة جدا لأى صياد لازم يعرفها .

[charesma]

السلأم عليكم ورجمه الله
انت قلقان اوى ليه كدا انا على حسب معرفتى ان الحمام واليمام مش بيتصابوا بانفلونزا الطيور بسهوله
وكمان حاول انك لما تصطاد انك تبص على الحمامه الأول ومن شكلها برده انتا ممكن تحكم لو لقيتها كمشانه
كده وقاعده ومش بتتحرك وشكلها العام كده اصلأ غلط
انتا ممكن تضربها بس سيبها فى مكانها وماتقربش حتى منها لكن لو انتا شوفت حمامه مثلأ واقفه وبتاكل
وشكل ريشها حلو ومش بايظ وشكلها معفن دى اكيد الواحد هايصطادها وهايكلها وهى صاحيه كمان
اما بالنسه لأنك بتدى الصيد بتاعك لأى حد انا بصراحه مش عارفها ازا كانت حلأل او حرام
لأنى انا كمان ساعات بعمل كدا
بكون مثلأ جاى من رحله طويله وبعيده وببقى جاى ميت ومش قادر انى حتى اغير هدومى فا بوزعهم على اى حد
وكمان بالنسبه للعضو msg
فهو مسافر السعوديه وهايقعد عشر ايام بالظبط وان شاء الله يرجع بالسلأمه

وتحياتى لك وله..

[msgm]

السلام عليكم ورحمة الله وبركاته.

محدثكم محمد سيد من الأراضي السعودية ههههه

انا حالية في منطقة . تربة 350 كم شرق مكة المكرمة ..





في إعتقادي . و على حسب كلام عاصم .. أن الحمامة أو الطيور بشكل عام .

لا تستطيع العيش أكثر من 3 ساعات وهي حاملة للمرض ..

و أرجو من عاصم التوضيح بالتفصيل .

و أي زميل . محتاج أي حاجة يبعتلي رسالة

[عاصــم الشبراوينــي]

فعلا اثبتت الدراسات ان اي نوع من انواع الطيور الي تحمل المرض لا تستطيع البقاء اكتر من 3 سعات علي قيد الحياه
وبعدين بيني وبينك ( انت تستاهل هتصطاد غراب تعمل بيه ايه ههههههههههههه معنتش تعملها تاني )
متخفش يا باشا واطمن المرض ده مش موجود في مصر الا كان زماني اول واحد مات بيه

[msa_79]

انا غير مقتنع تماما ان المرض ده موجود في مصر وانما دية اشاعه الغرض منها احتكار تجارة وتربية الطيور ورفع اسعارها الي الاضعاف ولعي فكره واحد صاحبي ظابط في الجيش بياكدلي انهم كانو بيروحو يعدمو مزارع الفراخ والعساكر بياخدو الفراخ ويدبحوها وياكلوها عادي جداااااا
ياجماعه لو مصر فيها انفلونزا الطيور مكانش زمان بقا ده حالنا اتفرجو علي الاخبار وشوفو الدول اللي فيها المرض ده بيحصلها ايه
بيمشو في الشوراع يلاقو الطيور مرميه في الطرق وميته