طلب مسدس 9ملم حي ولا حول ولا قوة إلا بالله

[جوبا]

من غير مقدمات ، لما تبقى دكتور محترم ، ومعاك أسرتك وطول عمرك عايش في امان ، والناس طول عمرها بتحترمك وفجأة ولادك يشوفوا أبوهم وشوية بلطجية مسبتينه ويتاخد منك حاجتك ومتقدرش تدافع عن نفسك وأهلك ، شقى عمرك في عيادتك يبقى معرض للخطر أكيد وقتها التفكير حيختلف تماما ، وحياتي وحياة أهلي حتبقى في المرتبة الأولى

طلبي ببساطة مسدس 9ملم حي (لأن الناس قالت ان دوت الي طلقة متوافر) نوع نظيف إن أمكن ، ناس برده نصحتني ب cz أو بريتا أو هيكلر ، بصرف النظر عن السعر بأسرع وقت ، لأن فعلا الوضع مش مستحمل ، ودوت على مسؤوليتي والتواصل على الخاص
شكرا

[@MiDO@]

أنا مع حضرتك وياريت إدارة المنتدى والناس ذو الخبره هنا تسيبلنا شوية معلومات لأى حد ممكن يفيد فى الموضوع ده وأكيد الناس ذو الخبره الموجودين فى المنتدى عندهم علم كبير بمثل هذه الأشياء بس أنا مستغرب ليه السكوت فى الوقت ده مينفعش نقف نتفرج على نفسنا لما الناس المحترمه تتبهدل نعممممممممممممممممممل أيه بجد ده بقى شىء غريب جداً وأظن أن حاليا مش موجود فى مكان غير مصر للأسف انا بدأ يجيلى حاله من الذهول شديده جدا بجد نرجو المساعده بأى شكل من الأشكال

[SIGSAUER P226]

انا مع حضرتك احنا مش مؤهلين اننا نمشى بمطاوى او سنج او سيوف زى البلطجيه و مش عارف ايه الحل عمال ادور على حل مش لاقى غير ان الواحد يشترى حاجه من غير ترخيص ياريت حضرتك تشوف الموضوع بتاعى فى القسم العام و تشرفنى بالرد لأنى عاوز اعرف رايك ايه
http://www.egypthunt.net/showthread.php?p=51544#post51544

[جوبا]

أشكر كل من رد ، وأقول لمن سيعترض وهو يمتلك سلاح مرخص ، أن الله وفقك لامتلاك السلاح بترخيصه من زمن فستحمي به أهلك ، أما من لا يملك السلاح فما العمل ، وكيف يدافع عن أهله ، ومتقوليش عصاية وبلطة وإليكتريك و مسدس صوت وبندقية رش كل دوت ملوش قيمة قدام بلطجي معندوش غير حلين يياخد الي معاك يياخد عمرك

[@MiDO@]

عندك حق والله يا دكتور فعلاً يا أما الى معاك أو عمرك وفى أغلب الاحوال الى معاك وعاهه مستديمه او ممكن عمرك والأعمار بيد الله ولكن لابد اننا ناخد بالاسباب

[Consul]

والسيدات والبنات والطلبة في الجامعات والمدارس والناس البسطاء...يعملوا إيه...يقعدوا في البيوت لا في شغل ولا دراسة ولا خروج لأي سبب والحياه تقف...ولا كلهم برضوا يقتنوا مسدسات وأسلحة...وتبقي غابة...وسباق للتسلح...اليوم معك مسدس...وغدا البلطجي يشيل بندقية...وبعد غد علشان تقدر تواجه البندقية تجيب كلاشنكوف...وبعدي البلطجي يجيب بازوكا ولا آر بي جي...وبعدين ها نروح لحد فين يا جماعة...ده مش حل...

[@MiDO@]

الحل فى رأى حضرتك أيه ؟؟ لو شخص ما موقفنى فى الشارع وهيموتنى ؟؟؟ ياريت يكون فى حل فعلاً عاوزين نفهم وجهة نظر بعضنا وأكيد فى إفاده

[mohd_wafik]

انتم يا جماعه ساكنين فين ؟؟ عندنا في مدينة نصر مفيش كلام من ده ؟؟ مع احترامي الشيديد لحضراتكم

[SIGSAUER P226]

الحل تفضل مستنى و تقول الفرج من عند ربنا طب و الناس اللى بتتختف و بتتسرق و بتتقتل يعنى فى اسكندريه من يومين قضيه مخدرات القاضى حكم حكم تقيل على المتهم راح اهله فى وسط القاعه مطلعين الالى و ضربين نار على المنصه و هربه الواد و هربوه معاه تخيل ده بيحصل جوه المحكمه
دكتور محترم بيتسرق و مش عارف يعمل حاجه
استاذ محترم برضه بقول انه 3 مره بيتسرق فى مدخل بيتهم و اخر مره ضربه نار على عربيته
اتوبيس حضانه فى اسكندريه يطلع عليه بلطجيه تنزل الناس اللى فيه و و تسرق الاتوبيس
لما يدخولوه على بنزينه فى عز النهار بالالى ويسرقوها ويكسروها
لما يفرضوا اتاوه على محلات الدهب و اللى ميدفعش يضربوه و يسرقوه المحل و يكسروه
لو البقاء للبلطجه يبقى المفروض الوم اهلى انهم ربونى كويس و مطلعونيش بلطجى اعرف اتخانق بالشوم و السنج
ياريت تقولنا يا استاذ قنصل ايه الحل و تشارك برايك فى الموضوع بتاعى و شاهده ارجوك لان اكيد هتغير رأيك

[Consul]

الحل فى رأى حضرتك أيه ؟؟ لو شخص ما موقفنى فى الشارع وهيموتنى ؟؟؟ ياريت يكون فى حل فعلاً عاوزين نفهم وجهة نظر بعضنا وأكيد فى إفاده

أكيد طبعا مش إللي بتقولوا عليه وتقترحوه...زي ما بأقول ها تبقي غابة وسباق تسلح...هاتجيب مسدس بكره يجيبلك بندقية هاتروح جايب رشاش هايجيبلك آر بي جي...وهكذا هاتجيب سلاح ها يجيبلك الأقوى منه...مافيش بلد في الدنيا مافيهاش قانون ولاشرطة ولانظام...لازم كل حاجة تتنظم وتنضبط وماتبقاش غابة...إحنا كده بنرجع للعصر الحجري...والمفروض إحنا ما نشجعش على إنتشار السلاح والفوضي دي...لو كل واحد سلح وحمى نفسه بطريقته تبقي غابة...الفقير هايشيل مطواة والأحسن شوية يشيل ساطور والأغني يشيل مسدس والأكثر غناءا يشيل بندقية وهكذا...دائرة لا تنتهي ولا تعرف أولها من آخرها...لا بد أن ندعو ونشجع لعودة الشرطة في ثوب وشكل وبأسلوب جديد...أنا مش عارف إللي بيحصل معاكم ده إزاي...أنا بأخرج كل يوم وزوجتي للشغل وأولادي وبناتي في مخلصين جامعة وبيشتغلوا وفي في الجامعة في السنوات النهائية ما بنشوفش ولا بنسمع إللي بتقولوا عليه ده...فقط إبتعدوا وتجنبوا الأماكن إللي فيها قلق ولا تتأخروا بالليل...مش عارف أقول لكم إيه...أنا مش عايش في كوكب تاني...أنا معاكم وبأخرج كل يوم وبأمشي في الشوارع رايح جاي وبأركب سيارتي عادي...

[karimabulela]

حوادث البلطجة انتشرت فى كل مكان و هى غير خفية على احد و للاخوة الذين يعتقدوا انها مبالغة لمجرد انهم يتمتعوا بالامان فى اماكنهم السكنية فسوف ارجوهم شكر الله على نعمة الامان التى من الممكن تنزول بمجرد ان ينتهى البلطجية من الاماكن القريبة لاحيائهم سوف يتجهوا للاحياء الاخرى الاكثر رفاهية لوجود خير فيها كتير على حسب فكرهم و هذا متوقع حدوثه فى حالة استمرار الانفلات الامنى و كل ما يمنع البلطجية هو انهم بيجربوا نفسهم الاول فى احيائهم و مش عايزين يتمسكوا فى نصف الطريق لو انطلقوا بعيد شوية

مثال عن المناطق التى تاكدت تماما بان بها بلطجة علنية على نطاق كبير مش على نطاق مواطن او اتنين ، حلوان ، فيصل ، الهرم ، طريق المحور
اما على نطاق صغير فلا يخلو اى حى من احياء القاهرة حاليا من اعتداء من بلطجية بكافة صوره ،

انا اعلم ان من ضمن مبادءى هواة الصيد المرخص لهم بحمل اسلحة نارية هو عدم تشجيع حمل السلاح لغير المرخصين و شرح مخاطر ذلك ، لكن فقط اطلب منهم التأنى قبل اعطاء النصيحة وعدم رفض اى دعوة لحمل سلاح نارى للحماية ، بل اطلب منهم محاولة معرفة حالة الشارع المصرى عن قرب و ايضا انا اعتقد ان دورهم حاليا هو اعطاء النصح فى كيفية استخدام السلاح النارى بشكل امن لصاحبة و لمن حوله حتى تزول الازمة الامنية و حالة الانفلات الامنى التى نعيشها حاليا و التى تشجع كل من يمتلك جراءة و يعانى من ضيق ذات اليد مع انعدام فى الاخلاق فى ان يتحول الى بلطجى لفترة من الوقت للحصول على اى شىء

[karimabulela]

من ناحية اخرى اريد ايضا ان اقترح على من يريد تحمل مسئولية حمل سلاح بدون ترخيص عدم اقحام صفحات المنتدى ( العلنية ) فى عمليات البيع و الشراء و استبدال ذلك باى وسيلة اخرى بعيدا عن صفحات المنتدى حفاظا على سمعة و نشاط المنتدى فى نطاق هواية الصيد فقط لا غير
ادعو الله ان ينعم الله علينا جميعا بالامان

[sherif agroody]

السلام عليكم ورحمة الله وبركاته
أنا عضو جديد فى المنتدى وأحب أن أضيف على حضراتكم أن إذا كان حمل السلاح الحى مطلوب هذه الأيام لكن المشكلة إنك إذا ضربت نار على بلطجى الأن بيجرى لكن بيرجعلك معاه بلطجية أخرين لو عارفين منزلك ومعاهم أسلحة أخرى كتير ويحاولوا يضربوا نار عليك والكلام ده معلومات من ضابط شرطة صديق ونصحنى إنى ماضربش نار على بلطجى جاى ناحية منزلك لكن مجرض ضرب نار فى الهواء للتهويش إلا إذا كان بيحاول يقتحم عليك منزلك يبقى ده وضع أخر.

[rock]

السلام عليكم .... فى الحقيقه انا مش عارف اقول ايه .... بس فيه فى مناطق كتير زى ماقال الاخوان الكرام ....وعندنا فى امبابه حصل برضه بس احنا(رغم وجود السلاح ومستخدميه فى المنطقه ) معملناش اى حاجه لان ده اللى هما عايزينه (حكومه وبلطجيه ) لغاية لما الجيش جه ولمهم زى الخرفان وبالسلاح الآلى اللى معاهم .... وبتختلف الظروف فى اماكن كتير .... بس رجاء لو ملكش مصلحه فى الخروج متخرجش .... ولو سايق عربيتك متقفش الافى اشاره او عند المنطقه اللى رايحها فقط .... يفضل وجود نصل حاد .... مش مهم يكون كبير .... ومعلش فيه كام حاجه تانى .... لو اللى بيهاجمك (لاقدر الله ) ماسك حاجه طويله (سيف او بلطه او سنجه ) حاول تبقى قريب منه .لعدم تمكنه من فرد ايده ... ولو حاجه صغيره خليك مركز عالايد اللى فيها السلاح .... يا جماعه الموضوع مش مستاهل .... انت ممكن تدافع عن نفسك بمفتاح عربيتك ..... الموقف هواللى بيخلى الناس تتوتر وعايز اى حاجه يحمى بيها نفسه .... وبنادق الرش اللى فيه اخوان كرام فى المنتدى بيقولوا ماتصلحش كنا فى امبابه ب6 بنادق رش والباقى سلاح ابيض وملوتوف صدينا هجوم البلطجيه من قسم امبابه وكانوا شرطه يعنى ناس فاهمه هى بتعمل ايه .... والله العظيم مفيش حاجه مستاهله الخوف والقلق ده كله .... وبعدين يااستاذى العزيز مش المسدس ولا الرشاش هو اللى هيمنع قضاء المولى عز وجل .... والناس فاقده لحاجه مهمه جدا وهى ثقافة السلاح وفنون الدفاع عن النفس (ومش قصدى الرياضه ) ودى بتبقى كورسات .... العيب كان عيب نظام عايز شعب منزوع السلاح .... عشان ميعرفش يدافع عن نفسه فى ايام زى اللى احنا فيها .... صلى على النبى (عليه افضل الصلاة والسلام ) .... وشيلوا الحاجات دى من دماغكم ياجماعه .... "قل لن يصيبنا الا ماكتب الله لنا ".... تحياتى .

[XPLod]

مع أحترامي لأراء كل الناس .... ومع التحفظ على حمل سلاح حى بدون ترخيص .... وخطورة الشراء من السوق السوداء ....

الأخ اللى عاوز سلاح حى طبعا مش هينفع تشترى من اى محل بدون ترخيص فسوف تتجة الى السوق السوداء هتلاقى أقل سعر للطبنجه ال 9 ملى حلوان من 10 الاف جنية الى 12 الف جنية هل لديك أستعداد لشراء طبنجه بهذا السعر ؟؟

مع العلم أن سعرها فى الايام ما قبل الثورة كان لا يتجاوز ال 4 الاف جنية ؟؟

فكر كدة ورد .....

نفس الكلام ؟؟؟؟

[nmh]

تعليقاً على نفس الموضوع ومع العلم انى لااملك سلاح حى : الناس اللى عايزة سلاح حى - حاتعمل أيه بالسلاح دة ؟؟؟ أسمعوا الحكاية دى حصلت فى المطريه من 3 أسابيع :
صديق لى يسكن بالمطرية يعيش فى رعب الى الأن مع الأخذ فى الأعتبار ان معه سلاح حى يحكى لى : من 3 اسابيع دخل الشارع اللى هو فيه 3 حرامية بالسنج والمطاوى وحاولو يسرقوا مصنع صغير للحلويات يقع امام بيت صديقى ده لكن لسوء حظ صاحب المصنع انه كان ساكن فى نفس العمارة اللى فيها المصنع ويملكها - فضرب نار عليهم وواحد من الحرامية مات ... وبعضها بساعة جه مجموعة كبيرة من البلطجية من أهل الحرامى أخذوا جثته وسرقو وكسروا المصنع وسرقوا بعض المحلات والشقق ...ولحسن حظ صاحب المصنع انه هرب هو وعيلته من المنطقة كلها .... ومن يومها كل يومين تلاته نفس المجموعة تيجى طلباً للثأر يكسروا فى الشارع ويطلقوا الأعيرة النارية ويبحثوا عنه ... وهذا الرعب مستمر إلى الأن .

علشان كده انا باقول للى عايز سلاح حى : ماتفتكرش انه حايحميك بالعكس دا السلاح ممكن يهدد أمنك وأمن اسرتك كلها وتعانى أكثر بكثير

فى الأحداث دى اللى يشيل سلاح حى ويستعمله لازم يقدر العواقب جيدا ... وصدقنى الحل عند ربنا - أدعى ربنا انه يرفع عنا البلاء قريباً جداً بدون خسائر أكبر

[Wael Baker]

مع اني في اسكندريه ويوميا بسمع ضرب نار
والجيش نفسه قبل كده اشتبك في معركه تحت بيتنا استمرت من4 الفجر ل9 الصبح ضرب نار متواصل بين بلطجيه والجيش

بس في البيت
ركب قفلين زياده فوق القفل اللي عندك واقفل شبابيكك شيش وازاز قبل ماتنام وان شاء الله تصحي علي خير

في الشارع
حط في جيبك 20 جنيه وشكرا
فضي محفظتك وخلي فيها البطاقه بس
حط خط موبيلك في اي عده رخيصه
وانزل تجول في الشوارع بقي براحتك ولو حرامي ثبتك اديله الحاجه بكل هدوء ومتبصش في عينه

"مع العلم اني اقدر انزل برشاش في شنطه الاب توب بتاعتي واقدر اطلع فوق السطح اصطادهم ببندقيه حلوه" .... بس والله مش حل بجد ... الحل زي مانا كاتب فوق بالظبط ودي اسلم طريقه ان شاء الله نعدي اليومين دول بدون مانعمل عداوات مع عالم شبيحه بالبلدي كده :d
السلام عليكم ورحمة الله وبركاته

استعن بربك واعلم انه لن يصيبك الا ما كتب الله لك وانه لو اجتمع الانس و الجن على ان ينفعوك بشيء ما نفعوك الا بشيء قد كتبه الله لك ولو اجتمعت الانس و الجن على ان يضروك بشي ما ضروك الا بشيء قد كتبه الله عليك

الحكايه حكايه ابتلاء
والقصه باختصار ... إيمان

[الادارة]

بالتاكيد نحن ندرك حجم المسأله
لكن من يرغب فى حيازه سلاح ناري بدون ترخيص
فليذهب الى ميدان التحرير ويطالب بحريه حمل السلاح الناري بدون ترخيص !
فى كل الاحوال السلطه والشرعيه للشعب وليست للنظام ..
اذا كان هناك اغلبيه موافقه على حريه حمل السلاح فسيتم تعديل القانون بكل بساطه :)

لكن حتى تعطيل القانون يمنع وضع اعلانات تخص الاسلحه الناريه والحيه
لغير اصحاب التراخيص القانونيه بالحيازه ..

يغلق الموضوع