الموضوع الشامل للمبتدئين [الأرشيف]

مشاهدة النسخة كاملة : الموضوع الشامل للمبتدئين

الصفحات : [1] 2 3

sayed allaa

11-02-28, 09:57 PM

الموضوع الشامل للمبتدئين

الموضوع ده ان شاء الله هيبقى فيه كل حاجة ان شاء الله للمبتدئين من الاول خالص حتى الاحتراف الموضوع ده انا عملته بالذات عشان بشوف ناس بتسأل اسئلة و هية ممكن يكون متجاوب عليها قبل كده و هما مش لقينها فالموضوع ده ان شاء الله هيبقى فيه كل حاجة بأمر الله عشان محدش يتوه و الموضوع ان شاء الله هيشمل كل حاجة في الصيد او اي حاجة بتخطر على بال المبتدئ
يلا نخش في الموضوع
انا دلوقتي مبتدأ ايه اول حاجة هفكر فيها ؟
اكيد طبعا البندقية . احنا كلنا او بلاش كلنا معظمنا لما جينا نبتدي الهواية الجميلة دي بدأنا بحجات خفيفة او حجات رخيصة او متوسطة عشان يتعلم او يجرب الموضوع و لو الواحد معجبهوش الموضوع او زهق منو ميزعلش على المبلغ اللي دفعو او ميخسرش فيه كتير
فدلوقي انا مبتدأ هفكر في ايه ؟؟
هفكر اجيب بندقية رخيصة عشان اجرب الموضوع او اتعلم
فأول حاجة هفكر فيها ايه اكيد طبعا البنادق المصري دي ارخص الانواع
- الرمسيس او المعادي
http://img6.imageshack.us/img6/8093/10947587.jpg

البندقية دي زي كل البنادق بتصطاد و المهم للصياد ان سلاحه يبقى قاتل مش مهم بقى السرعة و غيره و غيره
في الاول بتبقى شغالة و بعد كده الواحد بيكتشف اعطالها الكتير و اشهرها ان الزناد بيضرب لوحدة بعد حوال 5 ثواني و ده عيب خطير جدا ممكن يحصل بسببه كارثه و العيب التاني ان البندقية الرشة مبتخرجش من الماسورة الا بعد لما تضغط على الزناد مرتين او تلاتة
بس هية مش بطالة و بتصطاد و فيه ناس بتستعملها بس طبعا بعد تصليح او تعديل و شغالين بيها زي الفل
دي سعرها كان قبل القلق اللي حصل في مصر و الاسعار دي الاسكندرية و انا اللي سألت على السعر بنفسي الاسعار :
نمرة 1 ب 500 جنيه
نمرة 2 ب 600 جنيه
طبعا عيا 4.5 يعني نمرة 1 و عيار 5.5 يعني نمرة 2
خلصنا الرمسيس
بص يا سيد انت الصراحة خوفتني منها هية سعرها اه مغري بس انت خوفتني اوي من مشاكلها طب متعرفش نوع تاني و يكون مناسب للمبتدئين ؟؟
طبعا المقصود ببندقية مناسبة للمبتدئين
يعني بندقية خفيفة و سعرها رخيص عشان يتعلم عليها عشان اكيد في الاول الواحد مبيبقاش عنده خبرة و بيبهدل البندقية
البندقية التانية اللي المبتدئ بيفكر فيها البندقية الصيني
غالبا كله بيفكر في الشنجهاي
الشنجهاي b3 بالتحديد
البندقية دي المشهورة و اكتر واحدة متواجدة من فئة الشنجهاي
و دي انواعها
b3-1
http://img141.imageshack.us/img141/9656/b31m.jpg
شكلها حلو دي يا سيد طب ايه مواصفتها و سعرها ؟؟

السرعه
عيار 4.5 : 560 قدم : 170 متر
عيار 5.5 : 420 قدم : 128 متر
الطول : 103 سم
الوزن : 3.5 كيلو جرام
و السعر يتراوح بين 600- 700 جنيه
و فيه دي كمان

B3-2
http://img684.imageshack.us/img684/6169/b32x.jpg

طيب دي شكلها احلى طب برده قولي مواصفتها و سعرها ؟؟
السرعه
عيار 4.5 : 560 قدم : 170 متر
عيار 5.5 : 420 قدم : 128 متر
الوزن : 3.6 كيلو جرام
الطول : 104 سم
يعني شبه b3-1 تقريبا
و سعرها بين 700-800 جنيه
بعد كده المبتدأ بيبتدي يتحمس اكتر و عايز يعرف انواع اكتر او بيخاف من الصيني عشان سمعته
(الشنجهاي مش وحشة ) بس هوة مبيبقاش عارف عشان لسة في البداية هوة بيفكر على اساس ان الصيني عامتا منتجاته وحشة
طب و بعدين فيه ايه غير دول يا سيد و برده سعره يكون حلو و حلو كبداية يعني ؟؟
في بقى الحجات الحلوة ( الاسباني - التركي )
طب دول اسعارهم عاملة ازاي بس متكونش حاجة قوية اوي انا عايز حاجة حلوة كده عشان البداية و بعد كده هبقى افكر في المدافع ؟؟
يبقى الحجات اللي قوتها متوسطة و سعرها معقول
عندك النوريكا / الجامو / كرال التركي
طيب قولي على كل واحدة فيهم
نبتدي بالنوريكا
النوريكا 56
http://img143.imageshack.us/img143/1250/55759513.jpg

شكلها معقول يا سيد طيب دي ايه مواصفتها و سعرها ؟؟
السرعة 150 م/ث
و السعر ب حوالي 900 جنيه يزيد او يقل
طيب فيه ايه غير ال 56 دي ؟؟
فيه بقى
بص كنصيحة ال 56 و 61 دول انا اخر مرة كلمت الراجل البياع قالي بص يا باشا ال56 و 61 راحت عليهم خلاص و مبقناش بنجيبهم عشان محدش بيطلب اي نوع منهم
المهم نرجع لموضوعنا انا نصيحتي ليك انك تجيب
النوريكا سبورت
http://img576.imageshack.us/img576/4485/56837451.jpg
البندقية دي 100 100
ايوة يا سيد شكلها حلوة و شيك طب دي ايه سرعتها و سعرها وصل كام ؟؟
سرعتها 160م/ث
و السعر حدود 1250 - 1300 جنيه
و البندقية دي بنشنكاه فوسفوري
حلوة اوي دي طب فيه ايه تاني
فاضل بقى الجامو
في جاموياية حلوة كذا واحد بيشكر فيها و قوتها متوسطة و حلوة ليك
طب ايه هية ؟؟
الجامو شادو 640
http://img703.imageshack.us/img703/6039/640q.jpg
اه يا سيد الموضوع بدأ يحلو
طب دي ايه مواصفتها ؟؟
دي سرعتها 168 م/ث
و سعرها 1350 - 1400 جنيه
دي الحجات الاسباني المتوسطة القوى
نيجي بعد كده للتركي
البندقية دي بجد رهيبة و سعرها تحفة
الكرال التركي الفايبر الاسود
http://img842.imageshack.us/img842/8369/14231974.jpg
طب دي ايه سرعتها و سعرها ؟؟
دي سرعتها 240 م /ث
و سعرها 900 -1000 جنيه
ووزنها 2.9 كيلو جرام و ده اللي عاجبني فيها
كمان رد فعلها معقول بالنسبة لقوتها
و فيه بقى الكرال التركي الفايبر باللون البني
http://img51.imageshack.us/img51/1264/31048128.jpg
حلوة دي و شكلها احلى طب دي ايه مواصفتها ؟؟
نفس مواصفات السودة دي بس الوان
بس السعر يختلف
1000-1100 جنيه
الكرال التركي الخشب
http://img87.imageshack.us/img87/239/89680342.jpg
برده نفس المواصفات بس فرق الخامة
دي خشب خشب و انصحك بيها
احسن بكتير دي عندي البندقية دي على فكرة
و سعرها 1200-1400 جنيه
فيه بقى الكرال التركي اللي بعتلة برده نفس المواصفات
دي السودة
http://img823.imageshack.us/img823/5779/24225856.jpg
و دي الخشب
http://img714.imageshack.us/img714/4444/23995348.jpg
و دي سعرها يتراوح بين 1400 - 1600 جنيه
دي الكرال اللي بعتلة و منصحش بيها عشان الصراحة قطع غيارها مش متوفرة و صيانتها اصعب من الكسر
دي البنادق اللي انت تفكر فيها لو انت مبتدئ بعد كده بقى البنادق الهاي بور القوية للمحترفين و اللي منصحكش بيها
اه تمام
طب ممكن كده بس تقولي عليها يعني بداف الفضول
البنادق الهاي بور دي ( الكرال التركي تعتبر بدايات الهاي بور - البام 22 -النوريكا في انواع منها كده معينة هقولهالك بعدين - الجامو في برده انواع منها - الديانا ) طبعا مش دول كلهم بس دي الحجات المنتشرة شوية في مصر
دي اسعارها من 1000 - 8000 تقريبا
و سرعتها طبعا عالية ممكن توصل ل 290 او 300 متر / الثانية و يمكن اكتر كمان
(السرعات دي لنمرة 2 )
يلا مش مشكلة انت مش محتاجها دلوقتي بس هوريك كده مقتطفات سريعة و صور خفيفة كده على السريع
دي الكرال التركي
http://img842.imageshack.us/img842/8369/14231974.jpg
البام 21 و دي تقليد الاير كينج الديانا 52/48 و ممكن بعد كده تتغير سوستتها و الجلبة بجلية و سوستة الديانا
http://img197.imageshack.us/img197/1250/69523392.gif
النوريكا كويك
http://img808.imageshack.us/img808/4341/21873409.jpg
GAMO CFX ROYAL
http://img20.imageshack.us/img20/6802/gamocfxroyal.jpg
الديانا 54
http://img824.imageshack.us/img824/5584/54airking.jpg

طيب تمام كده يا سيد
انت كده قولتلي على البنادق و سرعتها و اسعرها و انا قررت هشتري ايه انا هشتري .......... طب دلوقتي اجيبها منين
فين يعني المحلات
بص يا .......... هية دي اماكن و ارقام تيليفونات المحلات
http://www.egypthunt.net/showthread.php?t=2175
تمام يا سيد انا كده شوفت المحلات و كلمتهم و نزلت اجيب ..........
و بالفعل جبتها دلوقتي بقى ايه يا سيد ناقص ايه
- اكيد طبعا ناقص رش ههههههههه
ولا اول لما تيجي تصطاد الحمام هيشوف البندقية و هيموت من الخوف ههههههه
بص بقى على انواع الرش
الرش المصري
http://img543.imageshack.us/img543/5922/19808298.jpg
ده اسمو باين عليه
اسمو رش الرماية
ده تقريبا احسن رش هوة و المارسمان المصري
رش الرماية ب 3-3.5
رش المارسمان 4-5
هوة المارسمان اغلى بس انا بقول الرماية احسن من المارسمان حاليا
في الاول المارسمان كان احسن
يلا مش مشكلة كل واحد يستعمل الرش اللي يريحو
و فيه برده رش عين شمس و ده اسوء رش في السوق
بعد كده نخش على الاسباني
زي الجامو و ده احسن رش في السوق
سعره من 20 - 25 للعلبة اللي فيها 250 رشة
و دي انواعه
الجامو ماجنوم
http://img703.imageshack.us/img703/3931/79274325.jpg
الجامو ماتش
http://img717.imageshack.us/img717/7710/50385572.jpg
الجامو هانتر
http://img843.imageshack.us/img843/1271/55681949.jpg
دول اكتر انواع من الرش عليها اقبال
طبعا في انواع تانية كتير بس دول يعني اللي عليهم اكبر اقبال
طيب تمام يا سيد استعمل انهو واحد
بص يا سيدي لو انت عندك بندقية هاي بور نمرة واحد زي مثلا النوريكا جيت دي سرعتها تعدي 300 متر / الثانية
يبقى تستعمل رش اختراقه قليل زي كده رش الجامو ماتش بص كده على راس الرشة شكلها عامل ازاي
اظن انت فهمت
لو بقى عندك بندقية متوسطة القوى يبقى تستعمل رش اختراقه عالي
زي الجامو ماجنوم بص برده على راسه عاملة ازاي
عاملة زي راس السهم
اظن برده انت كده فهمت
خلاص كده يا سيد انا فهمت دلوقتي انا جبت الرش .......... لبندقيتي ............
فاضل ايه
فاضل بقى شوية اكسسوارت كده
زي الجراب
http://www.airgunsofarizona.com/BSA%20Case%20-%20Shadow%20Deluxe.gif
ده سعرو يتراوح بين 70 - 150 جنيه
فاضل بقى السكوبات بس مش هقولك دلوقتي عليهم
انا عايزك تتعلم النشان كده في الاول و تبقى متمكن بعد كده اعملي بقى قناص
انت بتتكلم صح ماشي فاضل ايه تاني
انا كده جبت البندقية و الرش و الجراب هجيب ايه تاني
لا مفاضلش الا حاجتين
1- تتعلم النشان طبعا هههههههه
http://games.graaam.com/files/1293037865sniper.jpg
طبعا انت بتفضل تضرب في النص و تنشن و برده الرشة مبتجيش في الهدف
طب و بعدين هية كده البندقية بايظة ولا ايه
لالالالا
انت لازم الاول تظبط النيشان
طب ده اظبطه ازاي يا سيد
بص هية سهلة اوي و انا هقولك على طريقة شوفتها و جربتها و النشان متعبنيش و اتظبط بسرعة
تمام
تمام
طب قولي ازاي
بص يا سيدي
انت عندك بكرتين فوق النشان الخلف صح
اه
الاولى هتلاقيها طالعة من الجمب و التانية فوق النشان تمام
تمام
دلوقتي انت هترسم في ورقة خط بالطول و في ورقة تانية ترسم خط بالعرض
دلوقتي تضرب على الخط اللي بالطول
و تضرب حوالي 10 رشات ولازم ايدك تكون ثابتة و لو حسيت انها اتهزت في رشة متحسبهاش و تضرب تاني
و بعد كده ممكن تلاقي الرش كله جه يمين الخط او شماله او ممكن عليه و تكون مظبوطة هههههههه و يبقى حظ
المهم لو الرش جه يمين الهدف يبقى تلف البكرة الجانبية شمال لفتين و تجرب تاني و تفضل كده لغاية لما تيجي الرشة على الخط بالظبط تمام و العكس لو جت الرشة شمال الهدف يبقى تلف البكرة يمين و تفضل كده لغاية لما تتظبط
و بعد كده تجيب الورقة اللي الخط فيها بالعرض و تضرب فيها 10 رشات لو الرش كان بيجي فوق الخط يبقى تنزل النشان تحت بأنك تربط او تلف البكرة اللي فوق النشان اللي هية الكبيرة تلفها نحية اليمين
تمام لغاية لما تتظبط
و العكس برده صحيح لو انت ضربت و الرش جه تحت الخط يبقى تفك البكرة تلفها شمال
صح كده تمام بس على فكرة انا نسيت اقولك حاجة
مينفعش مثلا تيجي تظبط النشان على مسافة قليلة زي 5 متر مثلا
لو ظبطت النشان على المسافة دي هتلاقي البندقية نشانها مظبوط و بتضرب تمام بس على مسافة 5 متر لغاية 10 متر بعد كده مبتجبش صح
لو عاوز تظبط النشان تظبطه على 10 - 15 متر دي احسن مسافة لو بندقيتك متوسطة
يبقى هتجيب بالظبط ده 10 متر لغاية 40 متر او 30
لكن لو بندقيتك هاي بور هتجيب تمام لغاية 50 متر
بس مين بيشوف بقى
الله يسامحه الكمبيوتر ده على حسب شغلي كله جرافيك ووجع دماغ
اه يا سيد تمام ظبطه و بعدين و خليك في الموضوع جرافيك ايه احنا بنتكلم في الصيد
فاضل ايه تاني !!!!!!!!!!!!!!
طب بتزعق ليه
فاضل انك تصطاد !!!!!!!!!!!!!!!
http://www.syadh.com/vb/imgcache/21147.imgcache.jpg
هههههه
بس كده ممكن اول مرة تنزل تصطاد تلاقي نتايج غير مبشرة او ممكن تلاقي صيد وفير
بس انا بقول اهو
ممنوع ممنوع ممنوع
صيد الطيور التى لا تؤكل
كالصقور والطيور التى لها دور بيئي هام كابو قردان عشان حرام جدا يا جماعة
برده لما تيجي ان شاء الله تصطاد مش تنزل تصطاد ب 60 و 50 حرام ده كده صيد جائر
انت بس تصطاد اللي يكفيك يوم او اتنين ان شاء الله
و كمان احب انوه لنقطة مهمة جدا
لما تيجي ان شاء الله تصطاد
لو الطريدة وقعت حية و انت وصلتلها حية يعني كانت عايشة ساعت لما انت وصلتلها يبقى وجب ذبحها و لم مذبحتهاش يبقى مينفعش تاكلها
لا يجوز
و لو الطريدة وقعت حية و عقبال ما انت وصلتلها كانت ماتت يببقى حلال اكلها
بس لازم قبل ما تضرب تقول ( بسم الله و الله اكبر ) عشان لو الطريدة و قعت بعيد و انت ملحقتهاش و ماتت يبقى اكنك ذكتها
و لو نسيت تسمي يبقى مش مشكلة
و فيه حاجة كمان اسمها نية التسمية
يعني لو انت كان في نيتك تسمي بس نسيت برده حلال اكلها
تمام طيب يا سيد كده الاول هنزل اصطاد فين و هنزل في انهو وقت ؟؟
بص اي مكان فيه حدائق او ارياف ده بتلاقيه مليان طيور
تمام طيب انزل الساعة كام
الساعة 6.30 تكون في الشارع
بس كده عايز حاجة تاني
لالا يا سيد انت كده تمام يلا بقى نزل الموضوع على موقع الصيد في مصر عشان الناس المبتدئين اللي زي حلاتي كده يلاقوا كل اللي هما عايزينه ان شاء الله في الموضوع
خلاص من عنيا الجوز و مناخيري اللوز
بس كده احنا خلصنا
لو الصور مشتغلتش يبقى لازم تسجل في
http://my.imageshack.us/registration/
التسجيل فيه سهل و مجاني
الموضوع غير منقول و خاص بمنتديات الصيد في مصر و غير مسموح بنقله
ارجو التثبيت

jamayka

11-02-28, 10:14 PM

بصــــراحة شديدة ....
مش لاقى تعليق اوصف بيه المــــــــوضوع ولا عارف اوصف الطريقة الجميلة اللى وضحت بيها حاجات كتير يعنى لو واحد مر على الموضوع مرور الكرام كده هيقراه هيقراه ... ربنا يبارك فيك و نورت المنتدى بوجودك و بمواضيعك

sky.line_2010

11-02-28, 10:15 PM

السلام عليكم
بسم الله ما شاء الله موضوع رائع وفى منتهى الجمال واتمنى لك التوفيق وكمان ليا الشرف انى اكون اول واحد يرد على الموضوع وارجو التثبيت

بدر

11-02-28, 10:15 PM

الاخ الكريم
حقيقى اعجز عن اى كلام اعبر بة عن امتنانى وشكر الاعضاء عن هذا المجهود
جزاك الله خيرا

sayed allaa

11-02-28, 10:17 PM

شكرا يا جماعة على المرور و المشاركة
و شكرا على الكلام الجميل ده

jamayka

11-02-28, 10:18 PM

السلام عليكم
بسم الله ما شاء الله موضوع رائع وفى منتهى الجمال واتمنى لك التوفيق وكمان ليا الشرف انى اكون اول واحد يرد على الموضوع وارجو التثبيت

شوفت بقى سبقتك و طلعت انا اول ماحد يرد عالموضوع

khaledabdelnaby

11-02-28, 10:24 PM

memo2224

11-02-28, 10:28 PM

بجد موضوع روعه مشكور مشكور على المجهود الرئع ده

sayed allaa

11-02-28, 10:29 PM

بجد يا أ/ سيد ربنا يباركلك على الموضوع الممتاز ده انا عضو جديد ومكنتش اعرف حاجة عن البنادق بس حسيت انك قاعد معايا فعلا ( وعلى فكرة انت دمك خفيف جدا يا ابو السييييد )

بس سؤال كده فى السريع انا عملت كل اللى انت قلت عليه وعايز اجيب اسكوب عشان انا راجل بنظارة ونظرى على قدى شوية اعمل ايه

الله يخليك يا استاذ خالد ده بس من زوقك
لو عايز سكوب على حسب البندقية مثلا يعني مثلا كده
لو انت عندك بندقية رمسيس و عايز تجيبلها سكوب
مش هتجبلها سكوب 3-9*50 ده مثلا اللي 700 ولا 800 جنيه
صح
عشان البندقية اساسا ب 500 ولا 600 جنيه
على حسب السكوبات عامتا بتبتدي من 100 جنيه لغاية 800 جنيه لل 3-9-50
و لو عايز تجيب واحد كلم الاستاذ هشام سمير
و هوة هيساعدك تجيب واحد ان شاء الله
بس الاحسن في البداية تتعلم على النشان و تتمرن
عشان التيليسكوب هيتعبك شوية اذا كان في ظبطه ولا في الضرب بيه
فيه ناس جابته و بعد مده فكته و ضربت بالنشان
بس طبعا برده مش اي بنادق اللي بيتركب برده عليها السكوب
يعني البنادق الهاي بور
عشان انت اساسا البنادق المتوسطة مداها قليل و انت عايز تصطاد من بعيد يبقى ازاي ؟؟
فهمتني يبقى الاحسن بندقية هاي بور بس مش قوي يعني زي التركي مثلا دي حلوة ليك كبداية
و عليها سكوب 3-9*40 كده تمام

Consul

11-02-28, 10:31 PM

بارك الله فيك أخي الحبيب الأستاذ سيد لوز...دمك شربات وزي العلاء...آسف حبيب قلبي...أستاذ سيد علاء...دمك شربات وزي اللوز...مشكور على هذا الشرح المبسط والسلس وهذه المعلومات المفيدة الجميلة والرائعة...جزاك الله عنا كل خير...وجعله في ميزان حسناتك...وفي إنتظار المزيد من دروسك الجميلة الشيقة الخاصة المجانية...وأرجو أن يقرأها الأخوة الأعزاء المبتدئين جميعا حتى تعم الفائدة وارجو أن يثنوا عليك ويباركوا مجهودك ويحذوا حذوك في إبتكار مواضيع جديدة تفيدنا جميعا...أكرر شكري وتقديري لروحك الحلوة الجميلة وتفانيك في هذا العمل لخدمة إخوانك في هذا المنتدى...خالص تحياتي وتقديري وإحترامي...

sayed allaa

11-02-28, 10:32 PM

بجد موضوع روعه مشكور مشكور على المجهود الرئع ده

شكرا على المرور اخي العزيز

sayed allaa

11-02-28, 10:34 PM

sky.line_2010

11-02-28, 10:35 PM

شوفت بقى سبقتك و طلعت انا اول ماحد يرد عالموضوع

ههههههههه فرق سرعات سيدى الرئيس هههههه

sayed allaa

11-02-28, 10:36 PM

ههههههههه فرق سرعات سيدى الرئيس هههههه

هههههههههه شكرا على المشاركة

hima

11-02-28, 10:48 PM

الله ينور موضوع ممتاز بجد وشكل حضرتك تعبت فيه
ارجو من الادارة التثبيت عشان يستفاد منه الكل

Ebrahim Al Ansari

11-02-28, 10:49 PM

جزاك الله خير موضوع حلو ومتعوب فيه وجهد ممتاز والأهم من كل ده انه مفيد فعلاً

tsakr

11-02-28, 10:54 PM

الله ينور عليك يا باشا
اوجزت فأنجزت
إيه الكلام الكبير ده
:)

khaledabdelnaby

11-02-28, 10:57 PM

الف شكر يا أ/ سيد على الاهتمام والاجابة وسننتظرك فى موضوعات اخرى متميزة مثل هذا الموضوع عن مسدسات الصوت والرش بانواعهم المتاحة فى مصر وتقبل ارق التحيات

sayed allaa

11-02-28, 11:18 PM

شكرا على المرور يا جماعة
و على الردود المشجعة

Mahmoud tork

11-03-01, 12:33 AM

الحمد لله الموضوع ده عامل زي المراجعه النهائية لامم مواضيع كتير ف برشامه واحده... شكرا" على مجهود حضرتك وعلى المشاركة

sayed allaa

11-03-01, 12:45 AM

الحمد لله الموضوع ده عامل زي المراجعه النهائية لامم مواضيع كتير ف برشامه واحده... شكرا" على مجهود حضرتك وعلى المشاركة

ههههههههه شكرا على المرور و المشاركة اخي العزيز

darwish

11-03-01, 12:54 AM

السلام عليكم
جزاك الله كل خير موضوع مهم فى شكل خفيف
وشكر الله لك مجهودك وتقديمك المتميز

sayed allaa

11-03-01, 01:04 AM

السلام عليكم
جزاك الله كل خير موضوع مهم فى شكل خفيف
وشكر الله لك مجهودك وتقديمك المتميز

شكرا على المشاركة
و يسرني ان الموضوع عجبك

Peace Missile

11-03-01, 01:20 AM

sayed allaa

11-03-01, 02:38 AM

موضوع رائع يا استاذ سيد بصراحة .. وانا جديد فى الموضوع دة وياريت جديد فى الصيد وياريت حد يساعدنى
انا عايز بندقيه فى حدود 700 جنيه بالكتير وتكون بتليسكوب اعتقد الشنجهاى التانيه دى كويسه بس اهم حاجة عايز تليسكوب او لو حد ينصحنى بواحدة سعرها كويس وازاى اجيبلها بردة تليسكوب مستريح يعنى كله كدة على بعضة 700 جنيه ........ ارجو المساعدة من اخوانى
شكرا على المرور و يسرني ان الموضوع عجبك
هية الشنجهاي اه تمام و حلوة اوي و سعرها معقول
بس منصحكش تركب سكوب عليها
عشان هية اساسا بندقية متوسطة و مداها مش بعيد اوي
فأحنا بنستخدم السكوب للبنادق الهاي بور
عشان مداها كبير 80-100 متر يعني
ساعتها هتحتاج التيليسكوب عشان تصطاد من بعيد
و التيليسكوبات غالية عن السعر ده
مفيش غير الحجات الصيني بقى و دي علطول بتتكسر و خسارة فيها الفلوس الصراحة و رؤيتها الصراحة مش تمام
فلو عايز بدايات الهاي بور و يتركب عليها سكوب تمام
يبقى تجيب كرال التركي دي بندقية تمام و عندي انا كمان و 100 100
و مواصفتها مكتوبة في الموضوع

Mahmoud tork

11-03-01, 03:22 AM

ياريت لو ألاقي عند حضرتك معلومات عن الكام بندقيه دول يعني زي المواصفات والسعر..
1/slavia 631(التشيكي)
2/Gamo hunter 440
3/Norica marvic gold
4/Gamo cfx royal
5/Norica jet
6/Norica west
7/Norica quickكلهم رقم 2 ما عدا الjetوشكرا"
مقدما"

sayed allaa

11-03-01, 04:14 AM

السلافيا سرعتها 170 متر / الثانية تقريبا // السعر مسألتش عليها الصراحة
الجامو هانتر 440 سرعتها 230 متر / الثانية تقريبا سعرها 2200 جنيه مصري قبل القلق اللي حصل في مصر
النوريكا جولد سرعتها 230 متر / الثانية تقريبا كانت ب 3000 - 3500 جنيه مصري
الجامو سي اف اكس سرعتها 230 متر / الثانية كانت ب 3350 - 4000 جنيه مصري فرق السعر كبير طبعا بس اهو دي كانت اسعار شوفتها
النوريكا جيت سرعتها 305 م\ث لعيار 177(نمره 1) سعرها 1600 - 1800 جنيه مصري
النوريكا ويست السرعة 236 م/ث تقريبا و سعرها 2700 جنية جنيه مصري يزيد او يقل
النوريكا كويك سرعتها 250 متر / الثانية تقريبا سعرها 3200-3500 جنيه مصري
لالا العفو على ايه

Mahmoud tork

11-03-01, 06:35 AM

Abdo

11-03-01, 09:20 AM

كلمة شكرا قليلة
ربنا يباركللك

sadek

11-03-01, 10:15 AM

و الله مش عارف اقولك ايه شكرا جدا علي الموضوع الجميل دا الله يبارك فيك

محمد يونس

11-03-01, 10:42 AM

السلام عليكم وانا احب اشكرك يا استاذ سيد على موضوعك الاكثر من رائع بصراحة واسلوبك الجميل الشيق جدا لدرجة ان اى حد هيفهم الكلام وهو بيضحك كمان فياريت ما تحرمناش من مواضيعك ومنتظرين منك كمان وكمان والى الامام يا بطل لاننا كلنا هنستفيد منك ان شاء الله .
والله ولى التوفيق ..................

msa_79

11-03-01, 11:29 AM

مجهود رائع جداااا بصراحة الموضوع شامل ووافي
جزاك الله خيرا وجعله في ميزان حسناتك

ahmedabutaleb

11-03-01, 01:59 PM

موضوع رائع جزاك الله خيرا انا قريته مرتين لغاية دلوقتى

sayed allaa

11-03-01, 03:12 PM

sayed allaa

11-03-01, 03:13 PM

مجهود رائع جداااا بصراحة الموضوع شامل ووافي
جزاك الله خيرا وجعله في ميزان حسناتك

شكرا على المرور
و اياكم اخي العزيز

sayed allaa

11-03-01, 03:14 PM

موضوع رائع جزاك الله خيرا انا قريته مرتين لغاية دلوقتى

و اياكم اخي العزيز
و لسة ان شاء الله فيه قنبلة تانية هفجرها في قسم الاسلحة النارية

مصراويي

11-03-01, 07:58 PM

sayed allaa

11-03-01, 08:35 PM

ايه الجمال والحلاوة ده يا سيد علاء... الله الله عليك يابني.. انت عامل موضوع في منتهى الشيااااكة
مش عارف حاسس كده اني تقمصت شخصية مدحت شلبي..ههههههههههه

بس والله موضوع رائع وحصري لمنتدانا الغالي تشكر عليه ومستنيينك في مواضيع تانية أقوى و أقوى.. تحياتي

هههههههه شكرا جدا الله يخليك
ده بس من ذوقك
و ان شاء الله هفجر مفاجأة تانية
بس في الاسلحة النارية
ان شاء الله

sayed allaa

11-03-01, 08:52 PM

شكرا" لزوقك واهتمامك بالرد .....ده أولا"
ثانيا" بئا..... كنت عاوز أعرف لو كنت هتختار أول بندقية ليك كنت هتختار أي واحده
1/slavia
2/norica sport
3/ shadow 640
4/jet 1.77
5/hunter 440
6/kural الخشب
وبردو شكرا" مقدما"

اسف اخي العزيز على التأخر في الرد
مشوفتش المشاركة الصراحة اسف
انا كنت هختار النوريكا جيت الصراحة دي بندقية جميلة و رد فعلها ممتاز يعني قليل بالنسبة للقوة دي
ده لو عايز تجيب بندقية حلوة و متجبش حاجة بعديها
بس تبقى حذر معاها جدا
عشان انا قولت في اول الموضوع
الواحد بيحب يجيب حاجة رخيصة عشان الواحد لما يجي يبتدي بيبهدل البندقية معاه
لكن على حسب الشخص مش كلو بيبهدلها على حسب الاهتمام
فحاول تهتم بيها و تحافظ عليها كويس جدا و هتعيش معاك ان شاء الله و هتحببك في الصيد

tamer_tatow

11-03-01, 09:06 PM

سيد باشا ربنا يجازيك خير في حاجة انت مقولتش عليها ونسيتها بعد ما الصياد يبدأ يصطاد والهدف بتاعه يقع انت نسيت تتكلم عن عمليه الذبح ودي مهمة جدا

sayed allaa

11-03-01, 09:08 PM

سيد باشا ربنا يجازيك خير في حاجة انت مقولتش عليها ونسيتها بعد ما الصياد يبدأ يصطاد والهدف بتاعه يقع انت نسيت تتكلم عن عمليه الذبح ودي مهمة جدا

شكرا على التمويه على النقطة دي
و هية مهمة جدا و تمت اضافتها

basemzero

11-03-01, 09:23 PM

بصراحه انا عاجز عن ايجاد اى كلام اعبر بة عن امتنانى وشكرى لهذا المجهود لمساعدة الاعضاء....اخى سيد, لك منى جزيل الشكر و الاحترام.

sayed allaa

11-03-01, 09:29 PM

بصراحه انا عاجز عن ايجاد اى كلام اعبر بة عن امتنانى وشكرى لهذا المجهود لمساعدة الاعضاء....اخى سيد, لك منى جزيل الشكر و الاحترام.

شكرا على المشاركة اخي العزيز
و يارب اكون عند حسن ظنك

lastworld

11-03-01, 09:53 PM

جزاك*الله*كل*خير*على*الوضوع*الشامل*
و*على*فكره*انتا*دمك*خفيف*اوى*
تقبل*مرورى

Egyptiano0o

11-03-01, 10:18 PM

الف الف الف شكر علي الموضوع الجميل جدا
تحياتي وفعلا أفدتني

wmadkour

11-03-01, 10:45 PM

sayed allaa

11-03-02, 02:14 AM

جزاك*الله*كل*خير*على*الوضوع*الشامل*
و*على*فكره*انتا*دمك*خفيف*اوى*
تقبل*مرورى

و اياكم اخي العزيز
ده بس من ذوقك

sayed allaa

11-03-02, 02:15 AM

الف الف الف شكر علي الموضوع الجميل جدا
تحياتي وفعلا أفدتني

العفو و يسرني انك استفدت و ان شاء الله هنشوفك قناص كبير

sayed allaa

11-03-02, 02:16 AM

الف شكر على الموضوع الجميل الشيق البسيط
يقدر حد يساعدنى أشترى جامو سى إف إكس أو نوريكا كويك بسعر كويس (فى اليومين دول) يعنى حد يكون يعرف محل او زبونه يجيبلى سعر كويس يبقى ربنا يكرمه
و لو حد يقترح لى حاجه بعتله بنفس مستوى السعر و بنفس القوه يبقى كتر الف خيره
جزاكم الله خير و حفظكم من كل سوء

العفو و شكرا على المشاركة
لو انت كنت في اسكندرية كنت ساعدتك بس انت في مصر
يبقى عليك و على استاذ هشام سمير
راجل محترم جدا و بيبيع بأسعار جميلة

mrbebo

11-03-02, 03:23 PM

sayed allaa

11-03-02, 03:29 PM

باشا موضوع هايل جدا الله ينور

ممكن تفسير شوية حاجات زي مثلا

ايه الفرق بين النشان العادي والفسفوري وايه انواع النشانات الاخرى لو فيه انواع تاني

شكرا يا باشا وياريت الموضوع يركز على تفسير المصطلحات اللي ممكن تبقى صعبة او مش مفهومة عند كل المبتدئين

الله يخليك ده بس من ذوقك
النشان العادي بيبقى اسود عادي
الفوسفوري بقى بيبقى النشان لونه فوسفوري يعني بينور لما تيجي تنشن
بعكس العادي لونه اسود لما تيجي تنشن بيه تلاقي عينك بتزغلل كده
فأتحلت المشكلة دي النشنكاه الفوسفوري و لا مفيش انواع تانية
و العفو على ايه
انا في الخدمة في اي وقت
و اي حد عندو اي استفسار او اي نقطة مفهمهاش في الموضوع
يكتبلي المشكلة و انا بأذن الله هفهمو الموضوع

sayed allaa

11-03-02, 04:05 PM

بصو يا جماعة عشان انتو بس ظالمين الكرال الخشب على اساس صورة مرسومة بالكومبيوتر بصو كده بقى على الحقيقة بصو ما شاء الله
http://img96.imageshack.us/img96/6195/dscf2211c.jpg
عشان محدش يحكم على اي بندقية بانظر فقط على صورة تصميم البندقية
http://img832.imageshack.us/img832/1552/dscf2212o.jpg
ما شاء الله
لو اي حد يا جماعة عايز يجيب كرال يبقى انصحه بأنه يجيب الخشب
دي 100 100

Consul

11-03-02, 04:40 PM

بارك الله فيك حبيب قلبي...في الأول والآخر دي عملية أذواق...وأكثر الله من خيراتك لمجهودك في التوضيح...بس إللي يشوف أنواع الخشب وخامته وثقله وشكله ( مع الأخذ في الإعتبار الثمن والسعر بالطبع ) في البنادق الأخرى يعرف الفرق...لا أحد يهاجم الكرال بل على العكس نشجعها ونوصي بها بالذات لمن لا يملك قدرة مالية عالية ويريد شراء بندقية قوية وهاي باور...فميزتها أن سعرها معقول ومقبول بالنسبة لخامتها وقدراتها...ولكن من يملك قدرة مالية أعلى وأحسن يفضل طبعا أن يشتري إسم وصناعة وعراقة وخامة ودقة...فالميزة الأساسية في الكرال أنها قوية ورخيصة ومن يشتريها يشتريها على هذا الأساس...فمن غير المبرر أن يشتري ذات الدبشك الخشب بفرق سعر 200 أو 300 جنيه زيادة لمجرد أنه خشب وللأسف نوعية رديئة كالمستحدم في الرمسيس والمعادي ( وهذا عن رؤية بالعين وعلى الطبيعة وتجربة ومقارنة وليس من واقع الصور أو السماع )...في حين أن الفايبر البني بلون الخشب خامته معقولة وشيك ومقبولة شكلا...وكما ذكرت بفرق سعر ليس قليل...وأكرر مرة أخري أنها عملية أذواق وراحة نفسية...وقدرة وإمكانيات مالية...طبعا دى وجهة نظر ورأي شخصي يحتمل الصواب والخطأ...خالص تحياتي...

123mmn

11-03-02, 05:05 PM

معلومات جميله جداً شكراً

Mahmoud tork

11-03-02, 11:50 PM

اسف اخي العزيز على التأخر في الرد
مشوفتش المشاركة الصراحة اسف
انا كنت هختار النوريكا جيت الصراحة دي بندقية جميلة و رد فعلها ممتاز يعني قليل بالنسبة للقوة دي
ده لو عايز تجيب بندقية حلوة و متجبش حاجة بعديها
بس تبقى حذر معاها جدا
عشان انا قولت في اول الموضوع
الواحد بيحب يجيب حاجة رخيصة عشان الواحد لما يجي يبتدي بيبهدل البندقية معاه
لكن على حسب الشخص مش كلو بيبهدلها على حسب الاهتمام
فحاول تهتم بيها و تحافظ عليها كويس جدا و هتعيش معاك ان شاء الله و هتحببك في الصيد
شكرا" جدا" لزوقك وكفايه انك لما شفت المشاركه مطنشتش واهتميت انك ترد وعلى فكرة أنا كمان من اسكندرية وان شاء الله وقت الشرا حبئا أطلب المساعدة يعني لو تعرف حد من التجار....

dr_mohasan

11-03-02, 11:52 PM

بسم الله ماشاء الله , أنا استفدت كتير والله , ومنتظرين تكملة الموضوع بالتفصيل للبنادق الهاى باور

sayed allaa

11-03-02, 11:59 PM

شكرا على المرور و المشاركة يا جماعة
و يا رب اكون عند حسن ظنكم

TELEBK

11-03-03, 01:27 AM

أشكرك شكراً جزيلا ، بالفعل موضوع مميز جدا ، ديه أول مره أدخل علي الموقع ده وده من جظي ، معلومات مهمة ومتقنه ، لكل واحد عايز يبتدي موضع الصيد وإستخدام الأدوات ، جزاك الله كل خير .
د / خالد

sniper shot

11-03-03, 10:03 PM

تسلم ايدك يا ابو السيد على الموضوع الجامد دة
الله ينور ويبارك فيك

sayed allaa

11-03-04, 12:41 AM

شكرا على المشاركة يا جماعة
و لكم مني جزيل الشكر و الاحترام

eng_ahmed

11-03-04, 02:18 AM

ما شاء اللة عليك يا سيد باشا اية الجمال دة
ربنا يبارك فيك يا ريس موضوع يتوزن بالدهب

sayed allaa

11-03-04, 03:04 AM

ما شاء اللة عليك يا سيد باشا اية الجمال دة
ربنا يبارك فيك يا ريس موضوع يتوزن بالدهب

الله يخليك ده بس من ذوقك يا احمد

هشام سمير

11-03-04, 02:15 PM

لا تعليق سوى التصفيق للموضوع الرائع المتميز مثل صاحبه جزاك الله خيراً ايها الرائع المتألق لك منى كل التحيه والتقدير وحقاً يستحق التثبيت بجداره

Peace Missile

11-03-04, 02:50 PM

لدى بندقيه kral magnum 5.5 سؤال هل هناك مشكلة اذا قمت بتعمير البندقيه بدون استخدام رش وضربت بيها بدون رش هل تؤثر على البندقيه ؟؟؟؟

sayed allaa

11-03-04, 03:33 PM

لا تعليق سوى التصفيق للموضوع الرائع المتميز مثل صاحبه جزاك الله خيراً ايها الرائع المتألق لك منى كل التحيه والتقدير وحقاً يستحق التثبيت بجداره

شكرا على النشاركة استاذنا الكبير هشام سمير
و لك مني جزيل الشكر و الاحترام

sayed allaa

11-03-04, 03:34 PM

لدى بندقيه kral magnum 5.5 سؤال هل هناك مشكلة اذا قمت بتعمير البندقيه بدون استخدام رش وضربت بيها بدون رش هل تؤثر على البندقيه ؟؟؟؟

اه طبعا الكلام ده ممنوع انك تعمر البندقية و تضرب بيها و هية فاضية ده بيقصر من عمر البندقية
بس لو عملتها مرة قبل كده يبقى خلاص و متعملهاش تاني
الكلام ده يمشي على كل البنادق
ممنوع الضرب بالبندقية و هية فاضية منغير رش

ahmed_su

11-03-04, 09:00 PM

سيد باشا ...

مش عارف اقولك ايه بصراحة ...

الموضوع غاية فى الجمال ومفيد بطريفة قوف الوصف

مافيش حاجة توفيك قدرك غير جزاك الله كل خير

تفبل تحياتى وتمنياتى بالتوفيق

صائد البوم

11-03-04, 11:04 PM

ايه الطعامه دي ايه الحلاوه دي ياسلام يا فنان والله ابهرتنا وافدتنا شكرا علي المجهود الرائع دا يا استاذي المحترم ابو السيد وكمان بدحرج التماسي علي الاستاذ هشام سمير الرائع اخوكم احمد من البحيره

هشام سمير

11-03-04, 11:11 PM

صائد البوم

11-03-04, 11:22 PM

اانا ان شاء الله من ابو حمص يا استاذي المحترم

صائد البوم

11-03-04, 11:23 PM

انا خريج تجاره 23 سنه

sayed allaa

11-03-05, 04:18 AM

شكرا على المشاركة يا جماعة
و الحمد لله ان الموضوع عجبكم
و ان شاء الله هكون عند حسن ظنكم

Ebrahim Al Ansari

11-03-05, 04:22 AM

مشاهده إيه بس يا أستاذ سيد
قول شكراً على المذاكره.. ده الموضوع بقى مرجع ليا كل ما أحب أفتكر معلومه بفتحو وأقعد أذاكر منه.. وأعتقد مش أنا بس اللى بدعيلك
فعلا موضوع متعوب فيه وجزاك الله خير

sayed allaa

11-03-05, 04:25 AM

Mkhalil

11-03-05, 10:28 PM

شكرا على الموضوع الجميل بارك الله فيك

shamshon

11-03-06, 04:34 AM

اللة ينور عليك ويباركللك

sayed allaa

11-03-06, 05:43 AM

شكرا على المشاركة
و يسرني ان الموضوع عجبكم

محمد السيد فهيم

11-03-07, 12:41 AM

بجد شكرا جدا على الموضوع الرائع

oteote2010

11-03-07, 01:48 PM

مشكووووووووووووووور انت جامد وموضوع اجمد برافو عليك واستفدت فعلا من الموضوع ده

تعرف انا من زمان اوي كنت صغير لسه يعني من حوالي 14 سنه كان في بندقيه رش عجباني اوي وسالت عليها .

اكتر من مره . كانت ب60 جنيه هههههههههههههه

مش عارف كانت بندقيه تعبانه ولا زمان كانت الحجات دي رخيصه ولا ايه .

sayed allaa

11-03-07, 01:55 PM

شكرا على المشاركة يا جماعة
ههههههههه لالا 60 جنيه حلو اوي
حجات زمان كانت رخيصة اوي

bassem nawar

11-03-07, 11:23 PM

sayed allaa

11-03-08, 07:06 AM

طيب اقولك ايه يا استاذ سيد ده الكلام كله خلص, موضوع كنت نفسي فيه جدا عشان نفسي اصطاد و دمك زي العسل و انشاء الله اهلي يوافقو اني اجيب عدتي و ابدأ الهواية العظيمة دي ..و كنت عايز اسئلك هو ينفع الصيد بمسدس الرش و هو انجليزي و ماركته ويبلي و شكرااا يا باشا:d

هههههههه الله يخليك ده بس من ذوقك
و الله مسدسات الرش عامتا ضيفة ده عن تجربة ناس كتير و لو ايه يعني
لو المسدس كان جدع اوي ممكن يوقعلك عصفورة كده لسة صاحية من النوم على شجرة مفيهاش ورق
و يبقى الكلام 100 100
و ان شاء الله تجيب احلى و احسن عدة
و نقولك ان شاء الله بالهنا و الشفا

amer ibrahim

11-03-09, 03:33 PM

موضوع رائع لكن محتاج تنظيم أكتر.

fidodido

11-03-09, 06:23 PM

بارك الله فيك

Moustafa Magdy

11-03-09, 11:46 PM

ما الفرق بين الكرال هاى بور و العادى ..... شكرا

sayed allaa

11-03-10, 01:54 PM

شكرا يا جماعة على المشاركة
و بالنسبة لسؤال الاستاذ مصطفى مجدي
الكرال منزلش منها غير نوع واحد بس الهاي بور
و كلمة الهاي بور دي يعني بندقية شديدة القوة بتكسر حاجز 200 متر / الثانية تقريبا
و لو محتاج توضيح اكتر انا تحت امرك

selkaaa

11-03-12, 05:55 PM

يا ترى يا جماعة ايهما افضل : الكرال التركي او النوريكا الاسبانى ؟؟ و ما هو سعر الديانا 350 ماجنوم؟

lastworld

11-03-12, 06:07 PM

يا ترى يا جماعة ايهما افضل : الكرال التركي او النوريكا الاسبانى ؟؟ و ما هو سعر الديانا 350 ماجنوم؟

على حد علمى الكرال احسن
و اسال برضه سيد هوا معاه كرال ممكن يفيدك

selkaaa

11-03-12, 06:37 PM

يا استاذ سيد مين فيهم احسن الكرال التركي او النوريكا الاسبانى و اه افضل الموديلات؟؟؟؟

braveheart

11-03-12, 06:52 PM

أنا رأيي إن الأسباني أفضل من التركي و فرق السعر بسيط .. و الألماني أفضل من الأسباني ... و لكن فرق السعر كبير جدا ...
و بالتالي فإن الأسباني هو الأفضل من حيث الجودة و القوة و السعر في السوق .. و هذا رأيي ... و الله أعلم.

selkaaa

11-03-12, 06:56 PM

طيب و متوسط سعر الاسبانى كام ؟؟؟

sayed allaa

11-03-12, 07:01 PM

يا استاذ سيد مين فيهم احسن الكرال التركي او النوريكا الاسبانى و اه افضل الموديلات؟؟؟؟

معلش يا اخي العزيز
اسف جدا على التأخر في الرد عشان مشغول شوية
ارجو ان تتقبل اسفي
بالنسبة لسؤالك
طبعا الاسباني احسن
النوريكا بس مش اي نوريكا مش يعني مثلا تيجي على نوريكا مثلا 56 دي و تقول هيا ولا الكرال
الكرال طبعا
لكن مثلا لما المقارنة تبقى بين الكرال و الجيت تبقى الجيت طبعا فهمت قصدي
و بالنسبة لأفضل الموديلات
انصحك بالجيت 1 ده في النوريكا لو انت في البداية لسة

sayed allaa

11-03-12, 07:02 PM

و بالنسبة لسعر الديانا ماجنوم وصل ل 6000 تقريبا
و الاسعار كتير و انواع كتير اوي
انت تقول امكانياتك و هقولك تجيب ايه

Aboyassin

11-03-12, 09:31 PM

الإخوه الكرام
موضوع جميل و شيق و جهد مشكور منكم
جزاكم الله خيرا

sayed allaa

11-03-12, 11:44 PM

الإخوه الكرام
موضوع جميل و شيق و جهد مشكور منكم
جزاكم الله خيرا

و اياكم اخي العزيز
و شكرا على المشاركة

ahmedamr80

11-03-14, 12:47 AM

السلام عليكم،
أولاً أحب أن أشكرك على هذا الشرح الوافي الذي مكنني من معرفة بعض الأمور عن البنادق.

أنا أشتريت بندقية كرال رش نمرة 2 من فتح الله بـ2000 جم وطبعاً عرفت من حضرتك إني إضحك عليه ولكن أنا إشتريتها في ظل ظروف الإنفلات الأمني، فالحمد لله وقدر الله وماشاء فعل.

أرجو منك نشر موضوع عن كيفية الحفاظ وصيانة هذه النوعية من البندقيات.

وجزاك الله كل خير.

وليدعادل

11-03-14, 01:08 AM

يأستاذ سيد والله شاكر لذوق حضرتك و انك وجهتني علطول لاني فعلا ليسه مشترك انهارده و بتصفح في المنتدي علشان انا بحب الصيد بس مكنتش لاقي اللي يوجهني و ان شاء الله انا هاخد اول خطوه زي ماحضرتك قولت كده و اشتري و ان الله اشوف حضرتك في رحلة صيد بقي علشان نتعلم من خبرات حضرتك..... شكرا مره اخري

noricawy isa

11-03-14, 01:55 AM

والله العظيم بجد بجد انا مبسوط جدا من الموضوع وعلي فكره شوف انت اخدت حسنات اد ايه لان كل اللي قرا الموضوع اكيد دعالك واستفاد من معلوماتك الجميله وانا احييك فعلا علي مجهودك واتمني من الاداره تثبيت الموضوع لانو مفيد جدا جدا وتاني مره بشكرك علي روحك الجميله ومجهودك الجبااااااار في مساعدة الصيادين - تحياتي لك - احمد نوريكاوي

braveheart

11-03-14, 12:30 PM

بجد رووووووووعة الروعة ... شكرا جدا علي المعلومات القيمة دي ... و ننتظر منك المزيد يا أبو السيد.

sayed allaa

11-03-14, 02:53 PM

أ / احمد عمرو أ / وليد عادل أ/ احمد نوريكاوي أ / بريف هارت
شكرا على مروركم العطر و ان شاء الله اكون عند حسن ظنكم

سمسم

11-03-14, 10:54 PM

السلام عليكم يا ا/ سيد
المعلومات دى بجد قيمة جدا و سهلة و بسيطة و وصلت المعلومة و انا عايز اقولك حاجة....
(خيركم من تعلم العلم و علمه) و ربنا يكرمك و يزيد في معلوماتك

سمسم

11-03-14, 11:50 PM

معلش سؤال هي كل انواع البنادق الرش و البنادق الهاي باور مش محتاجة ترخيص يعنى اي حد يقدر يشتريها و يشلها عادى ؟؟؟؟؟

sayed allaa

11-03-15, 01:33 PM

شكرا يا سمسم على المشاركة
بالنسبة لسؤالك
اه كل البنادق الهوائية عامتا مش محتاجة ترخيص
الهاي بور مش محتاج ترخيص و تقدر تمشي بيها عادي جدا

MWAbozaed

11-03-15, 03:44 PM

مشكور اخي العزيز على المجهود الرائع

سمسم

11-03-15, 08:38 PM

الف الف شكرا على الرد

mahmoudalaa

11-03-15, 11:12 PM

تمام اوي كدة حضرتك افدتني كل الافادة بس انا برضو لسة مش لاقي حد ينزل معايا ويشجعني اول مرة

osamaboha

11-03-16, 12:42 AM

موضوع متميز

bahy

11-03-16, 12:51 AM

موضوع رائع بارك الله فيك ورجاء انا محتار على بندقيه هاى بور ممكن اجيبها من مصر او الاسكندريه متعدده الطلقات بمعنى وجود خزنه فيها وتلسكوب ولايهم التكلفه بس ياريت تكون السرعه مش اقل من 300 م ث مقاس 2 ولكم جزيل الشكر والثناء

Doctor2011

11-03-16, 02:52 PM

عمل رائع وشكرا بالنيابة عن المبتدئين

سمسم

11-03-16, 10:16 PM

من فضلكو عاوز اعرف ايه الفرق بين البنادق اللى بعتلة و الكسر و يعنى ايه المصطلحين دول اصلا ؟؟؟
و هو فى في بنادق رش بخزنه و لو فيه يا ريت انواعها و معلومات عنها و هل البندقية التركى بخزنة و لا رشه رشه
و الف شكر
اخر سؤال معلش هى البندقيه ازاي بتضرب الرشة هل زى مسدس الرش بامبوبة غاز ولا ليها ميكانيكية تانية معلش اسئلة كتيرة ؟؟؟؟ بس البحر بيحب الزيادة و الواحد مسدء انه يلاقى الخبرات اللي يثق فى معلوماتها .

و 100000000000000000 شكر

sayed allaa

11-03-16, 10:37 PM

شكرا على المشاركات يا جماعة
و بالنسبة لسؤال الاستاذ bahy
انا انصحك
gold star من b s a دي بخزنة 10 طلقات بس سرعتها 25 م / ث تقريبا
و كان فيه واحدة كمان ديانا
ماجنوم r 350 بيتهيألي ده اسمها ان لم تخونني الذاكرة
و بالنسبة لؤال الاستاذ سمسم
الفرق
الكسر : حلوة و الله حلوة هههههه بهزر الكسر عيبها ان الماسور بتتني بعد مدة من الاستعمال
العتلة : الميكانيكية بتاعتها اصعب ده من وجهه نظري و بالتالي صيانتها اصعب
لا من بأمبوبة غاز
لا الرشة بتنطلق بدفع الهواء طب ازاي ؟؟
فيه جوة سوستة السوستة دي بعد التعمير بتدفع هواء و ضغط الهواء عالي
فبيدفع الرشة بس كده
ده ابسط شرح عشان ابسط الموضوع عليك يبقى اسهل يعني و تفهمه بسهولة

سمسم

11-03-16, 10:49 PM

و هل البندقية الكرال التركى بخزنة و لا رشه رشه
و الف شكر
ا

و 100000000000000000 شكر[/quote]

eltenen101

11-03-16, 10:57 PM

بارك الله فيك وشكرا على هذه المعلومات القيمه وفعلا استفدت كتير باكرر الشكر لحضرتك

lastworld

11-03-16, 11:00 PM

و هل البندقية الكرال التركى بخزنة و لا رشه رشه
و الف شكر
ا

و 100000000000000000 شكر[/quote]

الكرال التركى رشه رشه و اللى موجوده فى مصر كسر
و فى بعتله بس نادره شويه

dark-hunter

11-03-17, 03:39 AM

ممكن ولو فيها رغامة انواع الاسباني بالصور واسعارهم عشان انتوا عارفين التجار غلسييين اوي ولو انت مش فاهم في البنادق مبيردوش عليك والمعلومة تخدها منهم بالعافية ومغليين اوي الاسعار

spidermannnnnn

11-03-17, 12:52 PM

[center]
بس انا بقول اهو
ممنوع ممنوع ممنوع
صيد الطيور التى لا تؤكل
كالصقور والطيور التى لها دور بيئي هام كابو قردان عشان حرام جدا يا جماعة
برده لما تيجي ان شاء الله تصطاد مش تنزل تصطاد ب 60 و 50 حرام ده كده صيد جائر
انت بس تصطاد اللي يكفيك يوم او اتنين ان شاء الله

طبعا الموضوع جامد بس انا عاوز انوه على النقطة الى انت كاتبها بتاعة الطيور التى لاتؤكل
طيب بالنسبة للغربااااااان الى عمالة تاكل فى الزغاليل والحمام والارانب الى عندى فوق السطح
اعمل فيها ايييييييييييييييييه
:):)

sayed allaa

11-03-17, 02:55 PM

شكرا يا جماعة لكل من شارك في الموضوع
بالنسبة للاستاذ دارك مان
الماركات كتير و الاسعار اكتر
و انت قول امكانياتك و اقولك على احسن نوع تجيبه و انا انصحك لو انت مبتدأ النوع اللي انت هتجيبه ميزدش عن 1800 - 1900
عشان حرام انت لسة في الاول و اكيد البندقية هتتبهدل معاك فمتجبش حاجة غالية تتبهدل منك و تزعل عليها بعدين
و بالنسبة للأستاذ spidermannnnnn
الغربان متقتلهاش الا في حالة واحدة انها بتأذيك او بتاكل من صيدك او بتضرك يعني
لكن لو الغراب ماشي في حاله و انت تيجي تضربه انا بقول بلاش كده بس زي ما قولتلك لو بيأذيك
و شكرا مرة تانية على المشاركات يا جماعة

braveheart

11-03-17, 03:30 PM

شكرا على المشاركات يا جماعة
و بالنسبة لسؤال الاستاذ bahy
انا انصحك
gold star من b s a دي بخزنة 10 طلقات بس سرعتها 25 م / ث تقريبا
و كان فيه واحدة كمان ديانا
ماجنوم r 350 بيتهيألي ده اسمها ان لم تخونني الذاكرة

تعديل بسيط بعد إذن سيادتك .. الديانا ماجنوم 350 لا يوجد لها خزنة .. أما الديانا r 300 فهي بخزنة 7 طلقات .. كما يوجد الجامو شادو 1000 بخزنة 10 طلقات و الفايروخ 97 و بها خزنة 4 طلقات.

و الجامو تعتبر أفضلهم من وجهة نظري الشخصية نظرا للسرعة 305 م/ث و الوزن 2.8 كجم .. فهي مدفع بمعني الكلمة و لكنني لا أعرف الأسعار الأن.

تقبلو مروري.

سمسم

11-03-17, 08:07 PM

يا ريت نعرف سعر الجامو شادو 1000 بخزنة 10 طلقات ؟؟؟؟؟؟؟ لو حد عنده فكرة
صيامكو كان عامل اعلان في الوسيط على 950 ج و لما كلمتهم قالتلى اللى ردت انها اسبانى و بعد كده قلتللى معلش معايا تليفون و قفلت.
فلو حد يعرف سعرها و معلومات عنها يا ريت يفيدنا ............. و هل هي احسن من الكرال التركي و يا سلام لو ليها صورة

sayed allaa

11-03-17, 08:32 PM

شكرا لكل من شارك بالموضوع
و بالنسبة للأستاذ سمسم
بص نصيحة اخوية
متجبش حاجة غالية لو لسة انت مبتدأ عشان اكيد و هيحصل البندقية هتتبهدل معاك ده لازم يحصل لكل مبتدأ
عشان بعد كده متزعلش على المبلغ اللي دفعتو
و القرار يرجع ليك في النهاية
اما بالنسبة لسعر الجامو شادو ماتيك
و بالنسبة للسعر انا مفتيش معرفش الصراحة مسألتش عليها
كلم فتح الله و شوف هيقولك ايه
و دي صورتها
http://www.stcstores.co.uk/ekmps/shops/seatontrading/images/gamo-shadowmatic-break-barrel-air-rifle-995-p%5Bekm%5D1333x300%5Bekm%5D.jpg
ههههه انا بالنسبالي كل الجامو بقوا شبه بعض
و اي استفسار تاني انا في الخدمة

سمسم

11-03-17, 08:48 PM

الف شكر على الرد و ربنا يكرمك
دى هى هى الكرال
بس انا متهيئلى ان الفرق في ان الجامو فيها خزنة صح؟؟؟؟
و ربنا يجعلها معرفة خير انشاء الله

sayed allaa

11-03-17, 09:53 PM

العفو على ايه يا سمسم احنا كلنا اخوات
اه هوة الكرال نسخة من الجامو بس الفرق الخزنة
و النظام هيبقى في الجامو انك هتكسر و تضرب يعن يتعمير برده
بس الخزنة اللي زيادة و ربنا معاك
و اي سؤال تاني انا في الخدمة

fidodido

11-03-18, 04:15 AM

انا الصراحه بومبهر انا الصراحه كنت ناوى اشترى مسدس صوت بس انا عدلت عن الفكره و انشاء الله هشترى رمسيس و اتعلم

dark-hunter

11-03-18, 04:57 AM

سوال ال بي اس عايز صورة ليها بعد اذن الناس

tamercad

11-03-18, 10:12 AM

الف شكر ياستاذ سيد موضوع رائع ومفيد لناس كتير وطريقة طرحه عبقرية

sayed allaa

11-03-18, 02:58 PM

شكرا على المشاركات يا جماعة
و جزاكم الله كل خير
و يا رب اكون عند حسن ظنكم

سمسم

11-03-18, 03:28 PM

السلام عليكم يا سيد باشا
عازينك تكمل الموضوع و تجاوب لينا على بعض الاسئلة انت عارف ان في منا مبتدئين مثلا:
ايه الفرق بين الرش 1 و 2
هل اي بندقيه تشتغل على النوعين و لا كل بندقيه تشتغل على نوع و احد بس
ايه الانواع اللى بتصطاد ب 1 و الانواع اللى ب 2
احسن اوقات الصيد
لو ممكن اماكن الصيد
عندى اقتراح ممكن نعمل جدول يبين انواع و مميزات و عيوب و خصائص كل بندقئية و احسن استخدام ليها و كل بندقية بتصطاد انواع ايه.
لو عملت الجدول ده والله تاخد عليه براءة اختراع و تسجله باسمك.....
و الف الف شكر

SamerAsaad

11-03-18, 03:54 PM

بعد اذن الاستاذ سيد
الفلرق بين رش نمرة 1 و2 هو مقاس الرشاية والبتالي وزنها
رش نمرة 1عيارها 4.5 مم 0.177 بوصة
رش نمرة 2 عيارها 5.5 مم 0.22 بوصة

مش اي بندقية ممكن تستخدم اي مقاس من الرش لان ده يتوقف علي فتحة المسورة

السوال بالنسبة للرش المصنوع من الرصاص هل يسبب تسمم للحم الطير لان الرصاص مادة سامة؟ نرجو الافادة

unknown

11-03-18, 08:44 PM

الله ينور يا استاذ سيد وفعلا موضوع جيد

mmibrahim

11-03-18, 10:05 PM

جميل والله تسلم ايديك
انا معايا رمسيس نمرة 1 وعايز اصلخها عند حضرتك فكرة عن مكان كويس وم غالي
0124704070
مهندس/ معتز

sayed allaa

11-03-18, 10:52 PM

شكرا جدا يا جماعة على التفاعل
اما بالنسبة لسمسم جي ان شاء الله
و هحضرلك طلبك عن قريب بأذن الله
و الاستاذ SamerAsaad جاوبك على كل حاجة
اما بالنسبة ل Samer والله انا شايف ان الموضوع عادي جدا و علطول بنصطاد و محصلش حاجة
اما لو انت لاحظت تغير في لون اللحم يبقى ده كده باظ
بس اطمن كله بيصطاد و الناس بتصطاد بالرش الرصاص علطول و من زمان و مسمعناس اي حاجة عن الكلام ده
بالنسبة mmibrahimل
انا و الله مبتعاملش الا في اسكندرية
لو كده ممكن تروح لفتح الله اللي في محطة مصر - اسكندرية
اما لو في القاهرة انا سمعت عن واحد اسمو شريف بس مجربتهوش و متعاملتش معاه
بس عنده ورشة
بس انت حدد انت فين و الناس بأذن الله
هيفيدوك بخصوص اقرب ورشة ليك

body man

11-03-19, 05:19 PM

موضوع رائع وجميل وتحفة وفلة شمعة منورة ولازم يثبت

قناص الاردن

11-03-19, 07:08 PM

يامعلم شي حلو كترررررررررررررررررررررر

sayed allaa

11-03-19, 08:51 PM

شكرا على المشاركة يا جماعة و يسرني ان الموضوع عجبكم

SamerAsaad

11-03-20, 10:56 AM

ياريت يا جماعة لو حد يقدر يحط حاجة عن اوقات ومواسم الصيد في مصر

sayed allaa

11-03-20, 06:18 PM

بالنسبة للوقت
يبقى زي منا قولت الساعة 6.30 تبقى في الشارع ده في الشتاء
اما الموسم
هوة الصيد عامتا بيبقى اكتر في الشتاء
في الصيف بتلاقي الصيد قل عن الشتاء
بس بالنسبة للمواعيد
هيبقى 5.30 في الصيف عشان التوقيت هيتغير ان شاء الله

FPE a.abdo

11-03-20, 09:41 PM

sayed allaa

11-03-20, 10:23 PM

بندقيه نوريكا 56 نمرة 2
قمت بالضغط علي الزناد قبل رد الماسورة وهي مكسوره ولم ترد الي وضعها
اشعر الان ان بها تغير في الحركه واصوات غريبه عند كسر البندقيه لضغطها بالهواء
رجااااااااااء الاهتمام

انا مش فاهم اوي
هوة انت قصدك انت كسرت الماسورة (عمرتها) و بعد كده ضربت الزناد و الماسورة مكسورة
و الماسورة مردتش لو كده
يبقى غالبا السوستة مكسورة طالما بتفوت و لو جربت تهز البندقية كده هتسمع صوت شخللة جوة
لو كده يبقى السوستة فعلا اتكسرت
و ممكن برده الزناد مش شغال مبيضربش
مبيعديش السوستة و السوستة لسة متعمرة فيه كذا احتمال
بس لو انت سمعت صوت شخللة جوة يبقى السوستة اتكسرت
و ممكن الزناد برده دول احتمالين
و انا هقولك نصيحة اخوية كده متفكش البندقية و انت معندكش خبرة في الفك و التركيب الا لو انت سبق و فكيتها و ركبتها و عارف الموضوع كله
انت تاخدها لاقرب ورشة صيانة للأسلحة و انت شاء الله هيظبطهالك
و ربنا معاك

FPE a.abdo

11-03-20, 11:16 PM

بعد التحيه شكرااااااااااااااااا للاهتمام
مفيش صوت شخلله في الحالتين (والماسورة مكسورة او مقفوله )
بس حركة الدراع اللي من تحت الماسورة وداخل جوه البندقيه تقلت
لكن في صوت تكريك في حركة الدراع قبل ماتقفل البندقيه لما ترفعه وتنزله تاني بحركه خيفه
يعني مش لتحت خالص ولا لفوق لدرجه انك هتقفلها ومكنش موجود قبل كده
غير كده الزناد شغال والبندقيه بتضرب وضغطها كويس

محمد فارس النمر

11-03-20, 11:23 PM

جزاك الله كل خير عنا .
و بارك لك فى علمك ......
وارزقنا خيره .....
ان شاء الله هاشترى الكرال الفيبر ....... بس المهم رحلات الصيد و الصحبه ...

sayed allaa

11-03-20, 11:31 PM

شكرا يا جماعة على المشاركات
و بالنسبة للاستاذ FPE a.abdo
انا برجح ان دراع التعمير بيحتك بجسم البندقية
عشان كده حسيت التعمير بقى اجمد
انت تفك البندقية و تكسرها متعمرهاش و تشحم دراع التعمير و جسم البندقية اللي دراع التعمير بيحك فيه
و تتأكد ان قطعة البلاستيك اللي بتمنع الاحتكاك بين جسم البندقية و دراع التعمير موجودة
و جرب و قولي

sky.line_2010

11-03-21, 12:54 AM

AizO

11-03-21, 10:44 AM

السلام عليكم

كم انت رائع فى شرحك وفى تفاصيلك الدقيقه

وفعلا انا مبتدأ جدا جدا جدا وانت بموضوعك الجميل افتدنى وانقذتنى

جزاك الله كل خير

sayed allaa

11-03-21, 04:30 PM

شكرا يا جماعة على المشاركة و يارب اكون عند حسن ظنكم

sakr2010

11-03-22, 01:44 PM

مشكووووووووووووووووووووووووووووووووووووووووور

sakr2010

sayed allaa

11-03-23, 02:15 AM

العفو على ايه كلنا اخوات هنا
و شكرا على المشاركة

Nouma

11-03-23, 10:00 AM

انا لسه مبتدا و عاوز اشترى حاجه كويسه و مش مهم المبلغ كام
تنصحنى اشترى نوع ايه

Mohamed Mahmoud

11-03-23, 02:36 PM

اقل كلمة ممتازززززززززززززززززززززززززززززززززززززززززززززز ززززززززز

sayed allaa

11-03-23, 06:55 PM

شكرا على المشاركات يا جماعة
و بالنسبة لسؤال الاستاذ Nouma
انا هقولك على حاجة
الصراحة حرام لما تشتري بندقية غالية و انت لسة مبتدأ عشان انت هتبهدلها جامد ده طبيعي عادي عشان لسة بتتعلم
انا بقولك نصيحة تختار اي بندقية من البنادق اللي انا كاتبها في الاول
غير كده بلاش
بعد بقى ان شا ء الله لما تبقى متمكن
ابقى هات اللي انت عاوزه
شوف انت عندك من 800 - 1500 جنيه متجبش حاجة اغلى من كده
و شوف فيه حجات كتير انا كاتبها
المصري / الصيني / الاسباني نوريكا / الاسباني جامو / الكرال عندك حجات كتير شوف انت هتستريح لأيه
او قول انت عاوز تدفع في كام كبداية
اصل برده مينفعش تبقى لسة في الاول و تروح تجيب ديانا 54 ب 6000 جنبه
صح هتبهدلها
شوف انا كاتب كذا نوع و كاتب سعره
شوف انت هتستريح لأنهو واحد و كلهم كويسين و جيبه و اتعلم عليه و بعد كده ابقى جيب اللي نفسك فيه

sakr2010

11-03-24, 03:52 AM

منتظرين من حدرتك جزء ثانى للاحتراف وياريت يكون شامل اعمال الصيانة

وشكرا

محمد سيد أحمد هيكل

11-03-24, 03:03 PM

بسم الله الرحمن الرحيم
بارك الله فيك عرض وافى وواضح للموضوع وأستفدنا منه تقبل عظيم شكرى

sayed allaa

11-03-25, 04:52 AM

شكرا على المشاركات يا جماعة و يارب اكون عند حسن ظنكم

aymoon_apl

11-03-30, 05:09 PM

حقيقى عاااااااااااااااجز عن الشكر جزاك الله خيرا والله وفرت عليا مجهود كبير جدا ربنا يجزيك عن كل اللى هايستفاد من الموضوع خيرا وربنا يعينك دائما على فعل الخيرات وأتشرف كتي بصداقتك أخوك أيمن

sayed allaa

11-03-31, 08:10 AM

شكرا يا ايمن على ايه احنا كلنا اخوات
و ده الشرف ليا انا
و جزاك الله كل خير

well12m

11-04-01, 05:13 AM

medo hetler

11-04-01, 09:36 AM

موضوع بغاية الروعة وشكرا . اللهم احفظ شعب مصر

EGYKINGAYMAN

11-04-02, 04:44 AM

ممتاز ممتاز الموضوع ده هو المرجع الاساسى لنا
ارجو اضافه جزء بسيط عن كيفيه المحافظه على البندقيه بنفس الطريقه يعنى اعمال التنظيف والتزييت والتشحيم الدوريه البسيطه للمحافظه على البندقيه وشكرا

mdfd5

11-04-02, 06:20 AM

موضوع فوق الممتاز ولكن ينقصه بعض التفاصيل ليصبح شامل
- و هي طريقة التنظيف و التشحيم و أفضل أنواع الشحوم والزيوت و أماكن بيعها و أسعرها
- طريقة المحافظة على البندقية قبل و بعد الاستخدام
- الفرق من حيث الافضل من بين نمرة 1 و نمرة 2 علما بأن نمرة 2 سعرها أغلى و سرعتها أقل من نفس نوع البندقية، فما السبب؟
حيث ان تلك النقاط مهمة جداً للمبتدئين
و مع جزيل الشكر

elnawawy

11-04-05, 02:33 PM

اولا شكر لكاتب الموضوع الجامد جدا واسف علي التأخير في الرد لاني لسه جديد و اخد مني 3 ايام علشان اشوف كل الردود وافهمهم كمان :confused:
موضوع فوق الممتاز ولكن ينقصه بعض التفاصيل ليصبح شامل
- و هي طريقة التنظيف و التشحيم و أفضل أنواع الشحوم والزيوت و أماكن بيعها و أسعرها
- طريقة المحافظة على البندقية قبل و بعد الاستخدام
- الفرق من حيث الافضل من بين نمرة 1 و نمرة 2 علما بأن نمرة 2 سعرها أغلى و سرعتها أقل من نفس نوع البندقية، فما السبب؟
حيث ان تلك النقاط مهمة جداً للمبتدئين
و مع جزيل الشكر

انا رأي ان الكلام دا ينحط في موضوع منفصل
حرااااااااااااااااام احنا عملنا حوالي 16 صفحه اللي هيدور علي الصيانه هيلف كتير في الموضوع علشان يلاقيه .

lankash

11-04-05, 07:48 PM

انا اسف بجد بس عاوز من حضرتك رد قاطع انا لسة مبتدأ وعاوز اجيب بندقية بسعر مش كبير ومحتار بين رمسيس ومعادى رقم واحد واتنين ارجوك انصحنى نصيحة مباشرة الدقة والسرعة والمدى

sayed allaa

11-04-06, 12:33 PM

بصراحه كلام زى الفل بس ليه استشارة بسيطه على الكلام دة انا اعتقد انه العكس وليس كما مكتوب

و بعد كده تجيب الورقة اللي الخط فيها بالعرض و تضرب فيها 10 رشات لو الرش كان بيجي فوق الخط يبقى تنزل النشان تحت بأنك تربط او تلف البكرة اللي فوق النشان اللي هية الكبيرة تلفها نحية اليمين
تمام لغاية لما تتظبط
و العكس برده صحيح لو انت ضربت و الرش جه تحت الخط يبقى تفك البكرة تلفها شمال
ارجو التوضيح

شكرا على المشاركة و بالنسبة لسؤالك
هوة اه
بس اهم حاجة لما تفك البكرة النشان هيطلع فوق
تقفل البكرة النشان ينزل لتحت انا اصل كنت بشرح على اساس
بندقية صيني
قديمة اويييييييييييييييييي كانت عندي وانا صغير
اهم حاجة النقطة اللي انا قولتها فوق دي
و شكرا تاني مرة على المشاركة
و جزاك الله كل خير

sayed allaa

11-04-06, 12:36 PM

شكرا للاعضاء
medo hetler EGYKINGAYMAN
و بالنسبة للاستاذ EGYKINGAYMAN موضوع التشحيم و التزييت ده في جزء تاني ان شاء الله و جزاك الله كل خير على المشاركة
mdfd5 ان شاء الله التززيت و الصيانة في جزء قادم بالنسبة للفرق بين نمرة 1 و 2
نمرة 1 اصغر من اتنين بس هية اسرع لكن قوة تدميرها مش زي نمرة 2
نمرة 2 حجمها اكبر فبتعمل اثر اكبر في الطريدة فاهم عشان كده هية اغلى
و كمان كلو بيصطاد ب 2
و بالنسبة للاستاذ elnawawy
شكرا على المشاركة و جزاك الله كل خير
و اسف يا جماعة على التأخر في الرد لشوية ظروف كده عندي
عشان انا مشغول اول الفترة دي
اكرر اسفي
و جزاكم الله كل خير

THE HUNTER

11-04-06, 01:56 PM

موضوع شيق جداً إحتاج الكثير من الجهد لكى يكون بالصورة المشرقة التى عليها
جزاك الله خيراً

sameer

11-04-06, 02:11 PM

عاجز عن الشكر

sayed allaa

11-04-06, 02:23 PM

شكرا على المشاركات يا جماعة
و يا رب اكون عند حسن ظنكم
و جزاكم الله كل خير

ahmedragab

11-04-06, 02:30 PM

ياريت يا جماعه يكون في مثل هذا الموضوع بالنسبه للمسدسات والجميع يشارك فيه من ناحيه المميذات و العيوب لكل مسدس من مقتنيات الاعضاء

Dragon Hunter

11-04-07, 11:02 PM

جزاكم الله خيرا موضوع رائع فعلا

samirpop2

11-04-09, 12:41 AM

بصراحه انتو ناس محترمه انا اكتسبت خبره كبيره لقرأتي للموضع الله ىنور عليكو

sayed allaa

11-04-09, 11:13 PM

شكرا على المشاركات يا جماعة و جزاكم الله كل خير

EGYKINGAYMAN

11-04-10, 12:50 AM

احنا منتظرين كورس التزييت والتشحيم علشان نتخرج بقا هههههههههههه

shoor80

11-04-10, 12:57 AM

موضوع وهمي ومجهود جبار
نسال الله ان يكون في ميزان حسناتك

sayed allaa

11-04-10, 08:24 PM

شكرا يا جماعة على المشاركات و جزاكم الله كل خير

michael

11-04-10, 08:28 PM

ممكن اعرف هل مسدس الصوت ممكن صيب اما لا ؟

khaledabdelnaby

11-04-10, 10:03 PM

موضوع ممتاز

sayed allaa

11-04-10, 11:31 PM

شكرا على المشاركات يا جماعة و جزاكم الله كل خير
اما بالنسبة لسؤال الاستاذ michael
انا الصراحة مش فاهم قصدك
لو قصدك ان مسدسات الصوت ممكن تصيب
هيا اه ممكن بتسبب حروقات من المسافات القريبة
لكن لو قصدك ان مسدسات الصوت بتصيد
يبقى لا طبعا
مبتصطدتش

yassersn

11-04-11, 07:36 PM

السلام عليكم ورحمة الله

الله ينور عليك الموضوع أكثر من رائع, جزاك الله كل الخير :)

sayed allaa

11-04-13, 06:14 PM

شكرا على المرور و جزاك الله كل خير
و يا رب اكون عند حسن ظنك

mohammad hassan

11-04-15, 05:13 AM

سؤال يا ا/ سيد ، البندقية الشنجهاي اجيبها منين و بكام اليومين دول و انهي عيار ، و هل هي كويسة ولا لأ ، علما بأني مبتدئ ؟
و لك كل الشكر .

sayed allaa

11-04-15, 11:04 PM

سؤال يا ا/ سيد ، البندقية الشنجهاي اجيبها منين و بكام اليومين دول و انهي عيار ، و هل هي كويسة ولا لأ ، علما بأني مبتدئ ؟
و لك كل الشكر .

بالنسبة للمكان و السعر والله انا مش من سكان القاهرة و هما ان شاء الله هيفيدوك
او انت عندك ارقام و عناوين المحلات في رابط انا حاطه بالموضوع
تقدر تكلم اي محل
و انا من رأيي تجيب نمرة 1
عشان ادق و اسرع
عشان 2 بطيئة شوية
و البندقية 100 100
و حلوة و شغالة و حلو ليك كمبتدأ و توكل على الله
و نصيحة هات
b3-2
دي حلوة اوي و 100 100

mohammad hassan

11-04-16, 01:45 AM

شكرا يا باشا

mohammad hassan

11-04-16, 02:05 AM

بس سؤال ، b3-2 بيكون فيها سكوب زي اللي في الصورة ؟

sayed allaa

11-04-16, 04:36 PM

لا العفو على ايه
و اي استفسار انا في الخدمة
لو قصدك على ان البندقية بيجي معاها تلسكوب ولا لا
يبقى لا مبيجيش معاها
هتاخدها منغير تلسكوب
اما لو قصدك ينفع يركب عليها تلسكوب عموما
اه ينفع و عادي زيها زي اي بندقية تانية
و ربنا معاك

pop man

11-04-18, 04:02 AM

بجد يا أ.سيد انا مش عارف اقولك ايه
كل الاسئله دى بدون استسناء كنت بدور على اجابتها
ربنا يبارك فيك يارب
بس كنت عايز اعرف حاجه انا امشى فى الشارع عادى بالبندقيه ولا فيها مشاكل ؟؟؟

sayed allaa

11-04-18, 02:23 PM

شكرا على مرورك الكريم اخي pop man
و الحمد لله انك لقيت اللي انت بتدور عليه
و الله انا بنزل بيها هية و الجراب و بنزل اصطاد عادي
و مفيش حد بيقولي حاجة
بس هما بيقولو ان الجيش بيمسك اللي معاه اي سلاح
بس انا مش شايف جيش الصراحة عندنا خالص
يلا ما علينا ربنا يوفقك
و شكرا للمرور

DeCo

11-04-18, 02:32 PM

والله العضيم موضوع فوق الممتاز ؟وياريت التوسع فى انواع البنادق التى تم شرحها .ومتابعة روعه لكل المشاركات الى بتتكتب 10/10 .بس عندى سوال .لو فيه بندقيه قوية مثلا زى النوريكا جت نمرة واحد هل بتقفل اليمام ولا بيطير على طول؟ وايه اقل وزن ممكن انه يحمل البندقة البام وكام سعرها دلوقتى؟؟؟؟؟؟؟ اسف على الاطاله.

sayed allaa

11-04-18, 03:24 PM

الله يخليك يا باشا
لا النوريكا حلوة و 100 100
دي بتسرق الطير و ممكن تحصل انو يطير بس في حالات قليلة
و بالنسبة للبام
هبة 4.8 كيلو باين يعني قول 5 كيلو
صعبة اوي الصراحة و ايدك هتتهز جامد انا بقول 1700 جنيه في النوريكا احسن من 1900 او 2000 في البام
و القرار يرجعلك برده في الاخر

كيكى

11-04-18, 03:27 PM

النوريكا جيت نمرة واحد افضل ولا الجامورويال 2 ايهما تفضل؟؟؟؟؟؟؟؟؟؟

DeCo

11-04-18, 03:33 PM

sayed allaa

11-04-18, 09:48 PM

الله يخليك يا باشا
و اي استفسار تاني انا في الخدمة

سامى الحسينى

11-04-19, 03:04 PM

كلااااااااااام جميييييييييييييييييييييييييل

sayed allaa

11-04-19, 04:11 PM

شكرا على المشاركةيامعلم
وجزاك الله كل خير

wa7ed

11-04-20, 12:40 AM

موضوع غاية في الروعة وتسلم ايدك يا باشا
وياريت لو حضرتك تقلنا بئي ازاي نفك البندقية الرمسيس رقم واحد وازاي اغيرلها السوستة ولا الجلبة ولا اي حاجة علشان تضرب لان هي تقريبا مبتضربش

sultan

11-04-20, 08:03 PM

الله ينور 100/100 هوه ده الكلام

sayed allaa

11-04-20, 09:49 PM

شكرا على المشاركات يا جماعة
و قريبا يا استاذ وحيد ان شاء الله هنشوف التفاصيل دي في الجزء التاني
و شكرا يا سلطان على المرور
و جزاك الله كل خير
و يا رب اكون عند حسن ظنكم

sayed allaa

11-04-22, 01:55 AM

ااااااااااه
احنا دلوقتي بقى بقينا حاجة تانية خالص الحمد لله
و سيبنا مستوى المبتدئين و الحمد لله و دلوقتي بقينا في الفئة المتوسطة
دلوقتي بقى عاوزين نسأل اسئلة اصعب شوية عن اسئلة المبتدئين طبعا كل لما مستوانا بيتحسن بنسأل اسئلة اقل و الاسئلة و الحجات اللي هنتعلمها بتقل
وده رابط الجزء الاول
http://www.egypthunt.net/showthread.php?t=5244
يلا نبتدي :-->
دلوقتي بقى عيب لما مستوانا يبقى كده و مش عارفين نعمل صيانة للبندقية بتاعتنا
اه يا سيد بقى عاوزك تقولي ازاي افكها و انضفها و الكلام ده و الزتونة بتاعت الموضوع
زتونة ايه انت جاي تتعشى هنا
حاضر يا عم الحج
انا مبشوفكش فينك ياض من شهرين
اهو انت كده متعرفنيش غير لما يكون فيه مصلحة
- مصلحة ايه
* فين ياض اكلة اليمام و الفراخ و السمك و الكباب و الكفتة اللي كنت قايلي عليهم
يلا ما علينا
بص يا عم الحج
دي شوية حجات انت محتاجها عشان تبتدي و ده كركر اللي عملنالو العملية
http://img29.imageshack.us/img29/7703/dscf22711600x1200.jpg
ايه يا عم كل ده هوة احنا هنفك عربية
استنى بقى اقولك الحجات
- مفك صليبة
-حتة خشبة صغيرة
- شوية مفكات صغيرة ( بتاعت الساعة )
- مفتاح
ايه يا عم كل ده مفتاح هوة احنا هنفك عربية
اه اصل انا احنا هنعدي على صمولة نفكها و انا المفاتيح بتاعتي كانت في العربية ساعتها و كسلت انزل و لقيت المطلوب )
المهم
- طقطوقتين
انا شايف واحدة بس
اه لا ما التانية عشان لو بتشرب سيجارة تطفيها فيها عشان احنا عاوزين تركيز
- محتاج طبعا بندقية
امال هتفك ايه
اه تمام انا كده عرفت الحجات قولي بفى ابتدي افك ازاي
بص يا عمنا من الاول كده
انت مش هتفك حاجة
ايه مش هفك حاجة امال مقعدني هنا اعمل ايه
لا عشان تتعلم و مش هتفك البندقية كده من اول مرة اول مرة لازم حد خبرة او فني يكون معاك
انت دلوقتي عندك بديل انك تصبر و تتفرج على الشرح كذا مرة
انا حبيت اعملك شرح عن الفك و التركيب عشان كل الفيديوهات اللي على النت الاقي المصور واقف في حتة و الراجل اللي بيفك و اقف في اخر الدنيا و انا مش شايف تفاصيل فعشان كده قولت انزلكم حاجة طازة و من قريب يلا نبتدي
1- هنفك الدبشك من على البندقية زي كده
فيه اربع مسامير نبتدي نفك القنطرة بالمسمار ده
http://img12.imageshack.us/img12/1374/dscf22731600x1200.jpg
بعد كده تفك اخوه اللي جمبه
http://img683.imageshack.us/img683/5561/dscf22741600x1200.jpg
بعد كده تفك مسامير الاجناب اللي قدام اللي هية دي
http://img27.imageshack.us/img27/3748/dscf22761600x1200.jpg
احنا كده فكينا واحد
نفك اخوه بقى من هنا
http://img34.imageshack.us/img34/1743/dscf22751600x1200.jpg
كده احنا بقى فكينا الدبشك و معانا في ادينا الدبشك و البندقية و القنطرة و 4 مسامير و مسمارين الدبشك الجانبيين مع كل واحد وردة صغيرة لازم تحافظ على كل ده و تحطه في الطقطوقة او الطبق اللي احنا جبناه
بعد كده هتشوف المنظر ده
http://img543.imageshack.us/img543/4738/dscf22781600x1200.jpg
بعد كده في جزء مهم اووووووووي لازم تفكه عشان ميتنطرش اللي هوة الجزء ده
http://img96.imageshack.us/img96/1650/dscf22791600x1200.jpg
و دي صورة تانية ليه
http://img222.imageshack.us/img222/4779/dscf22801600x1200.jpg
و فيه بقى جزئين بلاستكيين لازم برده نحافظ عليهم
اللي هما دول
http://img710.imageshack.us/img710/2007/dscf22811600x1200.jpg
و ده
http://img685.imageshack.us/img685/8426/dscf22821600x1200.jpg
طبعا كل الحجات الصغيرة اللي بنفكها نحطها في الطقطوقة او الطبق
عشان لو حاجة اتنطرت هتبقى مشكلة و هتزعلك جامد
المهم
خلاص ياعم سيد انا كده عرفت ه و بعدين اعمل ايه تاني
تعمل ايه
انت شكلك بتفكها معايا
انا قولتلك ايه
الاول تتعلم و تشوف الصور كذا مرة لغاية لما تبقى قاعد بتسمع الخطوات منغير ما تشوف الصور بعد كده بقى تبقى تفكها
يلا قوم و شيل البندقية انا شايفك
المهم
ده كده المنظر قدامك بعد لما فكينا الجزئين البلاستك دول ده المنظر اللي هيبقى قدامك
http://img852.imageshack.us/img852/1149/dscf22831600x1200.jpg
دلوقتي بقى نفك الجزء ده بالمفتاح
الصامولة دي هي اللي مثبتة مجموعة الزناد
المهم هنفكها كده
http://img64.imageshack.us/img64/9163/dscf22841600x1200.jpg
و هية دي شكلها تاني و معاها وردة برده هنشيلهم مع الحجات التانية
http://img219.imageshack.us/img219/3516/dscf22851600x1200.jpg
بعد كده بقى ده المنظر اللي قدامنا
http://img577.imageshack.us/img577/663/dscf22861600x1200.jpg
دلوقتي الدراع هنفكه فيه ناس معندهاش الدراع ده تعتبرني مقولتش الخطوة دي
الخطوة دي للي عندهم الدراع ده
هوة ده الدراع
http://img707.imageshack.us/img707/5670/dscf22871600x1200.jpg
اه حلو اوي الدراع ده يا سيد ههههههه
افكه ازاي طيب
بص هتفكه من نحيتين الاول هتفك الوردة دي
انا مسميها الوردة الشقية
دي وانت بتفكها بتنط جامد و بتضيع ضاعت مني كذة مرة بس الحمد لله بلاقيها و بالتعود و التمرس بقيت تعرف تفكها منغير ما تنط
المهم هية دي الوردة
أللي هنفكها و اللي بتثبت الدراع و زي ما قولت اللي معندهوش الدراع ده يبقى اكنر مقولتش الخطوة دي
http://img34.imageshack.us/img34/9559/dscf22891600x1200.jpg
اه يا سيد تمام
و ده شكل الوردة من قريب بعد لما اتفكت اوعى تفك وردة تانية انت تفك اللي مثبتة الدراع بس
فيه ناس بنادقها عندها اكتر من وردة مثبتة الدراع فكهم بردو
http://img546.imageshack.us/img546/9475/dscf22901600x1200.jpg
تمام يا سيد بس انا عاوز اسأل سؤال لولبي
قول يا بابا قول اتبسط
السؤال بيقول علل
هوة انا لازم كل حاجة افكها احطها على علبة المفكات و بعد كده احطها جوة الطقطوقة
بس يلا
ركز معايا و صحصح كده و متشغلش دماغك عشان اطلعك معايا في الجزء التالت ان شاء الله
و بعدين نفك السوستة دي
كل الكلام ده لسة على الدراع
http://img862.imageshack.us/img862/9493/dscf22911600x1200.jpg
و دي صورة تانية للسوستة نفكها من نحية واحدة بس اللي هية اللي ماسكة الدراع
http://img860.imageshack.us/img860/7807/dscf22921600x1200.jpg
و ده الدراع بعد لما سلك من الزناد
http://img818.imageshack.us/img818/6204/dscf22931600x1200.jpg
اه يا سيد طب ايه لزمة الدراع الرخم ده
أمن ياسيدي
امن و نتانة هههههههههه
المهم ركز معايا عشان الخطوة اللي جاية بيضيع فيها صوابع
نجيب حتة الخشبة اللي احنا قولنا عليها و نحطها بالشكل ده و نضغط عليها بالشكل ده
http://img121.imageshack.us/img121/2695/dscf22951600x1200.jpg
و نجيب المفك و نحطه على المسمار ده و نضرب عليه بشاكوش او بالمفتاح الانجليزي كل ده طبعا مع الضغط بالشكل ده
http://img864.imageshack.us/img864/7677/dscf22961600x1200.jpg
لغاية لما يطلع المسمار ده من النحية التانية طبعا كل ده و انت لسة ضاغط
كل ده و لسة ضاغط يا سيد يعني هضغط بأيد و همسك المفك بأيد و هضرب ازاي و الله لو كان عندي ايد تالتة كنت ادتهالك
خلاص يا عم هات حد يساعدك و هوة ده المسمار
http://img849.imageshack.us/img849/2540/dscf22971600x1200.jpg
بعد كده تبتدي تقلل الضغط و تخف ايدك حبة حبة عشان السوستة مضغوطة جوه و بتنطر نطرة غبية
و هتطلع بالمنظر ده
http://img576.imageshack.us/img576/2872/dscf22981600x1200.jpg
بس و تقوم ساحبها هية والجزء اللي معاها اللي كان متثبت بالمسمار في جسم البندقية
بالمنظر ده و تركنهم الاتنين على جمب و يستحسن على ورق جرايد عشان الشحم بقى الاسود و الزيت المحروقين و اللغوصة دي
http://img706.imageshack.us/img706/475/dscf22991600x1200.jpg
ااااااااه و بعد كده بقى وصلنا للزناد
دي ممكن تعرف تفكها و ممكن لا بس بعد لما تفك البندقية كام مرة و تتعلم هتعرف مرة بمرة
المهم
تزق بمعنى تدفع الزناد للأخر و بعدين ترفع اخر حتة فيه اللي هوة الجزء اللي كانت الصامولة راكبة عليه و تهزه براحة انا بقول اهو براحة هتلاقيه طلع في ايدك المهم بالشكل ده
http://img860.imageshack.us/img860/8498/dscf23021600x1200.jpg
بس بعد كده بقى بعد لما فكينا الزناد الحمد لله نشيلو بقى مع اخواته
و ده شكل مجموعه الزناد
http://img194.imageshack.us/img194/1208/dscf23031600x1200.jpg
بعد كده نفك دراع التعميربالشكل ده
1- تكسر الماسورة
2- تتني المفصلة دي حاول بقدر الامكان تبقى عمودية بالشكر ده
http://img263.imageshack.us/img263/1185/dscf23071600x1200.jpg
بعد كده ترجع الدراع لأخر المشوار الاخر اللي نحية الماسورة مش الاخر اللي نحية الزناد
و بعد كده ترفع الدراع بالشكل ده و كده انت فكيتو
http://img13.imageshack.us/img13/7195/dscf23091600x1200.jpg
و فيه جزء مهم اوي هتلاقيه جزء بيمنع احتكاك البندقية لدراع التعمير اللي هوة ده
http://img24.imageshack.us/img24/7513/dscf22651600x1200.jpg
و بعد كده تبتدي تخرج البستم بالمنظر ده لو عصلج معاك مدقش عليه حط شوية زيت
http://img18.imageshack.us/img18/5733/dscf23101600x1200.jpg
و ده الحج بستم في اخر طريق الخروج
http://img688.imageshack.us/img688/4881/dscf23111600x1200.jpg
ودي صورة البستم بعد لما خرج بالسلامة و الجلبة في المقدمة بتاعت البستم
http://img707.imageshack.us/img707/8357/dscf23141600x1200.jpg
و دي بقى الحجات اللي اهم حاجة انها تتنضف
1- جسم البندقية ههههههههه او اللي اتبقى منها بعد التفكيك الجسم شامل دراع التعمير طبعا عشان هتلاقي عليه حجات سودة الحجات السودة دي طبعا شحم محروق
2- البستم بالجلبة بتاعته
3- السوستة بكل حجاتها
و الصورة دي للحجات اللي هتتنضف تاني
http://img269.imageshack.us/img269/9107/dscf23171600x1200.jpg
اهم حجاة قبل ما تيتدي تنضف
قوم نضف ايدك الاول كويس و حط بلاستر على التعاوير اللي عملتها في ايدك و ريح شوية و سيب كل حاجة زي ما هية عشان انا متأكد انك تعبت جدا و عرقت
اه يا سيد
بس انا عاوز اسألك سؤال
ما الحجات اللي في الصورة قدامي دي نضيفة انا اقوم انضف البندقية ليه
بص انا مش هرد عليك و شكلي هجيب واحد تاني في الجزء التالت ان شاء الله
ده عشان انا يا ناصح كنت منضفها اساسا بس لما شوفت الناس الصراحة طالبة الموضوع ده
قمت عملته عشان خاطركم و فكيتها والله عشانكم
المهم
و انت بتنضف نضف البندقية كلها
طيب انضفها بجاز يا سيد
لا اوعى متنضفهاش بجاز خالص
طيب انا يا سيد الجاز بينضف احسن
خلاص نضف بيه
بس افتكر اني قولتلك بلاش يلا انت و نصيبك بقى
مش مستاهلة جاز يا عم و لو لقيت حجات مبتطلعش بالمنديل و الدعك كده بس
حط شوية زيت اي زيت بس طبعا مش زيت اكل
انا عن نفسي علطول شغال استعمال على زيت العربية الموبيل في ناس هتقول وحش و الله انا كنت مرة مزنوق و معنديش قولت اجرب ده و علطول بجربه و مبيعملش حاجة
المهم و تنضف السوستة كويس و تنضف المكان اللي البستم كان جواه يعني جسم البندقية من جوه يتنضف كمان و جوه البستم كمان الجزء اللي بنحط فيه السوستة بس كده خلي بالك تنضف البندقية كويس و بضمير مش تلاقي نفسك تعبت تقول انا هلمها بقى لا اوعى
احنا مش كل يوم هنفك البندقية
نبتدي نشحم بقى
نستخدم شحم esso fibrax 235 ده شحم حلو اوي
طب اشحم ايه يا سيد
تشحم السوستة ( تشحمها اوعى تزيتها التزييت غالبا بيتسبب في كسر السوستة )
البستم بالجلبة
دراع التعمير
الجزء اللي دراع التعمير بيحتك بيه
بس كده
متفتريش في الشحم
بعد لما شحمنا
نروح ننضف ادينا بقى عشان نركب على نضيف خلي الشغل نضيف * نضيف البندقية هتبقى معاك 100 100
نبتدي نرجع البستم زي ما كان و ندخله على الاخر زي ما كان الفتحة اللي بالطول بتاع جسم البندقية يبقى ماشي مع فتحة البستم بعد لما يخش للاخر
بعد كده نشحم الجزء اللي دراع التعمير بيحك فيه
بعد كده نرجع دراع التعمير زي ما كان ندخله تاني بالمنظر ده
http://img839.imageshack.us/img839/1632/dscf23261600x1200.jpg
بعد كده نرجع مجموعة الزناد
بعكس العملية برده
http://img18.imageshack.us/img18/9862/dscf23221600x1200.jpg
ندخل بقى السوستة برده عكس العملية
http://img718.imageshack.us/img718/116/dscf23231600x1200.jpg
بعد كده نضغط تاني و نركب المسمار اللي فكيناه ( عكس عملية فك السوستة )
http://img718.imageshack.us/img718/1872/dscf23251600x1200.jpg
بعد كده نبتدي نربط الصامولة تاني و نرجعها هية بالوردة بتاعتها اوعى تنسى حاجة
http://img695.imageshack.us/img695/9009/dscf22621600x1200.jpg
و نرجع دراع الامان بعكس العملية زي ما ركبناه معلش بقى نسيت اصور الخطوة دي
و بعد كده نرجع الجزئين البلاستيك بالشكل ده
http://img687.imageshack.us/img687/785/dscf22571600x1200.jpg
و نرجع الجزء اللي عامل زي الاسطوانة اللي فكيناه ده زي ما كان بالشكل ده
http://img846.imageshack.us/img846/5895/dscf22631600x1200.jpg
بس كده احنا خلصنا مفاضلش انك تربط البندقية في الدبشك بعكس اول عملية
http://img12.imageshack.us/img12/1374/dscf22731600x1200.jpg
http://img683.imageshack.us/img683/5561/dscf22741600x1200.jpg
http://img27.imageshack.us/img27/3748/dscf22761600x1200.jpg
http://img34.imageshack.us/img34/1743/dscf22751600x1200.jpg
و خلاص على كده مبروك البندقية كده جديدة
اه تمام يا سيد
اه اديني بنبه اهو محدش يفك حاجة دلوقتي لغاية لما تتقن الموضوع نظري
و اس استفسارات على الفك و التركيب تكون على العام هنا في عشان الكل يستفيد مش على الخاص ده طبعا على حاجة لو انا مش قايلها بس انا مصور كل الخطوات
المهم
كده احنا خلصنا على جزء مهم
دلوقتي نخش على جزء تاني
تاني هوة فيه تاني يا عم
اه طبعا فيه لسة فيه حجات كتير لسة هنتعلمها بعدين
اه زي ايه
اهم الاعطال و طريقة التعامل معها :
1- البندقية و انا بضرب رشة الاقيها بتطلع نار او دخان : ده مش عيب ده شحم زيادة او زيت و بيتحرق و بيتبخر مش مشكلة
2- البندقية ضعيفة اوي : 1- الجلبة اللي حولين بيت الرش داخلة لجوة و بتسرب 2- الجلبة اللي على البستم من جوة مقطوعة و بتسرب 3- البندقية مش متشحمة كويس و بتحك في بعضها
3- البندقية بعمرها ناشفة اوي ومبتتعرش : 1- دراع التعمير بيحك في البندقية جامد ده اشهر عيب و بتلاقيه عند كل الناس و بتقول عليها مشكلة كبيرة لا كبيرة ولا حاجة
4- البندقية مقاومتها قلت عند التعمير جامد بس بتضرب و ضربها ضعيف : البندقية سوستها اتكسرت و انا قولت ازاي تفكها و تركبها تاني عادي
5- الزناد سايب خالص : يبقى انت شحمته او زيته و دي غلطة كبيرة لازم تغسله بجاز عشان تضيع اثار الشحم
دي اشهر العيوب اللي بتواجهنا دايما
--------------
تمام يا سيد
طب بقولك انا نفسي اركب تلسكوب عاوزك بقى تقولي الزتونة بتاعت الموضوع
زتونة تاني
ده انت جاي تتعشى ( تاني )
المهم يا عم الحج
البندقية بيبقى فيها حزين ( مش شرط فيه بنادق مفيهاش ) لو مفيهاش حزين يبقى ميركبش عليها تلسكوب
اه تمام
طيب فين المكان ده
ادي يا سيدي المكان اللي بيتركب عليه و بيتربط بمسامير
http://img151.imageshack.us/img151/7161/dscf23301600x1200.jpg
هوة ده
طيب ايه يا سيد الجزء ده
http://img18.imageshack.us/img18/7268/dscf23291600x1200.jpg
ده اسمو استوبر
ده بيثبت التلسكوب و فيه منو نوع بيتركب على طول الحزين
طيب ايه الفرق
الفرق ان الكبير بيدي ثبات اكبر للبنادق الهاي بور
اه
طب عندك صور ليه
اه ادي صورة ليه
http://www.dianawerk.de/fileadmin/gifs/produkte/grossansicht/DampaMount_gr.jpg
اه طيب انا يا سيد بسمع ارقام غريبة اوي
يعني ايه 3-7*50 و 3-7*20
و الكلام ده
بص يا سيدي
3-7 دي قوة الزووم
50 دي قطر العدسة فهمت
طيب ايه الفرق بينهم
ابدا الكبير 50 مثلا العدسة بتاعته اكبر من 20
فبتشوف احسن
اه طيب ده بيتظبط زي النشان
اه طبعا
و ليه طريقة و هية دي على الفيديو ده
معلش بقى انا معملتلكش شرح على تلسكوب عندي عشان انا معنديش و مليش فيهم اوي
ده احسن فيديو شوفتو عن الظبط
http://www.youtube.com/watch?v=lLirsAFpsfE&feature=player_embedded
اه تمام يا سيد
بس كده عايز حاجة تاني
لالا يا سيد انت كده تمام يلا بقى نزل الموضوع على موقع الصيد في مصر عشان الناس المبتدئين اللي زي حلاتي كده يلاقوا كل اللي هما عايزينه ان شاء الله في الموضوع
خلاص من عنيا الجوز و مناخيري اللوز
بس كده احنا خلصنا
الموضوع غير منقول و حصري لمنتديات الصيد في مصر
ممنوع النقل غير لما اللي عاوز ينقل ياخد رأيي و رأي الادارة
ارجو التثبيت

اسكندرانى

11-04-22, 03:06 AM

بجد انت انسان محترم اوووووووووووووى
والف شكر على الموضوع الجامد ده
تسلم يامعلم

sayed allaa

11-04-22, 03:10 AM

الله يخليك يا معلم ده بس من ذوقك
و شكرا على المرور
و جزاك الله كل خير

Batman

11-04-22, 03:12 AM

شكرا جزيلا على الموضوع الرائع و كذلك طريقتك الظريفه فى الشرح - تحياتى ...

sayed allaa

11-04-22, 03:23 AM

شكرا يا Batman على المرور
و يا رب اكون عند حسن ظنك
و جزاك الله كل خير

salas0010

11-04-22, 03:39 AM

تسلم يا كبير علي الموضوع الرائع جزاك الله خيرا

sayed allaa

11-04-22, 03:51 AM

الله يخليك يا باشا
و شكرا على المرور

خالد ابو العلا

11-04-22, 04:22 AM

ما شاء الله على المعلوماااات مشكوووور ... وجزاك الله كل خير

amer ibrahim

11-04-22, 04:23 AM

موضوع متاكمل ورائع
شكراً لك

sayed allaa

11-04-22, 04:37 AM

شكرا على المرور يا جماعة و جزاكم الله كل خير
و يا رب اكون عند حسن ظنكم

DeCo

11-04-22, 10:49 AM

تسلم ايدك يا غالى شرح وافى وخفه دم كمان . ايه العسل ده .انا هجيب صحن واجى اخد منك ....
ههههههههههههههههههههههه

koktal

11-04-22, 10:49 AM

ربنا يباركلك فى النصح والارشاد الجميل ده والناس انشاء الله تنتفع بيه ومنتظرين جديدك تملى ...خالص تحياتى...

BASiC

11-04-22, 12:38 PM

..............................

BASiC

11-04-22, 12:40 PM

الله ينور عليك ويباركلك على المجهود الرائع ده احنا بأمثال حضرتك هنبقى اول منتدى صيد عربي في الترتيب

bassem nawar

11-04-22, 12:43 PM

ولا عندي بندقية ولا عمري اصطت ابل كده و الناس اللي زيك هما اللي بيحببوني في الهواية اكتر و ببقي مطمن ان اي سؤال هلاقي الرد عليه بجد شكراااااا علي المجهود الرائع ده

body man

11-04-22, 01:16 PM

الله عليك يا ابو السيد بجد مواضيعك احسن مواضيع فى المنتدى

احمد فتحي

11-04-22, 01:38 PM

والله انتا ربنا بعتك لينا نجده في كل حاجه يسلم ايده

mohammad hassan

11-04-22, 01:39 PM

ostaaaaaaaz

m.elshinawy

11-04-22, 01:50 PM

بارك الله فيك موضوع ممتاز بصراحة خصوصا انى عندى بندقية كرال ماجنوم 5.5 دبشك خشب زى الى حضرتك فكتها دى وكانت مشكلتى مع فك السوستة والزناد بس بعد ما قريت الموضوع ده حتشجع وافكهم
وشكرا

talha

11-04-22, 02:30 PM

ربنا يبارك فيك موضوع جامد جدا
دا انتا استاذ

basemzero

11-04-22, 02:34 PM

جزاك الله خيرا موضوع فعلا ممتاز و وافى و عرض شيق جدا.....انا بقى ليا سؤال ...امتى نستخدم زيت و اى نوع نستخدم و الصيانه اللى حضرتك عملتها دى نعملها كل كام رشه و بالنسبه للماسوره استخدم wd40 عشان الصدأ ولا استخدم زيت و ايه نوعه و كل كام رشه ؟؟؟.....تخيل بقى كل ده سؤال...انا قلت بردو سؤال واحد كفايه....معلش بقى انا استغليت الفرصه سامحنى :)
.

sayed allaa

11-04-22, 03:00 PM

شكرا على المشاركات يا جماعة و جزاكم الله كل خير
و يا رب اكون عند حسن ظنكم و بالنسبة لسؤال الاستاذ باسم
الزيت انا بستخد موبيل بتاع العربيات عشان تقيل بعكس زيت المكنة الخفيف اللي لو زيت بيه من جوه هتلاقيه هيتحرق من اول رشتين و مش هيبقى نافع
و يستحسن عدم تزييت الماسورة الا بقى في الحاجة الشديدة
و ممنوع منعا باتا استخدام ال wd40 ده بيبهدل الدنيا
و اي سؤال تاني انا في الخدمة

basemzero

11-04-22, 03:11 PM

انا أقصد يأستاذ سيد استخدام الزيت بيبقى للمفصلات بس؟....و بالنسبه للماسوره ازاى احميها من جوه من الصدأ عشان احافظ على الششخانات؟...انا اسف انا فعلا طولت على حضرتك كتيير...شكرا

sayed allaa

11-04-22, 03:28 PM

لالا ابدا
الزيت يبقى للجلبة لدراع التعمير و مفصلاته
لكن الماسورة مش هيجرالها حاجة من جوة و مش محتاجة تنضيف بالزيت
ممكن لو بعد مدة بقيت ان الرشة بتخرج بتطلع نار يبقى كده فيه احتكاك من الرايش القديم بتاع الرش مع الرشة اللي خارجة
انت ممكن بعد 500 او 600 رشة تنضفها بحتة قماشة كده بس هتتعبك عشان تخرجها من النحية التانية
انت ممكن تربطها بس تربطها جامد و بخيط قوي و انا بقول بلاش زيت في الماسورة هيأثر على دقة المقذوف
و اي سؤال تاني انا في الخدمة

basemzero

11-04-22, 04:36 PM

انا عاجز عن الشكر يأستاذ سيد.....فعلا اخ محترم

sayed allaa

11-04-22, 04:41 PM

لا على ايه احنا كلنا اخوات
و اي استفسار تاني اما في الخدمة

koktal

11-04-22, 07:20 PM

هههه يا استاذ سيد ادخل بالموضوع التانى علطول عشان الناس تتحمس وتستفيد اكتر ما شاء الله مرتب افكارك كويس جدا و بالتوفيق

sayed allaa

11-04-22, 07:31 PM

braveheart

11-04-22, 08:02 PM

السلام عليكم قال رسول الله صلى الله علية وسلم فى فضل العلم والعلماء ( خيركم من تعلم العلم وعلمة ).

يا أ / sayed allaa .. بجد موضوع أكثر من ممتاز ... و مجهود رائع ربنا يجازيك عليه كل خير.
شكرا لك.
و تقبل مروري.

sayed allaa

11-04-22, 08:17 PM

شكرا يا باشا
الله يخليك
و شكرا لمرورك
و يارب اكون عند حسن ظنك
و جزاك الله كل خير

حازم ابوالنجا

11-04-22, 10:20 PM

شرح رائع .... التصوير خطوة بخطوة بصراحة تستحق الشكر ... جزاك الله خيرا

sayed allaa

11-04-23, 12:40 AM

شكرا يا استاذ حازم على مرورك

pop man

11-04-23, 05:58 AM

تسلم تسلم تسلم تسلم تسلم تسلم تسلم
بجد معنديش رد غير تسلم ايدك يا سيد وياريت التثبيت

mahmoud11144

11-04-23, 10:02 AM

اية الحلاوة دي يا معلم انت بجد معلم معلم معلم ومعلم محترم جدا جدا وزووووووووووووق
بجد مجهود جامد ربنا يخليك لينا يا باشا واللة وبصراحة كنت زي العسل هههههههههه
شكرا جدا ليك وديما في انتظار المذيد منك يا معلمييييييييييي
تقبل مروري....

sameer

11-04-23, 12:20 PM

لا حاضر جاري العمل عليه
و انا بجهزه بس لما اشوف اراء الاعضاء على ده
و اي استفسارات
و لما اتأكد ان كلو خلاص الجزء بتاع الصيانة ده بقى سهل و كل واحد يقدر يعمله و هوة مغمض
نخش بقى على المرحلة اللي بعدها ان شاء الله
و شكرا على المرور يا باشا

والله العظيم انتا استاذ انتا مش محتاج رأي حد ماحدش حيقدر يوفيك حقك ولو استنيت رأي كل الاعضاء يبقا مش حتعمل الموضوع اللي بعده ولا كمان سنة والله الراجل ده عايزين نلموله فلوس عالتعب اللي تعبه ده يعني مش عارف اقولك ايه

ربنا يكرمك.........

Axel

11-04-23, 02:24 PM

تسلم ايدك يا باشا ع المجهود
و فعلا موضوع مفيد جداا للمبتدئين و تكملة للجزء الأول
عايزين بقي باقي الاجزاء :)
طمع شوية ههههه

sayed allaa

11-04-23, 06:31 PM

شكرا على المشاركات يا جماعة و جزاكم الله كل خير
و يا رب اكون عند حسن ظنكم

wa7ed

11-04-23, 10:50 PM

طب ياريت الجزء الثاني ينزل بسرعة علشان البندقية خربانة علي الاخر وطعم الاعصافير وحشني

M.AbdelKader

11-04-23, 11:48 PM

فعلن مواضيعك أكتر من رائعة و أفادتنى كتير جدا جدا جدا كمبتدأ فى الموضوع و مستنيين الأجزاء الجايه :)

M.AbdelKader

11-04-23, 11:51 PM

رائع جدا جدا جدا... و معلش أستفسار بقى
دلوقتى انا كنت سامع و أتأكدت من موضوع حضرتك انه فيه عيب كبير فى الرمسيس أنها بتضرب لوحدها بعد التعمير بحوالى 5 أو 10 ثوانى
هل فيه حل للعيب ده؟ و لو فيه أيه هوا؟
و مرة تانية بشكرك على مواضيعك الأكثر من رائعة

shoor80

11-04-24, 12:16 AM

انت استاذ في المواضيع بتاعتك
[/U]="Indigo"]

sayed allaa

11-04-24, 12:22 AM

شكرا على الردود
و يارب اكون عند حسن ظنكم

sayed allaa

11-04-24, 12:27 AM

شكرا على الردود
و عملت جزء جديد فيه الصيانة
و بالنسبة لموضوع زناد الرمسيس دي توديها ورشة
و هوة بيخرط الزناد و بيظبطه و دي حاجة مش ممكن تعرف تعملها في البيت عشان محتاجة مكنة

mamdoh.ramzy

11-04-24, 12:50 AM

أية الروعة دى والله أنا لو كنت شفتك من الاول مكنتش رحت لحد أصلح عندة ويضحك علية فى الاخر ربنا يبارك لك فى المجهود الى عملتة ويخلفلك كل الخير

sayed allaa

11-04-24, 12:55 AM

شكرا يا باشا الله يخليك
و اي استفسار انا في الخدمة

sayed allaa

11-04-24, 07:14 PM

والله العظيم انتا استاذ انتا مش محتاج رأي حد ماحدش حيقدر يوفيك حقك ولو استنيت رأي كل الاعضاء يبقا مش حتعمل الموضوع اللي بعده ولا كمان سنة والله الراجل ده عايزين نلموله فلوس عالتعب اللي تعبه ده يعني مش عارف اقولك ايه

ربنا يكرمك.........

لا على ايه الله يخليك
اصل لما بتقدم للمرحلة اللي بعديها بلاقي لسة ناس بتسأل في الموضوع التاني
فنا عاوز بقى كلنا نتقدم مع بعض بمستوانا
و شكرا يا باشا على مرورك

essam assem

11-04-24, 08:26 PM

واللة يا فندم الواحد عاجز عن الكلام فعلا جزاك اللة خير الجزاء وربنا يجعلك مساعدك لينا فى ميزان حسناتك ونرجو من سيادتك الا تبخل علينا من موضوعاتك الجميلة دية مشكوووووووووووووووووووووووووووووووووووووووووووووور

sayed allaa

11-04-24, 09:05 PM

شكرا يا باشا على مرورك
و يا رب اكون عند حسن ظنك

وليدعادل

11-04-26, 01:50 AM

ماشاء اله موضوع ممتاز كالعاده من شخص محترم ... شكرا

sayed allaa

11-04-26, 02:14 AM

شكرا على مرورك يا استاذ وليد
الله يخليك ده بس من ذوقك
و جزاك الله كل خير

mo_lashine

11-04-26, 02:41 PM

جميل جدا والله ومن أروع المواضيع وفعلا أسلوب شيق جدا يا أستاذ سيد

sayed allaa

11-04-26, 02:57 PM

الله يخليك ده بس من ذوقك
و شكرا لمرورك
و جزاك الله كل خير

Kareem_Z

11-04-26, 10:45 PM

ربنا يبارك لك و يجازيك خير

sayed allaa

11-04-26, 11:21 PM

الله يخليك ده بس من ذوقك
و انا في الخدمة في اي وقت

Salman.Nedal

11-04-29, 03:26 PM

فعلا موضوع رائع وشرح مفصل وبسيط
شكرا يا أستاذنا على الموضوع الهايل ده

sayed allaa

11-04-29, 04:03 PM

شكرا يا باشا على مرورك