المساعد الشخصي الرقمي

مشاهدة النسخة كاملة : تل مجري ولا نوركيا 73

osamaboha
11-02-28, 04:11 PM
ياريت حد يقولي هل تل مجري lg527 افضل من نوريكا 73 من حيث توافر قطع الغيار والقوة والمتنانة والدقة والسرعة
وياريت اسعارهم حاليا في السوق
messam
11-02-28, 04:17 PM
التل المجرى انا سئلت عليها عند بوندى ب 1200 بس مش عارف الموديل هية بعتلة والنوريكا 73 بنفس السعر بس انا كمان عاوز اعرف اى واحدة افضل مع انى سمعت ان التل ملهاش قطع غيار وعلى العموم انا حاطط موضوع لنفس السؤال وياريت حد من الأعضاء المحترمين يفيدنا
osamaboha
11-02-28, 04:35 PM
ما دام ملهاش قطع غيار يبقي الافضل النوريكا 73 بلا شك

والمشكله ان في رنج السعر دا الكرال التركي بس اانا هبعد عنها خالص لمشاكلها الكتير رغم هاي بور بس المتنانه تكسب

انا ان شاء الله هكلم استاذ جلال مع اني معرفوش بس بسمع عنه كل خير في كل منتديات الصيد وهشوفه يمكن يتوسطلي عند احد من حبايبة واجيبها علي 1150 ولا حاجة لان هو في موضوع قبل كده قايل سعر النوريكا بيدا من 1050 الي 1200 حسب شطارة اللي بيشتري

شكرا
messam
11-02-28, 04:47 PM
انتا منين يا استاذ اسامة علشان انا كمان عاوز اشترى واحدة وكنت ناوى على الكرال بس بعد ماشوفت التل عجبتنى وكمان الأسبانى أمتن ياريت نتواصل
osamaboha
11-02-28, 04:59 PM
انا من القاهرة وانت ........وبلاش استاذ... انت كدة كبرتني اوي دا انا في العشرينات من عمري
osamaboha
11-02-28, 05:03 PM
ودا ايميلي osama_boha2009@yahoo.com
نادرموريس
11-02-28, 11:00 PM
النوريكا افضل
rock
11-03-01, 02:03 AM
بالعكس يا جماعه .... التل المجرى بندقيه جباره وقطع الغيار بتتعمل .... لان فى ناس شغالين طفشجيه (ورش صيانة سلاح ) اتعلموا على البندقيه دى ...بندقية الدقه .... مش هتندم لو جبتها .... لكن 73 بندقيه حجمها كبير وضعيفه على حجمها ده .... ولو جبتها هتلاقيها حلوه بس فى احسن منها فى الدقه وبنفس سعرها .... التل بندقيه جميله .... تحياتى .
messam
11-03-01, 09:00 AM
شكرا يا اخ rock على الأفادة
messam
11-03-01, 09:01 AM
شكرا يا اسامة على ردك واكيد هنتواصل
osamaboha
11-03-01, 09:08 AM
دلوقتي يا messam هتعمل اية انا فعلا في حيرة من امري علشان انا كنت نازل النهارد اشتري النوريكا 73 والاخ روك قالي المجري احسن .......وطيب اية النوع الكويس اللي في المجري في حدود 1300

وهل في حاجه افضل في هذا السرع

شكرا
adel152
11-03-01, 01:28 PM
الأخ العزيز اسامه
فعلا الأخ احمد روك عنده حق %100 فى التل المجرى. التل المجرى فى منها الكسر والعتلة. والعتلة ادق من الكسر وتسمى تورنادو. وحضرتك اقترحت الاتصال بالاستاذ جلال خليفة ودى احسن حاجة تعملها لانه هيجبلك البندقية باحسن سعر ممكن فى القاهرة وعلى فكرة استاذ جلال بيساعد اى حد فى الشراء يعرفه او لايعرفه.
بالتوفيق فى الشراء ان شاء الله
خالص تحياتى