اللى كنت خايف منة حصل

[بدر]

الاخوة الافاضل
كنت من فترة ليا تعقيب على انتشار مسدسات الصوت ان الشعب المصرى عندنا ميول عدوانية مش كل الناس طبعا بس اغلبهم وكان التعليق ان اى مشكلة كل واحد هيطلع مسدس صوت وبعدين الموضوع يقلب بتهريج اية دة انت جبتة منين وبكام ......شوفت اضحك عليك
ولكن انا لله وانا اليه راجعون الموضوع قلب بجد واسفنى جدا الاحداث المؤسفة فى المعادى التى راح ضحيتها سائق الميكروباص وضابط الشرطة
السيناريو المتعارف لحين التحقق من الموضوع ان السائق كان يحمل سلاح ......
.........................حقيقى معنديش حاجة اقولها غير
حسبى الله ونعم الوكيل

[jamayka]

ممكن توضح ايه اللى حصل يا استاذ بدر ؟؟؟؟؟؟ انا مش فاهم حاجة !!!

[بدر]

ممكن توضح ايه اللى حصل يا استاذ بدر ؟؟؟؟؟؟ انا مش فاهم حاجة !!!

انت مسمعتش عن الخناقة بين ضابط شرطة وسائق الميكروباص فى المعادى وقام الضابط بقتل السائق وبعدين الناس قامو بالعتداء على السائق كادو ان يقتلوة
الفيلم موجود على موقع اليوم السابع

[jamayka]

انا شوفت الفيديو بس فى حاجة مش فاهمها هو الواق كان معاه سلاح ؟؟
اللى فهمتو ان الظابط كان سكران عشان كده ضرب نار

[khaledabdelnaby]

السلام عليكم ورحمة الله وبركاته

يبدو انه من المؤسف ان الاوضاع الامنية تتدهور وتزداد سوء وان بعض ضباط الشرطة ما زالوا يعتقدوا انهم فوق القانون انا بالامس كنت اشاهد الضباط وامناء الشرطة امام وزارة الداخلية وما فعلوه لا يمكن تسميتهم الا بلطجية ومجرمين وحقيقة يستحقوا ما فعله بهم الجيش بالامس والاهالى اليوم

[ahmedabutaleb]

انت مسمعتش عن الخناقة بين ضابط شرطة وسائق الميكروباص فى المعادى وقام الضابط بقتل السائق وبعدين الناس قامو بالعتداء على السائق كادو ان يقتلوة
الفيلم موجود على موقع اليوم السابع

استاذى العزيز الناس اعتدوا على الضابط مش السائق

وعلى فكرة هما الاتنين غلطانين يعنى فى الاول الضابط اتخانق مع سواق الميكروباص وضربة بالايد فسواقين الميكروباص اتلموا على الضابط فالضابط طلع سلاحة وضرب فى الهوا جت فى رقبة سواق من اللى كانوا واقفين فالناس اتلموا على الضابط وضربوه
شغل بلطجة يعنى سواء من الضابط او من سواقين الميكروباص حتى الاهالى المفروض انهم ياخدو الضابط ويسلموه انما يضربوة للدرجة دى يبقى احنا بنعمل زيهم بالضبط

[lastworld]

استاذى العزيز الناس اعتدوا على الضابط مش السائق

وعلى فكرة هما الاتنين غلطانين يعنى فى الاول الضابط اتخانق مع سواق الميكروباص وضربة بالايد فسواقين الميكروباص اتلموا على الضابط فالضابط طلع سلاحة وضرب فى الهوا جت فى رقبة سواق من اللى كانوا واقفين فالناس اتلموا على الضابط وضربوه
شغل بلطجة يعنى سواء من الضابط او من سواقين الميكروباص حتى الاهالى المفروض انهم ياخدو الضابط ويسلموه انما يضربوة للدرجة دى يبقى احنا بنعمل زيهم بالضبط

عندق*حق*يا*استاذ*احمد*ابو*طالب*هما*الاتنين*غلطوا*

[memo2224]

(اخوانى هى دى الهمجيه السلبيه)لا تعليق

[mohamed mohiey]

طيب يا جماعة هى دى مصر اللى نفسنا فيها
طيب احنى عشنا واتربينا على حاجات غلط طيب ولادنا هيعيشو فى الهم ده طيب يبقى حتى حرام لازم ياجماعة
ننشر وعى ان الادب والاخلاق والعلم هم اسباب نهضة الشعوب والامم مش البلطجة والعافية ولازم نعلم اولادنا يحترموا البلد والناس فى الشارع هلشان الفرصة اللى فيها متضعش على الارض ودم النس اللى ماتت فى التحرير وغيره من الاماكن ميرحش هدر لازم نحب بعض ونعلم اولادنا يحترمو بعض الضابط مصرى واتعلم السلوك والعادات مننا والسواق كذلك احنا مستوردناش الناس دى من بلد تانية الحضارة سلوك

[rock]

السلام عليكم .... الشرطه كلمه تقال للتخويف فى هذه الايام او فى هذا العصر ..... انا حكيت اللى حصل فى الايام اللى فاتت (ايام الثوره ) فى امبابه لعدد من الاصدقاء الصيادين .... وقد قدمت امبابه 22 شهيدا على ايادى الشرطه وبلطجية الشرطه السريه .... انا بكون واقف احمى بيتى والقسم يبعتلنا الامناء وهما ماسكين الخرطوش والآلى ..... كان صحابى بيقعوا من جنبى .... ليا واحد من اصحابى واخد 10 رصاصات من آلى واحد .... حسبى الله ونعم الوكيل ..رجاء من ضعاف القلوب عدم مشاهدة الفيديو الثانى ...


http://www.youtube.com/watch?v=U_bjH4icIsI

http://www.youtube.com/watch?v=J-RF4z0F9I0

[doos99]

يا جماعه بقى في طار بايت بين الناس و الشرطه يعنى المفروض الناس مسكت الضابط و سلمته للجيش اما يضربوه حتى الموت فهذا غير مقبول بالمره

[هشام سمير]

يا جماعه بقى في طار بايت بين الناس و الشرطه يعنى المفروض الناس مسكت الضابط و سلمته للجيش اما يضربوه حتى الموت فهذا غير مقبول بالمره

نرجوا من الله عز وجل تغير الامور ونزع النقم والبلايا
ولكن ماذا لو علم ضباط الشرطه انهم بشر وليسوا آله او ابناء الاله وتعاملوت مع الناس بالحسن واللين

[sky.line_2010]

يا جماعه يوجد بـعـض افراد الشرطه غير مؤهلين نفسيا وعندهم مشاكل كتير نفسيه (مرض السلطه ) وللاسف عددهم كبير والمفروض يتم تاهيلهم على التفرقه بين المواطن العادى والبلطجى بس قبل الثوره كانو بيعاملوا البلطجى احسن من المواطن العادى ومش افراد بس لا قادة كمان والفديو دة لمدير أمن دمنهور اللواء مجدي أبو قمر بيحرض ظباط الشرطه على المواطنين واصف الشرطه ب اسياد الشعبhttp://www.youtube.com/watch?v=LkC3nJMAr0Y

[doos99]

نرجوا من الله عز وجل تغير الامور ونزع النقم والبلايا
ولكن ماذا لو علم ضباط الشرطه انهم بشر وليسوا آله او ابناء الاله وتعاملوت مع الناس بالحسن واللين

عندك حق يا استاذ هشام هو فيه ظباط شرطه زى ما حضرتك بتقول و ظباط علي العكس تماما و لكن يجب ان نراعي ان هولاء هم اللذين يحمون الناس اما بالنسبه لطريقه المعامله فهتتغير ان شاء الله للاحسن و لكن لماذا العنف من قبل الناس ضد الشرطه فهذا يمنع ضباط الشرطه من اداء عملهم وفي النهايه ضباط الشرطه هم جزء من المجتمع و هم بشر و لا يوجد بشر معصوم من الخطا و لازم مصر كلها تتعاون مع بعضها لكي نحمى مصرنا الحبيبه من السقوط و الخراب اما بالنسبه الاستاذ sky.line_2010 sky.line_2010 فبعض القيادات امثال هذا الشخص تميل للعنف اكثر من العقل و ليس ضباط الشرطه كلهم مثله وضباط الشرطه احتملوا ما لا يقدر ان يتحمله بشر من سب و اهانه و اتهام بالخيانه من الشعب و انهم كانوا معرضين للموت من اجل الشعب في اي لحظه في الايام السابقه فهل ليس لذلك تقدير في قلوب المصريين

[doos99]

[QUOTE=sky.line_2010;49559]يا جماعه يوجد بـعـض افراد الشرطه غير مؤهلين نفسيا وعندهم مشاكل كتير نفسيه (مرض السلطه ) وللاسف عددهم كبير والمفروض يتم تاهيلهم على التفرقه بين المواطن العادى والبلطجى بس قبل الثوره كانو بيعاملوا البلطجى احسن من المواطن العادى ومش افراد بس لا قادة كمان والفديو دة لمدير أمن دمنهور اللواء مجدي أبو قمر بيحرض ظباط الشرطه على المواطنين واصف الشرطه ب اسياد الشعب


الي الاخ العزيز فبعض القيادات امثال هذا الشخص تميل للعنف اكثر من العقل و ليس ضباط الشرطه كلهم مثله وضباط الشرطه احتملوا ما لا يقدر ان يتحمله بشر من سب و اهانه و اتهام بالخيانه من الشعب و انهم كانوا معرضين للموت من اجل الشعب في اي لحظه في الايام السابقه فهل ليس لذلك تقدير في قلوب المصريين

[jamayka]

يا جماعه بقى في طار بايت بين الناس و الشرطه يعنى المفروض الناس مسكت الضابط و سلمته للجيش اما يضربوه حتى الموت فهذا غير مقبول بالمره

معاك حق فعلا المشكلة ان الفساد منتشر فكل المجالات بس الناس مش بيركزو الا مع الشرطة عشان هما اللى فى وش المدفع زى ما بيقولو الناس لو فكرو هيعرفو ان زى ما فى ظابط (فاسد) هيلاقو ان فى مهندس بيغش فى مواد البناء و فى طبيب بيغش المرضى و فى محامى بيترافع فى قضايا عن خارجين على القانون و فى موظف مرتشى
بلدنا بتتغير يا جماعة و لو الناس فضلو يفكرو فى الشرطة البلد هتضيع يا ريت الناس تفكر اننا بنفتح صفحة جديدة

[كريم الشامي]

حسبي الله و نعم الوكيل ...
انا ليا تعليق علي كل الاحداث اللي احنا فيها قبل احداث الثورة كانت العلاقة بين الشعب و الشرطة هيا علاقة خوف و اضطهاد انما بعد الاحداث بئت علاقة عدم احترام علي قلة ادب انا مع كل الاراء ان الشرطة و الظباط وحتي الامناء و الافراد كانو فاكرين نفسم فوق البشر يمشو ولا كانهم اسياد البلد يعني كان لازم لهم وقفة واللي حصل دا اكبر وقفة و درس ليهم انما يا اخواني اعضاء المنتدي الكرام اللي بيحصل من فئة قليلة من الشعب دا اسمو البلطجة بعنيها يعني دلوقتي كل انسان بقا حاسس انو ملوش كبير ولو جبتلو سيرة الشرطة يقولك ياعم شرطة ايه دول ولاد ......... ولا يعرفو يعملو حاجة يعني معني الانضباط و الامن في الشارع بقا معدوم اللي حصل في المعادي انا معرفش اذا كان غلط من السواق ولا الظابط بس حطو نفسكو في طرف محايد و فكروو لو في سواق بيعمل كدا و يبلطج علي ظابط شرطة تفتكروو ممكن يعمل ايه مع مواطنين عاديين زينا في الشارع انا مش بدافع عن الظابط بل انو اكبر غلط استخدامو للسلاح في جسم السواق بس قدام عنينا كلنا في كل المناطق في المناطق الراقية و المناطق العشوائية كل السواقين مش محترمين بمعني يئا يعدي الاول يا يكسر عليك يحكلك عربيتك يكسرها و في الاخر ينزل و يتلم عليه اصحابو و تلاقي نفسك محاط بشوية غجر مش عارف تاخد معاهم حق ولا باطل.
انا اسف طولت عليكو بس زي ما بنحاول نفضح ظباط الشرطة الغير محترمين لازم نعترف بوجود بلطجية في هيئة سواقين وبعد كل كلامي دا انا مش عارف الحل !!! امتي يتظبط الشارع مش عارف.

[بدر]

الاخ الفاضل
مهندس كريم بعد السلام عليكم والسؤال عن المنظار ؟
انا متفق معاك فى كل كلمة قلتها ومشكلتى انى متأكد ان عندنا نسبة انحطاط اخلاقى وبلطجة بين بعض الطوائف
وخصوصا سواقين الميكروباص اللى بيمشى من منطلق اللى خايف على عربيتة يخش
وانا ربنا يعلم اكرة السواقة فى مصر لهذا السبب واتحرك بسيارتى فى اضيق الحدود
ومع الاسف الناس دى لازم تتشد عشان تمشى صح وتحترم نفسها انا اسف انى بقول كدة بس حقيقى انا من الناس اللى بيتحرق دمها من سلوك السواقين.تحياتى

[Mostafa Talaat]

استاذ بدر .....فى رساله لحضرتك على الخاص ممكن تفيدنى فيها ربنا يكرمك

[أميجو]

ربنا يحميكى يا مصر ويعدى الايام دى على خير