بندقية رمسيس نمرة واحد حالة فوق الممتازة

[ahmadkader]

البندقية معتنى بيها جدا و شكلها حديث و الصورة مرفقة بالرابط التالى عالتجربة:

http://www.facebook.com/photo.php?pid=1776947&l=c61a3945c2&id=1610512650

البيع لأعلى سعر لأنى بصراحة معرفش تسوى كام دلوقت ، برجاء عرض الأسعار فى المنتدى هنا أولا

[ahmed_rabee]

شوف السعر اللي هتبيع بيه بكام وانا جاهز للشراء ان شاء الله

[ahmadkader]

و الله حضرتك أنا فعلا مش متابع أسعار بنادق الرش حاليا ، و البندقية دى عندى بقالها فوق العشرين سنة و محافظ عليها جدا بس خلاص مش محتاجها

[ahmed_rabee]

طيب انا دورت علي الاسعار علي النت متوسط سعرها حوالي 250 ج .. يا ريت لو موافق نتقابل .. ؟

[ahmadkader]

لو 300 يبقى ربنا يباركلك فيها لأن حالتها فوق الممتازة

[ahmed_rabee]

طب هي متغيرلها سوسته اخر مره امتي وهل معاها رش او جراب ... متعلقاتها ايه يعني ؟

[ahmadkader]

مغيرتش فيها مسمار واحد من يوم ماجبتها من 20 سنة يمكن لأنى مبستخدمهاش كتير و كل اللى إنضرب بيها من يوم ماجبتها مايجيش 200 رشاية ، معاها بتاع 100 رشاية و مافيش معاها إكسسوارات و ضغطها عالى جدا ممكن تجربها

[ahmed_rabee]

اوك .. حضرتك منين .. نتقابل باذن الله .. بس هز السعر شويه

[ahmadkader]

على فكرة أنا إخترت السعر اللى إنتا قولت عليه ، إنتا قولتلى المتوسط 250 و أنا عميانى قولتلك 300 ، لأن كلمة متوسط دى معناها فيه أغلى من 250 و فيه أقل على حسب الحالة و أنا بندقيتى فوق الممتازة يعنى مش هتندم عليها ، أنا من مصر الجديدة شوف تحب نتقابل إمتى ؟

[ahmed_rabee]

خليها يوم السبت بامر الله .... يا ريت تكتبلي رقمك او تبعتهولي في رساله خاصه احسن .

[mohamed_esm]

انا اشتريت خلاص يا استاذ عندك رساله علىالخاص ياريت ترد عليها

[ahmed_rabee]

طيب ممكن احب الموضوع يرد يقول هيبيعها لمين ونخللللللللللللللللص

[mohamed_esm]

هههههههههههههههههههههههههههههه واله ما هتفرق الف مبروك عليك يا استاذى والهل ما قصدى انا بفتكركو لسه مش اتفقتو مش تابعت الردور مبارك ان شاءالله للبائع والمشترى

[ahmed_rabee]

شكرا لزوقك يا استاذي ... بس تقريبا الراجل راح باعها لوحد تاني غيرنا لانه مبيرددددددش

:d :d :d :d :d :d :d :d :d :d

[mohamed_esm]

ههههههههههههههههههههه يا سيدى مبارك علىالىل هياخدها ولو انت اخدتها الف مبروك عليك بس متنساش تورينا صورها بقى بالصيد او لما تصطاد بيها ان شاء الله

[ahmadkader]

بعت لحضرتك رسالة خاصة فيها رقم تليفونى

[ahmed_rabee]

تمام يا باشا ... جاري الاتصال وتم الاتفاق

[ahmadkader]

يا جماعة و الله أنا فعلا ممتن جدا لإهتمامكم ده بالموضوع ، عموما بصوا أنا السعر النهائى اللى توصلتلوا من مجموعة عروض هو 300 جنيه ، منتظر إتصالكم على رقم 0103658475 و السعر كدا نهائى معلش مش هينزل خالص و شكرا

[mohamed_esm]

1000 مبروك على البائع والمشترى

[ahmadkader]

و الله يا جماعة أستاذ ahmed_rabee حجزها كدا ، بس هو لسة متصلش و مأكدش ربنا يسهل بقى و لو إتأكدت منه هشيل الإعلان

[mohamed_esm]

بعنى اتباعت ولالا اصلى جاى اتكلم الاستاذ احمد زعل وانا مش قصدى والله ياريت بس توضح عرضك لسه قائم نتكلم ولالا

[ahmadkader]

و الله أنا بعتله نمرتى و هو قاللى هتصل بيك و متصلش و ده كل اللى حصل محدش لسة أكد عليا

[mohamed_esm]

ببعت لحضرتك على الخاص ومش بترد قولى علشان نشوف هينفع نتقابل بكره ولالا

[ahmadkader]

البندقية إن شاء الله إتباعت يا جماعة و شكرا لإهتمامكم

[lastworld]

مبروك عالبايع والشارى ان شاء الله

[أميجو]

مبارك للبايع والشارى ان شاء الله

[aaaa2000]

ممكن اسأل لانى جديد فى الصيد
هل البندقيه الرمسيس دى كويسه والا لا

[braveheart]

البندقية الرمسيس ... هي من أقل البنادق من حيث السرعة و القوة ... و لكنها مناسبة للمبتدئين للتمرين و للصيد بس من مسافات قريبة و للعصافير فقط تقريبا ... لأن أي طائر تاني أكبر ( كاليمام ) ممكن متقتلوش ... تلسعة بس ...
هههه

[Dido Fido]

لو تكرمت لو البندقيه متباعتش انا عاوز اشتريها لو انت موافق راسلنى على الميل بتاعى
mahmoud_ibrahim42@yahoo.com

[omarara]

لو تكرمت لو البندقيه متباعتش انا عاوز اشتريها لو انت موافق راسلنى على الميل بتاعى
mahmoud_ibrahim42@yahoo.com

ياباشا الموضوع ده من شهر واحد والراجل قال إتباعت على ما اعتقد
شوف اعمل موضوع انك عاوز تشترى بندقية بالمواصفات كذا والسعر وشوف الناس هتقولك ايه

[hosam hamza]

مبروك للبائع والمشترى

[don'tshoot]

طب يا جماعة حد من المشرفين يقفل المواضيع المنتهية البيع دي!

[Mohamed Mahmoud]

تم غلق الموضوع للبيع