الديانات ...........diana [الأرشيف]

hima

11-02-22, 12:48 AM

السلام عليكم
انا الحمد لله انصمت قريب الى المنتدى وبصراحة انا مبسوط جدا واستفدت كتير اوى من خبرات الاعضاء اللى باين عليهم فعلا الاحتراف
انا كنت بصتاد ب رمسيس وجربت الكرال
عندى استفسار عن الديانا
لو لو لو قررت اشترى واحدة ايهما افضل 56 ولا 54 ولا ماجنوم 350 والفرق بينهما
وليه دايما غالبية الاعضاء بينصحوا رقم 2
وايهما افضل عامة فى اى بندقية الكسر ام العتلة

شكرررررااااااااا

سبحان الله وبحمد سبحان الله العظيم

rock

11-02-22, 03:42 AM

السلام عليكم .... الاير كينج تتميز بمانع الارتداد (الرده) عن باقى المذكور بس وزنها تقيل .... والسرعات تقريبا واحده ولو فيه فرق هيبقى امتار مش هتزيد عن 50 متر .... (الرش نمره 2 افضل فى الصيد ) الكلام ده يتقال مع البنادق القويه فقط .... لان لما يكون سرعة (الديانا ماجنوم 350 ) نمره2 280 م/ث .... نمره 1 هتبقى كام هنقول 350 م/ث .... هل ممكن تظبط تليسكوب على السرعه دى .... الاجابه لايمكن .... البنادق القويه نمره 2 اثبت فى الاصابه من نمره 1 .... هتلاقى فى اخ يقول ازاى وبنادق الرمايه بتبقى نمره 1 .... هى فعلا بتبقى نمره 1 بس مش سريعه يعنى متصلحش للصيد .... الملخص من الرغى ده وسامحنى على الاطاله لو هتشترى ديانا المفروض نمره 2 لدقة الاصابه ... ولو واحد جه سالنى اجيب رمسيس نمره 1 ولا 2 هقوله جيب نمره1 لانها اسرع .... نيجى بقى لموضوع العتله والكسر .... وهتلاقى الاتنين ليهم مميزات وعيوب .... العتله مميزاتها دقة الاصابه لثبات الماسوره .... بس اعطالها صعبه بس قليله .... والكسر سرعة التعمير وسهولة تخزينها ومن العيوب انثناء الماسوره .... لانها مش ثابته .... وعندك بندقيه زى السى اف اكس رويال .... الصيادين بيسموها (الموس ) لدقتها المتناهيه .... مع ان سرعتها 220 م/ث ... معلش انا رغاى شويه بس يارب اكون عرفت افيدك ... وانا تحت امرك فى اى حاجه .... تحياتى .