المساعد الشخصي الرقمي

مشاهدة النسخة كاملة : اعمال الصيانه

venatic13
08-05-09, 08:35 PM
هل مطلوب ازيت او اشحم البندقيه الجديده؟

ولو هاشحمها هل افكها ولا ابلاش

ده السؤال الاول

السؤال التاني

تعبت في تظبيط الناشنكاه بتاع البندقيه ومش حاسس انه مظبوط اوي

اعمل ايه بقي ؟؟؟؟


!!!!!!!!!!!!!!!!!!!!!!!!!!
عاصــم الشبراوينــي
08-05-10, 03:49 AM
زيتها من بره بس من غير مدخل الزيت جواها لتلميع والمحافظه عليها وبعدين النشنكان يا مظبوط يا مش مظبوط في حاجه اسمها حاسس ومش حاسس
عاصــم الشبراوينــي
08-05-10, 04:09 AM
وبعدين ظبط النشنكان من مسافه واحده من غير تغير مسافات وعل هدف واحد والبندقيه سابته يعني متظبتهاش وانت واقف عشان اكيد مش هتعرف تظبطها
venatic13
08-05-10, 01:29 PM
مسافه واحده من غير تغير مسافات

اللي هي كام بقي

ولما اضرب بقي علي مسافه مختلفه

هيبقي لازم اغيره ولا ايه

طبعا زيتها

ما هو نوع الزيت
عاصــم الشبراوينــي
08-05-10, 06:18 PM
زيت بيجي من عند واي حد بتاع اسلحه اسمه زيت سلاح قله كده هيدهولك علي طول وبالنسبه للمسافه المختلفه لا انا قصدي علي الظبط بس مش علي الصيد
moustafa_hunter
08-05-10, 10:30 PM
تزييت البندقية بس من برة و تشحمعا فى مكان الاحتكاك والتشحيم مش محتاج فك
والنشان بيضبط على مسافة معينة وكل متبعد او تقرب بتفرق شوية
واحسن نوع زيت هو Wd-40
عاصــم الشبراوينــي
08-05-10, 10:35 PM
بس النوع ده غالي قوي يا مصطفي غالي جدا
msgm
08-05-11, 12:30 AM
من ناحية غالي فهو غالي ..
. على فكرة أنا إكتشفت إن الزيت wd-40 بيحلل الشحم .... جرب تجيب شوية شحم . و تحط عليه شوية زيت wd-40
و قلبهم في بعض . بواسطة ملعقة .. أو أي حاجة ... حتلاقيه أصبح مزيج من الشحم لكن أخف من الأول ..

و ممكن تحطه في حقنة طبيه " و تزيت بيه البندقيه في الأماكن الصعب الوصول ليها .. بدون ما تفكك البندقية ..

. و من واقع تجربتي .. أهم حاجة تتشحم . هي الجلبة الرئيسية . و جلبة مانع تسرب الهواء . و قضيب تجميع السوستة الموصل بذاع متصل بماسورة الإطلاق ..

لأني إكتشفت بينه و بين الجسم الرئيسي إحتكاك شديد أدى للتآكل ... " و معنى تآكل يعني البندقية مش هتعمر معايا لزمن كبير ..

إن شاء الله لما آجي الزقازيق . أوريك الموضوع ده . عشان مش لاقيله حل ..

ربنا يستر ..!
venatic13
08-05-11, 12:05 PM
تزييت البندقية بس من برة و تشحمعا فى مكان الاحتكاك والتشحيم مش محتاج فك

هشحم اماكن الاحتكاك....اللي هي ايه ....وازاي من غير ما افك


من واقع تجربتي .. أهم حاجة تتشحم . هي الجلبة الرئيسية . و جلبة مانع تسرب الهواء . و قضيب تجميع السوستة الموصل بذاع متصل بماسورة الإطلاق ..


طيب الجلبه اللي بره ماشي

بس الجلبه اللي جوه لا زم فك

وقضيب تجميع السوسته ده يتشحم ازاي من بره

ــــــــــــــــــــــــــــــــــــــــــــــــــ ــــــــــــــــــــ

والشحم اصلا اجيبه منين ....من اي بنزينه ولا ايه
msgm
08-05-11, 08:27 PM
هات الشحم الي بيستخدموه الميكانيكيين .. من عند محلات إكسسوارات أو حتى قطع غيار العربيات .. بيسموه الشحم السعودي . و مكتوب عليه صنع في السعودية .. الشحم ده ممتاز و هو أغلى نوع .. العلبة ب 15 جنيه ...و بيتحمل الحرارة العالية و بيكون لونه بيج

اي جزء في البندقية بيتحرك لازم يكون بينه و بين أي جزء تاني مفصلة ..أو قضيب مسار .. هو ده الي حيتشحم .. بعد ما تفك الدبشك الخشبي فقط ...


أما الجلبة الداخلية .. .. بتتشحم بالطريقة التالية ...

و أنت بتعمر البندقية "" أثناء سحب الأجزاء .. "" توقف في المنتصف .. و خلي بالك لا تفلت منك و تجرحك ... المهم ... خلي حد يحط بإصبعه قطعة شحم على المكان الي بيخرج منه الهواء و الي بيكون خلف الطلقة مباشرة في وضع الإطلاق .. و كمل يا باشا تعمير ... حتلاقي الشحم راح إتسحب و إتشفط لجوة ..

كده البندقية متعمرة ....إفصل التعمير من غير ما تضرب ... يعني و أنت ما سكها كأنك بتعمر ... إمسكها كويس جدا ..و دوس على الزناد و رجع الما صورة مكانها ..


كرر العملية مع وضع الشحم من 4 إلى 8 مرات حسب الكمية الي بتحطها ..


و بعدين .. عمر و إفصل التعمير كذا مرة عشان توزع الشحم جوه..

و أول 4 طلقات حتضربهم .. حيكونوا مكتومين .. و ضعاف . عشان البندقية حتخرج الشحم الزيادة ....

بس يا باشا إسمع الصوت و شوف الأداء و إستمتع بالندف و إستشعر القوة لمدة 400 ضربة ...


وبلغني
venatic13
08-05-11, 09:40 PM
هات الشحم الي بيستخدموه الميكانيكيين .. من عند محلات إكسسوارات أو حتى قطع غيار العربيات .. بيسموه الشحم السعودي . و مكتوب عليه صنع في السعودية .. الشحم ده ممتاز و هو أغلى نوع .. العلبة ب 15 جنيه ...و بيتحمل الحرارة العالية و بيكون لونه بيج



هو ده الكلام

...............................

بس شكل حكايه الجلبه الداخليه دي حكايه

هي مهمه يعني انها تتشحم ؟
msgm
08-05-11, 11:39 PM
في ناس بتقول ما تشحمهاش إلا للضرورة ..

أنا رأيي غير كده خالص ..

الشحم هو أهم حاجة و أنا مجربة مع ال 350 ماجنود . ديانا ... عمل معايا فرق رهييييييييييييب جدا ...فوق ما تتخيل

و إسأل مصطى لما زارني في القاهرة .. و عملنا شوية إختبارات مع بعض ,,


بندقية مصطفى و بندقيتي .. نفس القوة والكفاءة على حسب كلام المصنع

إستخدمنا نفس نوع الرش . ونفس الأهداف ..
بندقيتي متشحمة .. و كان الشحم من أكتر من 3 أسابيع ,, يعني كانت محتاجة تشحيم تاني..
و بندقية مصطفى من غير شحم ولا زيت ..


و فعلا الفرق كان كبير
venatic13
08-05-12, 07:07 PM
طيب نوع الشحم عرفناه (شحم سعودي )

نوع الزيت وياريت زيت سهل اجيبه مش محتاج لف ودوخه
msgm
08-05-12, 11:13 PM
الزيت :- أي زيت يكون خاص بالآلات .. .و بلاش زيت 40-WB مع أنه كفاءة في التزييت وتسهيل الحركة... إلا أنه يحتوي على مواد كيميائية وظيفتها الأساسية إزالة الصدأ . و للأسف مع مرور الوقت و كثرة الإستعمال بتشيل دهان البندقية الأسود .. دا غير أنك لو حطيتها على الجلبة .. برضه مع الوقت .. حتحللها . زي ما قال الأخ مصطفى ...و فعلا كلامه صدق . لأن لقيت الزيت ده ( 40-WB) حلل الشحم . و ده معنا ممكن يحلل مواد تانية كتيير الزيت 40-WB يستخدم لتسهيل فك المسامير و الصواميل الصدأة

الحل الأمثل ..ممكن تستخدم زيت العربيات . و تحطه في حقنة طبية .. بس يكون زيت شل هيلكس ألترا لأنة الزيت الوحيد المصنوع من النباتات والأشجار .و مواد تخليقية طبيعية .كفاءة ... "" إبقى عدى على أي بنزينة و قوله يديك شوية من فائض العلبة .. الي بتبقى بعد تغيير الزيت ...""و إظرفه نص جنيه ولا حاجة

على فكرة أنا لسة من نص ساعة بس وصلني عبر البريد الجلبة الأصلية للبندقية .. بس للأسف بعتولي الجلبة الغلط ... بعتولي الجلبة بتاعة الموديلات seal for mod 34/36/38/45T01/48/52/54/46/46E/Stutzen/T05/P31
كنت طلبتها على النت . ما رضيتش أجيبها من مصر لأن الي هنا مضروب . و قلت أجيب الأصلي .من باب الإحتياطي فقط.. لأن مصطفى قالي . أنها أول حاجة بتحتاج تغيير بعد عمر طويل بإذن الله في قطع البندقية ..
و فعلا مختوم عليها كلمة DIANA و واخدة رقم تسلسل مختوم عليها

مش عارف أعمل معاهم إيه و لا أتصرف إزاي ...ولا كأن ليها لازمة معايا ..
ما نابنا إلا... ولا بلاش ..

ممكن والله أعلم تكون بتركب على ال 350 بس هما مش كاتبين .. لأن هما كاتبين نوع الزناد T05 و ده نفس نوع الزناد الي عندي..
بس إيه علاقتها بالزناد أساسا أن هم يحطوا موديله
لو حد عارف يا جماعة يقولي .
ولا أرجع أشحن الطرد تاني ليهم .مرفق برسالة توضح الخطأ ..عل وعسى يبعتوا الجلبة الصح ..

طبعا مش محتاج أقولكم الطرد ده إتفتح كام مرة وعدى على الجمارك و وزارة الداخلية و إدارة المفرقعات و إدارة المخدرات .. و كل أختامهم أنا مصورهالكم .. من على الطرد.. كل ده عشان حتة بلاستيك قد الربع جنيه ..

آسف جدا جدا .. إني طولت عليكم .. و أخليكم مع الصور في المرفقات
venatic13
08-05-13, 03:32 PM
بعد الكلمتين اللي انت قايلهم دول يا محمد والله اتكسف اسئلك

بس ما علينا ........


انا بقول بدل ماترجعها.... انت تخطف رجلك وتروح بنفسك وامرك لله



فعلا مختوم عليها كلمة Diana و واخدة رقم تسلسل مختوم عليها


وجمارك ومفرقعات ومخدرات وتتطلع في الاخر مش هي ....والله الناس دي بتهزر
msgm
08-05-13, 05:02 PM
دا من ذوقك بس يا venatic13 أسأل زي ما أنت عايز ...
أنا تحت أمرك


أخطف رجلي و أروح ألماني يا venatic13 عشان اتفاهم معاهم ؟؟؟؟؟؟؟؟؟؟!!!

هه ههههههه

و بالمرة أشارك في بطولة فريق الرماية المصري الي بيشارك في ألمانيا...
على فكرة الفريق سافر إمبارح
venatic13
08-05-14, 12:38 AM
انا شحمت مكان القفل بين الماسوره والبندقيه

بس علشان اشحم قاعده عمود التجميع من غير ما افك الدبشك ..مش عارف

.................................................. .............

وسؤال علي السريع ...انظف الماسوره ازاي

انا بنظفها بقطعه قماش صغيره مربوطه في دباره من نحيتين

.................................................. .

وبالنسبه للزيت ليه احطه في سرنجه وانا هاعمل بيه من الخارج بس
msgm
08-05-14, 10:33 PM
و أنا بأشحم بندقيتي .. حأصورهالك فيديو و صور .. عشان الموضوع يكون واضح للجميع ..

أعتقد أن البندقية الرش مش محتاجة تنظيف الماسورة .. لأن ليس هناك بارود يحترق و يلتصق بالماسورة كي ننظفة .
و الرشه و هي بتجري في الماسورة بتشيل كل الي قدامها .. وبنضفها لوحدها ..

...

الزيت نوعه إيه ؟؟!
venatic13
08-05-15, 12:22 AM
زيت شيل زي ما انت قلت


وياريت فعلا حكايه التشحيم والتزيت فيديو علشان تريحني
msgm
08-05-15, 11:19 AM
من الخارج بس إزاي .. مش فاهم تقصد إيه ..! ؟
venatic13
08-05-15, 11:47 AM
يعني قصدي external metal parts

الماسوره من بره علشان الحمايه


(الاجزاء المعدنيه الخارجيه )
msgm
08-05-15, 12:32 PM
أنا حأصورلك الأماكن الي بتتزيت .. و أنزلها في موضوع جديد ...و فيديو و صور .


و مبدئيا مادام جبت زيت شل ... حط من الفتحة الي بيخرج منها الهوا من 6 إى 8 نقط زيت فقط ... ما تزودش عن كده ..
venatic13
08-05-15, 01:03 PM
مش قلنا هانشحم الجلبه مش هانزيتها

ولا ايه ؟؟
msgm
08-05-15, 03:05 PM
الطريقة الي تريحك
اهم حاجة انك ماتستخدمش 40-wb نهائي ابدا الا في حالة ازالة الصدأ فقط من علي المعدن
ماتجبهوش علي اي بلاستك في البندقية او الدبشك الخشب

و بلغني بالي تم يا بوب
venatic13
08-05-15, 03:11 PM
اوك
الزيت ده يمشي
esso

gx 80w_90


المفروض اني اشحم عمود التجميع..ولا مش لازم
ولو لازم يبقي ...افك الدبشك واشحمه وخلاص
msgm
08-05-15, 05:48 PM
يفضل أنك تشحمة ..

بس مش إحنا إتفقنا أن الزيت يكون .شل هيلكس ألترا . SHELL HELIX ULTRA
لأنه الزيت الوحيد المصنوع من النباتات و الأشجار و مواد تخليقية طبيعية ..

دي صورة العلبة ..



http://hckum.tripod.com/sitebuildercontent/sitebuilderpictures/.pond/helix-ultra.jpg.w180h226.jpg


طبعا الصيادين حيقولوا علينا قلبنا المنتدى لمنتدى ميكانيكية ..بلية و مفتاح 13 و رقص الموتور يا جدع
venatic13
08-05-15, 10:21 PM
س مش إحنا إتفقنا أن الزيت يكون .شل هيلكس ألترا . SHELL HELIX ULTRA
لأنه الزيت الوحيد المصنوع من النباتات و الأشجار و مواد تخليقية طبيعية

معلش مشيها كده

ولا ده مش نافع

وبعدين انا هاشحمها من جوه وازيتها من بره

ولا انت رايك ازيتها كمان من جوه
:confused:
:confused::confused::confused::confused:
:confused::confused::confused:
msgm
08-05-15, 10:42 PM
أنا أفضل الشحم .. لأنه بيمتد لأطول فترة ممكنه ...

و مش مشكلة الزيت الي معاك ..

أهم حاجة بشرني يا باشا ... بالنتائج ...

في أسرع وقت ..
mo7 faqih
08-12-02, 07:09 PM
السلام عليكم ورحمة الله وبركاتة
الاخ محمد السيد كيف حالك .طمنا عليك
بالنسبة لما البندقية تكون ضعيفة تزيت والا تشحم امام البستم والجلبة مكان تجميع الهواء ايهما افضل الزيت والا التشحيم
msgm
08-12-03, 01:01 PM
أخي العزيز mo7 faqih

الأهم تعرف سبب العيب ثم نقدر نحدد نعالجه الزاي ..

سؤال
إيه الي خلاك تقول عليها ضعيفة ..؟!
mo7 faqih
08-12-12, 04:52 PM
السلام عليكم ورحمة الله وبركاتة
كيف حال الصيادين
اريد تفصيل دقيق لــــــــ ...>اماكن التزييت ...>واماكن التشحيم
وشكرأ لكم جميعاً
wael_496
10-01-25, 04:50 AM
في مشكلة في البندقية بتاعتي انها مش بتتعمر السوستة بتشد وكل حاجة بس مش بتعمل التكة اللي في الاخر حد عنده حل ضروري
town sniper 1
10-01-26, 11:04 PM
ده مشكلة زناد وبدل ما تدخل في شراء زناد جديدروح ورشة لتصليحه لو متعرفش هادلك علي واحد اعرفه
wael_496
10-01-26, 11:17 PM
طب هي فين ورش التصليح
eng_ahmed
10-03-22, 09:53 PM
طيب الزناد يتعمل ازاي وكام التكلفه لو سمحتو اذا حد يعرف يا ريت الرد يكون باسرع ما يمكن ارجوكوووووووو؟؟؟
Mahmoud
10-10-25, 09:27 PM
ارجو من الاخوة الخبراء بعملية التشحيم و التزييت مساعدة الهواة امثالي حيث انني لا اعرف ما هي الجلبة او مكان ضغط السوستة فنرجو منكم توضيح ذلك بالصور او تعريفنا باجزاء البندقية الداخلية و الخارجية بالصور مثل كتالوج اي شئ و ذلك لتسهيل فهم ماذا يقصد بالجلبة او البستم او ذراع ضغط السوسته و خلافه
و لكم مني جزيل الشكر و التحية
الجزار
10-10-25, 10:45 PM
التزييت ساعات بيبوظلي البندقيه
mido_23279
10-11-29, 10:55 PM
مساء الفل
كنت عايز أعرف من خبراء المنتدى هل الشحم السعودى الى ب 15 ج دة أفضل ولا شحم شركة esso و هو أغلى شوية بحوالى 16.5 ج و هو أخف شوية من الشحم السعودى

أرجو الأفاد

مع الشكر
braveheart
11-02-22, 05:13 PM
من ناحية غالي فهو غالي ..
. على فكرة أنا إكتشفت إن الزيت wd-40 بيحلل الشحم .... جرب تجيب شوية شحم . و تحط عليه شوية زيت wd-40
و قلبهم في بعض . بواسطة ملعقة .. أو أي حاجة ... حتلاقيه أصبح مزيج من الشحم لكن أخف من الأول ..

و ممكن تحطه في حقنة طبيه " و تزيت بيه البندقيه في الأماكن الصعب الوصول ليها .. بدون ما تفكك البندقية ..

. و من واقع تجربتي .. أهم حاجة تتشحم . هي الجلبة الرئيسية . و جلبة مانع تسرب الهواء . و قضيب تجميع السوستة الموصل بذاع متصل بماسورة الإطلاق ..

لأني إكتشفت بينه و بين الجسم الرئيسي إحتكاك شديد أدى للتآكل ... " و معنى تآكل يعني البندقية مش هتعمر معايا لزمن كبير ..

إن شاء الله لما آجي الزقازيق . أوريك الموضوع ده . عشان مش لاقيله حل ..

ربنا يستر ..!

علي فكرة ... ال wd - 40 دة أصلا مزيل صدأ .. أنا كنت أبيعة عندي بالمحل .. لون العبوة أصفر في أزرق.
lordahmed
11-03-20, 04:17 AM
انا عندي بندقيه norica 56 الماسورة نازلة عن بيت الرش تقريبا 3 مللي لتحت يا تري دي مشكلة ايه ؟
Ishak105
11-03-22, 12:13 PM
اخواني الاحباء ارجو المساعدة عندي مسدس تركي ekol firat magnum 9M ان الطلقات النحاس الذهبي بتعلق فيه في بيت النار ومش بترد الأجزاء للأخر فالطلقة بتحشر مع اللي وراها اللي اتسحبت
ماذا افعل
mero1x
11-05-02, 02:21 PM
مسمار الماسورة مكسور فمسقطها
dxdxdx
11-05-08, 09:14 PM
انا معايه مسدس بيرتا صوت المشكلة الاول كان بيكدب مرتين دلوقتى بيكدب كتير جدا لازم اشد الاجزاء مرة تانى كده يبقى العيب فى ايه ارجو عدم التجاهول شكراً