مستشفي المنتدي

[venatic13]

اي حد عنده اي سؤال او استفسار

عن اي حاجه يتوكل علي الله

وان شاء الله يلاقي افاده
ـــــــــــــــــــــــــــــــــــــــــــ
ملحوظه: ثمن الكشف ثابت

سبحان الله وبحمده.. سبحان الله العظيم (مره واحده)

[عاصــم الشبراوينــي]

متشكرين جدا يا باشا علي المشاركه المتميزه دي وان شاء الله تلاقي زباين كتير متقلقش

[عاصــم الشبراوينــي]

بالمناسبه في حاجه دايمه بتجيلي بعد اي طلعه صيد مرهقه وهي تعب شديد في معصم ايدي اليمين
مره روحت كشفت قلي تمزق في الاربطه تفتكر اعمل ايه عشان اتلاشا الموضوع ده بس من غير حقن عشان مبحبهاش هههههههههههه
يا ريت تفدني

[venatic13]

الف سلامه عليك يا باشا


اولا الوجع لو جامد ياريت تعمل اشعه علشان نتطمن

بس لو بسيط

هاتعمل كمادات ماء دافئه

الراحــــــــــــــه ( طبعا ان ايدك الشمال هي اللي بتعمل كل حاجه تقريبا في الرمي يعني اليمين بتبقي relaxed وبتضغط علي الزناد بس ......ف ما تحاولش انك تشيل حاجه ثقيله بها او ترهقها)


ممكن تربطه برباط ضاغط بس مش قوي

ومافيش مانع لو مسكنات


والصبر علشان محتاجه شويه وقت



والله هو الشافي

[عاصــم الشبراوينــي]

الف شكر يا باشا علي الافاده وعلي العموم انا هعمل مسابقه افضل موضوع في المنتدي وا شخصيا هرشح موضوعك بتاع المستشفي مش لانه جميل ومفيد وبس لا لانه كمان حصري مش موجود في اي منتدي تاني

[msgm]

سؤال صغير .. بعد طلعات الصيد . أشعر بألم و خدر في الكتف الأيمن نتيجة لرد الفعل في البندقية ..

أتعودت على الألم .. لكن . إيه الحل عشان أمنعه ... ""! في طبيب قالي لازم ألعب حديد . عشان أقوي عضلات الكتف


إيه تعليقك ؟@!

[venatic13]

الف سلامه عليك يا باشا


بس عايز اعرف

هل الم متواصل... ولا بعد المجهود بس

هل هو في الكتف بس ...ولا لتحت شويه كمان

ومن قد ايه؟

[msgm]

اله يسلمك دايما ..

الألم بييجي في المفصل بالظبط..
.. وبأشعر بيه بعد نهاية الصيد ممكن يمتد لمدة يوم كامل
بدأ الموضوع ده من يوم ما جبت البندقية .. 350ماجنوم ..! أكيد السبب رد فعلها الشديد ..

هو خلاص إتعودت عليه .. بأحس بيه بس مش زي الأول .... إنما لو منعناه يكون أحسن ..!

[venatic13]

طيب الالم لما بتحركه ولا وهو ثابت؟

في تورم او احمرار ولا لا؟

في اي اعرض مصاحبه

يعني الم في الرقبه ... تعب في التنفس .. اي حاجه تانيه


إذا لم تكن تشعر بألم مع تحريك مفصل الكتف أو مع تحريك ذراعك فممكن تناول اسبرين ، وإتصل على طبيبك إذا إستمرت الاعراض لأكثر من 10 أيام .

ملحوظه : اللي انا اعرفه بكتبه يا اشباب ...واللي انا مش عارفه او مش متاكد منه بدور عليه واجيبه من مصادر موثوقه

[عاصــم الشبراوينــي]

متشكرين يا باشا علي الاستشاره المجانيه دي

[msgm]

ألف شكر ليك .. و ربنا يجعله في ميزان حسناتك ..
الحمد لله ما فيش أي آلام مصاحبة .ولا تورم ولا إحمرار ..
الأسبرين الي بيكون إسمه Rivo ولا Asbosid ولا Banadol
أنهي نوع هو الأفضل ..؟!

[venatic13]

انا نصيحتي انك تتجنب الخبطات الكتير

يعني لو ينفع تحط حاجه طريه بين كتفك وبين البندقيه يبقي اريح ليك

وهو ممكن يكون الالم بسبب التهابات بسيطه من الخبطات المتكرره


بالنسبه لانواع المسكنات هي الفروقات مش كبيره

بس ماتكترش منها لان لها اعراض جانيه .....

[msgm]

الف الف شكر يا حبي و تسلم

[عاصــم الشبراوينــي]

من غير ك المنتدي ولا يسوي يا دكتور

[msgm]

سؤال يا دكتور .. هو كتر شرب الشاي والقهوة ..غلط .

أنا بأشرب بمعدل 3 شاي سادة و 1 قهوة و واحد شاي بلبن ,... دا معدل ثابت يوميا .. ..؟!

و هل الشاي الأخضر بيدي نفس كمية الكافيين الي في الشاي الأحمر ولا أكتر ..؟!

[venatic13]

خلينا نتفق الاول ان اي حاجه كتير خطر
.

ما ذاد عن حده ...........


نشوف الشاي الاخضر الاول

- مكونات الشاي الأخضر وفوائده الصحية:

- المكون ذو الطعم المر فى الشاي الأخضر (Catechins):

- يقلل من احتمالية إصابة الإنسان بمرض السرطان.(بسبب مواد مضاده للاكسده antioxdant)
- يحجم من الإصابة بالأورام.
- يخفض من كوليسترول الدم.
- يقلل من مخاطر تحول الأورام الحميدة إلى أورام سرطانية.
- -

2- مادة الكافيين:(بس بكميه بسيطه تقريبا 3%)

- تساعد على اليقظة.
- تحرر الإنسان من الشعور بالإرهاق والميل إلى النعاس

- تعمل كمادة مدرة للبول.

3- فيتامين (ج):

- يقلل من الضغوط ..

- يحول دون الإصابة بنزلات البرد أو الأنفلونزا

4- فيتامين (ب) المركب:

- ينشط عملية التمثيل الغذائي بالجسم

5- حامض (Gamma-amino butyric acid):

- يخفض من معدلات ضغط الدم المرتفع.

6- فلافونويدز (Flavonoids):

- تقوى جدار الأوعية الدموية.
- تمنع رائحة النفس الكريهة.

7- مادة (Polyaccharides):

- تمنع الإصابة بسكر الدم.

8- الفلورايد:

9- فيتامين (هـ):

- يعمل كمضاد للأكسدة.
- يساعد على حيوية الشخص ونضارته (الحفاظ على الشباب).

10- (Theanine):

- يعطى للشاي الأخضر مذاقه.

[venatic13]

الشاي والقهوه

اولا الكافيين موجود في الشاي والقهوه بس في القهوه اكتر

ثانيا الثيوفيلين هي الماده الاكثر تاثيرا في الشاي


تاثير المادتين

الثيوفيلين:
The main actions of theophylline involve:

relaxing bronchial smooth muscle
increasing heart muscle contractility and efficiency: positive inotropic
increasing heart rate: positive chronotropic
increasing blood pressure
increasing renal blood flow
some anti-inflammatory effects
central nervous system stimulatory effect mainly on the medullary respiratory center.

محفز للجهاز العصبي والتنفس
مدر للبول
زايده ضغط الدم
محفز لعضلات القلب

الكافيين: محفز للجهاز العصبي المركزي- عضلات القلب- الجهاز التنفسي- مدر للبول- محفز أيضاً للطاقة واختفاء الشعور بالإرهاق(ملخص للعمل بتاعه اصل كتييير)


واي استفسار انا موجود

[msgm]

شكرا جداا :)
ونردها لك في اي اعمال هندسية :d :d :d

[عاصــم الشبراوينــي]

تشكر يا باشا و نردهالك ان شاء الله في إحتياجاتك القانونية ..

[msgm]

ألف شكر ليك يا باشا . وما نتحرمش إن شاء الله منك ..و من أي عضو في المنتدى الكريم

[venatic13]

اي خدمه يا شباب

دي ابسط شئ اقدمه للمنتدي

[msgm]

بارك الله فيك

[عاصــم الشبراوينــي]

بس يا دكتور في حاله ان في طلقه رش دخلت في جسم واحد ايه الاسعافات اللزمه ليه عشان يقدر يتجنب المضاعفات

[msgm]

في إعتقادي أنه مايحاولش يطلعها بنفسه .. ولا بمساعدة من أي حد ...

و يطلع زي الصاروخ على أقرب مستشفى .. أو مركز طوارئ .. لأن لا قدر الله الطلقة تكون طربت شريان أو وريد
فتسبب نزيف داخلي لا قدر الله ..

هل كان إعتقادي صحيح يا دكتور .. ؟؟؟

[عاصــم الشبراوينــي]

ايوه يا محمد بس في اماكن بيكون اقرب مستشفي ليك علي بعد يوم واكتر منك انا بقول حل فعلي من الدكتور

[msgm]

فهمتك يا باشا ..

لحد ما يرد الدكتور .. أقترح وقف النزيف باي طريقة ..

بس مش ده ممكن يسبب نزيف داخلي . ويؤدي للوفاة ..

فعلا سبحان الله كل واحد في تخصصه مبدع ...

في إنتظار رد الدكتور .,

[moustafa_hunter]

فعلا انا كان حصل معاية قصة تخص الموضوع دة , من قيمة 8 سنين ونص اول معرفت بنادق ضغط الهواء كان عندى بندقية جامو والدى اشتراها من سنة 1983 وكنت بنشن بيها , واحد صحبى من للة عمرر البندقية من غير منا معرف فغصب من عنى ضربت واحد فى رجلة الطلقة دخلت بعمق , الراجل راح المستشفى وقلولو مين الى ضرب الرشاية فيك ونعمل محضر مرضاش يقول علشان سنى الصغير .
هنا انا بسئل بقى كان اية الى ممكن نعملة فى الحالة دى من غير منلجأ الى المستشفيات.

[venatic13]

بسم الله الرحمن الرحيم

الموضوع صعب شويه يتعمل بره المستشفي او من غير تدخل طبي

يعني انا حاولت كتير الاقي اي اسعافات اوليه ما عرفتش

...........بس نحاول نقول

شوف الجرح الاول ....

لو جرح سطحي ...يبقي تتعامل معاه عادي وفيش مشكله

المشكله لو الجرح عميق

لو الجرح في الاطراف.....

مسؤليتك انك توقف النزيف .. وزي ما قال الباش مهندس محمد ما تحاولش تخرج الرشه لانك ممكن تزود النزيف اكتر......وماتخافش لو فضلت شويه

ممكن تضغط علي مكان النزف

لو مافيش فايده او النزيف شديد حاول تربط طريق الدم بمعني

لو في الساعد اربط منطقه العضد بحيث نقلل من النزيف

لو الرشه في الراس

واخترقت الجمجمه لازم لازم لازم تروح علي اي مستشفي ما فيهاش فصال

لو الرشه في البطن بردو

والخوف في البطن كمان انها تصيب اي عضو داخلي .....

بردو حاول توقف النزيف بالضغط عليه

.................................................. ......................

ولازم طبعا علي اقرب مستشفي.....

وهناك يتركب له I V line

ويشيل الرشه وينظف المكان

ويعمل diathermy او يخيط الشريان او adrenaline

وكل ده مش هاينفع يتعمل في الاسعافات الاوليه

.................................................. ..................................

وده كل ما اقدر عليه

وهاسئل وارد عليكو لو فيه حاجه تتعمل زياده

[moustafa_hunter]

الف شكر على المعلومات وحالات الاصابة

[msgm]

زمان لما كان العيل الصغير يتعور ولا يتجرح ,, كانوا بيحطوله البن بتاع القهوة على الجرح ..


ما تعرفش ليه ؟!

[moustafa_hunter]

معلش يا غالى , ان تعبان جدا وعايز اعرف اية الحل خصوصا انى فى فترة امتحانات , بحس انى جسمى متكسر كل ما بصحى من النوم و بدوخة وصداع رهيب مع انى بدفى نفسى كويس جدا ولسة مشغلتش مكيفات نرجوا سرعة الرد

والف شكرا مقدما

[msgm]

والله يا مصطفى نفس الكلام بيحصل معايا ...
يا ريت الحل بسرعة ..!

[msgm]

والله يا مصطفى نفس الكلام الي بيحصل معايا ..

ياريت الحل بسرعة ..!

[venatic13]

الف سلامه عليك يا باشا

بس الاعراض دي بتاع حاجات كتييييييييييييييييييييييييييييييييييير

انا كده عايز انجم

.................................................. .....

طيب الاول انت بتنام كويس

وبتنام امتي ......وبتنام كام ساعه متواصله

والتغذيه ...........

شوف ورد عليا

[msgm]

مصطفى باشا يقول الأول لأن هو الي سأل قبلي طبعا ,,!!

[عاصــم الشبراوينــي]

انا انهرده يا جماعه قمت بقه من النوم والله دخلت المطبخ وقعت ومحستش باي حاجه خالص غير ان دكتور عمال يديني حاجه مسكره وبيقولي ده هبوط حاد بسبب قله الاكل والزعل وربنا اعلم بيا وانا بكتب كده ممكن اموت في لحظه

[venatic13]

لالالالالالالالالالالالالالا ...... سلامتك يا باشا

دا احنا نتشرد بعدك

اجمد .............. وشد حيلك

وبعدين مين اللي مزعلك بس

امال كل القناصين اللي في المنتدي بيعملو ايه

[msgm]

بعد الشر يا عاصم عليك ...

مين الي مزعلك يا بوب .. و أنا أظبطك .!

و أهم حاجة تاكل كويس .

و لا عشان موسم الصيد خلص خلاص ما تاكلش .! ؟

[msgm]

ربنا يرزقك الصحة والعافية يا رب .. آمين ..

[عاصــم الشبراوينــي]

الف شكر يا جماعه علي السوال والحمدلله الواحد في تحسن

[charesma]

الف الف سلأمه عليك يا عاصم باشا
انت بس خلى بالك من نفسك كويس وكل حلو
وماتحاولش تقف فى الشمس كتير علشان هاتضرك جامد برده
والف سلأمه تانى

[عاصــم الشبراوينــي]

تشكر يا باشا علي سوالك والحمد لله الواحد بقه احسن بفضل دعوتكم وان شاء الله اعمكل بنصايحك الغاليه

[venatic13]

معلش يا غالى , ان تعبان جدا وعايز اعرف اية الحل خصوصا انى فى فترة امتحانات , بحس انى جسمى متكسر كل ما بصحى من النوم و بدوخة وصداع رهيب مع انى بدفى نفسى كويس جدا ولسة مشغلتش مكيفات نرجوا سرعة الرد


انت ماردتش علي اسئلتي ليه يا باشا

ارجو ان يكون الاعراض راحت

[عاصــم الشبراوينــي]

هوه خف بس مش عايز يعرف حد عشان محدش يحسده هههههه

[venatic13]

ههههههههههههههههههه


يارب علي طول بخير كلكم

[عاصــم الشبراوينــي]

تفتكر يا باشا الاحساس بالقلق والخوف بطريقه غريبه جدا ده احساس طبيعي ولا محتاج علاج للقلق ده مع العلم ان بدور علي سبب للقلق ده مش لاقي انا سالت دكتور صحبي قلي ممكن يكون توتر عصبي وفي اويه في الصيدليات للحاله دي انت ايه رايك

[ابوشعبان]

موضوع الاسعافات الاولية حاجة جميلة :
اولا لابد من تقييم الاصابة من حيث مكانها ومدى الجرح المصاحب للاصابة.
فاذا كانت الاصابة سطحية فمنع تلوث الجرح وبخاصة مخلفات الحيوانات لخطورة الاصابة بالتياتنوس وتطهيرة وتركة مكشوف مع اعطاء مصل واقى للتيتانوس
وعندما تكون الاصابة اخطر من دلك فاولا اعطاء مسكن للالم ثم قفل الجرح للتقليل النزيف للوصول لاقرب مستشفى.
والله خير حافظ.
اما من يريد شئ محدد فانا تحت امره يستفسر عن اى شئ.

[القناص المصري]

موضووع جااااااااااااامد يادكتووووور