طلعة الجمعة لكتيبة الاستكشاف الجمعة 18/2

[ahmedabutaleb]

الحمد لله تمت الرحلة بنجاح
الحمد لله مفيش اى قلق
توجهت انا واستاذ باسم للشروق ووصلنا الساعة 7:30 صباحا والجولة انتهت الساعة 11
وقبل ما اسيبكم مع الصور الحاجات اللى اصطدناها كلها من صيد استاذ باسم مفيش الا يمامة واحده من دول وحمامة بس للاسف وقعت على سطح العمارة
واحنا هناك قابلنا استاذ ايهاب هوا مش معانا فى المنتدى تقريبا بس كان جاى من الهرم برده يصطاد

ودلوقتى اسيبكم مع الصور


http://i579.photobucket.com/albums/ss235/ahmedabutaleb/IMAGE_012.jpg

http://i579.photobucket.com/albums/ss235/ahmedabutaleb/IMAGE_009.jpg

http://i579.photobucket.com/albums/ss235/ahmedabutaleb/IMAGE_010.jpg

[osama2011]

الله ينور عليكم يارجاله
بس ياريت نعرف نوع البندقية ايه
وفي انتظار المزيد من الرحلات وبالتوفيق يارجاله

[tito]

كسبت النهاردة صديق جديد وهو شخص محترم جدا وهوة الاستاذ \ احمد ابو طالب وفعلا اجمل ما فى المنتدى الناس الحلوة الى بنتعرف عليها هنا . الحمد لله النهاردة نجحت طلعتنا الاستكشافية. واحمد النهاردة مكانش فى الفورمة عشان كانت دى اول نزلة ليه بالوحش التركى ومكانش مظبط . بس بالرغم كدة جاب كل الصيد بس هوة بيقول كدة عشان الحسد ههههه!!

[ahmedabutaleb]

ياباشا اتفضل
كارال ومصانع

[ahmedabutaleb]

كسبت النهاردة صديق جديد وهو شخص محترم جدا وهوة الاستاذ \ احمد ابو طالب وفعلا اجمل ما فى المنتدى الناس الحلوة الى بنتعرف عليها هنا . الحمد لله النهاردة نجحت طلعتنا الاستكشافية. واحمد النهاردة مكانش فى الفورمة عشان كانت دى اول نزلة ليه بالوحش التركى ومكانش مظبط . بس بالرغم كدة جاب كل الصيد بس هوة بيقول كدة عشان الحسد ههههه!!

ياباشا انا اللى كسبت اخ جديد

[hassan said]

بسم الله ماشاء الله
الف هنا وشفا

[ahmedabutaleb]

ياباشا اتفضل

[fady]

باهنا و الشفا :) قولي يا باشا اخبار الكرال مع حضرتك اية علشان بفكر اجيب واحدة .؟

[mohamednagy39]

مبارك صيدك يا هندسة ولكن إستفسار عموما هل فية شبهة فى صيد الحمام و خاة انه يكون فى أغلب الأوقات مملوك لأناس و يرعى طوال اليوم و فى آخرة يعود إليهم فهل الصيد فى هذة الحالة حران كما أننا لا نصطاد فى الصحراء بل وسط بيوت ؟أهالى ,,,, وشكراً

[ahmedabutaleb]

مبارك صيدك يا هندسة ولكن إستفسار عموما هل فية شبهة فى صيد الحمام و خاة انه يكون فى أغلب الأوقات مملوك لأناس و يرعى طوال اليوم و فى آخرة يعود إليهم فهل الصيد فى هذة الحالة حران كما أننا لا نصطاد فى الصحراء بل وسط بيوت ؟أهالى ,,,, وشكراً

لا ياباشا فيه فرق بين الحمام البرى وحمام الغية وطبعا احنا بنصطاد البرى بس وممكن تنزل مع حد اول مرة عشان يعرفك الفرق

[ahmedabutaleb]

باهنا و الشفا :) قولي يا باشا اخبار الكرال مع حضرتك اية علشان بفكر اجيب واحدة .؟

هى كويسة وقوية بالنسبة لسعرها وفى حاجه خلى بالك منها المسمار الخاص بتحريك فتحة الشيز لاعلى واسفل بيتحرك مع الضرب فلما تظبطه ابقى حط شريط لحام او اى حاجه تحدد ان ده الاتجاه المظبوط لان المسمار مفيهوش اى علامات ولو اتحرك مش هتاخد بالك (الطريقة دى عرفتها عن طريق استاذ ايهاب هوا اللى قالى عليها وفعلا لما جربت وحطيت شريط اللحام لقيتها بتتحرك)
غير كده الحمد لله هيا كويسه معايا

[Calm&Silent]

مبروك الصيد اللذيذ ومبروك الصداقة الجميلة
أنا أخوكم خالد من القاهرة
أحب أتعرف على ناس أخلاق زيكم
في أي طلعة جاية إن شاء الله احجزولي مكان إذا كان ممكن يعني
وأنا معايا بندقيتي

[كريم الشامي]

هيا دي فايدة الهوايات الجميلة الجماعية اللي بتقرب الناس من بعضها و بتخلينا نتعرف علي ناس محترمين يارب يكون ليا نصيب في الرحلة الجاية و اتعرف علي ناس محترمة زيكو .

[Calm&Silent]

هيا دي فايدة الهوايات الجميلة الجماعية اللي بتقرب الناس من بعضها و بتخلينا نتعرف علي ناس محترمين يارب يكون ليا نصيب في الرحلة الجاية و اتعرف علي ناس محترمة زيكو .

السلام عليكم يا كريم
طيب إيه رأيكم يا جماعة ننظم طلعة خفيفة كدة الجمعة الجاية إن شاء الله؟
أنا بعلن جهوزيتي بإذن الله... مين معايا؟

[كريم الشامي]

انا موافق عايزين نقترح اماكن و نتفق علي مكان يكون عامر بالطيور :) علي فكرة دي حتكون اول مرة اطلع اصطاد انا بمارس الهواية بس تقدر تقول رماية علي اهداف ثابتة مش علي طيور مستني اقتراحاتك

[بدر]

هيا دي فايدة الهوايات الجميلة الجماعية اللي بتقرب الناس من بعضها و بتخلينا نتعرف علي ناس محترمين يارب يكون ليا نصيب في الرحلة الجاية و اتعرف علي ناس محترمة زيكو .

الاخ الفاضل كريم
منور المنتدى عندك جديد(طبعا فاهمنى) ههههههههههههههه

[كريم الشامي]

وحياتك ابدا يا استاذ بدر الفكرة كلها اني بفكر اروح مكان واسع اقدر اظبط فيه السكوب ومش عارف نظرا لضيق وقتي أخوك الصغير مهندس مدني و مشغول بتحضير ماجستير في ادارة الاعمال
master of business administration
فا والله معنديش وقت اتحرك دا انا حتي بفكر لو طلعت رحلة مع الاخوة الافاضل هنا في المنتدي اشيلو خالص من علي البندقية لحد ما ربنا يفرجها عليا و اظبطو :) دا انا مستنيك انتا تظبطهولي :)

[بدر]

وحياتك ابدا يا استاذ بدر الفكرة كلها اني بفكر اروح مكان واسع اقدر اظبط فيه السكوب ومش عارف نظرا لضيق وقتي أخوك الصغير مهندس مدني و مشغول بتحضير ماجستير في ادارة الاعمال
master of business administration
فا والله معنديش وقت اتحرك دا انا حتي بفكر لو طلعت رحلة مع الاخوة الافاضل هنا في المنتدي اشيلو خالص من علي البندقية لحد ما ربنا يفرجها عليا و اظبطو :) دا انا مستنيك انتا تظبطهولي :)

حبيبى انا مقدر الظروف والحال من بعضة بس انا صعبان عليا ركنتة .وطبعا ربنا يعينك يوفقك فى الرسالة وانا سعيد طبعا بكونك زميل نقابى ودى معلومة جديدة .ربنا يوفقك. تحياتى

[Calm&Silent]

الاخ الفاضل كريم
منور المنتدى عندك جديد(طبعا فاهمنى) ههههههههههههههه

إيه رأي حضرتك يا أستاذ بدر؟
ممكن تفضي من وقتك نص يوم إن شاء الله؟
أنا أتشرف بمقابلتك والله

انا موافق عايزين نقترح اماكن و نتفق علي مكان يكون عامر بالطيور :) علي فكرة دي حتكون اول مرة اطلع اصطاد انا بمارس الهواية بس تقدر تقول رماية علي اهداف ثابتة مش علي طيور مستني اقتراحاتك

أنا جديد في الموضوع...زيك تماما بالنسبة لصيد الطرائد الحية
إيه رأيكم يا جماعة تحبوا تطلعوا تاني يوم الجمعة الجاية إن شاء الله؟
الأستاذ أحمد أبو طالب وأستاذ باسم وأستاذ إيهاب؟
الأماكن والعربيات مسائل مقدور عليها إن شاء الله

[كريم الشامي]

تسلم يا استاذ بدر

[بدر]

إيه رأي حضرتك يا أستاذ بدر؟
ممكن تفضي من وقتك نص يوم إن شاء الله؟
أنا أتشرف بمقابلتك والله



أنا جديد في الموضوع...زيك تماما بالنسبة لصيد الطرائد الحية
إيه رأيكم يا جماعة تحبوا تطلعوا تاني يوم الجمعة الجاية إن شاء الله؟
الأستاذ أحمد أبو طالب وأستاذ باسم وأستاذ إيهاب؟
الأماكن والعربيات مسائل مقدور عليها إن شاء الله

الاخوة الافاضل
الشرف ليا طبعا وان شاء الله فى القريب العاجل هتلاقونى اول الناس فى اى طلعة ان شاء الله

[Calm&Silent]

الاخوة الافاضل
الشرف ليا طبعا وان شاء الله فى القريب العاجل هتلاقونى اول الناس فى اى طلعة ان شاء الله

أسعدتني يا أستاذنا والله. ربنا يبارك فيك
جميل جدا الكلام ده
دلوقتي في 3 طالعين الجمعة القادمة بإذن الله
مين تاني؟

[كريم الشامي]

انا بس عايز اقتراحات للاماكن

[ahmedabutaleb]

وانا معاكم ان شاء الله الجمعة الجاية

[كريم الشامي]

يجماعه ايه الاماكن المقترحة ؟؟؟

[Calm&Silent]

وانا معاكم ان شاء الله الجمعة الجاية
ممتاز يا أستاذ أحمد :)
أماكن الصيد حوالين القاهرة الكبرى؟


يجماعه ايه الاماكن المقترحة ؟؟؟

الناس هتدخل المنتدى وتقول يا كريم
اصبر عليهم شوية بس :)

[بدر]

ما شاء الله لا قوة الا بالله. والله ياجماعة انا بحسدكو على هذة الروح .ربنا يوفقكم .

[rock]

السلام عليكم .... الله ينور ..... فكرتونى بالذى مضى ...هههه... تحياتى .

[Calm&Silent]

ما شاء الله لا قوة الا بالله. والله ياجماعة انا بحسدكو على هذة الروح .ربنا يوفقكم .

ربنا يكرمك يا باشمهندس بدر
حضرتك إن شاء الله جاي ورقم تليفوني هابعته لحضرتك على الخاص عشان التواصل إن شاء الله
بعد إذنك طبعا

السلام عليكم .... الله ينور ..... فكرتونى بالذى مضى ...هههه... تحياتى .

وعليكم السلام يا أحمد باشا
ده نورك يا أستاذي
نحاول نضبط الدنيا علشان الطلعة يوم الجمعة 25 فبراير إن شاء الله؟

بالمناسبة اليوم ده هيكون مهم بمناسبة مرور شهر على أحداث 25 يناير

[sherif aboallel]

الله ينور يا عم الحج
شكلك صياد ماهر
ماهر ولا احمد
هاع هاع هاع هاع هاع هاع هاع هاع هاع هاع

[هشام سمير]

فكروا يا جماعه كويس قبل ما تطلعوا اصل الناس تطلع عليكم تكسركم والله الناس عندكم فى القاهره حاجه صعبه جداً ولا ايه يا استاذ خالد :):d
الله المستعان

[Calm&Silent]

فكروا يا جماعه كويس قبل ما تطلعوا اصل الناس تطلع عليكم تكسركم والله الناس عندكم فى القاهره حاجه صعبه جداً ولا ايه يا استاذ خالد :):d
الله المستعان

السلام عليكم يا أستاذ هشام
يا رب تكون وصلت بالسلامة وكل حاجة تمام :)

الموقف ده حصل من ناس عجيبة وربنا يهديهم ويهدينا
ومن فضلك إوعى تاخد فكرة وحشة عن أهل القاهرة بسبب تصرف فردي من شخص أو حتى مائة، ده القاهرة الكبرى فيها فوق الخمسة عشر مليون نسمة ما شاء الله
وحضرتك تشرفني في وقت وأنا أحطك على دماغي من فوق
وانت عارف :)

اللي أقدر أقوله بالنسبة للقلق في البلد:
أنا هخرج أصطاد مع ناس محترمة (عشان الخروج في مجموعة يطمئن الناس)
هيكون مكان الاصطياد بعيد عن العمران إلى حد ما (عشان يكون عدد الناس أقل)
هيكون وقت الاصطياد بدري (عشان يكون رجل الناس أخف)
هيكون معانا بطائقنا الشخصية وأي ورق رسمي

زائد أولا وقبل كل شيئ التوكل على الله تعالى

إن كان فيه أي نصائح من حضراتكم ياريت تقولولنا عشان ناخد احتياطنا
تحياتي للجميع

[hoka]

سلام عليكم
ما شاء الله يا استاذنا ومبروك على الطلعه الاستكشافيه وانا نزلت المنطقه عندى وكان فيه عربيات بوليس وبوكس ومفيش حد كلمنى الحمد لله واظاهر انهم مش بيتحركو ناحيه حد الا للضروره القصوى علشان ما يحتكوش بالناس اوى
ما علينا
ان شاء الله الطلعات الجايه تبقى احسن واحلى ونصيحه جديده للاماكن الجديده وهى مدينه بدر بس بما انها مليانه مصانع ومبانى مهجوره فانت لازم تمشى فيها بالعربيه طوووووووول الوقت لان لو نزلت كل حاجه هاتطير
كمان الشروق مش مجرد العماير اللى حضرتك متصور عندها واللى قلتلك عليها لكن فيها اماكن تانيه كتييييير مليانه بالخير ان شاء الله
بالنسبه للاخوه الاعضاء اللى حابين ينزلو رحله جماعيه
اول نصيحه من اخ صغير والله مش من صياد ولا راجل كبير بس خوفا على اخواتى مش اكتر
انكو ما تتحركوش مع بعض فى نفس المنطقه حتى لو منطقه صحرا
لان ده اولا بيطير الطير فبكده اول واحد هايضرب هايوقع اه بس غير مش هايلاقى طير يضربه
كمان لما توزعو نفسكو بكثافه ع المنطقه هاتغطوها كلها ومش هاتضيعو وقت الصبح اللى الطير بينزل فيه ع الارض وياكل
طبعا ده غير صوت البنادق هايبقى رهيييييييب وهى متجمعه فى مكان واحد
تانى نصيحه اخويه من اخوكم الصغير
لو حضراتكم ان شاء الله عددكم كبير واكتر من 4 عربيات ياريت توزعو نفسكو على كذا مدينه يعنى بدر والشروق مثلا علشان الخير فى الاتنين كتير وان شاء الله تقدرو تجمعو حصيله حلوه ترضيكم وكمان تبقى تنافس الى حد ما
يعنى بصراحه انا مبسوط جدا من حضراتكم على روح التعاون والاخاء ديه وربنا يديمها علينا وعليكم وبالتوفيق ان شاء الله
سلام عليكم

[Calm&Silent]

سلام عليكم
ما شاء الله يا استاذنا ومبروك على الطلعه الاستكشافيه وانا نزلت المنطقه عندى وكان فيه عربيات بوليس وبوكس ومفيش حد كلمنى الحمد لله واظاهر انهم مش بيتحركو ناحيه حد الا للضروره القصوى علشان ما يحتكوش بالناس اوى
ما علينا
ان شاء الله الطلعات الجايه تبقى احسن واحلى ونصيحه جديده للاماكن الجديده وهى مدينه بدر بس بما انها مليانه مصانع ومبانى مهجوره فانت لازم تمشى فيها بالعربيه طوووووووول الوقت لان لو نزلت كل حاجه هاتطير
كمان الشروق مش مجرد العماير اللى حضرتك متصور عندها واللى قلتلك عليها لكن فيها اماكن تانيه كتييييير مليانه بالخير ان شاء الله
بالنسبه للاخوه الاعضاء اللى حابين ينزلو رحله جماعيه
اول نصيحه من اخ صغير والله مش من صياد ولا راجل كبير بس خوفا على اخواتى مش اكتر
انكو ما تتحركوش مع بعض فى نفس المنطقه حتى لو منطقه صحرا
لان ده اولا بيطير الطير فبكده اول واحد هايضرب هايوقع اه بس غير مش هايلاقى طير يضربه
كمان لما توزعو نفسكو بكثافه ع المنطقه هاتغطوها كلها ومش هاتضيعو وقت الصبح اللى الطير بينزل فيه ع الارض وياكل
طبعا ده غير صوت البنادق هايبقى رهيييييييب وهى متجمعه فى مكان واحد
تانى نصيحه اخويه من اخوكم الصغير
لو حضراتكم ان شاء الله عددكم كبير واكتر من 4 عربيات ياريت توزعو نفسكو على كذا مدينه يعنى بدر والشروق مثلا علشان الخير فى الاتنين كتير وان شاء الله تقدرو تجمعو حصيله حلوه ترضيكم وكمان تبقى تنافس الى حد ما
يعنى بصراحه انا مبسوط جدا من حضراتكم على روح التعاون والاخاء ديه وربنا يديمها علينا وعليكم وبالتوفيق ان شاء الله
سلام عليكم

وعليكم السلام ورحمة الله وبركاته
نصائح ممتازة وهحاول أطبقها على أد ما أقدر إن شاء الله
ربنا يديم التعاون والإخاء فعلا
تحب تطلع معانا يا أستاذي؟ ما تحاول تيجي عشان أتشرف بمقابلتك

وألف شكر على المعلومات المفيدة جدا

[kemohabib]

الله ينور هي دي روح الجماعه اتمني اطلع معاكم لو ممكن

[Calm&Silent]

الله ينور هي دي روح الجماعه اتمني اطلع معاكم لو ممكن

ده مش ممكن، ده لازم إن شاء الله :)
ياريت تشوف الخاص عندك

[mohamed_salam]

الموضوع مغلق من المستخدم

[يونس]

ربنا يبركلك في رزقك

بس انا نفس اشوف الخمسين فرد اوالعشر تجواز يونس من الغربيه شكرا