سؤال محيرني

[farouk]

امبارح طلعت الفجر اصطاد وانا نازل علي السلم لقيت من شباك المنور بومة كبيرة قدامي قمت ضاربها رشة في راسها ماتت لما رجعت كل الناس قالتلي حرام عليك
السؤال بقي هل في كفارة عن هذا؟ ام ماذا ؟

[nour eltoureny]

انا مش شيخ علشان اقدر افيدك لكن حسالك سؤال مسالتهوش لنفسك قبل متضربها اولا كنت حتستفاد اية من قتلها ثانيا البومة كائن لطيف وخصوصا البيضاء منها ولا تؤذي الانسان بل محبة لة وهي صيادة فقط وبمهارة عالية ..... دي حيوان لا يحل للنانسان اكلة او صيدة لانة احنا المستفيدين منو وليس العكس لكن انت اسمحلي اقولك فين عقلك مفكرش لية قبل ميضربها انصحك انك غير التوبة انك تراجع نفسك مش علشان انت صياد ماهر وكل حاجة يكون الضغط علي الزناد عندك بالسهولة دي دون اي خط راجعة او لحظه تفكير واحدة لما احلة الله لك من طيور تصلح للصيد فالغلطة جت في بومة او اي حيوان اخر

[ابومسلم2005]

مفيش كفارة ولا حاجة ان شاء الله

[nour eltoureny]

اهو شيخنا ابو مسلم رد عليك وهو فعلا مفيش كفاره
لكن انت بينك وبين نفسك غلط لو انت قريب من مكانها حاول تنتشلها وتدفنها وتكرمها فقط وياريت متغلطش تاني واستغفر ربنا بس

[ابو مروان]

اعتقد والله اعلم مافيش كفارة بس ياريت تستغفر ربنا انه يسامحك ويا حبذا تطلع صدقى اى صدقى لان الحسنات يذهبن السيئات......الزميل العزيز حاسس بزنب وكتب فياريت بلاش تقطيم فيه.....كلنا بنغلط واحنا بصتاد وما حدش معصوم

[nour eltoureny]

اعتقد والله اعلم مافيش كفارة بس ياريت تستغفر ربنا انه يسامحك ويا حبذا تطلع صدقى اى صدقى لان الحسنات يذهبن السيئات......الزميل العزيز حاسس بزنب وكتب فياريت بلاش تقطيم فيه.....كلنا بنغلط واحنا بصتاد وما حدش معصوم

انا مقولتش ان محدش معصوم يا فندم ولا حاجة وان كلنا بنغلط عادي بس دة مش خطاء ولا اشتباة في حيوان دة عن عمد ودة الي ضايقني انا فقط وعلي العموم انا اسف

[farouk]

اولا شكرا لرد حضراتكم كلكم..... وبصراحة ردكم ريحني فعلنا لاني كنت شايل هم كبير وكنت بفكر اني ابطل انزل اصطاد تاني
.وان شاء الله ده مش هيتكرر عن عمد

[karim eric]

من الواضح ان حضرتك ندمان انك ضربتها ، و هذا دليل علي انك عندك احساس و بتراجع أفعالك ، و بكده لن تكرر الفعل و هو عين العقل ، بعض النظر عن الكفارة او لا ، القاعدة هي انك تنقل تجربتك للناس المحيطين و ده أفضل من اي كفارة ، يعني لما تلاقي حد بيصطاد تنصحه انه ما يقتلش اي روح لا تؤكل ، ( بومه ، صقر ، فرخ لا يطير .........) و بعد كده مواسم احتضان البيض و الفقس ، و تكون تجربتك أثمرت صياد اكثر وعيا و فائده لمجتمع ممارسه الهواية .

[عاطف الشاذلى]

والله احييك

[farouk]

من الواضح ان حضرتك ندمان انك ضربتها ، و هذا دليل علي انك عندك احساس و بتراجع أفعالك ، و بكده لن تكرر الفعل و هو عين العقل ، بعض النظر عن الكفارة او لا ، القاعدة هي انك تنقل تجربتك للناس المحيطين و ده أفضل من اي كفارة ، يعني لما تلاقي حد بيصطاد تنصحه انه ما يقتلش اي روح لا تؤكل ، ( بومه ، صقر ، فرخ لا يطير .........) و بعد كده مواسم احتضان البيض و الفقس ، و تكون تجربتك أثمرت صياد اكثر وعيا و فائده لمجتمع ممارسه الهواية .

تمام ان شاء الله وشكرا لرد حضرتك

[farouk]

والله احييك

شكرا مرور حضرتك استاذ عاطف

[محمد حامد بلتاجى]

الندم توبه
وكلنا وقعنا فى اخطاء مشابه غريزتك كصياد هى اللى بتحرككفى المواقف دى
دايما تذكر انهابالنسبه لك مجرد اصابه هدف وبالنسبه للطائر هى الحياه

[هشام سمير]

الندم توبه
وكلنا وقعنا فى اخطاء مشابه غريزتك كصياد هى اللى بتحرككفى المواقف دى
دايما تذكر انهابالنسبه لك مجرد اصابه هدف وبالنسبه للطائر هى الحياه

احسنت يا استاذ محمد

[farouk]

الحمد لله فتحت المنور بعد تلات ايام ولقيتها حية ترزق يعني مماتتش زي ماكنت متخيل .........هم وانزاح الحمد لله

[nour eltoureny]

الحمد لله فتحت المنور بعد تلات ايام ولقيتها حية ترزق يعني مماتتش زي ماكنت متخيل .........هم وانزاح الحمد لله

الحمد لله متخافش منها مش مؤذية ولا بتجيب نحس زي مناس كتير قالت وفاكرة