المساعد الشخصي الرقمي

مشاهدة النسخة كاملة : norica jet

el hunter emad
11-02-15, 11:43 AM
ما رأيكم في ال norica jet
el hunter emad
11-02-15, 11:44 AM
سرعتها كام
هشام سمير
11-02-15, 09:24 PM
من اجمل واروع بنادق الصيد فى مصر
سرعتها 305 م\ث لعيار 177(نمره 1)
250 م\ث لعيار 22 (نمره 2)
للاستعلام
0117228817
بدر
11-02-15, 09:28 PM
من اجمل واروع بنادق الصيد فى مصر
سرعتها 305 م\ث لعيار 177(نمره 1)
250 م\ث لعيار 22 (نمره 2)
للاستعلام
0117228817

منور هشام باشا
هشام سمير
11-02-15, 09:33 PM
منور هشام باشا

يا باشا المنتدى منور بوجودك والله العظيم بالرغم من ان وجودك معنا جديد بس اثر كتير المنتدى بقا من غيرك ملوش طعم
طمنى على التيلسكوب يا بدر باشا
بدر
11-02-15, 09:36 PM
يا باشا المنتدى منور بوجودك والله العظيم بالرغم من ان وجودك معنا جديد بس اثر كتير المنتدى بقا من غيرك ملوش طعم
طمنى على التيلسكوب يا بدر باشا

يا حبيبى دة بس من ذوقك
التلسكوب تمام بيسلم عليك ودفيان فى الجراب الرائع اللى اخدتة منك ههههههههههه
لسة والله معلش مشغول شوية بس اول ما اضبطة هاطمنك
عندى سؤال عندك الايكول الفرات الماجنوم اللى هوا ذى السيع بس عادى.تحياتى
oteote2010
11-03-25, 04:25 PM
طيب يكام النوريكا جيت نمرة 2 وهي احسن ولا البام 21 انا شايف اان الجيت افضل ايه رايكم
lastworld
11-03-25, 04:31 PM
طيب يكام النوريكا جيت نمرة 2 وهي احسن ولا البام 21 انا شايف اان الجيت افضل ايه رايكم

انا رأيى ان الجيت افضل
عشان البام رد فعلها قوى و تقيله 4.6 كيلو دا كتيير
و اسأل برده خبراء المنتدى هيفيدوك اكتر منى اكيد
braveheart
11-03-25, 04:43 PM
انا رأيى ان الجيت افضل
عشان البام رد فعلها قوى و تقيله 4.6 كيلو دا كتيير
و اسأل برده خبراء المنتدى هيفيدوك اكتر منى اكيد

الأسرع البام نمرة 2 .. فهي تصل إلي 290 م/ث ... بينما النوريكا جيت نمرة 2 فهي 250 م/ث .. الأثقل البام فيصل وزنها إلي 4.7 كجم .. الأكثر دقة النوريكا جيت .. فالبام نظرا لقوة رد الفعل يتحرك الناشينكان دائما و يحتاج للضبط مرة أخري و إن كان هناك حلول لهذه المشكلة ... الأكثر جودة .. النوريكا جيت ... فهي أسبانية الصنع بينما البام صيني.

في النهاية النوريكا أكيد أفضل في حالة توافر ثمنها.
صائد البوم
11-03-25, 05:36 PM
هي عامله كام الجيت2 النهارده
lastworld
11-03-25, 05:42 PM
هي عامله كام الجيت2 النهارده

بيقولو 1650 لنمرة واحد
messam
11-03-25, 07:15 PM
نمرة واحد جامدة ياجماعة عن تجربة مغربلة اليمام مشاء الله وعن مسافات بعيدة والنوريكا فى العموم بندقية قيمة جدا
soliman
11-03-25, 10:35 PM
ياجماعه هقول حاجه صغيرة اوي ا فايدة بندقيه قويه جدا جدا زي البام 22 وضعيفة في الدقة لاكن النوريكا بتجمع الاتنين قويه والدقة عاليه يبقا النوريكا تكسب
m.e
11-03-25, 11:26 PM
ياجماعه هقول حاجه صغيرة اوي ا فايدة بندقيه قويه جدا جدا زي البام 22 وضعيفة في الدقة لاكن النوريكا بتجمع الاتنين قويه والدقة عاليه يبقا النوريكا تكسب

معلش سؤال هو مين قال لحضرتك ان البام ضعيفة فى الدقة ؟؟؟:confused:
lastworld
11-03-26, 09:03 AM
معلش سؤال هو مين قال لحضرتك ان البام ضعيفة فى الدقة ؟؟؟:confused:

ياباشا هو يقصد ان النوريكا ادق من البام
soliman
11-03-26, 11:44 PM
بالنسبة للي سال عن الي عرفني ان البام مش دقيقة في النشان ؟ اولا انا مش عندي البام لاكن استنتجت دا من كلام الاعضاء الي عندهم البام زي الاستاز قنصل والي اكد فيه ان وزن ورد فعل البندقيه عالي قوي ودا كله بياثر علي دقة التنشين في البندقيه خصوصا للمسافات البعيده
oteote2010
11-03-27, 11:47 PM
كلامك صح يا سليمان
والكلام ده مقنع جدا

وفعلا الجيت افضل بكتير بس انا كل الاجابات عن سعر الجيت بتكون علي نمره واحد

ياريت حد يقول نوريكا جيت نمرة 2 بكام .

وانا بصراحه محتار بين نمرة 2 ونمرة 1 .؟ \

مع اني مقتنع اوي بنمره 2 ولاسباب كتير ذكرتها في موضوع سابق

المهم ياريت تقوليلي نمره 2 بكام .؟

وارجو الرد باقرب وقت ويكون سعر دقيق,.
علشان قيل في المنتدي ان الاسعار في النازل ومن اكتر من عضو.
Nouma
11-03-28, 07:05 PM
ايه الفرق بين فرز اول و فرز تانى فى النوريكا جيت نمره 1؟؟؟؟
oteote2010
11-04-10, 10:37 PM
بيقولو 1650 لنمرة واحد

ودلوقتي بيقولو ان نمره واحد وصلت ل2200

بجد موضوع ذاد عن حده اووووووووي وغريب جدا

وكالعاده المعروف هو سعر نمرة 1 ياترا نمرت 2 بكام
صائد البوم
11-04-11, 12:25 AM
بكاااااااااام حد يرد يا جماعه عايز اعرف سعر الجيت نمره 2 فين الاستاذ هشام سمير والاستاذ شريف ابو ضيف والناس الحلوه اليتي لا تبخل بالمعلومات الدقيقه وياريت صوره لنمره 2 ( وايه اهم عيب فيها)
oteote2010
11-04-11, 12:58 AM
بكاااااااااام حد يرد يا جماعه عايز اعرف سعر الجيت نمره 2 فين الاستاذ هشام سمير والاستاذ شريف ابو ضيف والناس الحلوه اليتي لا تبخل بالمعلومات الدقيقه وياريت صوره لنمره 2 ( وايه اهم عيب فيها)

هو واضح اصلا ان الضغط كله علي نمره واحد وهي اللي مطلوبه .
بس برده علي الاقل نعرف سعرها لاني مقتنع بنمره2 اكتر.
صائد البوم
11-04-11, 11:06 AM
هو انا من رايي ان السبب في الاقبال علي نمره 1هو ان سرعتها جباره ودقيقه ومناسبه لصيد اليمام ةالعصافير جدا بس انا عايز نمره 2 لاني بصطاد غربان وبوم وسعات صقور وكمان طائر بياكل النحل بس نسيت اسمه دلوقت وده لانهم بيضروني بشكل رهيب وبستعين ببندقيتي الصيني بيونير بس دائما مش بتشرفني وخصوصا ان الطيور دي ناشفه وبتحب المرتفعات وده بيخليني الجأ للشوزن بتاعت والدي وده بيخصرني لان اسعار الخرطوش في العلالي
ادم عبد ربه
11-04-11, 11:33 AM
السلام عليكم الاخوة الاعزاء
بفضل الله والحمد لله معى نورويكا جيت وعندى فالك المانى طبعا لاداعى للمقارنة بينهم لاكن بصراحة النورويكا جيت فوق الممتازة بالنسبة للسعر و الخامات وطبعا قيمتها فيها بالنسبة لاصابة الاهداف ممتازة يعنى انا عموما بعتبرها صفقة رابحة جدا وانشاء الله تكون فاتحة خير عليك
صائد البوم
11-04-19, 12:05 PM
بكام الجيت جديده نمره 2 والله حرام محدش عارف
mavrek
11-04-19, 12:17 PM
الصقور والبوم ضيور غير ضاره بالمره باعكس هي ضيور مفيده جدا حيث ان غزائها الرئيسي هو القوارض والفئران كما انها عرضه للانقراض . فليه نقتل مخلوقات الله الجميله و الت تساعد في حل مشاكلنا وفي النهايه غير صالحه للاكل . اتقوا الله فيما خلق . وشكرا
sameer
11-04-19, 03:59 PM
بس الصقور دي بتاكل يمام كمان وساعات الفراخ وانا شفت صقر بياكل يمامة بس يا خسارة ما كانش عندي لسة بندقية بس عوضتها الحمد لله بعد كدة
صائد البوم
11-04-19, 04:48 PM
الصقور والبوم ضيور غير ضاره بالمره باعكس هي ضيور مفيده جدا حيث ان غزائها الرئيسي هو القوارض والفئران كما انها عرضه للانقراض . فليه نقتل مخلوقات الله الجميله و الت تساعد في حل مشاكلنا وفي النهايه غير صالحه للاكل . اتقوا الله فيما خلق . وشكرا
سيدي المحترم اشكر نصيحتك الغاليه ولكن .. انا لا اصطاد البوم او اي طائر بدون ذنب ولاكن لان الصقر و البوم بياكل الحمام بتاعي الي بربيه والغربان بتاكل الزره الي بزرعه واغلس منها مفيش وكمان في حديث ينص علي عدم حرمانيه قتل الغراب واعلم انني اتقي الله قدر الاستطاعه والحمد لله واشكرك علي النصيحه الغاليه
mavrek
11-04-19, 05:47 PM
الاخ سمير الصقر لما يصطاد يمامه بيعمل زيك لما انت تصطادها. يعني علشان ياكلها اي انه بيسعي لرزقه ( ارجو انك تكون بتاكلها مش بترميها ) مش يقتلها علي سبيل اللهو فيا تري تحب حد يعتبرك زي الصقر ؟؟؟؟؟؟

أما الاخ العزيز norica jet بارغم من اتفاقي معك في ان الغراب طائر غلس بس مش معقول نقتل اي حاجه غلسه والا كنا قتلنا بعض ههههههه. ممكن اوي تعمل حاجات كتير علشان تبعد الغربان عن زراعتك و ممكن تضرب جنبه مش فيه و الغراب طائر زكي جدا وهيفهم علطول انه يبعد من المكان لان فيه خطوره علي حياته. أما الصقور فهي طيور جميله جدا وتقريبا انقرضت من مصر فياريت نحاول نحا فظ علي البقيه لان نفعها اكثر بكثير من ضررها. ولو بتتابع بعض البرامج علي الفضائيات حتكتشف ان الناس هناك بتعمل حاجات كتير علشان تحافظ علي الحياه البريه وده في نفس الوقت فيه فائده للكل حتي الصيادين . ومن الحاجات دي اسلوب ال Catch and release في صيد السمك و تحديد عدد الفرائس لكل صياد و منع الصيد في مواسم التزاوج لان قتل اي فريسه في هذا الوقت معناه قتل الافراخ ايضا وساعتها لن تجد ما تصطاده الموسم القادم ( علي فكره ده صحيح 100% وحصل في الغردقه حيث اختفت تقريبا اسماك الشعور نتيجه للصيد في المواسم ) كمان حاجه احنا مش واخدين بالنا منها وهي بنادق الرش ذات العيار الكبير. دي حاجه ثانيه من وسائل حمايه الحيوان لأان زي ما انت عارف انه مافيش اسهل من الحصول علي الاسلحه الناريه في امريكا و بالرغم من هذا فرياضه الصيد بالقوس و السهم و بنادق الرش ذات العيار الكبير لانها اصعب وتحتاج لجهد اكثر و بتعطي الفريسه فرصه اكبر


أنا أسف اني بتكلم في الموضوع ده في وسط الصيادين العظماء اعضاء المنتدي لكن اؤكد لك ان اغلبهم ان مكنش كلهم لا يضربون اي فريسه الا اذا كانوا متاكدين ان 1) ممكن اكلها 2) انه يستطيع ان يصل اليها بعد ضربها و انا صياد قديم بس بطلت عاشان مره ضربت هدهد بالخطأ من حوالي 20 سنه و من يومها باصطاد سمك ودائما باطلق سراح السمكه الي لا تؤكل أما الصيد البري فاكتفيت بصيد الفئران ههههههه و بعض الاحيان باصطاد الارانب الجبليه في مرسي علم او الواحات او العين السخنه وانا باحاول استورد بندقيه رش عيار كبير علشان صيد الغزال

‘لي فكره انا عندي ليك فكره جميله لطرد الصقور و الغربان من غير ما يقتله و برضه حتستمتع باصيد . أنشاء الله باليل حاكتب موضوع بهذا الخصوص

,اخيرا اسف جدا علي الاطاله
mavrek
11-04-19, 06:42 PM
انا اسف جدا يا اخ عماد انا كتبت اسمك غلط و علي العموم ارجو ا تقرأ الموضوع التالي
http://www.egypthunt.net/showthread.php?t=7365
الرش المتفجر فكره جيده لاخافه الصقور بشرط ان تضرب جنبها وليس فيها ههههه
tarekvb
11-04-26, 02:37 PM
بتاريخ 26/4/2011
جيت نمرة 1 ب1900
مارفيك جولد نمرة 2 او جيت ايهما ب 3800 (من الاهلية بالعتبة)
braveheart
11-04-26, 02:48 PM
بتاريخ 26/4/2011
جيت نمرة 1 ب1900
مارفيك جولد نمرة 2 او جيت ايهما ب 3800 (من الاهلية بالعتبة)

لا حول ولا قوة إلا بالله ... علي فكرة الجيت نمرة 2 كدة غالية جدا ... بس هي بصراحة مش متوفرة بالأسواق اليومين دول ... و بالتالي التاجر اللي بتكون عندة كام قطعة بيطلعها بمزاجة .. لكن هي سعرها المفروض يعني ميعديش الرنج من 2300 : 2500 جنية ... ودة كمان بعد ما غليت عشان الأحداث .. لكن تكون بـ 3800 ج هي و المارفيك ... كثير جدا.
tarekvb
11-04-26, 09:18 PM
لا حول ولا قوة إلا بالله ... علي فكرة الجيت نمرة 2 كدة غالية جدا ... بس هي بصراحة مش متوفرة بالأسواق اليومين دول ... و بالتالي التاجر اللي بتكون عندة كام قطعة بيطلعها بمزاجة .. لكن هي سعرها المفروض يعني ميعديش الرنج من 2300 : 2500 جنية ... ودة كمان بعد ما غليت عشان الأحداث .. لكن تكون بـ 3800 ج هي و المارفيك ... كثير جدا.
المفروض حاجة وراى التجار حاجة تانية يعنى الديانا ومن عند شريف ضيف ب7000 ده قانون السوق لما تلف السوق كله متلقيش غير حتة مارفك واحدة عند عازر ولو لاقيتها كمان حقه يحط السعر اللى عايزه
M.AbdelKader
11-04-26, 10:15 PM
الجيت نمرة واحد خصوصا... رائعة جدا
tarekvb
11-04-28, 10:13 PM
من اجمل واروع بنادق الصيد فى مصر
سرعتها 305 م\ث لعيار 177(نمره 1)
250 م\ث لعيار 22 (نمره 2)
للاستعلام
0117228817
بكام نوريكا جت نمرة 2 ؟؟؟
asoliman
11-05-31, 01:42 PM
الأسرع البام نمرة 2 .. فهي تصل إلي 290 م/ث ... بينما النوريكا جيت نمرة 2 فهي 250 م/ث .. الأثقل البام فيصل وزنها إلي 4.7 كجم .. الأكثر دقة النوريكا جيت .. فالبام نظرا لقوة رد الفعل يتحرك الناشينكان دائما و يحتاج للضبط مرة أخري و إن كان هناك حلول لهذه المشكلة ... الأكثر جودة .. النوريكا جيت ... فهي أسبانية الصنع بينما البام صيني.

في النهاية النوريكا أكيد أفضل في حالة توافر ثمنها.

ما معني ان يتحرك الناشينكان؟؟؟
sameer
11-05-31, 03:04 PM
ما معني ان يتحرك الناشينكان؟؟؟

يعني بيتغير مكانه مع قوة الضربة وبالتالي النشان بيحتاج يتظبط 10000000000000000000 مرة وفي الاخر حيتحرك برضه زي البام و الكرال