بعض الاستفسارات علي مسدس

[xeers]

يعني ايه مسدس يضرب بلي يعني لو مقفول ممكن يضرب بلي برضو

يعني ايه طبه او بدون طبه وايه فايده الطبه

مسدس زوراكي 2918 ما معدل صوته يعني كم دي بي db

هل يوجد طبه للصوت لمسدس زوراكي 2918

ولنا لقاء اخر في بعض الاستفسارات ان شاء الله وشكرا

[محمد ياقوت]

يعني ايه مسدس يضرب بلي يعني لو مقفول ممكن يضرب بلي برضو
يعنى 3 سنوات سجن و 50 الف جنية غرامة
يعني ايه طبه او بدون طبه وايه فايده الطبه
يعنى 3 سنوات سجن و 50 الف جنية غرامة
مسدس زوراكي 2918 ما معدل صوته يعني كم دي بي db
يعنى مسدس معدل ويعامل معاملة السلاح النارى بدون ترخيص
ولنا لقاء اخر في بعض الاستفسارات ان شاء الله وشكرا
ولنا لقاء فى مديرية الامن
اخى الكريم استفساراتك دى كلها مخالفة للقانون
انا بكلمك بجد خلى بالك

[ابومسلم2005]

زي ما قال الاستاذ محمد بالضبط
انا لم ارد حذف الموضوع عندما رايته اول ما كتب لاجل التعليقات العاقلة مثل تعليق الاستاذ محمد
ولاجل الاعضاء الجدد يعرفوا انها ممنوعة

[nour eltoureny]

حضرتك زي ما قال
ا\محمد ياقوت
ا\ابو مسلم
مع كامل تقديري ليهم واني مقدرش ازايد وان مفيش كلام بعد كلامهم ولكن الاستفسار دفعني اني انا كمان انصحك ...
سؤالك اصلا عن التعديلات او ذكر كلمه بلي او اي شئ من هذا القبيل
(مخالف للقانون) وضد المعايير الامنية المصرية
اولا ده علشان مصلحتك مش علشان حاجة
ومحافظة وخوف عليك كاخ و زميل في المنتدي
وواجب علينا نقدملك النصيحة (حتضيع نفسك)
خلي بالك (انت بتمشي بمسدس الصوت عادي وملتزم بالقانون ممكن الظابط يتعنت معاك) مبالك لو ماشي بية ومتعدل خلاص شكرا محدش حيسمي عليك اصلا ..... وحتضيع نفسك و مكاتنتك واسرتك في شئ لو افترضنا فيه حسن النية (الدفاع عن النفس) محدش حيسمعك لانك مخالف للقانون ساعتها ... بلاش تجيب سيره الموضوع مع نفسك اصلا ولا تفكر تعملة .....



Nour Eltoureny

[عاطف الشاذلى]

اخى الفاضل
لن اضيف الى ما تفضل به الاخوة الاعزاء لان فيه ما يكفى
ولكن اعلم ان الموضوع ليس مخالفة قانونية فقط . موضوع التعديل ده ممكن يفقد صاحبه حياته او يعملله عاهة
لان المسدسات دى غير مصممة وغير مجهزة من حيث الخامة والتصنيع لاطلاق اى مقذوف من اى نوع ولكن لإحداث الصوت فقط
لازم قبل ما تخاف من المسائلة القانونية تخاف على عمرك
قال تعالى ((( لا تقتلوا انفسكم ان الله كان بكم رحيما )))

[xeers]

يا شباب انا بستفسر

وانا مقلتش اني معدل شي

انا بقول ما معدل صوته يعني صوته قد ايه كم دي بي يعني

ثانيا انا بسئل يعني ايه طبه صوت دي علشان ترفع صوت المسدس ولا لا

ثالثا انا بسمع كتير ناس تقول تضرب بلي ومش عارف ايه هوا ضرب البلي يعني بيكون بالطلقه نفسها ماسوره مفتوحه ولا حاجه بتتركب زي البتاعه بتاعه الصواريخ دي

رابع شي هوا لو اي مسدس مفتوح ماسورته بيتعامل كانه مسدس حي ؟

لاني شايف ان الزوراكي 925 ماسورته مفتوحه لكنها ضيقه من النص شويه عن مدهل الطلقه

فياريت تفهموني بالراحه انا مش جاي اقول لكم عاوز اعدل المسدس ولا اعمل فيه شي

انتو دخلتوني المعتقل ليه كده ههه

[nour eltoureny]

يا شباب انا بستفسر

وانا مقلتش اني معدل شي

انا بقول ما معدل صوته يعني صوته قد ايه كم دي بي يعني

ثانيا انا بسئل يعني ايه طبه صوت دي علشان ترفع صوت المسدس ولا لا

ثالثا انا بسمع كتير ناس تقول تضرب بلي ومش عارف ايه هوا ضرب البلي يعني بيكون بالطلقه نفسها ماسوره مفتوحه ولا حاجه بتتركب زي البتاعه بتاعه الصواريخ دي

رابع شي هوا لو اي مسدس مفتوح ماسورته بيتعامل كانه مسدس حي ؟

لاني شايف ان الزوراكي 925 ماسورته مفتوحه لكنها ضيقه من النص شويه عن مدهل الطلقه

فياريت تفهموني بالراحه انا مش جاي اقول لكم عاوز اعدل المسدس ولا اعمل فيه شي

انتو دخلتوني المعتقل ليه كده ههه

الطبه جسم قلاوظ بيركب في الماسوره وبيكون فيه فتحه صغيره بيخرج منها الغاز ويتحبس كميه منه علشان الفارغ يتنطر (غير كاس الصواريخ) وملهاش علاقه بالصوت
وملهاش علاقه بالحائل المعدني الموجود داخل الماسوره و فكها وتركيبها اثناء التنظيف لتنظيفها من الكربون المحترق مش تعديل ولا حاجه طلما الحائل ده موجود جوه الماسوره مكانه ومحصلتش اي محاوله لازالته
المسدس المفتوح معناها انه منغير حائل معدني وحمله غير قانوني وغير مطابق للمواصفات الامنيه و حتعرض نفسك للمساله القانونيه وقضيه تعديل فوق كل ده وطبعا فيها حبس وده ملوش علاقه بنوع المسدس هو طلما مسدس فشنك لازم يكون فيه الحائل ده مكانه علشان ميتعرضش صاحبه للمساله القانونيه ,,
ومعتقدش ان الزوراكي 925 ممكن ينزل ماسورته مفتوحه لازم يكون صاحبه قام بتعديلات فيه لازاله الحائل المعدني وده غير انه غير قانوني كما سبق ذكره المسدس ده فلوسه اترمت علي الارض لانه خلاص كده حمله مجرم وفنفس الوقت المسدس فقد قيمته اصلا علشان التعديلات الي قام بيها ....... ومعدل صوت الضرب مش حيفرق كده كده الزوراكي صوته عالي جدا
وغير كل ده ممنوع اي استفسار عن البلي او اي مسدس صوت تم تعديله او مفتوح او يطلق مقذوفات (عكس الغرض الرئيسي المصنوع لاجله) ودي من قوانين المنتدي وكل المسدسات الي بيتم الاستفسار عنها وكل المعروض من التجار في المنتدي مطابقه للمواصفات الامنية

[elkordy2000]

مع كامل احترامي لكل الناس اللي ردت علي صاحب الموضوع
إلا اني لي تعليق أو ملاحظه وهي , أن كل الساده الاعضاء اللي ردو علي الرجل بصراحه كان اسلوبهم فظ وغير متوافق اصلا مع السؤال , الراجل بسأل بيقول يعني أيه طبه ويعني أيه مسدس مفتوح ويعني أيه بلي ؟؟؟؟ الراجل مش فاهم وعايز حد يفهمه يعني أيه المصطلحات ده ؟؟؟؟ مش بيقول أعملها ازاي ولا عند مين ؟؟ هو لو سأل علي أزاي ومين بيعملها فده طبعا هو اللي مخالف لو قولت له أنما اكيد مش ممنوع انك تفهمه معني المصطلح وتفهمه كمان ان ده ممنوع ... ارجو ان الناس اللي ردت تتفهم كلامي ... وشكرا

[nour eltoureny]

مع كامل احترامي لكل الناس اللي ردت علي صاحب الموضوع
إلا اني لي تعليق أو ملاحظه وهي , أن كل الساده الاعضاء اللي ردو علي الرجل بصراحه كان اسلوبهم فظ وغير متوافق اصلا مع السؤال , الراجل بسأل بيقول يعني أيه طبه ويعني أيه مسدس مفتوح ويعني أيه بلي ؟؟؟؟ الراجل مش فاهم وعايز حد يفهمه يعني أيه المصطلحات ده ؟؟؟؟ مش بيقول أعملها ازاي ولا عند مين ؟؟ هو لو سأل علي أزاي ومين بيعملها فده طبعا هو اللي مخالف لو قولت له أنما اكيد مش ممنوع انك تفهمه معني المصطلح وتفهمه كمان ان ده ممنوع ... ارجو ان الناس اللي ردت تتفهم كلامي ... وشكرا

كلام حضرتك مظبوط بس انا والزملاء خدنا الموضوع علي محمل الجد حبتين مش باسلوب فظ ولا حاجه لكني عملت مشاركة اخري ووضحت فيها جميع اساله صاحب الموضوع لو حضرتك قريت المشاركات باهتمام حبة
تحياتي