|
مشاهدة النسخة كاملة : التوقف عن التدخين hannibal 15-03-19, 06:54 PM السلام عليكم أنا د أحمد عبدالرحمن طبيب نفسى وعلاج إدمان اللى عايز يبطل سجاير ومش عارف يتواصل معى على الموضوع ده وإن شاء الله أساعده يبطل (من دون أجر ) ابومسلم2005 15-03-19, 07:53 PM جزاك الله خيرا د احمد وفعلا حاجة جميلة جدا ان الواحد يحاول يساعد الاخرين بيبقى ليها طعم تاني خالص واللي جرب يعرف اللي بقوله اجمل من فلوس الدنيا كلها وحاجة تانية حلوة في المشاركة دى ان ممكن واحد ميكنش عنده جديد يقدمه للمنتدى في مجال الصيد بس عنده اشياء كتير يساعد بيها الناس وياريت الكل يعمل كده ابو يوسف المصري 2 15-03-19, 08:43 PM انا اول واحد عايز ابطل التدخين عاطف الشاذلى 15-03-19, 09:29 PM ابوس ايدك يا دكتور نففففففسييييييييييببييى ابطل سجاير ابومسلم2005 15-03-19, 09:42 PM ههههههههههههههههههههه ضحكت عليكو انا مبطل من 15 سنة من 2000 hannibal 15-03-19, 10:24 PM بصوا يا جماعة أولاً الطريقة اللى أنا هقولكم عليها مش قفش بمعنى مش هتبطلوا مرة واحد هيبقى خلال فترة أسبوعين تلاتة ثانياً هيتم الإستعانة ببعض الأدوية وأهم دوا فيهم هو عبارة عن بديل للنيكوتين نيجى بقى للطريقة اللى هتمشوا عليها مشكلة البعض مع الإقلاع عن التدخين إنه بيغصب على نفسه يوقف السجاير ويفضل مستحمل يوم اثنين ثلاثة وبعدين ميقدرش يقاوم ويرجع تانى فيه دوا إسمه شامبكس Champix فيه منه نص مجم وفيه منه 1 جم الدوا ده كل شغله إنه بيشتغل على مستقبلات النيكوتين فى الجهاز العصبى زى السجاير ويمنع تأثير النيكوتين الجاى من السجاير وبالتالى الحاجة للتدخين تقل بالظبط زى واحد كل فول لحد ماشبع وبعدين واحد جه يعزمه على لحمة فلقى نفسه ملوش نفس ليها الدوا ده هتلاقوه موجود فى الصيدليات الكبيرة هتجيب علبة نص مجم (سعرها 230 ج ) أول أسبوع : أول 3 أيام قرص واحد نص مجم صباحاً بعدين قرص نص مجم صباحاً ومساءاً لمدة 4 أيام خلال الأسبوع ده مش لازم توقف التدخين ممكن تقلل لو عايز الأسبوع الثانى هتجيب علبة 1 مجم ( سعرها 270 ج وتاخد منها قرص الصبح وقرص بالليل وخلال الأسبوع التانى نبطل سجاير خالص ونستمر على الدوا ده لمده كام أسبوع ( المفروض 12 أسبوع ) لو حصل اى مشاكل خلال تبطيل السجاير كلمونى وأنا أقلكم تتصرفوا إزاى ابومسلم2005 15-03-19, 10:50 PM تسلم الايادي هشام سمير 15-03-20, 12:04 AM جزاك الله خيراً يا دكتور وجعله فى ميزان حسناتك عوض 15-03-20, 07:26 PM طب ودا للمساعده فى التدخين ولا اعلان لنوع دواء hannibal 15-03-23, 05:28 PM طب ودا للمساعده فى التدخين ولا اعلان لنوع دواء للمساعدة فقط وربنا يعلم إنى مش مستفيد حاجة من الدواء ده ولا من غيره و إنى ضد أخذ الهدايا من شركات الأدوية و لو فيه إجتماع مع مندوبين شركات الأدوية وفيه أكل برفض أأكل ابومسلم2005 15-03-23, 06:05 PM على فكرة الكلام من الاول ليس فيه رائحة التجارة وانا اتاخرت بالمشاركة دي من بعد ما قرات مشاركة الاستاذ عوض على ما صاحب الموضوع يرد والا كان الموضوع اتحذف من الاول telefighter 15-03-23, 10:29 PM السلام عليكم أنا د أحمد عبدالرحمن طبيب نفسى وعلاج إدمان اللى عايز يبطل سجاير ومش عارف يتواصل معى على الموضوع ده وإن شاء الله أساعده يبطل (من دون أجر ) جزاك الله خيرا يا دكتور على مجهودك وتعبك مع الناس المشكلة عندنا احنا فى مصر ان اكثر من 60 فى الميه من المصريين بيدخنوا وهى تعتمد فى راى المتواضع على العزيمة القوية و الارادة و الاستعانة بالله ....وياليتنا كنا فى دوولة محترمة زى السعودية بتجرم بيع السجاير كان الموضوع بقه اسهل فى ارشادات تانيه حضرتك يا دكتور احمد نمشى عليها علشان تساعدنا نقلل منها بشكل تدريجى لحد منبطلها hannibal 15-03-24, 09:08 AM جزاك الله خيرا يا دكتور على مجهودك وتعبك مع الناس المشكلة عندنا احنا فى مصر ان اكثر من 60 فى الميه من المصريين بيدخنوا وهى تعتمد فى راى المتواضع على العزيمة القوية و الارادة و الاستعانة بالله ....وياليتنا كنا فى دوولة محترمة زى السعودية بتجرم بيع السجاير كان الموضوع بقه اسهل فى ارشادات تانيه حضرتك يا دكتور احمد نمشى عليها علشان تساعدنا نقلل منها بشكل تدريجى لحد منبطلها مفيش إرشادات تانية غير إنك متقعدش مع حد مدخن او أماكن فيها مدخنين ومتخدش سجاير من حد ودى أفضل طريقة اللى أنا ذكرتها وأقلها فى التعب أثناء الإقلاع وأى معلومات جديدة أوصلها هقولها إن شاء الله aliessam97 15-03-24, 09:52 AM ربنا يباركلك يا دكتور و يجعله في ميزان حسناتك انا الحمد لله مبدخنش وكانت اعد مع صديق ليا في يوم كده بنتكلم عادي فا بقولو مبتشربش سجاير ليه لقيتو بيقولي انا الحمد لله سليم انا مش مريض علشان اشرب سجاير الي بيشرب سجاير ده بيبقي عندو نقص في جسمو وهو الي بيعملو بأيدو ومبيقدرش يبطل من ساعه ما سمعت رأيو ده وانا قلت عمري ما هشرب سجاير مع احترامي لكل الاعضاء المحترمين طبعا انا مقصدش حاجا بموضوع مريض ده انا بحكي الموقف بس :) ربنا يهدينا كلنا :) عوض 15-05-22, 11:50 AM للمساعدة فقط وربنا يعلم إنى مش مستفيد حاجة من الدواء ده ولا من غيره و إنى ضد أخذ الهدايا من شركات الأدوية و لو فيه إجتماع مع مندوبين شركات الأدوية وفيه أكل برفض أأكل انتا شخص محترم ربنا يجعله فى ميزان حسناتك |