بخصوص الحصول على سلاح

[hannibal]

السلام عليكم
هل سهل الواحد يشترى سلاح بدون ترخيص علماً بإن تراخيص السلاح موقوفة بقالها كام سنة ؟
مع العلم إنى شغال دكتور وعايزه للحماية وأثناء السفر مش عشان أأذى بيه الناس

[aliessam97]

اولا السلام عليكم
ثانيا حضرتك مش هتعرف تشتري اصلا لان كل الي معاه سلاح مرخص ومينفعش يبيعو غير في القسم
ولو حضرتك وصلت لحد معاه سلاح بدون ترخيص وجبتو هيبقي فيه خطر عليك لانك لو اتمسكت بيه مش هيفرقو بقي انك دكتور او مش دكتور هتتحبس علي طول وهتضيع نفسك
ثالثا تقريبا الترخيص مش واقف ولا حاجا شغال عادي وممكن الناس تفيدنا بردو
فا نصيحه حاول تطلع ترخيص احسن علشان متضيعش نفسك

[hannibal]

أنا عندى خالى مقدم على ترخيص سلاح من أكتر من سنتين ولسه ما توافقش على الترخيص مع العلم انه عنده أملاك كتيير

[aliessam97]

أنا عندى خالى مقدم على ترخيص سلاح من أكتر من سنتين ولسه ما توافقش على الترخيص مع العلم انه عنده أملاك كتيير

حضرتك انا معرفش اوي في موضوع الترخيص ده بس الي سمعتو ان الناس بترخص عادي
بس زي ما قلتلك تستني و تطلع ترخيص احسن ما تضيع نفسك

[aliessam97]

واصلا لو معاك سلاح من غير ترخيص مش هتبقي حر في استخدامه يعني لو حد اتعرضلك لا سمح الله و استخدمتو وجت شرطه وفتحت سين و جيم انت هتضر ومش بعيد تتسجن بتهمه حيازه سلاح ناري بدون ترخيص

[aliessam97]

مفيش احسن من القانوني
و يا ريت الاعضاء يفدونا في موضوع الرخصه ده

[عاطف الشاذلى]

بص يا دكتور انا ممكن احل ليك المشكلة دى
مبدئيا الترخيص بياخد وقت فعلا ممكن يبقى كذا سنة ده لو متوفرة فيك معايير اصدار الترخيص اصلا بس انت ممكن تقدم على الرخصة ولحد ما تطلع باذن الله شيل مسدس صوت هيعمل معاك نفس اللى هيعمله السلاح الحى لان اللى هيعتدى عليك لا قدر الله ميعرفش انه صوت وعلى فرض انك تحمل سلاح حى وحد اعتدى عليك هتديله طلقة تجيب اجله ؟؟ بيتهيقلى القرار ده بيبقى صعب يتخذ اللى بيحصل ببساطة انك بتهدد المجرم بيه بانك تشهر السلاح فى وشه او تضرب طلقتين فى الهوا فيعرف انك مسلح ويختفى من قدامك افتكر ده هو انسب حاجة ليك
اما بالنسبة للسلاح الغير مرخص مش صعب قوى تجيبه بس لو اتمسكت بيه القانون ساعتها مش هيلتفت لاعزارك واسبابك وهتبقى قضية زى ما قاللك الاستاذ على وتخش فى س و ج وهتوحشنا قوى هههههه خليك فى السليم يا دكتور .

[ابومسلم2005]

طيب استاذ عاطف اشيله ازاى في جيبي ولا فى جراب ولا ازاي
ولو وقفت فى كمين الضابط هيعرف انه صوت ويسبنى اروح كده عادي ولا ايه
ولو خده وسبني اعمل ايه اروح القسم ولا اخليه يعمل محضر ولا اروح النيابة ولا ايه
اصلي شكلي هجيب زوراكى الى وسعره غالي فيبقى خسارة

[عاطف الشاذلى]

طيب استاذ عاطف اشيله ازاى في جيبي ولا فى جراب ولا ازاي
ولو وقفت فى كمين الضابط هيعرف انه صوت ويسبنى اروح كده عادي ولا ايه
ولو خده وسبني اعمل ايه اروح القسم ولا اخليه يعمل محضر ولا اروح النيابة ولا ايه
اصلي شكلي هجيب زوراكى الى وسعره غالي فيبقى خسارة

بص يا مولانا اولا ده فى القانون المصرى اسمه محدث صوت مش سلاح
والافضل انك تشيل فاتورة الشراء معاك وطبعا يكون مقفووووووول طبقا للقانون تمام
موضوع انك تتمسك بيه بيتوقف على الموقف نفسه يعنى لو اتكلمت كويس بهدؤ وادب مع الضابط اللى قدامك هيسيبك تمشى ومعاك المسدس اما لو اللى معاه المسدس اتلامض لا مؤاخذة الضابط اللى مسكه هيضايقو شويةويعمل نفسه مش عارف الحى من الصوت يعنى هيحرز المسدس ويعمل محضر وتتعرض على النيابة وفى الاخر هتاخد المسدس وتروح بس الاحسن تبقى حطه فى الحزام مايكونش باين الفاتورة تكون معاك ولو وقفت فى كمين عادى اتكلم بمنتهى الثقة وبادب وهدوء وابتسامه مهمه قوى الابتسامة هيتاكد انه صوت ويتفرج على المسدس ويقوللك مع السلامة

[عاطف الشاذلى]

اه نسيت لو طمع فى المسدس وقالك روح ما تسيبهوش واتكلم بثقة انت ما بتعملش حاجة مخالفة ولو طول معاك اعملله محضر ولو كان رتبته لوآ حتى

[ابومسلم2005]

تمام يبقى كده مش فاضل غير الاختيار واظن الزوراكى 925 هيكون مناسب ولا ايه رايك

[ابومسلم2005]

واحسن طلق مناسب ليه ايه

[عاطف الشاذلى]

تمام يبقى كده مش فاضل غير الاختيار واظن الزوراكى 925 هيكون مناسب ولا ايه رايك

جميع موديلات الزوراكى ممتازة بصراحة و بتشتغل على كل الطلق بس انسب طلق الاوزكرسان الدهبى

[aliessam97]

بص يا دكتور انا ممكن احل ليك المشكلة دى
مبدئيا الترخيص بياخد وقت فعلا ممكن يبقى كذا سنة ده لو متوفرة فيك معايير اصدار الترخيص اصلا بس انت ممكن تقدم على الرخصة ولحد ما تطلع باذن الله شيل مسدس صوت هيعمل معاك نفس اللى هيعمله السلاح الحى لان اللى هيعتدى عليك لا قدر الله ميعرفش انه صوت وعلى فرض انك تحمل سلاح حى وحد اعتدى عليك هتديله طلقة تجيب اجله ؟؟ بيتهيقلى القرار ده بيبقى صعب يتخذ اللى بيحصل ببساطة انك بتهدد المجرم بيه بانك تشهر السلاح فى وشه او تضرب طلقتين فى الهوا فيعرف انك مسلح ويختفى من قدامك افتكر ده هو انسب حاجة ليك
اما بالنسبة للسلاح الغير مرخص مش صعب قوى تجيبه بس لو اتمسكت بيه القانون ساعتها مش هيلتفت لاعزارك واسبابك وهتبقى قضية زى ما قاللك الاستاذ على وتخش فى س و ج وهتوحشنا قوى هههههه خليك فى السليم يا دكتور .

بالظبط كده هتوحشنا اوي ههههههه :)
ربنا يسترها عليك وعلينا

[hannibal]

شكراً ليكم على الردود والنصائح
أنا هعمل بنصيحتكم وهشترى مسدس صوت
وربنا يسلمنى ويسلمكم من كل شر

[عاطف الشاذلى]

شكراً ليكم على الردود والنصائح
أنا هعمل بنصيحتكم وهشترى مسدس صوت
وربنا يسلمنى ويسلمكم من كل شر

ايوة كدة يا دكتور العقل زينه

[aliessam97]

شكراً ليكم على الردود والنصائح
أنا هعمل بنصيحتكم وهشترى مسدس صوت
وربنا يسلمنى ويسلمكم من كل شر

امين يا رب :)

[مورو]

من الاخر كده لو معاك وسطه الورق بيجري مش بيمشي ولو واسطه تقيله الورق بيطير هههههههههههههه وبالنسبه للمسدسات الصوت اللي ليه ضهر مايضربش على قفاه ههههههههههههههههه انتوا في مصر وبالنسبه لو حد هيعمل محضر لظابط مايعملهوش في القسم التابع ليهه الظابط علشان هيتنفخ في القسم هيطلع ع الوزاره ويقدم شكوى ويطلع على مدرية الامن ويقدم شكوى بس ياريت يكون معاه محامي هيعرف هو يتعامل بسهوله جدا والشكوى تكون بكذا حاجه يعني سب وقذف استخدام سلطه ونفوذ تقييد حرية المواطن الاستيلاء ع الموال الشخصيه بدون وجهه حق وممكن ضرب واهانة ومساومة على ترك محدث صوت لعدم كتابة محضر التهديد والترهيب في حالة عمل شكوى للظابط كده يعني هههههههههههههه وهيزعل جامد وربنا وهيلف حوالين نفسه والعيار اللي مايصبش يدوش

[أبو علي]

من الاخر كده لو معاك وسطه الورق بيجري مش بيمشي ولو واسطه تقيله الورق بيطير هههههههههههههه وبالنسبه للمسدسات الصوت اللي ليه ضهر مايضربش على قفاه ههههههههههههههههه انتوا في مصر وبالنسبه لو حد هيعمل محضر لظابط مايعملهوش في القسم التابع ليهه الظابط علشان هيتنفخ في القسم هيطلع ع الوزاره ويقدم شكوى ويطلع على مدرية الامن ويقدم شكوى بس ياريت يكون معاه محامي هيعرف هو يتعامل بسهوله جدا والشكوى تكون بكذا حاجه يعني سب وقذف استخدام سلطه ونفوذ تقييد حرية المواطن الاستيلاء ع الموال الشخصيه بدون وجهه حق وممكن ضرب واهانة ومساومة على ترك محدث صوت لعدم كتابة محضر التهديد والترهيب في حالة عمل شكوى للظابط كده يعني هههههههههههههه وهيزعل جامد وربنا وهيلف حوالين نفسه والعيار اللي مايصبش يدوش

ههههههههههه... ملاك من السما .. ربنا يقدرك علي فعل الخير :)

[goda]

اعتقدنظر للظروف الحرجه التى تمر بها البلد يجب اتخاذ الطرق القانونيه مهما طالت فهي الانسب والاضمن لان حمل السلاح له معايير معينه وتشريع قانوني ويجب علينا الالتزام به . اما من ناحية محدث الصوت ايضا لايوجب استخدامه في الترويع او الترهيب وهذا ايضا مخالف للقانون . ارق تحياتي لكافة الاصدقاء الكرام

[hogan]

التصاريح شغاله الى اليوم \