سؤال يا جماعة

[ahmed21782]

انا عارف انه سؤال ممكن يزعل ناس كتير منى بيعشقوا السلاح بس بجد حاجة محيرانى
هوا ايه لازمة مسدسات الصوت دى؟
وهل يستاهل انه يندفع فيه المبالغ دى
حتى الذخيرة بتاعته
مجرد شئ بيعمل صوت يعنى لا المسدس منه جدوى ولا الزخيره بتاعته

[el7awi]

حب اقتناء لعشاق السلاح ﻻن اسعارها رخيصة بالنسبة للحي فممكن اقتناء اكتر من مسدس كمان في اﻻفراح اية يخليك مثلا تضرب بمسدس حي في فرح ؟ ذخيرتة غالية و في مخاطرة بالضرب بية في التجمعات فالبديل مسدس الصوت

[telefighter]

حب اقتناء لعشاق السلاح ﻻن اسعارها رخيصة بالنسبة للحي فممكن اقتناء اكتر من مسدس كمان في اﻻفراح اية يخليك مثلا تضرب بمسدس حي في فرح ؟ ذخيرتة غالية و في مخاطرة بالضرب بية في التجمعات فالبديل مسدس الصوت


100 لايك
اكبر تحية للاستاذ الحاوى الشامل باجابته
حمل السلاح مفخرة ومحبب لطوائف كثيرة من الرجال ..... وطبقا للقوانين المصرية و التى تنظم حمل السلاح بترخيص وتبيح حمل مسدسات الصوت القانونية بعيدا عن الاماكن العامة و السياحية
فبالتالى ممكن الواحد يشترى مسدس صوت تقليد للحى ليس له قبمة الا الرغبة فى حمل السلاح و الاعتزاز به والموضوع دا منتشر وعادى فى بلدان كثيرة عربية او حتى فى الولايات المتحدة وشكرا

[عاطف الشاذلى]

انا عارف انه سؤال ممكن يزعل ناس كتير منى بيعشقوا السلاح بس بجد حاجة محيرانى
هوا ايه لازمة مسدسات الصوت دى؟
وهل يستاهل انه يندفع فيه المبالغ دى
حتى الذخيرة بتاعته
مجرد شئ بيعمل صوت يعنى لا المسدس منه جدوى ولا الزخيره بتاعته

انا ممكن اقول لحضرتك ببساطة ايه لازمة مسدس الصوت
اولا : ليه الانسان بيشيل سلاح ؟
1 - للدفاع عن النفس من الخارجين عن القانون زى اللصوص والبلطجية وامثالهم وده ممكن يقوم بيه مسدس الصوت لان اللى هيعتدى عليك ما بيبقاش عارف انه صوت اذن هو بيأدى وظيفة الردع اللى بياديها المسدس الحى تمام .
2 - للمناسبات السعيدة والافراح وفى الحالة دى انت مش محتاج سلاح يطلع منه مقذوف قاتل عشان الهدف انك تحدث صوت فقط بهدف الابتهاج والفرحة وهنا بيكون مسدس الصوت أأمن كتيييييير من السلاح الحى وفيه حالات حصل فيها مصائب وقتل خطأ بسبب الضرب بالاسلحة الحية .
3 - لهواة الاقتناء يعنى انا مثلا عندى مسدسين وهما نسخ لاسلحة حية معروفة وهما تمنهم كحد اقصى 3000 جنيه وفى المقابل النسخ الحية منهم مش هيقل تمنهم عن 70 الى 80 الف جنيه وزخيرة تمنها خمس اضعاف الزخيرة المستتخدمة للصوت على اقل تقدير ، يعنى مثلا لو عايز تمتلك سلاح والميزانية على القد هتشوف ايه اقل نوع فى السعر الحلوان مثلا ودى انتاج محلى وتمنها دلوقتى فى المصنع الحربى حوالى 36 الف جنيه وعلى فكرة ممكن السلاح يفضل معاك سنة واتنين من غير ما تضرب بيه طلقة مانت خايف لانه سلاح ما بيهزرش لو حتى اللى قدامك حرامى ممكن تخاف تضرب عليه لحسن الطلقة تجيب اجله وتدخل سيادتك فى س و ج و ن ههههه
4 - ترخيص السلاح فى مصر استخراجه يعد حلم لناس كتييييير جدا وفى ناس حتى معانا فى المنتدى هنا بيسعوا فيه من سنة او اتنين وليه ضوابط ومعايير معينة يعنى مش اى حد بيتقدم لاستخراج ترخيص بيحصل عليه .
واخيرا اخى الكريم حمل السلاح لا يكون الغرض منه القتل وازهاق الروح بل الهدف الاساسى هو دفع الضرر اولا ومسدس الصوت بيقوم بذلك الى حد كبير ..
اتمنى اكون وضحت لحضرتك الاجابة عن سؤالك واسف للاطالة .....

[el7awi]

telefighter شكرا ليك و انا بتعلم من حضراتكم استاذ عاطف كلام حضرتك مظبوط اوي و شامل و ارجو ان نكون افادناك يا استاذ احمد و اهلا بحضرتك في المنتدي

[_SAIKO_]

اسباب كتيرررر و زي ما الناس بتحب الكورة اللي هي شوية هوا مضغوط جوة حته بلاستيك ولا قماش في ناس بتحب السلاح ف عادي ماتستغربش لما تروح تدفع تذكرة تمنها 50 جنيه ف 45 دقيقة او تفرتك 15 طلقة ف 3 او 4 دقايق .. كل شخص و ميولة عادي يعني و ماتنساش ان ناس كتير بتدرب علي المسدسات الصوت و بنادق ضغط الهوا و علموا اولادكم السباحة و الرماية و ركوب الخيل

[فكرى الفساخ]

حب اقتناء الرجال للأسلحة كحب اقتناء الذهب عند النساء

[ابومسلم2005]

ارجو التوضيح من الاستاذ عاطف عن جزئية الدفاع عن النفس هذه لانك شكلك كدا هتاومها فى دماغى

[عاطف الشاذلى]

ارجو التوضيح من الاستاذ عاطف عن جزئية الدفاع عن النفس هذه لانك شكلك كدا هتاومها فى دماغى

اخى ابو مسلم انا وضحت فعلا وجهة النظر فى مشاركتى وهى انو مثلا لو حاول يتعدى عليك شخص بغرض السرقة بالاكراه وطلعت انت مسدسك وضربت ناحيته طلقتين طبعا انت متخيل رد الفعل الطبيعى ان بدل ما انت اللى كنت هتجرى هتتبادلو الادوار وهتبدأ انت اللى تجرى وراه وهو يجرى منك هههههه . ببساطة

[ابومسلم2005]

تمام تمام ده بالنسبة للمميزات طيب ما هى الاحتياطات الازمة في حمله واستعماله

[عاطف الشاذلى]

تمام تمام ده بالنسبة للمميزات طيب ما هى الاحتياطات الازمة في حمله واستعماله

شوف يا ريس
1- ان المسدس يكون مقفول وطلقات صوت فقط
2- استخدامه يكون للضرورة او فى المناسبات السعيدة فقط
3- ما تضربش فى وش حد وان كان مقفول وطلقة صوت
4- يفضل حمل فاتورة الشراء

[ابومسلم2005]

شكرا على الرد استاذ عاطف