المساعد الشخصي الرقمي

مشاهدة النسخة كاملة : هوه التلسكوب ممنوع ؟؟

mohd_wafik
11-02-12, 12:11 AM
السلام عليييكم ...
هوه بجد زي ما سمعت ان التلسكوب في بنادق الرش ممنوع ولا لأ ؟؟؟
ربنا يستر بقى ....
rock
11-02-12, 01:21 AM
طبعا ممنوع .... قول ايه اللى مش ممنوع .... بعد ما الدنيا تهدأ يمكن ....( قول يارب ).... تحياتى .
Calm&Silent
11-02-12, 02:12 AM
ممنوع إزاي يا إخوانا؟ انتم بتتكلموا جد؟!
osama2011
11-02-12, 04:00 AM
اكيد التليسكوب ممنوع لامكانية تركيبة علي الاسلحة النارية وهو ممنوع بنص صريح في القانون
chemist ahmed fathy
11-02-12, 05:56 AM
السلام عليكم
بصى يا اخى العزيز مع احترامى لراى اخوانى فى المنتدى طبعا كلامهم صحيح مائه بالمائه بس انا عن نفسى مركبه على بندقيتى وحرام عليا لما حاجه ابقى محللها نفسى ومحرمها على غيرى حقلك اتوكل على الله واشتريه بس روح اصطاد فى منطقه هادئه بعيده عن الناس وعن اى منطقه حكوميه او شرطه او جيش .
sayed allaa
11-02-12, 09:47 AM
بصو يا جماعة عشان محدش يتحير
فيه ناس بتقول انو عادي على بندقية رش
و ممنوع تركيبه على الاسلحة النارية
طب ازاي
طب القانون بيقول ايه
ممنوع حيازته اساسا و اللي بيتمسك بيه بيتعملو قضية امن دولة
يبقى التيليسكوب ممنوع عموما سواء على بندقية رش او نارية
عشان ده ممنوع حيازته اساسا حتى لو شايله و مش مركبه على حاجة
mohd_wafik
11-02-12, 11:22 AM
فعلا انا سألت واحد صديقي وكيل نيابه و قالي يا محمد ده ممنوع بجد ومينفعش حيازته ابداا ......
rock
11-02-12, 12:31 PM
السلام عليكم ... بصراحه يا جماعه انا نشنجى ومبضربش بتليسكوب ولكن كان فيه رحله كل الاخوه فيها هيضربوا بالتليسكوب ... قمت مركب التليسكوب بتاعى... وأحد اصدقائى المقربين ربنا يكرمه ساعدنى فى ضبطه ... وضربت بيه طول الرحله على بندقيتى المارفيك نمره واحد ... واحنا بنصطاد عدى فى احدى المناطق النائيه عدى علينا بوكس ووقف ... ولما نزل الظابط مسك بندقيه ديانا من اللى موجود ديانا52 وضرب بيها وقالنا خلوا بالكم لحسن تيجى فى حد !!!!!!!!!
ومشى وحتى مكنش مكشر لأ ... دا كان مبتسم وبيضحك معانا ... بس ده مش مثال .. انا قلت احكى الحكايه دى لان مش كلهم بيهزروا ... وفى نفس الوقت ممكن ظابط يشوف ان البندقيه رش زى ما حصل معانا ويلاقى ان الموضوع مايستهيلش همه .... تحياتى .
doos99
11-02-12, 12:56 PM
التلسكوبات ممنوعه فى مصر عموما ان كانت تركب على بندقيه رش او غيرها فشرائها و حيازتها يعاقب عليها القانون
بدر
11-02-12, 01:34 PM
الاخوة الافاضل
طيب لو حد من الاخوة الافاضل يوضح اية الفكرة من منع التليسكوبات يعنى عايزين نفهم للعلم بالشئ
وعلى كدة يبقى المنظار العادى ممنوع . تحياتى
mohd_wafik
11-02-12, 01:39 PM
ايييه ده انا في نقطه مكنتش اخد بالي منها ايييه الفرق بين المنظار العادي و التلسكوب؟؟
بدر
11-02-12, 01:41 PM
ايييه ده انا في نقطه مكنتش اخد بالي منها ايييه الفرق بين المنظار العادي و التلسكوب؟؟

الاخ الكريم
الناس فى المنتدى سواء منظار او تليسكوب قصدهم على المنظار الذى يثبت فوق البندقية
chemist ahmed fathy
11-02-12, 01:46 PM
السلام عليكم
المنظار العادى ده يستخدم للتقريب فقط ولا يوضع على بندقيه زى الى بتشوفه مثلا فى برج القاهره لرؤيه الاشياء من بعد اما منظار التليسكوب فده معمول بتقنيه معينه بحيث لما تقرب الجسم ويكبر فى العدسه يكون موضعه فعلا على الكروس مضبوط بعكس المنظار العادى لو تخيلنا ووضعنا فيه كروس ووضعناه على البندقيه فمش حيتظبط على الهدف غير ان كمان المنظار العادى ممكن يستخدم فى غرض تانى اكبر وهو انه ممكن يحدد المسافه بينك وبين اى جسم عن طريق قانون رياضى العسكريين من الاسلحه المقاتله فى الجيش يعرفوه جيدا .
بدر
11-02-12, 01:49 PM
السلام عليكم
المنظار العادى ده يستخدم للتقريب فقط ولا يوضع على بندقيه زى الى بتشوفه مثلا فى برج القاهره لرؤيه الاشياء من بعد اما منظار التليسكوب فده معمول بتقنيه معينه بحيث لما تقرب الجسم ويكبر فى العدسه يكون موضعه فعلا على الكروس مضبوط بعكس المنظار العادى لو تخيلنا ووضعنا فيه كروس ووضعناه على البندقيه فمش حيتظبط على الهدف غير ان كمان المنظار العادى ممكن يستخدم فى غرض تانى اكبر وهو انه ممكن يحدد المسافه بينك وبين اى جسم عن طريق قانون رياضى العسكريين من الاسلحه المقاتله فى الجيش يعرفوه جيدا .

اللة ينور يا دكتور
طيب اية الفكرة فى منعة من الاستخدام
mohd_wafik
11-02-12, 01:55 PM
متشكر لردودكم يا جماعه ... ونوصل للنقطه دي بردو ممنوع ليييييه .؟
بدر
11-02-12, 02:02 PM
متشكر لردودكم يا جماعه ... ونوصل للنقطه دي بردو ممنوع ليييييه .؟

الاخ الفاضل
انا بقى من وجهة نظري ان ممكن يكون سبب أمنى لعدم اقتناص اى شخصية هاااااااااااااااااااامة وركز قوى على كلمة هااااااااااااااااااااااااااااامة من على أحد اسطح العمارات اثناء مرورة فى الشارع
mohd_wafik
11-02-12, 02:14 PM
عندك حق يا استاذ بدر .....
rock
11-02-12, 02:20 PM
دا كلام صحيح .... وعشان حالة الطوارئ اللى هى اساسا معموله لمكافحة الارهاب .... وهتستغربوا اكتر ان النظاره الميدانيه ممنوعه ....اللى هيا النظاره المعظمه .... وانا كان ليا موقف وواحد صحبى قعد 3 ايام فى امن الدوله لان كان معاه واحد ه بس كان مموه وانا مش شايف فرق بينهم .... تحياتى .
sayed allaa
11-02-12, 02:31 PM
اه فعلا هوة ممنوع عشان امكانية تركيبه على سلاح ناري
و استخدامه للاغتيالات
بس يا جماعة و الله التليسكوب ده ممل جدا
و معظم اللي بيركبه بيشيله تاني بعد فترة
و بيبقى متعب في ظبته اوي
و مشاكله كتير قانونية و غير قانونية
و الضرب بالنيشان ممتع اكتر بكتير
بدر
11-02-12, 02:52 PM
اه فعلا هوة ممنوع عشان امكانية تركيبه على سلاح ناري
و استخدامه للاغتيالات
بس يا جماعة و الله التليسكوب ده ممل جدا
و معظم اللي بيركبه بيشيله تاني بعد فترة
و بيبقى متعب في ظبته اوي
و مشاكله كتير قانونية و غير قانونية
و الضرب بالنيشان ممتع اكتر بكتير

عندك حق من حيث انة متعب فى ضبطة أوى وأسألنى انا مش عارف اضبطة بس شكلة حلو على البندقية
professional sniper
11-02-12, 03:43 PM
لوساد الحب والامان فى البلاد ممكن يسمحوا باقتناء التليسكوبات
والله الموفق
محمد يونس
11-02-12, 05:16 PM
والله يا جماعة انا عن نفسى عندى تليسكوب على البندقيه الجامو بتاعتى والصيد بيه متعة وتحس انك فى مغامرة بجد وكمان منظره جميل جدا على البندقيه لدرجة انى لما كنت بنزل اصطاد بيه كان فى ناس بيسالونى هى البندقيه دى حقيقية؟ يعنى بتموت؟ وطبعا كنت بطمنهم واقولهم انها لصيد اليمام والعصافير .
وبعدين فى كل دول العالم بما فيها الدول العربيه المنظار مش ممنوع نهائيا بل انه بيتباع فى المحلات عادى جدا وفى واحد مره خبير فى الصيد قاللى ان المنظار بتاع البنادق الهوائية عامة ما ينفعش يتركب على بنادق ناريه لان الاخيرة دى بيكون رد فعلها والفيبريشن قوى جدا لدرجة انه ممكن زجاج المنظار يتكسر منه .
وانا بتمنى اننا نبقى زى دول العالم كلها ونعيش بحريه شويه عن كده ويفتحوا استيراد البنادق والخراطيش علشان احنا بصراحة اتخنقنا البندقيه الديانا مثلا بتتباع فى مصر ب6500 يعنى 7000 جنيه بالمنظار وهى نفس البندقيه بتتباع فى السعوديه ب 1400 ريال ده يرضى ربنا .
واتمنى من كل قلبى ان يولى الله من يصلح
والله ولى التوفيق .................
صائد البوم
11-02-12, 05:45 PM
اميييييييين
Calm&Silent
11-02-20, 11:00 AM
شكرا لتوضيحاتكم يا جماعة. أنا استفدت جدا وعرفت إن كل حاجة تقريبا ممنوعة قانونا واللي مش ممنوع الناس تفتكره ممنوع وتعملك زيطة في الشارع لغاية ما تقنعهم وتطمنهم. ربنا يستر على الجميع. تحياتي
كريم الشامي
11-02-20, 11:13 AM
من أقوال الزعماء اياهم ( انتا من حقك تختار الطريقة اللي تريحك في تنفيذ ما امرتك به :) )
dr.ahmed shahin
11-02-20, 12:18 PM
والله انت يا محمد بتقول كلام زى الفل تسلم يا كبير
هو نوع الاسكوب اللى مركبه ايه ؟
محمد يونس
11-02-20, 05:12 PM
شكرا يا دكتور احمد وانت اللى زى الفل والمنظار نوعه جامو 4_32 وبصراحة منظار ممتاز جدا وحضرتك ممكن تشوفه لانى عامل موضوع جديد فى قسم صور وفيديو رحلات الصيد وشكرا ليك.
والله ولى التوفيق .................