الموضوع مجهود شخصي اذا تم النقل يتم كتابه المصدر

http://img376.imageshack.us/img376/4431/scan0804210022hq4.jpg

دي صوره كلب من كلاب الصيد موجود عند صميده بيدربه بالنسبه لصميده ده صديقي طبعا الكلب وهو بيصيد الارنبه شيء خيال وان شاء الله هصوره فديوا وارفعه علي الموقع

http://img234.imageshack.us/img234/5477/scan0804210025qj2.jpg


http://img363.imageshack.us/img363/9454/scan0804210024mv2.jpg


ده كلب من ضمن الكلاب الي موجوده عنده برضوا


http://img76.imageshack.us/img76/5274/scan0804210026kh3.jpg


للاستفسار عن اي معلومه خاصه بتربيه كلب الصيد او شراءه او رعايته يتم الاتصال بالاداره
وده الرابط ]
وان شاء الله اقدر افيد الاعضاء

هو الكلب ده بيصتاد ايه بالظبط


هو انا مش بفهم فيهم خااالص

بس شغاااااال

الكلب بيصيد الارانب بيطاردها وينقض عليها يمسكها من ظهرها ويقطمها لحد متيجي تزكي الارنبه وكمان ليه طريقه تانيه في الصيد هيا احضار الافريسه التي قمت بضربها وبيستعمل اكتر في صيد البط
كمان النوع ده الوحيد الي بيقوم بالمطارده لان جسمه بيسعده عن بقيت الكلاب وطبعا انا مصور ه في عده اشكال مختلفه عشان خاطر تلاحظ جسمه كاملتا
يا رب اكون قدرت افيدك

ده الموضوع كبير بقي

انا شايف اننا لسه بعييييييد اوي

عن المواضيع دي

يا رب ابقي صياد جامد زيكو

ومشكووووور يا باشا

ده الموضوع كبير بقي

ا
الموضوع غيه والي بيحب حاجه بيتابع كل انواعها وانت لو بتحب الصيد هتابع وتعرف كل انواعه
من غير متستغرب اي حاجه وان شاء الله تكون خبير يا عم وتفدنا

تربية الكلاب . محتاجة وقت و مجهود و رعاية طبية .... ومن الآخر .. مقرفة . من ناحية نظافتها كمان

بالعكس يا باشا التربيه مش مقرفه ولا حاجه وبمجرد متشوف كلبك ماسك ارنبه او بيمسك في غزاله سعتها هتعرف ان الكلاب دي حاجه وهميه

إيه الفرق بين كلاب الصيد و كلاب زي ال بولدوج والبوليسي ؟؟

ودمتم

السلام عليكم اولا الكلب المعروضة صورتة مش اصيل 100% وثانيا الكلب السلق مخصص لصيد البر فقط وليس برى وبحرى يعنى مش ينفع يجيب البط فى انواع تانية من الاكلاب لها تخصص المياة والسلق عل حسب التدريب والتعليم انا عندى سلق صاد الغزال والارنب حى باصابات خفيفة جداومتدرب على عدم القزارة فى السيارة والصيد فى الليل على نور السيارة او الكشافات بس العناية الطبية ومواعيد جرعات التحصين تزهق شويةوالحفاظ عليها من البرد وانا لما قلت ان الكلب مش اصيل 100% حبيت اوصح وجهة نظر بس وتحياتى

لا يا باشا الكلب ده كلب اصيل جدا جاي من قطر وعلي فكره الكلب ده ليه تاريخ في الصيد واول مره مع احترامي ليك اشوف واحد يحكم علي كلب من خلال صوره ليه
وده كلبي علي فكره الكلب ده وولف شوف وقول رايك

http://img150.imageshack.us/img150/3162/24022007005ft3.jpg

يا رب يعجبك يا باشا اه علي فكره انا عندي كلاب من 10 سنين
وبفهم فيهم حلو لو احتجت حاجه

الكلب الي في آخر صورة شكله ماشاء الله جميل و قوي ..

سبحان الخالق

ده كلبي ميغلاش عليك والله بس انا هقلق والله الكلب كده وصحته تعبانه واحد عرض عليا 10000 ومرضتش ابيعه

الله أكبر ..

10000 جنيه ..

ركز يا عاصم لا تكون مزود صفر ولا دوست على رز غلط ...

كلب ب 10000 جنيه .. ولا تقصد 1000 جنيه .؟!

لا يا باشا والله 10000 جنيه اصله سلاله عريقه جدا

ماشاء الله

هي سلالة اسمها ايه؟

السلام عليكم ان شاء الله يومين اوثلاثة وانزلك صورة السلوقى الاصلى اللى عندى ولو زى ما قلت انة الكلب جاى من قطر قلى هو من عن مين فى قطر لانى انا اعرف جميع المهتمين بالكلاب السلوقى فى قطر تقريباوبعد معرف المصدر احكم لك علية بنسبة100% وتحياتى

باشا ...

أنا متشوق أعرف إسم السلالة الي سعرها 10000 جنيه ..

يا ريت ما تطولش عليها ..يا ريس

منا كتبت يا باشا وولف بيور جايبه وعمره 3 شهور كان ب3000 جنيه من المانيا

بس خلاص راحت الايام دي الله يرحم ابويا

تمام يا باشا بازن الله اروحله اجبلك كل الي انت تتمناه والمعلومات كلها عن الكلب ده اه وعلي فكره هوه عنده كلا ب سلوقي كتير مش كلب واحد ولا اتنين لو تحب اديك رقمه تتعرف انت منه علي كل حاجه

ربنا يخيهولك يا عاصم ..

.. بس للأسف .. عندي معارضين تربية أي حاجة في البيت ..!

يا باشا كلابي هما كلابك وقت متحتجهم اعتبرهم تحت امرك

الف شكر يا عاصم

إن شاء الله لما آجي الزقازيق اشوفهم

ان شاء الله تنور

ياعم يا اللى من الزقازيق عبرنى الله يخليك انا جنبك من منيا القمح جيران يعنى انا كنت سئلتك على حاجات فى موضوع تانى بس تقريبا انت ما اخدتش بالك بسس ما علينا الله يخليك تدينى الايميل بتاعك لو ماكنش دة يضايقك يعنى

اية دة انا ماشوفتش الايميل انا اسف والله ما اخدتش بالى على العموم خلاص انا هاضيفك وهكلمك ان شاء الله

باين عليك يا استاذ عصام حريف صيد وليك فى جميع انواع الصيد البرى

اتمنى مع مضى الايام ان اكون نص خبرتك والى الاماممممممممممممممممممممممممممممم

معلش اتلغبط فى الاسم والتعب على النظر

انجس حاجة فى الدنيا تربية الكلاب ودة رائيى دة كفاية شكل بئو

ياريت تقلي صميده من اي بلد او تعرفني عليه ده اكيد يقربلي

انجس حاجة فى الدنيا تربية الكلاب ودة رائيى دة كفاية شكل بئو

علي فكرة ياأخ لايجوز أن نعيب في شكل مخلوق خلقة الله ولكن قد يكون تربية الكلاب ضروري للأمن وكذلك الصيد
ونحن نعلم أن الكلب يمنع من دخول الملائكة إذا كان في المنزل أما إذا كان في مكان منفصل أو حديقة للأهداف الذي زكرتها فهو حلال.
ولاننسي قول رسولنا الكريم في الحديث فيما معناه أن :(أمرأه بغي دخلت الجنة في كلب سقتة شربة ماء من شده العطش).
وجزاكم الله خيرا , أنا عارف أنة موضوع قديم بس كان لازم أرد علشان أي عضو جديد شيوفة يعرف الصح.

انجس حاجة فى الدنيا تربية الكلاب ودة رائيى دة كفاية شكل بئو

اللي ميعجبوش الموضوع ميتكلمش

سلاله ايه اللى تخلى كلب 10000 جنيه ليه سلاله الملك فاروق مكنش بقا بالثمن ده