اختفاء الاسماك

[mr-ashraf]

حاجه غريبه علي الرغم من ان النيل ناقص البومين دول لكن لا يوجد اكل سوي من سمك الكركور او ابو رياله وبعض من سمك البياض الصغير واختفي البلطي والفرموط والانوم فين وفين لما بياكل مع ان هذا الوقت افضل الاوفات في الصبد

[ابو مروان]

والله عندك حق ما فيش الا الكركور بس اللى بياكل وانا باصتاد علىلا مية ديقة يعنى 20 متر وما فيش اى ضرب او تعليم من الحاجات التقيلة ...فتل بياض والكركور والبلطى نادر حتة او اتنين بالكتير مع ان الادوار مجمعة سمك والغريب انة لسة معوم لحد دلوقتى اية السر الله اعلم

[mr-ashraf]

انا اعتقد ممكن يكون السبب برودة الجو او عدم استقرار في منسوب المياه

[وليد سالم]

انا كنت في منطقة المنيل يوم الخميس الماضي وكنت هناك علي الساعه 6 مساء جربت كل حاجة
تطعيم بالدود
تطعيم بالغلة
تطعيم بمكعبات اللانشون

ومفيش غير كركورين بالعدد طولت الوش لحد ما خليته اكتر من 3 متر وقصرت وعملت كل الحيل ومفيش فايده بس اللي اعرفة انهم كانوا قافلين بوابات القناطر يومها وكانت الميه للسبب ده عالية شوية بس بردو من نفس المكان كان واحد صاحبي بيصطاد الصبح وكان شغال معاه بلطي كفافي كويس بس بيغيب شوية
اعتقد ان الجو لو برد بليل السمك مش بياكل وبيكون في مرحلة خمول لكن الصبح بينشط عشان بيكون جاع طول فترة الليل وبيبتدي ياكل بعكس الصيف الصبح بيستخبي من الحر وبليل بياكل

[Mohamed Salman]

بص ياباشا هو عامتآ من بعد الثورة مابقيتش هيئة الثروة السمكية بترمي الزريعة فى النيل وبالفعل السمك قل جامد جدآ ودي فعلا مشكلة
تحياتي للجميع