المساعد الشخصي الرقمي

مشاهدة النسخة كاملة : البندقية بتشخلل من الداخل وشغالة.. ايه العمل

هيثم حرب
14-10-27, 02:51 PM
مساء الخيرات علي الاعضاء الكرام
معي بندقية سيلفر فالكون، وهي بشكل عام جيدة وقوية.. بس من فترة لقيتها بتشخلل من الداخل ورحت بها لورشة اسلحة في شارع المحطة بالجيزة، ووجدت شاب هناك سالته لكنه قال بلاش نفتحها واشياء من هذا القبيل.
طبعا انا مقتنعتش بكلامه وضربت بها في اكتر من طلعة صيد وشغالة الحمد لله بنفس الكفاءة والاداء بس صوت الشخللة يقلق.. افيدوني ايها الخبراء الافاضل افادكم الله.
big man
14-10-27, 03:19 PM
عادي مجرد دراع تعمير بيشخلل مع نفسة متقلقش خالص وربط على المسامير كويس
هيثم حرب
14-10-27, 09:03 PM
يا باشا ألف شكر على الاهتمام والرد.. ربنا يطمنك على أسلحتك زي ما طمنتني
fadeel79
14-10-27, 09:48 PM
السلام عليكم ، بص بقا قولى فى الاول صوت الشخلله ده عند التعمير ؟

الخطوة التانية بعد لما تجاوب الاول
هيثم حرب
14-10-27, 10:10 PM
عليكم السلام
لا يا أستاذ محمد، ملوش علاقة بالتعمير، يعني لما أرفعها أو احنيها لتحت يظهر الصوت، كأن فيه حاجة سايبها فيها من الداخل.. احيانا يظهر الصوت وأحيانا لا.. يعني ساعة يروح وساعة ييجي
شكرا جدا للاهتمام
هيثم حرب
14-10-27, 11:02 PM
السلام عليكم ، بص بقا قولى فى الاول صوت الشخلله ده عند التعمير ؟

الخطوة التانية بعد لما تجاوب الاول

يا باشا اين انت؟
fadeel79
14-10-28, 12:10 AM
السلام عليكم ، انا مكنتش متخيل انك هترد بسرعة .

طيب يبقى كده انت خلعت من موضوع ان السوستة او اى جزء من المكونات الداخلية يكون فيه كسر ، معلش استحملنى شوية هى البندقية كسر ولا عتله ؟ لأإنها لو كسر يبقى اكيد دراع التعمير ( بيتلخلخ ) فى مكانه وده مع الاستعمال طبعا هيخليه يخرج من مكانه وانا الموضوع ده حصل معايا فى الرمسيس والسنغهاى القديمة انما بقا لو عتلة يبقى تقريبا الصوت جاى من المكان الى بتبيت فيه العتلة واسع حبتين .

شوف وقولى وخلى بالك مينفعش تضرب ببندقية وانت مش متأكد منها ميه فى الميه
هيثم حرب
14-10-28, 12:47 PM
شكرا يا استاذ محمد عالرد
هي عتلة سفلية، وصوت الشخللة احيانا بسمعه واحيانا لا، كان فيها حاجة مش ثابتة من جوة
وممكن تقولي علي ورشة كويسة اروح لها بدل ما اتعامل انا من نفسي
fadeel79
14-10-28, 09:27 PM
السلام عليكم ، بص يا باشا انا شخصيا بتعامل مع محمود شلبى فى محطة مارى جرجس وبرتاح فى التعامل معاه جدا وهو بالفعل شخصية محترمة بالاضافة لكونه صياد قديم بس للأسف نمرة تليفونة ضايعه منى هتصرف وهديهالك على الخاص بإذن الله .

اعتذار واجب على التأخير فى الرد
هيثم حرب
14-10-28, 11:34 PM
يا فندم انت كده عداك العيب وأزح.. تمام جدا هاشوف مكانه إن شاء الله وأوصل له.. وشكرا للمرة التالتة على الاستجابة والاهتمام