شرخ في بيت النار [الأرشيف]

المساعد الشخصي الرقمي

مشاهدة النسخة كاملة : شرخ في بيت النار

abdelal mohamed

14-09-15, 12:16 AM

وانا بنصف المسدس لقيت شرخ صغير في بيت النار ومش عارف اعمل ايه ..... برجاء المساعدة في حل المشكلة

محمدتيجر

14-09-15, 01:04 AM

ممكن ياباشا تعملة بلحام حديد موقتا

مورو

14-09-16, 02:24 AM

ان شاء الله حد من الخبراء يفيدك

_SAIKO_

14-09-16, 02:49 PM

المشكلة يا بولا ان اي حاجة ف بيت النار او الماسورة بتبقي حل صعب شوية عن اي عطل او شرح ف المسدس لان بيت النار او الماسورة من اكتر الاماكن حساسية ف المسدس و اخطرها و اي مشكلة فيهم حتي لو صغيرة بتبقي مقلقة بصراحة لان التعامل فيهم بيكون ب ضغط عالي و حرارة عالية .

بالنسبة للشرخ اللي عندك .. الشرخ ف بيت النار و علي ما اعتقد الشرخ ده حصل ب فعل الحرارة العالية و قوة الانفجار للطلقة و الفايبريشن اللي بيحصل للمسدس مصحوبا ب رد الفعل .

الميزة اللي عندك ان الشرخ طولي و مش عرضي يعني عرض الشرخ قليل نوعا مقارنه ب الطول ف الحل عندك كاالاتي

اللحام فكرة و ان كانت مش مجدية اوي او مثلا صعبة لكن فكرة و بالنسبة للحام ف هتلحم فوق الشرخ من الداخل و الخارج و بعد اللحام هتجيب مبرد و يفضل مبرد ديل فار و تبرد الزيادات ف اللحام من الداخل بحيث تخلي اللحام جسم بيت النار من الدخل متساوي كأن مفيش شرخ و من الخارج هتبرد برده لكن مش ب مبرد ديل فار ..هتبرد ب مبرد عادي و تبرد بحيث تخلي اللحام متساوي مع جسم بيت النار من الخارج عشان مايبقاش في اي زيادة .

في حل اخر و علمي لكن صعب جدا لان الشرخ عندك صغير و دة بيطبق ف الشروخ الكبيرة .. الحل ده عبارة عن انك بتجيي عند اول الكراك او اول الشرخ و بيكون اسمه crack neck و تروح عامل ثقب صغير و كذلك عند اخر الكراك و الثقب ده فايدتة ان بيمنع الكراك انه يزيد و بيوقفة لحد كدة لكن اللحام بيسد الفراغ الموجود نتيجة الكراك - الشرخ - لكن مش بيوقفة

الحل الثالث و للاسف ان المسدس هيفضل كده و لا يفضل انك تضرب بيه او تبيعة قطع غيار

اتمني اني اكون افدتك يا بولا ولو حد من الخبراء عندة راي او تعديل علي كلامي يتفضل عشان نستفيد كلنا

تقبل مروري يا بولا و الف سلامة عالمسدس

abdelal mohamed

14-09-16, 10:54 PM

شكرا علي مروركم وفي انتظار آراء اخري

abdelal mohamed

14-12-17, 02:35 PM

؟؟؟؟؟؟؟؟؟؟؟؟؟

أبو علي

14-12-17, 05:01 PM

خليه عندك قطع غيار و هات واحد جديد ..او بيعه قطع غيار ..موضوع اللحام غالبا مش مجدي خصوصا لو بتضرب كتير .. و رجاء متضربش بيه و هو كده تجنبا لاي مفاجات غير سارة عافاك الله ..
و انتظر اكثر افادة من الزملاء الاكثر خبرة
تحياتي

abdelal mohamed

14-12-20, 11:26 PM