منين أشتري ماكينة صيد [الأرشيف]

مشاهدة النسخة كاملة : منين أشتري ماكينة صيد

محمد الخياط الديب

14-08-24, 12:05 PM

[السلام عليكم إخواني الأعزاء
أنا من المنصورة وعاوز أشتري ماكينة صيد بكل مشتملاتها مع العلم بأنني لسه أببض في مسألة الصيد بس حابب الموضوع جدا فياريت تدلوني أجيب منين ماكينة كويسة ومش مهم السعر
وجزاكم الله خيرا

وليد سالم

14-08-24, 12:23 PM

دمياط قريبه منك

محمد الخياط الديب

14-08-24, 12:38 PM

أيوا أنا ساكن أصلا في دمياط الجديدة ياأستاذنا المحترم جزاك الله خيرا

وليد سالم

14-08-24, 12:50 PM

لو كانت دمياط قريبه منك عشان تروح تشتري من هناك دي بعض عناوين الاماكن هناك لبيع معدات الصيد

1) ياسر عُمر عند منزل كوبري دمياط العلوي من ناحية دمياط
2 ) محمد عُمر عند كوبري دمياط المعدنى الجديد في منطقة العطارين
3 ) الحاج طه الخولي في أرض مريم لأدوات الصيد فقط
4 ) الحاج حُسن في مدينة عزبة البرج دمياط بجوار مصنع أدفينا لمعدات الصيد فقط
5 ) محل حسن لبيع معدات الصيد وطعم السمك بجوار سوق السمك الكبير باب الحرس
6)عندك برده محل في عزبة اللحم امام مدرسة الجمرك مباشرة

كل ما عليك انك لما تروح لمحل من دول قولة انا عايز عدة صيد سمك نيلي لمبتديئ وحاجة تكون متوسطه بما يرضي الله

لو عايز حاجه محترمة

هات عود اريال عادي مش صب اسمة ( سوبر ستار الامين ) الطول يستحب يكون فوق ال 4 متر يعني لو 5 او 5.30 يكون افضل والعود ده هتلاقي منه لونين ابيض واصفر العود في حدود 120 جنية

والماكينه حجم صغير hl 3005 هي صيني بس خامه محملة وتمام في حدود 50 او 55 جنية

بكر الخيط 35 او 40 للماكينه و 25 او 30 لترميل السن والوش وافضلهم بكر الايجوانا البولندي هتلاقيها في حدود 14 جنية البكره

تقال الرصاص علي شكل بلي صغير الحجم في ناس بتسمية سبحة نص الكيلو ب 18 جنية تقريبا

الغماز كلما كان صغير وخفيف بيكون افضل وده في حدود 1.50 جنية ونص الواحد

صوابع الفسفور للصيد الليلي لرؤية الغماز بوضوح هات نوع صن لايت الامين وده ب 2.50 الكيس الواحد فيه قطعتين

واخيرا السن بردو ماركة الامين ومقاس 7 و 8 افضل المقاسات المتداولة العلبة 100 سن تقريبا ب 11 جنيه

وبالتوفيق بعون الله

وليد سالم

14-08-24, 12:57 PM

ملحوظة هامه .. جدا جدا جدا

يستحب دائما ان تكون معدات الصيد المكونة من العود والماكينه مع بعض يكونوا ذو وزن خفيف وليس ثقيلا عشان انت اطول وقت هتكون شايلها ورافعها علي ايدك ولا يفضل الاحجام الكبيره مثل البانيكس الا في حالة استخدامها بنظام صيد الحداف بدون استخدام الغماز يعني ثقل وسن وخيط فقط بدون غماز اما لصيد البلطي والانواع الصغيره والمتوسطة الاخري يفضل استخدام معدات صيد صغيره وخفيفه عشان ما تشعرش بالارهاق والملل

محمد الخياط الديب

14-08-24, 01:52 PM

خالص شكري وتقديري أستاذنا الكريم على ذوقك وكرم أخلاقك
رغم إني الصراحة مش فاهم أيتها حاجة من اللى قولته دا :sal: بس هعمل زي ما انت بتقول هروح المحل وأقوله عاوز ماكينة محترمة و ممكن أكتب الكلام دا في ورقة :sante: وأروح بيها وربنا يسهل ويكون إنسان محترم وميضحكش عليا ف حاجة
ألف شكر ليك ياأستاذ

وليد سالم

14-08-24, 02:32 PM

مهو عشان كده انا اديتك اسعار تقريبيه لكل حاجة ولو في اي فرق في السعر هيكون بسيط جدا مايتعداش جنيه او اتنين حسب التاجر

مكن تكتب الاصناف اللي انا كتبتهالك في ورقة وتجيبها وتخلية يركبهالك عنده في المحل وتكون العده كلها جاهزه للصيد تمام وبالتوفيق بعون الله

محمد الخياط الديب

14-08-24, 02:58 PM

وليد سالم

14-08-24, 03:30 PM

هو ان شاء الله مفيش أي مشكلة في السعر عندي كل اللى يهمنى زي أي حد مبتدئ إنه يلاقي حاجة كويسة تستحمل العجن المبدأي اللى بيعجنه علما يتعلم وكدا ومادمت حضرتك شايف إن المواصفات دي كويسة للى زيي خلاص هتوكل على الله وأروح أجيبها ويارب يجعلها مبروكة عالنيل
تسلم ياريس على النصيحة مانتحرمش منك

نوع العود اللي انا وصفتهولك نوعه متين وحلو عشان يستحمل الشد والجزب مع الصيد وميكسرش بسهولة لكن المكنة نوع متوسط مش عالي اوي لان صيد النيل مش محتاج حاجات غالية زي الصيد البحري
وعلي فكره كل حاجة ليها عمر يعني ممكن تشتري عدة صيد ب مبلغ عالي ومتستحملش معاك كام طلعه وممكن تكون شاري عدة صيني بس نوع نضيف وتلاقيها معاك مستمره لمده جرب الاول وبعدين لو الموضوع استهواك نوع وجدد باعلي واغلي

وليد سالم

14-08-24, 03:44 PM

وده فيديو توضيحي لجميع اجزاء السنارة وطريقة تجهيزها وتجميعها لكل قطعه علي حده ارجوا ان يكون مفيد ليك

https://www.youtube.com/watch?v=m3KY5oNty7Q

وليد سالم

14-08-24, 04:58 PM

محمد الخياط الديب

14-08-25, 02:03 PM

مش المهم الماكينة هتبقي كويسة معايا لفترة كافية علما أتعلم وكدا ؟ إذا كان الموضوع كدا خلاص نتوكل على الله ونجرب
ألف شكر لحضرتك ياريس

وليد سالم

14-08-25, 02:54 PM

مش المهم الماكينة هتبقي كويسة معايا لفترة كافية علما أتعلم وكدا ؟ إذا كان الموضوع كدا خلاص نتوكل على الله ونجرب
ألف شكر لحضرتك ياريس

بالتوفيق بعون الله استاذ محمد